ಯಶಸ್ವಿ ಬದುಕಿಗೊಂದು ಚೆಂದದ ಸೂತ್ರ; ಹೊತ್ತು ಮಾಗುವ ಮುನ್ನ ನಿಮ್ಮನ್ನು ನೀವು ಅರಿಯಿರಿ!

“ನಮ್ಮ ದೇಶದ ಆಸ್ತಿ ನಮ್ಮ ಯುವಜನಾಂಗ. ಏಳಿ ಎದ್ದೇಳಿ, ಗುರಿ ಮುಟ್ಟುವ ತನಕ ನಿಲ್ಲದಿರಿ” ಎನ್ನುವ ಸ್ವಾಮಿ ವಿವೇಕಾನಂದರ ಸಂದೇಶವನ್ನು ಮರೆಯುತ್ತಿದ್ದಾರೆ ನಮ್ಮ ಯುವಕರು . ನಿಮ್ಮ ಜೀವನದಲ್ಲಿ ಸವಾಲುಗಳನ್ನು ಎದುರಿಸಿ ಗೆಲ್ಲಲು ಪ್ರಯತ್ನಿಸಿ, ಜೀವನವನ್ನು ಮುನ್ನಡೆಸಿ, ಇತರರಿಗೆ ಮಾರ್ಗದರ್ಶನ ನೀಡಿ.. ದೇಶದ ಒಳಿತಿಗಾಗಿ ಹೋರಾಡಬೇಕಿದ್ದ ಬಹಳಷ್ಟು ಯುವಕ ಯುವತಿಯರು ಇದೀಗ ಆತ್ಮಹತ್ಯೆ , ಧೂಮಪಾನ, ಕುಡಿತ, ಕೆಲಸಕ್ಕೆ ಹೋಗದೆ ಮನೆಯಲ್ಲಿರುವುದು. ಧರ್ಮಕ್ಕಾಗಿ, ಆಸ್ತಿಗಾಗಿ ಕಚ್ಚಾಟ ಮಾಡುವುದು, ಇನ್ನೂ ಹತ್ತು ಹಲವಾರು ಕಾರಣದಿಂದ ಬದುಕನ್ನು ನಶಿಸಲು ಕಾರಣಕರ್ತರಾಗಿದ್ದಾರೆ. ಮುಂದೊಂದು ದಿನ ತಾವು ಮಾಡಿದ ತಪ್ಪು ಅರಿವಾಗುವಷ್ಟರಲ್ಲಿ ಕಾಲ ಮಿಂಚಿಹೋಗಿರುತ್ತದೆ ಸಮಯ ಕಳೆದಿರುತ್ತದೆ.

