ಹೈಲೈಟ್ಸ್‌:
- ಭಾರತ ಹಾಗೂ ದಕ್ಷಿಣ ಆಫ್ರಿಕಾ ನಡುವಣ ಮೂರು ಪಂದ್ಯಗಳ ಟೆಸ್ಟ್ ಕ್ರಿಕೆಟ್‌ ಸರಣಿ.
- ಸೆಂಚೂರಿಯನ್‌ನಲ್ಲಿ ನಡೆಯುತ್ತಿರುವ ಬಾಕ್ಸಿಂಗ್‌ ಡೇ ಟೆಸ್ಟ್‌ನಲ್ಲಿ ಸೆಣಸುತ್ತಿರುವ ತಂಡಗಳು.
- 305 ರನ್‌ ಗುರಿ ಹಿಂಬಾಲಿಸಿರುವ ದಕ್ಷಿಣ ಆಫ್ರಿಕಾ ತಂಡ 7 ವಿಕೆಟ್‌ ಕಳೆದುಕೊಂಡಿದೆ.
ಗುರುವಾರ ಬೆಳಗ್ಗೆ 4 ವಿಕೆಟ್‌ ಕಳೆದುಕೊಂಡು ಪಂದ್ಯದ ಐದನೇ ದಿನದಾಟ ಶುರು ಮಾಡಿದ್ದ ದಕ್ಷಿಣ ಆಫ್ರಿಕಾ ತಂಡ ಗೆಲುವಿಗೆ 211 ರನ್‌ ಅಗತ್ಯವಿತ್ತು. ಆದರೆ, ಭೋಜನ ವಿರಾಮದ ಹೊತ್ತಿಗೆ ದಕ್ಷಿಣ ಆಫ್ರಿಕಾ ತಂಡ 66 ಓವರ್‌ಗಳಿಗೆ 7 ವಿಕೆಟ್‌ ನಷ್ಟಕ್ಕೆ 182 ರನ್‌ ಗಳಿಸಿದ್ದು, ಸೋಲಿನಂಚಿನಲ್ಲಿದೆ. ಕ್ರೀಸ್‌ನಲ್ಲಿ ಮಾರ್ಕೊ ಯೆನ್ಸನ್‌ (5*) ಹಾಗೂ ತೆಂಬಾ ಬವೂಮ (34*) ಇದ್ದಾರೆ.
ನಾಲ್ಕನೇ ದಿನ ಅರ್ಧಶತಕ ಸಿಡಿಸಿದ್ದ ಡೀನ್ ಎಲ್ಗರ್‌ (77), ಜಸ್‌ಪ್ರಿತ್‌ ಬುಮ್ರಾ ಎಸೆತದಲ್ಲಿ ಎಲ್‌ಬಿಡ್ಲ್ಯು ಬಲೆಗೆ ಬಿದ್ದರು. ಇವರನ್ನು ಬಟ್ಟರೆ, ಇನ್ನುಳಿದ ಬ್ಯಾಟ್ಸ್‌ಮನ್‌ಗಳು ಭಾರತದ ವೇಗಿಗಳನ್ನು ಮೆಟ್ಟುನಿಲ್ಲುವಲ್ಲಿ ವಿಫಲರಾದರು. ಸೆಂಚೂರಿಯನ್‌ನಲ್ಲಿ ಮೊಟ್ಟ ಮೊದಲ ಟೆಸ್ಟ್ ಗೆಲ್ಲಲು ಭಾರತ ತಂಡಕ್ಕೆ ಇನ್ನು ಕೇವಲ 3 ವಿಕೆಟ್‌ ಅಗತ್ಯವಿದೆ.
ಭಾರತ Vs ದಕ್ಷಿಣ ಆಫ್ರಿಕಾ ಮೊದಲನೇ ಟೆಸ್ಟ್ ಸ್ಕೋರ್‌ಕಾರ್ಡ್
174ಕ್ಕೆ ಆಲ್ಔಟ್ ಆಗಿದ್ದ ಭಾರತ: ಇದಕ್ಕೂ ಮುನ್ನ ದಕ್ಷಿಣ ಆಫ್ರಿಕಾ ವೇಗಿಗಳ ಮಾರಕ ದಾಳಿಗೆ ಮತ್ತೊಮ್ಮೆ ನಲುಗಿದ ಭಾರತ ತಂಡ ಮೊದಲನೇ ಟೆಸ್ಟ್ ಪಂದ್ಯದ ದ್ವಿತೀಯ ಇನಿಂಗ್ಸ್‌ನಲ್ಲಿ 174 ರನ್‌ಗಳಿಗೆ ಆಲ್ಔಟ್ ಆಯಿತು. ಆದರೆ, ಪ್ರಥಮ ಇನಿಂಗ್ಸ್‌ನಲ್ಲಿ 130 ರನ್‌ ಮುನ್ನಡೆ ಪಡೆದಿದ್ದ ಫಲವಾಗಿ ದಕ್ಷಿಣ ಆಫ್ರಿಕಾ ತಂಡಕ್ಕೆ 305 ಕಠಿಣ ಗುರಿಯನ್ನು ನೀಡುವಲ್ಲಿ ಯಶಸ್ವಿಯಾಯಿತು.
