ಹೈಲೈಟ್ಸ್‌:
- ರಾಜ್ಯದಲ್ಲಿ ಈವರೆಗೆ ದೃಢಪಟ್ಟಿರುವ ಓಮಿಕ್ರಾನ್ ಸೋಂಕು ಪ್ರಕರಣಗಳ ಒಟ್ಟು ಸಂಖ್ಯೆ 38
- ರಾಜ್ಯದಲ್ಲಿ ಈವರೆಗೆ ದೃಢಪಟ್ಟ ಕೊರೊನಾ ವೈರಸ್ ಸೋಂಕು ಪ್ರಕರಣಗಳ ಒಟ್ಟು ಸಂಖ್ಯೆ 30,05,798
- ಬುಧವಾರ ಕೂಡಾ 245 ಕೊರೊನಾ ಸೋಂಕಿತರು ಗುಣಮುಖರಾಗಿ ಡಿಸ್ಚಾರ್ಜ್
ಬುಧವಾರ ಒಂದೇ ದಿನ 566 ಕೊರೊನಾ ಹೊಸ ಪ್ರಕರಣಗಳು ದೃಢಪಡುವ ಮೂಲಕ ಕರ್ನಾಟಕ ರಾಜ್ಯದಲ್ಲಿ ಈವರೆಗೆ ದೃಢಪಟ್ಟ ಕೊರೊನಾ ವೈರಸ್ ಸೋಂಕು ಪ್ರಕರಣಗಳ ಒಟ್ಟು ಸಂಖ್ಯೆ 30,05,798 ಕ್ಕೆ ಏರಿಕೆ ಕಂಡಿದೆ. ಬುಧವಾರ ಕೂಡಾ 245 ಕೊರೊನಾ ಸೋಂಕಿತರು ಗುಣಮುಖರಾಗಿ ಡಿಸ್ಚಾರ್ಜ್ ಆಗಿದ್ದಾರೆ. ಇದುವರೆಗೂ ರಾಜ್ಯದಲ್ಲಿ ಮಾರಕ ಕೊರೊನಾ ಸೋಂಕಿನಿಂದ ಗುಣಮುಖರಾದವರ ಒಟ್ಟು ಸಂಖ್ಯೆ 29,59,674ಕ್ಕೆ ಏರಿಕೆ ಕಂಡಿದೆ.
ಸದ್ಯ ರಾಜ್ಯದಲ್ಲಿ ಕೊರೊನಾ ವೈರಸ್ ಸೋಂಕಿನ 7,771 ಸಕ್ರಿಯ ಪ್ರಕರಣಗಳು ಇವೆ. ಚಿಕಿತ್ಸೆ ಫಲಿಸದೇ ಬುಧವಾರ ಕೂಡಾ 6 ಕೊರೊನಾ ಸೋಂಕಿತರು ಸಾವನ್ನಪ್ಪಿದ್ದಾರೆ. ರಾಜ್ಯಾದ್ಯಂತ ಇಲ್ಲಿಯವರೆಗೆ ಸಾವನ್ನಪ್ಪಿದವರ ಒಟ್ಟು ಸಂಖ್ಯೆ 38,324ಕ್ಕೆ ಏರಿಕೆ ಕಂಡಿದೆ.
ರಾಜ್ಯದಲ್ಲಿ ಮತ್ತೆ 7 ಮಂದಿಯಲ್ಲಿ ಓಮಿಕ್ರಾನ್ ಪತ್ತೆ, ಸೋಂಕಿತರ ಸಂಖ್ಯೆ 38ಕ್ಕೆ ಏರಿಕೆ
ಜಿಲ್ಲಾವಾರು ಲೆಕ್ಕಾಚಾರ: ರಾಜಧಾನಿ ಬೆಂಗಳೂರು ನಗರ ಜಿಲ್ಲೆಯಲ್ಲಿ ಬುಧವಾರ ಬರೋಬ್ಬರಿ 400 ಕೊರೊನಾ ವೈರಸ್ ಸೋಂಕು ಪ್ರಕರಣಗಳು ಬುಧವಾರ ದೃಢಪಟ್ಟಿವೆ. ದಕ್ಷಿಣ ಕನ್ನಡ 33, ಹಾಸನ 31, ಉಡುಪಿ 17, ಕೊಡಗು 14 ಹಾಗೂ ಕೋಲಾರದಲ್ಲಿ 14 ಪ್ರಕರಣಗಳು ಬುಧವಾರ ದೃಢಪಟ್ಟಿದ್ದು, ಇನ್ನುಳಿದಂತೆ ಯಾವ ಜಿಲ್ಲೆಗಳಲ್ಲೂ ಒಂದೇ ದಿನ ದೃಢಪಟ್ಟ ಹೊಸ ಸೋಂಕಿತರ ಸಂಖ್ಯೆ ಎರಡಂಕಿ ದಾಟಿಲ್ಲ.
ಕರ್ನಾಟಕದಲ್ಲಿ ಭಾನುವಾರ 348 ಕೊರೊನಾ ಸೋಂಕಿತರು ಪತ್ತೆ.. ಓಮಿಕ್ರಾನ್ ಒಟ್ಟು ಕೇಸ್ 38ಕ್ಕೆ ಏರಿಕೆ..!
ಇನ್ನು ಬಳ್ಳಾರಿ 01, ಬೆಳಗಾವಿ 06, ಬೆಂಗಳೂರು ಗ್ರಾಮಾಂತರ 03, ಚಾಮರಾಜನಗರ 01, ಚಿಕ್ಕಬಳ್ಳಾಪುರ 01, ಚಿಕ್ಕಮಗಳೂರು 01, ಚಿತ್ರದುರ್ಗ 02, ದಾವಣಗೆರೆ 02, ಧಾರವಾಡ 07, ಕಲಬುರಗಿ 03, ಮಂಡ್ಯ 09, ಮೈಸೂರು 09, ಶಿವಮೊಗ್ಗ 01, ತುಮಕೂರು 08, ಉತ್ತರ ಕನ್ನಡ 02 ಹಾಗೂ ವಿಜಯಪುರದಲ್ಲಿ 01 ಪ್ರಕರಣ ದೃಢಪಟ್ಟಿದೆ.
8 ಜಿಲ್ಲೆಗಳಲ್ಲಿ ಶೂನ್ಯ ಸಾಧನೆ: ಬಾಗಲಕೋಟೆ, ಬೀದರ್, ಗದಗ, ಹಾವೇರಿ, ಕೊಪ್ಪಳ, ರಾಯಚೂರು, ರಾಮನಗರ ಹಾಗೂ ಯಾದಗಿರಿ ಜಿಲ್ಲೆಗಳಲ್ಲಿ ಬುಧವಾರ ಯಾವುದೇ ಕೊರೊನಾ ಪ್ರಕರಣ ದೃಢಪಟ್ಟಿಲ್ಲ.
ಮಾಸ್ಕ್‌ ಹಾಕದವರಿಗೆ ದಂಡ; 2 ವರ್ಷದಲ್ಲಿ ವಸೂಲಾದ ಮೊತ್ತ ಬರೋಬ್ಬರಿ ₹141.19 ಕೋಟಿ!