ಸಹಾಯಕ್ಕಾಗಿ ನನಗೆ ಬರುವ ಕರೆಗಳು ಬಹುತೇಕ ಬೇಸರ, ಹತಾಶೆಯಿಂದ ಕೂಡಿದ ಮಾತಾಗಿರುತ್ತದೆ. ಬದುಕು ನದಿಯಂತಿರಬೇಕು ಕಷ್ಟ ಬಂದಾಗ ಎದುರಿಸಿ ಮುಂದೆ ಸಾಗುತ್ತಾ ಧೈರ್ಯದಿಂದ ಎದುರಿಸಬೇಕು. ಅತಿಯಾದ ನಿರೀಕ್ಷೆ ಮನಸ್ಸಿನಲ್ಲಿಟ್ಟು ಮುಂದೊಂದು ದಿನ ಅದು ಕಾರ್ಯಗತವಾಗದಿದ್ದಲ್ಲಿ, ತಪ್ಪು ನಿರ್ಧಾರ ತೆಗೆದು ಆತ್ಮಹತ್ಯೆ ಮಾಡುವ ಜನರನ್ನು ನೋಡುವಾಗ ನಿಜಕ್ಕೂ ಬೇಸರವಾಗುತ್ತಿದೆ. ಪ್ರತಿಯೊಬ್ಬರಿಗೆ ಸಂಕಷ್ಟ ಇರುತ್ತದೆ, ಕಷ್ಟವಿಲ್ಲದ ಜೀವನವಿಲ್ಲ.
ಕೋಪವನ್ನು ನಿಯಂತ್ರಿಸಲಾಗುತ್ತಿಲ್ಲವೇ? ತಾಳ್ಮೆ ಕಳೆದುಕೊಳ್ಳುತ್ತಿದ್ದೀರಾ? ಈ ಹರಳನ್ನು ಧರಿಸಿ ನೋಡಿ..
ಯಾವೊಂದು ಕಾರಣಕ್ಕೂ ಜೀವನದಲ್ಲಿ ನಡೆದ ಒಂದು ಕಹಿ ಘಟನೆಯನ್ನು ನೆನಪಿಸಿಕೊಂಡು ಅತ್ಯಮೂಲ್ಯವಾದ ಜೀವನವನ್ನು ಹಾಳು ಮಾಡದಿರಿ. ನಿಮ್ಮ ಬದುಕಿನ ಏಳು ಬೀಳಿಗೆ ನೀವು ಕಾರಣ ಕರ್ತರಾಗುತ್ತೀರಿ. ಕಷ್ಟವನ್ನು ಸರಿಪಡಿಸುವ ಬಗ್ಗೆ ನಿಮ್ಮ ನಿಲುವಿರಲಿ. ಯಾವುದಾದರೂ ಒಂದು ಕಾರಣದಿಂದ ನೀವು ಖಿನ್ನತೆಗೆ ಒಳಗಾಗಿದಲ್ಲಿ ಸೂಕ್ತ ವೈದ್ಯರನ್ನು ಭೇಟಿ ಮಾಡಿ, ನಿಮ್ಮವರಲ್ಲಿ ಮಾತಾಡಿ ಪರಿಹಾರ ಹುಡುಕುವುದು ಮುಖ್ಯ. ಬೇರೆಯವರು ನಿಮ್ಮ ಬಗ್ಗೆ ಏನು ಯೋಚಿಸುತ್ತಾರೆ ಎನ್ನುವುದನ್ನು ಬಿಟ್ಟುಬಿಡಿ . ಇಂತಹ ಯೋಚನೆಯಲ್ಲಿ ನೀವು ವಿಫಲರಾದರೆ ಮುಂದೆ ಬದುಕಿನ ಸಂಪೂರ್ಣ ಪರೀಕ್ಷೆಯಲ್ಲಿ ನೀವು ಸೋತು ಹೋಗುತ್ತೀರಿ. ಕಷ್ಟ ಸರಿಪಡಿಸುವ ದಾರಿ ಹುಡುಕಿ , ಕೊರಗಿ ಪ್ರಯೋಜನವಿಲ್ಲ. ಕಾಲ ಹರಣ ಮಾಡುತ್ತಾ ಆಗಿ ಹೋದ ವಿಚಾರವನ್ನು ಮಾತಾಡಿ ಸಮಯ ವ್ಯರ್ಥ ಮಾಡದಿರಿ.