ದಕ್ಷಿಣ ಆಫ್ರಿಕಾ 197ಕ್ಕೆ ಆಲ್ಔಟ್: ಭಾರತ ತಂಡ ಪ್ರಥಮ ಇನಿಂಗ್ಸ್‌ನಲ್ಲಿ 327 ರನ್‌ಗಳಿಗೆ ಆಲ್ಔಟ್ ಆಗಿದ್ದ ಬಳಿಕ ಪ್ರಥಮ ಇನಿಂಗ್ಸ್‌ ಮಾಡಿದ್ದ ದಕ್ಷಿಣ ಆಫ್ರಿಕಾ ತಂಡ ಮೊಹಮ್ಮದ್‌ ಶಮಿ ಹಾಗೂ ಜಸ್‌ಪ್ರಿತ್‌ ಬುಮ್ರಾ ಮಾರಕ ದಾಳಿಗೆ ನಲುಗಿ ಕೇವಲ 197 ರನ್‌ಗಳಿಗೆ ಆಲ್ಔಟ್ ಆಗಿತ್ತು. ದಕ್ಷಿಣ ಆಫ್ರಿಕಾ ಪರ ತೆಂಬಾ ಬವೂಮ (52) ಗರಿಷ್ಠ ಸ್ಕೋರರ್‌ ಎನಿಸಿಕೊಂಡಿದ್ದರು. ಭಾರತದ ಪರ ಮೊಹಮ್ಮದ್‌ ಶಮಿ 5 ವಿಕೆಟ್‌ ಸಾಧನೆ ಮಾಡಿದ್ದರು.
ಸೆಂಚೂರಿಯನ್‌ ಟೆಸ್ಟ್‌ನಲ್ಲಿ ವಿಶ್ವ ದಾಖಲೆ ಬರೆದ ಜಸ್‌ಪ್ರಿತ್‌ ಬುಮ್ರಾ!
ಕೆ.ಎಲ್‌ ರಾಹುಲ್ 7ನೇ ಶತಕ: ಟಾಸ್‌ ಗೆದ್ದು ಮೊದಲು ಬ್ಯಾಟಿಂಗ್‌ ಆಯ್ದುಕೊಂಡಿದ್ದ ಭಾರತ ತಂಡ ಪ್ರಥಮ ಇನಿಂಗ್ಸ್‌ನಲ್ಲಿ 327 ರನ್‌ಗಳನ್ನು ಕಲೆ ಹಾಕಿತ್ತು. ಎರಡನೇ ದಿನದಾಟ ಮಳೆಗೆ ಆಹುತಿಯಾದರೂ ಮೊದಲನೇ ದಿನವೇ ಟೀಮ್‌ ಇಂಡಿಯಾ ಅತ್ಯುತ್ತಮ ಬ್ಯಾಟಿಂಗ್‌ ಪ್ರದರ್ಶನ ತೋರಿತ್ತು. ಭಾರತದ ಪರ ಆರಂಭಿಕ ಕೆ.ಎಲ್‌ ರಾಹುಲ್ (123) ವೃತ್ತಿ ಜೀವನದ 7ನೇ ಶತಕ ಸಿಡಿಸಿದ್ದರು. ಮಯಾಂಕ್ ಅಗರ್ವಾಲ್ 60 ಹಾಗೂ ಅಜಿಂಕ್ಯ ರಹಾನೆ 48 ರನ್‌ ಗಳಿಸಿದ್ದರು. ದಕ್ಷಿಣ ಆಫ್ರಿಕಾ ಪರ ಲುಂಗಿ ಎನ್ಗಿಡಿ 6 ವಿಕೆಟ್‌ ಸಾಧನೆ ಮಾಡಿದ್ದರು.
‘ಪೂಜಾರ-ರಹಾನೆ ಮೇಲೆ ತಾಳ್ಮೆ ಇಡಬೇಕು’ : ಬ್ಯಾಟಿಂಗ್‌ ಕೋಚ್‌!
ಸಂಕ್ಷಿಪ್ತ ಸ್ಕೋರ್
ಭಾರತ: ಮೊದಲ ಇನಿಂಗ್ಸ್‌ 105.3 ಓವರ್‌ಗಳಿಗೆ 327 (ಕೆಎಲ್‌ ರಾಹುಲ್ 123, ಮಯಾಂಕ್ ಅಗರ್ವಾಲ್ 60, ವಿರಾಟ್‌ ಕೊಹ್ಲಿ 35, ಅಜಿಂಕ್ಯ ರಹಾನೆ 48; ಲುಂಗಿ ಎನ್ಗಿಡಿ 71ಕ್ಕೆ 6, ಕಗಿಸೋ ರಬಾಡ 72ಕ್ಕೆ 3, ಮಾರ್ಕೊ ಯೆನ್ಸೆನ್‌ 69 ಕ್ಕೆ 1).
