ಮುಕೇಶ್‌ ಅಂಬಾನಿ ಸ್ಪೋರ್ಟ್ಸ್‌ ಚಾನಲ್‌ ಆರಂಭಿಸಲಿದ್ದಾರಾ? ಇಲ್ಲಿದೆ ಮಾಹಿತಿ!

ಹೊಸದಿಲ್ಲಿ: ಅಂತಾರಾಷ್ಟ್ರೀಯ ಕ್ರಿಕೆಟ್‌ ಮಂಡಳಿ (ಐಸಿಸಿ) ತನ್ನ ಪಂದ್ಯಗಳ ಮಾಧ್ಯಮ ಹಕ್ಕುಗಳನ್ನು ಪ್ರತ್ಯೇಕವಾಗಿ ಭಾರತಕ್ಕಾಗಿಯೇ ಹಾರಾಜಿಗಿಡಲು ನಿರ್ಧರಿಸಿದೆ ಎಂದು ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ. ಇದು ಬೃಹತ್‌ ಕ್ರಿಕೆಟ್ ಮಾರುಕಟ್ಟೆಯನ್ನು ಉಳಿದವುಗಳೊಂದಿಗೆ ಕ್ಲಬ್ ಮಾಡುವುದಕ್ಕಿಂತಲೂ ಹೆಚ್ಚಿನ ಮೌಲ್ಯ ಗಳಿಸಲು ಸಹಾಯವಾಗಲಿದೆ ಎಂಬ ಆಶಯ ವ್ಯಕ್ತಪಡಿಸಿದ್ದಾರೆ.

ಸ್ಪೋರ್ಸ್‌ ಚಾನಲ್‌ಗಳಿಗೆ ಕ್ರಿಕೆಟ್‌ ಕ್ರೇಜ್‌ ಹೆಚ್ಚಿರುವ ಭಾರತ, ಪಾಕಿಸ್ತಾನ, ಬಾಂಗ್ಲಾದೇಶ ಮತ್ತು ಶ್ರೀಲಂಕಾಗಳಿಂದಲೇ ಹೆಚ್ಚಿನ ಆದಾಯ ಬರುತ್ತಿದೆ. ಅದರಲ್ಲೂ ಭಾರತದ ಪಾಲು ದೊಡ್ಡದಿದೆ.

ಇದೀಗ ಏಷ್ಯಾದ ಶ್ರೀಮಂತ ವ್ಯಕ್ತಿ ಮತ್ತು ಉದ್ಯಮಿ ರಿಲಯನ್ಸ್‌ನ ಮುಕೇಶ್‌ ಅಂಬಾನಿ ಸ್ಪೋರ್ಟ್ಸ್ ಬ್ರಾಡ್‌ಕಾಸ್ಟಿಂಕ್‌ ಉದ್ಯಮಕ್ಕೆ ಪ್ರವೇಶಿಸುವುದನ್ನು ಐಸಿಸಿ ನಿರೀಕ್ಷಿಸುತ್ತಿದೆ. ಈ ಮೊದಲು ಐಸಿಸಿ ಪಂದ್ಯಗಳ ಮಾಧ್ಯಮ ಹಕ್ಕುಗಳಿಗಾಗಿ ಸ್ಟಾರ್‌ & ಡಿಸ್ನಿ ಇಂಡಿಯಾ ಮತ್ತು ಸೋನಿ ಪಿಕ್ಚರ್ಸ್‌ ನೆಟ್‌ವರ್ಕ್‌ ಇಂಡಿಯಾ ನಡುವೆ ಸ್ಪರ್ಧೆ ಏರ್ಪಡುತ್ತಿತ್ತು.

ಮುಕೇಶ್‌ ಅಂಬಾನಿಯನ್ನು ಹಿಂದಿಕ್ಕಿದ ಗೌತಮ್‌ ಅದಾನಿ ಈಗ ಏಷ್ಯಾದ ಶ್ರೀಮಂತ ವ್ಯಕ್ತಿ!

ಐಸಿಸಿ ಮಾಧ್ಯಮ ಹಕ್ಕುಗಳ (ಮೀಡಿಯಾ ರೈಟ್ಸ್‌) ಹರಾಜು ಪ್ರಕ್ರಿಯೆಯನ್ನು ಮುಂದಿನ ವರ್ಷದ ಮೊದಲಿಗೇ ಆರಂಭಿಸಲಿದೆ. 2024ರಿಂದ ಆರಂಭವಾಗಲಿರುವ ಮುಂದಿನ ಅವಧಿಯ ಮಾಧ್ಯಮ ಹಕ್ಕುಗಳನ್ನು ಭಾರತಕ್ಕಾಗಿಯೇ ಪ್ರತ್ಯೇಕವಾಗಿ ಹರಾಜಿಗಿಡಲು ನಿರ್ಧರಿಸಿದೆ. ಬಿಡ್ಡಿಂಗ್‌ದಾರರು ಮುಂದಿನ 4 ವರ್ಷ ಅಥವಾ 8 ವರ್ಷಗಳ ಅವಧಿಗೆ ಬಿಡ್‌ ಮಾಡುವ ಅವಕಾಶವಿದೆ.

