ಹೈಲೈಟ್ಸ್‌:
- ನಗರದಲ್ಲಿ ಎರಡು ಲಕ್ಷಕ್ಕೂ ಹೆಚ್ಚಿನ ಮಂದಿಗೆ ಮನೆಯಲ್ಲೇ ಚಿಕಿತ್ಸೆ
- ಮನೆಯಲ್ಲಿಉತ್ಪತ್ತಿಯಾಗುವ ವೈದ್ಯಕೀಯ ತ್ಯಾಜ್ಯ ವಿಲೇವಾರಿಗೆ ವ್ಯವಸ್ಥೆ ಇಲ್ಲ
- ಸೋಂಕಿತರ ಆರೈಕೆ ಮಾಡುವವರಿಂದಲೂ ತ್ಯಾಜ್ಯ ಉತ್ಪತ್ತಿ
ಮೊದಲ ಎರಡು ಅಲೆಗಿಂತ ಮೂರನೇ ಅಲೆಯಲ್ಲಿ ಹೆಚ್ಚಿನ ಸೋಂಕಿತರು ಮನೆಯಲ್ಲಿ ಐಸೋಲೇಟ್‌ ಆಗುವ ಮೂಲಕ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಇದರಿಂದ ಬೆಂಗಳೂರಿನ ಹಲವು ಮನೆಗಳಲ್ಲಿ ಹೆಚ್ಚಿನ ಕೋವಿಡ್‌ ತ್ಯಾಜ್ಯ ಉತ್ಪತ್ತಿಯಾಗುತ್ತಿದೆ. ಕೇವಲ ಸೋಂಕಿತರಿಂದ ಮಾತ್ರವಲ್ಲದೆ ಸೋಂಕಿತರ ಆರೈಕೆ ಮಾಡುವವರಿಂದಲೂ ದೊಡ್ಡ ಪ್ರಮಾಣದಲ್ಲಿತ್ಯಾಜ್ಯ ಉತ್ಪತ್ತಿಯಾಗುತ್ತಿದೆ. ಹೆಚ್ಚಿನವರು ಇದನ್ನು ಬೇರ್ಪಡಿಸದೇ ನೇರವಾಗಿ ಪ್ರತಿನಿತ್ಯ ಬರುವ ಬಿಬಿಎಂಪಿ ಪೌರ ಕಾರ್ಮಿಕರಿಗೆ ನೀಡಿದರೆ, ಕೆಲವರು ಕಸದ ತೊಟ್ಟಿಗಳಲ್ಲಿಎಲ್ಲೆಂದರಲ್ಲಿ ಬಿಸಾಡುತ್ತಾರೆ. ನಾಯಿ, ಬೆಕ್ಕು, ಹಸುಗಳಿಗೂ ಇವು ಅಪಾಯವನ್ನು ತಂದೊಡುತ್ತಿವೆ. ಇದರಿಂದ ನಗರದಲ್ಲಿಕೋವಿಡ್‌ ಸೋಂಕು ಇನ್ನಷ್ಟು ಉಲ್ಬಣವಾಗುತ್ತಿದೆ.
ತಾಂತ್ರಿಕ ಸಲಹಾ ಸಮಿತಿ ಒಪ್ಪಿಗೆ ನೀಡಿದ್ರೆ ಮಹಾನಗರಗಳಲ್ಲೂ ಶಾಲೆ ಓಪನ್‌: ಬಿಸಿ ನಾಗೇಶ್‌
ಯಾವುದು ಕೋವಿಡ್‌ ತ್ಯಾಜ್ಯ?