ದಕ್ಷಿಣ ಆಫ್ರಿಕಾ: ಪ್ರಥಮ ಇನಿಂಗ್ಸ್‌ 62.3 ಓವರ್‌ಗಳಿಗೆ 197/10 (ತೆಂಬಾ ಬವೂಮ 52, ಕ್ವಿಂಟನ್ ಡಿ ಕಾಕ್‌ 34, ಕಗಿಸೊ ರಬಾಡ 25; ಜಸ್‌ಪ್ರಿತ್‌ ಬುಮ್ರಾ 16ಕ್ಕೆ 2, ಮೊಹ್ಮಮದ್‌ ಶಮಿ 44 ಕ್ಕೆ 5, ಮೊಹಮ್ಮದ್‌ ಸಿರಾಜ್‌ 45ಕ್ಕೆ 1, ಶಾರ್ದುಲ್ ಠಾಕೂರ್‌ 51ಕ್ಕೆ 2)
ಭಾರತ: ದ್ವಿತೀಯ ಇನಿಂಗ್ಸ್‌ 50.3 ಓವರ್‌ಗಳಿಗೆ 174ಕ್ಕೆ 10 (ಕೆ.ಎಲ್‌ ರಾಹುಲ್ 23, ವಿರಾಟ್‌ ಕೊಹ್ಲಿ 18, ರಿಷಭ್‌ ಪಂತ್‌ 34; ಮಾರ್ಕೊ ಯೆನ್ಸೆನ್‌ 55ಕ್ಕೆ 4, ಕಗಿಸೊ ರಬಾಡ 42ಕ್ಕೆ 4, ಲುಂಗಿ ಇನ್ಗಿಡಿ 31 ಕ್ಕೆ 2)
ದಕ್ಷಿಣ ಆಫ್ರಿಕಾ: ದ್ವಿತೀಯ ಇನಿಂಗ್ಸ್‌ 66 ಓವರ್‌ಗಳಿಗೆ 182/7 (ಡೀನ್ ಎಲ್ಗರ್‌ 77, ಕೀಗನ್ ಪೀಟರ್ಸನ್‌ 17, ತೆಂಬಾ ಬವೂಮ 34*; ಜಸ್‌ಪ್ರಿತ್‌ ಬುಮ್ರಾ 50ಕ್ಕೆ 3, ಮೊಹಮ್ಮದ್‌ ಶಮಿ 55 ಕ್ಕೆ 2, ಮೊಹಮ್ಮದ್‌ ಸಿರಾಜ್‌ 47ಕ್ಕೆ 2)
ಸೆಂಚೂರಿಯನ್‌ನಲ್ಲಿ ಯಶಸ್ವಿ ರನ್‌ ಚೇಸ್‌ ಎಷ್ಟು ಗೊತ್ತೆ? ಇಲ್ಲಿದೆ ದಾಖಲೆ..
ಉಭಯ ತಂಡಗಳ ಪ್ಲೇಯಿಂಗ್‌ XI
ಭಾರತ: ಕೆ.ಎಲ್‌ ರಾಹುಲ್, ಮಯಾಂಕ್ ಅಗರ್ವಾಲ್, ಚೇತೇಶ್ವರ್‌ ಪೂಜಾರ, ವಿರಾಟ್‌ ಕೊಹ್ಲಿ(ನಾಯಕ), ಅಜಿಂಕ್ಯ ರಹಾನೆ, ರಿಷಭ್‌ ಪಂತ್‌ (ವಿ.ಕೀ), ಆರ್‌ ಅಶ್ವಿನ್‌, ಶಾರ್ದುಲ್ ಠಾಕೂರ್‌, ಮೊಹಮ್ಮದ್‌ ಶಮಿ, ಮೊಹಮ್ಮದ್‌ ಸಿರಾಜ್‌, ಜಸ್‌ಪ್ರಿತ್‌ ಬುಮ್ರಾ.
ದಕ್ಷಿಣ ಆಫ್ರಿಕಾ: ಡೀನ್ ಎಲ್ಗರ್‌ (ನಾಯಕ), ಏಡೆನ್‌ ಮಾರ್ಕ್ರಮ್‌, ಕೀಗನ್ ಪೀಟರ್ಸನ್‌, ರಾಸಿ ವ್ಯಾನ್‌ ಡೆರ್‌ ಡುಸೆನ್‌, ತೆಂಬಾ ಬವೂಮಾ, ಕ್ವಿಂಟನ್ ಡಿ’ ಕಾಕ್‌ (ವಿಕೆಟ್‌ಕೀಪರ್‌), ವಿಯಾನ್‌ ಮಲ್ಡರ್‌, ಮಾರ್ಕೊ ಯೆನ್ಸೆನ್‌, ಕೇಶ್ವ್‌ ಮಹಾರಾಜ್‌, ಕಗಿಸೊ ರಬಾಡ, ಲುಂಗಿ ಎನ್ಗಿಡಿ.