ಹೈಲೈಟ್ಸ್‌:
- ಮುಂದಿನ ವರ್ಷದಿಂದ ಚಿಕಿತ್ಸಾ ಪ್ಯಾಕೇಜ್ ದರ ಹೆಚ್ಚಿಸಲು ಖಾಸಗಿ ಆಸ್ಪತ್ರೆಗಳ ಚಿಂತನೆ
- ಆಸ್ಪತ್ರೆಗಳಲ್ಲಿ ಚಿಕಿತ್ಸಾ ವೆಚ್ಚವನ್ನು ಶೇ 5 ರಿಂದ 10ರವರೆಗೆ ಹೆಚ್ಚಿಸುವ ಬಗ್ಗೆ ಪರಿಶೀಲನೆ
- ಕೋವಿಡ್ ಸಾಂಕ್ರಾಮಿಕದ ಬಳಿಕ ಇತರೆ ಆರೋಗ್ಯ ಚಿಕಿತ್ಸೆಯ ಆದಾಯದಲ್ಲಿ ಭಾರಿ ಇಳಿಕೆ
- ಮಾನವ ಸಂಪನ್ಮೂಲ, ನಿರ್ವಹಣೆ, ಹಣದುಬ್ಬರಗಳಿಂದ ಆಸ್ಪತ್ರೆಗಳ ವೆಚ್ಚದಲ್ಲಿ ಏರಿಕೆ
ಈ ಪ್ಯಾಕೇಜ್ ಪರಿಷ್ಕರಣೆ ದರವು 2021-22ನೇ ಹಣಕಾಸು ವರ್ಷದ ಅಂತ್ಯದಲ್ಲಿ ಜಾರಿಯಾಗುವ ನಿರೀಕ್ಷೆಯಿದೆ. ‘ನಮ್ಮದು ಭಾರಿ ದೊಡ್ಡ ಮಲ್ಟಿಸ್ಪೆಷಾಲಿಟಿ ಆಸ್ಪತ್ರೆ ಸರಣಿಯಾಗಿದ್ದರೂ, ಕೋವಿಡ್ ಸಾಂಕ್ರಾಮಿಕದ ಕಾರಣದಿಂದ ಕೋವಿಡ್‌ಯೇತರ ಆದಾಯಕ್ಕೆ ಹೊಡೆತ ಬಿದ್ದು, ಮಾನವಶಕ್ತಿ ವೆಚ್ಚ ಹೆಚ್ಚಳ ಮತ್ತು ಇತರೆ ಕಾರ್ಯ ನಿರ್ವಹಣೆ ವೆಚ್ಚಗಳು ಏರಿಕೆಯಾಗಿದ್ದರೂ 2019ರಿಂದ ನಾವು ಅದೇ ವೆಚ್ಚಗಳೊಂದಿಗೆ ರೋಗಿಗಳಿಗೆ ಚಿಕಿತ್ಸೆ ನೀಡುತ್ತಿದ್ದೇವೆ’ ಎಂದು ಫೋರ್ಟಿಸ್ ಹೆಲ್ತ್‌ಕೇರ್ (Fortis Healthcare) ವಕ್ತಾರರು ತಿಳಿಸಿದ್ದಾರೆ.
ಕೋವಿಡ್ ರೋಗಿಗಳಿಂದ ನಿಗದಿಗಿಂತ ಅಧಿಕ ಶುಲ್ಕ ವಸೂಲು: ಹೈಕೋರ್ಟ್ನಲ್ಲಿ ಒಪ್ಪಿಕೊಂಡ ಸರಕಾರ
‘ನಾವು ಪರಿಸ್ಥಿತಿಯ ಮೌಲ್ಯಮಾಪನ ಮಾಡುತ್ತಿದ್ದು, ಸೂಕ್ತ ಸಮಯದಲ್ಲಿ ಪ್ಯಾಕೇಜ್ ಟಾರಿಫ್ ತಿದ್ದುಪಡಿಯ ಬಗ್ಗೆ ನಿರ್ಧಾರ ತೆಗೆದುಕೊಳ್ಳುತ್ತೇವೆ’ ಎಂದು ಹೇಳಿದ್ದಾರೆ.
ಅಪೋಲೋ ಹಾಸ್ಪಿಟಲ್ಸ್ ಕೂಡ ದರ ಏರಿಕೆಯ ಆಯ್ಕೆಗಳ ಬಗ್ಗೆ ಪರಿಶೀಲನೆ ನಡೆಸುತ್ತಿದೆ. ‘ನೈರ್ಮಲ್ಯೀಕರಣ, ಉಪಭೋಗ್ಯಗಳು, ಮಾನವ ಸಂಪನ್ಮೂಲಗಳ ವೆಚ್ಚ ಮತ್ತು ಸಾಮಾನ್ಯ ಹಣದುಬ್ಬರಗಳು ನಮ್ಮ ಹೊರೆಯನ್ನು ಹೆಚ್ಚಿಸುತ್ತಿವೆ. ಹೀಗಾಗಿ ನಾವು ಈ ವೆಚ್ಚಗಳನ್ನು ಒಂದು ಕಡೆ ವರ್ಗಾವಣೆ ಮಾಡಬೇಕಾಗುತ್ತದೆ’ ಎಂದು ಅಪೋಲೋ ಹಾಸ್ಪಿಟಲ್ಸ್‌ನ (Apollo Hospitals) ಮುಖ್ಯ ಸಮೂಹ ಹಣಕಾಸು ಅಧಿಕಾರಿ ಕೃಷ್ಣನ್ ಅಖಿಲೇಶ್ವರನ್ ತಿಳಿಸಿದ್ದಾರೆ.