ಇನ್ನೂ ನಾನು ಇತ್ತೀಚಿನ ದಿನದಲ್ಲಿ ಸಾಮಾನ್ಯವಾಗಿ ನಾವೆಲ್ಲಾ ಕಾಣುವ ವಿಚಾರ …
ತಮಗೆ ಸಂಬಂಧ ಪಡದ ವಿಚಾರದ ಬಗ್ಗೆ ಇಲ್ಲ ಸಲ್ಲದನ್ನು ಒಂದು ಉತ್ತಮ ಕತೆಗಾರರಂತೆ ಸಿನಿಮಾದ ರೀತಿಯಲ್ಲಿ ಕಥೆ ಯನ್ನು ಪೋಣಿಸುವುದು. ಒಂದು ಕ್ಷಣವೂ ಯೋಚಿಸುವುದಿಲ್ಲ ನಾವು ಬೇರೆಯವರ ಬದುಕಿನ ಬಗ್ಗೆ ಮಾತಾಡುತ್ತಿರುವುದು ಮುಂದೆ ನಮ್ಮ ಬದುಕಲ್ಲೂ ಈ ರೀತಿಯ ಘಟನೆ ಆಗಬಹುದು ಎನ್ನುವ ಒಂದು ಚೂರು ಪರಿವೆಯಿಲ್ಲದೆ ಮಾತನಾಡುತ್ತಾರೆ ನಮ್ಮ ಜನರು, ಇಂತಹ ಜನರಿಂದ ದೂರ ಇರಿ. ಪ್ರತಿಯೊಬ್ಬರ ಬದುಕಲ್ಲಿ ಏಳು ಬೀಳುಗಳಿರುತ್ತದೆ. ಅವರವರ ಪುಸ್ತಕದ ಪುಟ ಬೇರೆ ಬೇರೆಯಾಗಿರುತ್ತದೆ.

ಬದುಕಿನ ಕಷ್ಟ, ನೋವು, ಕೆಲಸದ ಹುಡುಕಾಟ, ಮಕ್ಕಳ ಮದುವೆ, ಆಸ್ಪತ್ರೆಯಲ್ಲಿ ರಕ್ತಕ್ಕಾಗಿ, ಹಣಕ್ಕಾಗಿ ಪರದಾಟ, ಮಕ್ಕಳ ಶಿಕ್ಷಣ, ಪ್ರತಿಯೊಬ್ಬರ ಬದುಕಿನ ಕಷ್ಟ ವಿಭಿನ್ನವಾಗಿರುತ್ತದೆ. ಅವರವರಿಗೆ ತಮ್ಮ ಬದುಕು ಒಂದು ಸಿನಿಮಾದ ಹಾಗೇ ಅನಿಸಬಹುದು. ಉತ್ತಮ ಶೀರ್ಷಿಕೆಯೊಂದಿಗೆ ನಮ್ಮ ಪುಸ್ತಕದ ಪುಟದ ಬರಹಗಾರರು ನಾವಾಗಿರಬೇಕು. ಬೇರೆಯವರು ನಮ್ಮ ಜೀವನದ ಬಗ್ಗೆ ಅವರಿಗೆ ತೋಚಿದಂತೆ ಬರೆಯಲು ಅವಕಾಶ ನೀಡಬಾರದು.
‘2021’ ನದಿಯಂತೆ ಆ ನೆನಪು: ಸವಾಲಾದ ಬದುಕಿಗೆ ಪ್ರತಿದಿನವೂ ನಿತ್ಯೋತ್ಸವ!
ಕಷ್ಟ ಎಲ್ಲರಿಗೂ ಬರುತ್ತದೆ ಅಂತಹ ಸವಾಲನ್ನು ಎದುರಿಸಿ ಮುಂದೆ ಸಾಗುವುದೇ ಬದುಕಿಗೆ ನಿಜ ಅರ್ಥ ತಿಳಿಸುತ್ತದೆ
ಇತರರ ಕಷ್ಟ ನೋಡಿ ನಗುವಿನೊಂದಿಗೆ ಕಾಲ ಕಳೆದವರು ಮುಂದೊಂದು ದಿನ ಅಳುವ ಸಂದರ್ಭ ಖಂಡಿತವಾಗಿಯೂ ಬರುತ್ತದೆ ” ಕರ್ಮಫಲ ಅನ್ನೋದು ಅದಕ್ಕೇ” ಈ ಮಾತನ್ನು ನಾನು ಯಾವತ್ತೂ ನಂಬುತ್ತೇನೆ. ಹೀಗಾಗಿ ಯಾವತ್ತೂ ಬೇರೆಯವ ಬದುಕಿನ ಬಗ್ಗೆ ಕಥೆ ಕಟ್ಟುವ ವ್ಯಕ್ತಿ ನೀವಾಗಿದ್ದಲ್ಲಿ ಇಂತಹ ಕಾರ್ಯದಿಂದ ದೂರವಿರಿ. ಇತರರ ಸಾಧನೆಯಲ್ಲಿ ಖುಷಿಪಡುವುದನ್ನು ಕಲಿಯಿರಿ. ಏನಾದರೂ ಸಾಧನೆ ಮಾಡಿದಲ್ಲಿ ಅದರ ಕುಂದು ಕೊರತೆ ಯನ್ನು ಹುಡುಕುತ್ತಾ ಹೋದಲ್ಲಿ ನೀವು ಅಲ್ಲಿಯೇ ಇರುತ್ತೀರಿ. ಸಾಧಿಸುವವರು ಮುಂದೆ ಸಾಗುತಿರುತ್ತಾರೆ. ನಷ್ಟ ಅನುಭವಿಸುವುದು ನೀವು ಒಮ್ಮೆ ಯೋಚಿಸಿ.