ಈ ಕುರಿತು ಎಕನಾಮಿಕ್‌ ಟೈಮ್ಸ್‌ ಕಳೆದ ತಿಂಗಳೇ ವರದಿ ಮಾಡಿತ್ತು. ಐಸಿಸಿ ಸಾಮಾನ್ಯವಾಗಿ 8 ವರ್ಷಗಳ ಅವಧಿಗೆ ತನ್ನ ಮಾಧ್ಯಮ ಹಕ್ಕುಗಳನ್ನು ಹರಾಜು ಮಾಡುತ್ತದೆ. ಆದರೆ, ಮುಂದಿನ ಬಾರಿಗೆ ಇದು ಪ್ರಂತ್ಯಗಳ ಆಧಾರದಲ್ಲಿ ಪ್ರತಿಯೊಂದು ಪ್ರಾಂತ್ಯಕ್ಕೂ ಪ್ರತ್ಯೇಕವಾಗಿ ಹರಾಜು ನಡೆಸಲಿದೆ. ಅಲ್ಲದೆ 8 ವರ್ಷಗಳ ಬದಲು 4 ವರ್ಷಗಳಿಗೂ ಬಿಡ್‌ ಮಾಡಲು ಅವಕಾಶ ನೀಡಲಿದೆ ಎಂದು ವರದಿಯಲ್ಲಿ ತಿಳಿಸಿತ್ತು.

2G ಮತ್ತು 4G ಬಳಕೆದಾರರನ್ನು ಶೀಘ್ರವಾಗಿ 5Gಗೆ ತರುವತ್ತ ಗಮನಹರಿಸಬೇಕು:ಮುಖೇಶ್ ಅಂಬಾನಿ

ಕಳೆದ ನವೆಂಬರ್‌ನಲ್ಲಿಯೇ ಐಸಿಸಿ ತನ್ನ ಮಾಧ್ಯಮ ಹಕ್ಕುಗಳನ್ನು ಹರಾಜಿಗಿಡುವ ಯೋಜನೆ ಇತ್ತು. ಆದರೆ, ಇತ್ತೀಚೆಗೆ ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ (ಬಿಸಿಸಿಐ) ತನ್ನ ‘ಇಂಡಿಯನ್‌ ಪ್ರೀಮಿಯರ್‌ ಲೀಗ್‌ (ಐಪಿಎಲ್) ಮೀಡಿಯಾ ರೈಟ್ಸ್‌ಗಳನ್ನು ವರ್ಷದ ಕೊನೆಯಲ್ಲಿ ಹಾರಾಜಿಗೆ ಬಿಡುವುದಾಗಿ ಘೋಷಿಸಿತ್ತು. ಇದರಿಂದ ಐಸಿಸಿ 2022ರ ಆರಂಭದಲ್ಲಿ ಹರಾಜು ನಡೆಸಲು ತನ್ನ ನಿರ್ಧಾರ ಬದಲಿಸಿತು.

ಹಾಗೆಂದ ಮಾತ್ರಕ್ಕೆ ನಾವು ಬಿಸಿಸಿಐ ಜತೆಗೆ ಸ್ಪರ್ಧೆ ಮಾಡುತ್ತಿಲ್ಲ. ಐಪಿಎಲ್‌ ಒಂದು ಬೃಹತ್‌ ಪ್ರಾಪರ್ಟಿ ಎಂಬುದು ನಮಗೆ ಗೊತ್ತಿದೆ. ಐಪಿಎಲ್‌ ಹರಾಜು ಪ್ರಕ್ರಿಯಲ್ಲಿ ನಾಲ್ಕಕ್ಕೂ ಹೆಚ್ಚು ಮಂದಿ ಬಿಡ್‌ ಮಾಡಿರುತ್ತಾರೆ. ಈ ಪೈಕಿ ಒಬ್ಬರಿಗಷ್ಟೇ ಬಿಡ್‌ ಗೆಲ್ಲಲು ಸಾಧ್ಯ. ಉಳಿದವರು ನಮ್ಮ (ಐಸಿಸಿ) ಹರಾಜಿನಲ್ಲಿ ಬಿಡ್‌ ಸಲ್ಲಿಸಲು ಮುಂದಾಗುತ್ತಾರೆ. ಹೀಗಾಗಿ ಐಪಿಎಲ್‌ ಹರಾಜಿನ ನಂತರ ಐಸಿಸಿ ಹರಾಜು ಆರಂಭಿಸುವುದಾಗಿ ತಿಳಿಸಿದ್ದಾರೆ.

ಅಮೆಜಾನ್‌ ಮತ್ತು ಫೇಸ್‌ಬುಕ್‌ಗಳೂ ಕೈಜೋಡಿಸುವ ನಿರೀಕ್ಷೆ
ಅಮೆಜಾನ್‌ ಮತ್ತು ಫೇಸ್‌ಬುಕ್‌ಗಳು ಕೂಡ ಭಾರತದಲ್ಲಿ ತಮ್ಮ ವಿಡಿಯೋ ಉದ್ಯಮವನ್ನು ವಿಸ್ತರಿಸಲು ಮುಂದಾಗಿವೆ. ಹೀಗಾಗಿ ಇವುಗಳೂ ಐಸಿಸಿ ಪಂದ್ಯಗಳ ಮಾಧ್ಯಮ ಹಕ್ಕುಗಳನ್ನು ಪಡೆಯಲು ಮುಂದಾಗಬಹುದು. ಐಸಿಸಿ ಮಾಧ್ಯಮ ಹಕ್ಕುಗಳ ಮೌಲ್ಯ ಭಾರತ ಒಂದಕ್ಕೇ ಸುಮಾರು 1.7ರಿಂದ 1.8 ಬಿಲಿಯನ್‌ ಡಾಲರ್‌ನಷ್ಟು ಇರಲಿದೆ.