ರೂಢಿಯ ಪ್ರಕಾರ ಸಾಮಾನ್ಯವಾಗಿ ವಾರ್ಷಿಕ ಶೇ 5ರಷ್ಟು ಏರಿಕೆ ಮಾಡಲಾಗುತ್ತದೆ. ಆದರೆ ಈ ಬಾರಿ ಅದು ಸ್ವಲ್ಪ ಮಟ್ಟಿಗೆ ಹೆಚ್ಚಾಗಬಹುದು. ವೆಚ್ಚಗಳು ಈಗಾಗಲೇ ಸಾಕಷ್ಟು ದುಬಾರಿಯಾಗಿವೆ ಎಂದು ಹೇಳಿದ್ದಾರೆ.
ಅಪೋಲೋ ಮತ್ತು ಫೋರ್ಟಿಸ್ ಎರಡೂ ಸಾಂಕ್ರಾಮಿಕ ಪೂರ್ವ ಮಟ್ಟದ ಪೂರ್ಣ ಪ್ರಮಾಣದ ಚೇತರಿಕೆಯಿಂದ ಇನ್ನೂ ಶೇ 5-6ರಷ್ಟು ಪ್ರಮಾಣ ಹಿಂದುಳಿದಿವೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ನಗದು ರೂಪದಲ್ಲಿಯೇ ಬಿಲ್ ಪಾವತಿಗೆ ಆಸ್ಪತ್ರೆಗಳ ಪಟ್ಟು, ಹಾಸ್ಪಿಟಲ್‌ಗಳ ಮೇಲೆ ತೆರಿಗೆ ಇಲಾಖೆ ನಿಗಾ
ಆಸ್ಪತ್ರೆಯಿಂದ ಆಸ್ಪತ್ರೆಗೆ ದರ ಏರಿಕೆ ಪ್ರಮಾಣವು ವಿಭಿನ್ನವಾಗಿರಬಹುದು. ಆದರೆ ಪ್ಯಾಕೇಜ್ ದರ ಏರಿಕೆ ಅನಿವಾರ್ಯವಾಗಿದೆ. ವೆಚ್ಚಗಳಲ್ಲಿ ಹೆಚ್ಚಳವಾಗುತ್ತಿದ್ದರೂ ಚೇತರಿಕೆ ವಿಚಾರದಲ್ಲಿ ನಾವು ಸಾಂಕ್ರಾಮಿಕ ಪೂರ್ವದ ಮಟ್ಟಕ್ಕೆ ಇನ್ನೂ ತಲುಪಿಲ್ಲ ಎಂದು ಕೋಲ್ಕತಾ ಮೂಲದ ಮೆಡಿಕೋ ಸೂಪರ್‌ಸ್ಪೆಷಾಲಿಟಿ ಆಸ್ಪತ್ರೆ ಅಧ್ಯಕ್ಷ ಅಲೋಕ್ ರಾಯ್ ತಿಳಿಸಿದ್ದಾರೆ. ಹೀಗಾಗಿ ಎಲ್ಲ ಖಾಸಗಿ ಆಸ್ಪತ್ರೆಗಳೂ ರೋಗಿಗಳಿಗೆ ‘ಶಾಕ್ ಟ್ರೀಟ್‌ಮೆಂಟ್’ ನೀಡುವುದು ಖಾತರಿಯಾಗಿದೆ.
ಆಸ್ಪತ್ರೆಗಳು ಮೂರು ಮಾರ್ಗಗಳ ಮೂಲಕ ಆದಾಯ ಸಂಗ್ರಹಿಸುತ್ತವೆ- ರೋಗಿಗಳು ನೇರವಾಗಿ ನಗದು ರೂಪದಲ್ಲಿ ಶುಲ್ಕ ಪಾವತಿ ಮಾಡುವುದರಿಂದ, ವಿಮಾ ಕಂಪೆನಿಗಳು ಬಿಲ್ ಪಾವತಿಸುವುದರಿಂದ ಮತ್ತು ಕೇಂದ್ರ ಸರ್ಕಾರದ ಆರೋಗ್ಯ ಯೋಜನೆಯಂತಹ ಸರ್ಕಾರಿ ಯೋಜನೆಗಳು ಅಥವಾ ಸಾಂಸ್ಥಿಕ ರೋಗಿಗಳ ಮೂಲಕ ಆದಾಯ ಸಿಗುತ್ತವೆ. ನಗದು ಪಾವತಿ ಮಾಡುವ ರೋಗಿಗಳಿಗೆ ವೆಚ್ಚವನ್ನು ಹೆಚ್ಚಿಸುವ ಸಾಧ್ಯತೆಗಳಿವೆ ಎಂದು ಆಸ್ಪತ್ರೆಗಳ ಮೂಲಗಳು ತಿಳಿಸಿವೆ.