• ಸಣ್ಣ ಸಣ್ಣ ಕಷ್ಟಗಳಿಗೆ ಚಿಂತಿಸುವವರು ಬಡತನದಿಂದ ಬೆಂದವರ ಜೊತೆ ಮಾತಾಡಿ,
• ಆಕ್ಸಿಜನ್ ಬೆಲೆ ತಿಳಿಯಲು ಆಸ್ಪತ್ರೆಯ ಐ .ಸಿ .ಯು ನೋಡಿ ,
• ಮನೆಗಾಗಿ, ಆಸ್ತಿಗಾಗಿ ಕಾದಾಡುವವರು ರಸ್ತೆ ಬದಿಯಲ್ಲಿ ಮಲಗಿದ ಜೀವವನ್ನು ನೋಡಿ,
• ಪ್ರೀತಿಯ ಕೊರತೆಯ ಬಗ್ಗೆ ಮಾತನಾಡುವವರು ಅನಾಥಾಶ್ರಮಕ್ಕೆ ಭೇಟಿ ನೀಡಿ..

ಗೌರವಕ್ಕಾಗಿ ಈ ಕೆಲಸಗಳನ್ನು ಮಾಡಬಾರದು ಎನ್ನುತ್ತಾನೆ ಚಾಣಕ್ಯ..! ನೀವೂ ಮಾಡುತ್ತಿದ್ದೀರಾ..?

• ನೀವು ನೆನಸಿದ ಹಾಗೆ ನಿಮ್ಮ ಬದುಕನ್ನು ರೂಪಿಸಲು ಸಾಧ್ಯ ವಿಲ್ಲ. ಆದರೆ ಸಾಧಿಸುವ ಛಲ ಇದ್ದರೆ ಎಲ್ಲವೂ ಸಾಧ್ಯ.
• ಬದುಕಲ್ಲಿ ತಪ್ಪು ನಡೆದರೆ ಕೊರಗದೆ ನಮ್ಮ ಮುಂದಿನ ಬದುಕಿಗೆ ಮಾರ್ಗ ತಿಳಿದುಕೊಳ್ಳೋಣ.
• ಖುಷಿ ಘಟನೆ ಆದಲ್ಲಿ ಇನ್ನಷ್ಟು ಒಳಿತಾಗಲು ಪ್ರಯತ್ನಿಸೋಣ.
• ಕಷ್ಟಬಂದರೆ ಸರಿಪಡಿಸಲು ದಾರಿ ಹುಡುಕುವ ಪ್ರಯತ್ನ ಮಾಡೋಣ.
• ಇತರರ ಸಾಧನೆಯನ್ನು ಮಾರ್ಗದರ್ಶನದಂತೆ ಸ್ವೀಕರಿಸಿ, ನಿಮ್ಮವರಿಗಾಗಿ, ನಿಮಗಾಗಿ ಬದುಕಿ. ಯಾಕೆಂದರೆ ಇರುವುದು ಒಂದು ಬದುಕು ಒಮ್ಮೆ ಯೋಚಿಸಿ.

ಬರಹ: ರಶ್ಮಿ ಉಳ್ಳಾಲ್