ಸೋಂಕಿತರು ಬಳಸಿದ ಟಿಶ್ಯೂ, ಮಾಸ್ಕ್‌‍ಗಳು, ಸ್ಯಾನಿಟೈಜರ್‌ ಬಾಟಲಿ, ಔಷಧಗಳು. ಬಳಸಿದ ಬಟ್ಟೆಗಳು, ರೋಗಿಗಳು ಬಳಸಿ ಉಳಿದ ಆಹಾರ, ಬಳಸಿ ಬಿಸಾಡ ಬಹುದಾದ ಊಟದ ತಟ್ಟೆ- ಲೋಟಗಳು, ಟೆಟ್ರಾ ಪ್ಯಾಕ್‌ಗಳು, ಕುಡಿಯುವ ನೀರಿನ ಖಾಲಿ ಬಾಟಲಿಗಳನ್ನು ಜೀವ ವೈದ್ಯಕೀಯ ತ್ಯಾಜ್ಯವೆಂದು ಪರಿಗಣಿಸಲಾಗುತ್ತದೆ. ಇವುಗಳನ್ನು ಪ್ರತ್ಯೇಕವಾಗಿ ಸಂಗ್ರಹಿಸಿ ಬಿಬಿಎಂಪಿ ನೇಮಕ ಮಾಡಿರುವ ತ್ಯಾಜ್ಯ ಸಂಗ್ರಹಕಾರರಿಗೆ ನೀಡಬೇಕು.
ಬಹಳ ದಿನ ಮನೆಯಲ್ಲಿಯೇ ಇಟ್ಟುಕೊಳ್ಳುವುದು ಅಪಾಯ
ಕೋವಿಡ್‌ ತ್ಯಾಜ್ಯಗಳನ್ನು ದಿನದಿಂದ ದಿನಕ್ಕೆ ವಿಲೇವಾರಿ ಮಾಡಬೇಕು. ಒಂದು ದಿನಕ್ಕಿಂತ ಹೆಚ್ಚಿನ ಅವಧಿಯಲ್ಲಿ ಮನೆಯಲ್ಲಿಯೇ ತ್ಯಾಜ್ಯ ಇಟ್ಟುಕೊಳ್ಳುವುದರಿಂದ ಮನೆಯಲ್ಲಿರುವ ಇತರರಿಗೆ ಸೋಂಕು ಹರಡುವ ಸಾಧ್ಯತೆ ಹೆಚ್ಚಿದೆ.
ತ್ಯಾಜ್ಯವನ್ನು ಸರಿಯಾಗಿ ಬೇರ್ಪಡಿಸದಿದ್ದರೆ ಪೌರ ಕಾರ್ಮಿಕರು ಮತ್ತು ಬಿಬಿಎಂಪಿ ನೇಮಕ ಮಾಡಿದ ಸಿಬ್ಬಂದಿ ಅವುಗಳನ್ನು ತೆಗೆದುಕೊಂಡು ಹೋಗಲು ನಿರಾಕರಿಸುತ್ತಾರೆ. ಇದರಿಂದ ಮನೆಯಲ್ಲಿಹೆಚ್ಚು ತ್ಯಾಜ್ಯ ಸಂಗ್ರಹವಾಗುತ್ತದೆ. ಕೆಲವರು ಉಡಾಫೆಯಾಗಿ ರಾತ್ರಿ ವೇಳೆಯಲ್ಲಿ ಹತ್ತಿರದ ಕಸದ ತೊಟ್ಟಿಯಲ್ಲಿಸುರಿದು ಬರುತ್ತಾರೆ ಎನ್ನುವ ಆರೋಪ ಕೂಡ ಕೇಳಿಬರುತ್ತಿದೆ. ಹೀಗಾದರೆ ಸೋಂಕು ತನ್ನಿಂದ ತಾನೆ ಎಲ್ಲೆಡೆ ಹರಡುತ್ತದೆ.
ಕೋವಿಡ್‌ ತ್ಯಾಜ್ಯ ವಿಲೇವಾರಿಗೆ ಸಂಬಂಧಿಸಿದಂತೆ ಸರಕಾರ ಕೆಲವು ನಿಯಮಗಳನ್ನು ಮಾಡಿದೆ. ಅದೇ ಪ್ರಕಾರವಾಗಿ ಬೇರ್ಪಡಿಸಿದ್ದೇ ಆದಲ್ಲಿಸೋಂಕನ್ನು ಹರಡುವುದನ್ನು ನಿಯಂತ್ರಿಸಬಹುದಾಗಿದೆ.
ಲಾಕ್‌ಡೌನ್ ಕುರಿತ ಪ್ರತಾಪ್‌ ಸಿಂಹ ಹೇಳಿಕೆಗೆ ಪ್ರತಿಕ್ರಿಯೆ ನೀಡದೆ ಹೊರಟ ಸಚಿವ ಸುಧಾಕರ್
ತ್ಯಾಜ್ಯವನ್ನು ಬೇರ್ಪಡಿಸುವುದು ಹೇಗೆ?
*ಕೋವಿಡ್‌ ತ್ಯಾಜ್ಯಕ್ಕೆ ಪ್ರತ್ಯೇಕ ಹಳದಿ ಬಣ್ಣದ ಡಸ್ಟ್‌ ಬಿನ್‌ ಗಳನ್ನು ಬಳಸಬೇಕು.
*ಸಂಗ್ರಹಿಸಿದ ತ್ಯಾಜ್ಯವನ್ನು ಪ್ರತ್ಯೇಕ ಹಳದಿ ಬಣ್ಣದ ಬ್ಯಾಗ್‌ಗಳಲ್ಲಿ/ ಕಂಟೈನರ್‌ಗಳಲ್ಲಿಇಡಬೇಕು.
*ಐಸೋಲೇಷನ್‌ ಕೋಣೆಗಳಿಂದ ತ್ಯಾಜ್ಯ ಸಂಗ್ರಹಿಸಲು ಎರಡು ಪದರಗಳನ್ನು ಹೊಂದಿದ ಬ್ಯಾಗ್‌ಗಳನ್ನು ಬಳಸಬೇಕು.
*ಹೋಮ್‌ ಕೇರ್‌ಸ್ಥಳಗಳಿಂದ ಉತ್ಪತ್ತಿಯಾಗುವ ತ್ಯಾಜ್ಯವನ್ನು 2016ರ ಘನ ತ್ಯಾಜ್ಯ ನಿರ್ವಹಣೆ ನಿಯಮದಂತೆ ವಿಲೇವಾರಿ ಮಾಡಬೇಕು
*ಕೋವಿಡ್‌ ತ್ಯಾಜ್ಯ ಬಳಸುವ ಕಂಟೈನರ್‌/ ಬಿನ್‌ ಗಳ ಮೇಲೆ ಶೇ.1ರಷ್ಟು ಸೋಡಿಯಂ ಕ್ಲೊರೈಡ್‌ ಹೊಂದಿದ ಕ್ರಿಮಿನಾಶಕ ದ್ರಾವಣ ಸಿಂಪಡಿಸಬೇಕು.
*ಇತರೆ ತ್ಯಾಜ್ಯವನ್ನು ಕೋವಿಡ್‌ ತ್ಯಾಜ್ಯದ ಜೊತೆ ಮಿಶ್ರಣ ಮಾಡಬಾರದು
*ಬರಿಗೈಯಲ್ಲಿಕೋವಿಡ್‌ ತ್ಯಾಜ್ಯ ಮುಟ್ಟಬಾರದು, ಪಿಪಿಇ ಕಿಟ್‌ ಧರಿಸಿ ಮುಟ್ಟಬೇಕು
*ಕೋವಿಡ್‌ ತ್ಯಾಜ್ಯವನ್ನು 24 ಗಂಟೆಗಳಿಂತ ಹೆಚ್ಚಿನ ಅವಧಿ ಇಟ್ಟುಕೊಳ್ಳುವಂತಿಲ್ಲ
*ಕೈಗವಸುಗಳ ಮರುಬಳಕೆ ತಡೆಗಟ್ಟಲು ಅವುಗಳನ್ನು ಕತ್ತರಿಸಿ 72 ಗಂಟೆಗಳ ಕಾಲ ಕಾಗದದ ಚೀಲದಲ್ಲಿಇಟ್ಟು ವಿಲೇವಾರಿ ಮಾಡಬೇಕು.
Read more
[wpas_products keywords=”deal of the day sale today offer all”]