Karnataka news paper

‘ಕಬ್ಜ’: ವೈರಲ್ ಆಗಿದೆ ಕಿಚ್ಚ ಸುದೀಪ್‌ರ ‘ಭಾರ್ಗವ ಭಕ್ಷಿ’ ಲುಕ್


ಹೈಲೈಟ್ಸ್‌:

  • ‘ಕಬ್ಜ’ ಚಿತ್ರದಲ್ಲಿ ಉಪೇಂದ್ರ ಜೊತೆ ಕಾಣಿಸಿಕೊಳ್ಳುತ್ತಿದ್ದಾರೆ ಕಿಚ್ಚ ಸುದೀಪ್
  • ‘ಭಾರ್ಗವ ಭಕ್ಷಿ’ ಪಾತ್ರದಲ್ಲಿ ಅಭಿನಯಿಸುತ್ತಿದ್ದಾರೆ ಸುದೀಪ್
  • ಸುದೀಪ್‌ರ ‘ಭಾರ್ಗವ ಭಕ್ಷಿ’ ಲುಕ್ ವೈರಲ್ ಆಗಿದೆ

ಪದ್ಮಾ ಶಿವಮೊಗ್ಗ
ಉಪೇಂದ್ರ ನಟನೆಯ ಬಹು ನಿರೀಕ್ಷಿತ ಚಿತ್ರ ‘ಕಬ್ಜ’ಕ್ಕೆ ನಟ ಸುದೀಪ್‌ ಎಂಟ್ರಿಯಾಗಿದೆ. ಭಾರ್ಗವ ಭಕ್ಷಿಯಾಗಿ ನಟಿಸಲಿರುವ ಸುದೀಪ್‌ ಲುಕ್‌ ವೈರಲ್‌ ಆಗಿದೆ.

‘ಮುಕುಂದ ಮುರಾರಿ’ ಮತ್ತೆ ತೆರೆಯ ಮೇಲೆ ಜೋಡಿಯಾಗಿ ಕಾಣಿಸಿಕೊಳ್ಳಲಿದ್ದಾರೆ. ಉಪೇಂದ್ರ ಮತ್ತು ಸುದೀಪ್‌ ‘ಮುಕುಂದ ಮುರಾರಿ’ ಸಿನಿಮಾದಲ್ಲಿ ಒಟ್ಟಿಗೆ ನಟಿಸಿದ ನಂತರ ಎರಡನೇ ಬಾರಿ ‘ಕಬ್ಜ’ ಸಿನಿಮಾದಲ್ಲೂ ಜತೆಯಾಗಿ ಕಮಾಲ್‌ ತೋರಿಸಲಿದ್ದಾರೆ. ಆರ್‌.ಚಂದ್ರು ನಿರ್ದೇಶನದ ಬಹು ಭಾಷೆಯ ‘ಕಬ್ಜ’ ಚಿತ್ರದಲ್ಲಿ ಸುದೀಪ್‌ ಭಾರ್ಗವ ಭಕ್ಷಿಯಾಗಿ ನಟಿಸಲಿದ್ದಾರೆ. ಈಗಾಗಲೇ ಚಿತ್ರೀಕರಣದಲ್ಲಿ ಅವರು ಪಾಲ್ಗೊಂಡಿದ್ದಾರೆ. ಸಿನಿಮಾದಲ್ಲಿ ಸುದೀಪ್‌ ಲುಕ್‌ ಹೇಗಿರಲಿದೆ ಎನ್ನುವುದಕ್ಕೆ ಸಾಕ್ಷಿಯಾಗಿರುವ ಫಸ್ಟ್‌ ಲುಕ್‌ ರಿವೀಲ್‌ ಆಗಿದ್ದು, ಈಗಾಗಲೇ ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿದೆ.

‘ಕಬ್ಜ’ ಸಿನಿಮಾದಲ್ಲಿ ಸುದೀಪ್‌ ಹೊಸ ಲುಕ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ. ಸಿನಿಮಾದಲ್ಲಿಅವರ ಪಾತ್ರ ವಿಶೇಷವಾಗಿದೆ ಎಂದಿದ್ದಾರೆ ನಿರ್ದೇಶಕ ಆರ್‌. ಚಂದ್ರು. ‘ಸುದೀಪ್‌ ಅವರು ಬೇರೆ ಸಿನಿಮಾಗಳಲ್ಲಿ ಬಿಝಿ ಇದ್ದಿದ್ದರಿಂದ ಅವರ ಲುಕ್‌ ಟ್ರೈ ಮಾಡಲು ಆಗಿರಲಿಲ್ಲ. ಬಿಡುವಾಗುತ್ತಿದ್ದಂತೆ ಅವರ ಜತೆ ಲುಕ್‌ ಬಗ್ಗೆ ಡಿಸ್ಕಸ್‌ ಮಾಡಿ ರೆಡಿ ಮಾಡಿದೆವು. ಅಲೆಕ್ಸ್‌ ಎನ್ನುವವರು ಮೇಕೋವರ್‌ ಮಾಡಿದರು. ಸುದೀಪ್‌ ಅವರು ಕಬ್ಜಗೆ, ಸಿನಿಮಾದ ಕಥೆಗೆ ಡೈಮಂಡ್‌ ಥರ ಇದ್ದಾರೆ. ಅವರ ಅಭಿಮಾನಿಗಳಿಗೆ ಲುಕ್‌ ಇಷ್ಟ ಆಗಿದೆ’ ಎಂದಿದ್ದಾರೆ ಆರ್‌. ಚಂದ್ರು. ಸುದೀಪ್‌ ಪಾತ್ರ ಸಿನಿಮಾವನ್ನು ಇನ್ನೊಂದು ಲೆವೆಲ್‌ಗೆ ತೆಗೆದುಕೊಂಡು ಹೋಗಲಿದೆ ಎಂದು ನಿರೀಕ್ಷಿಸಲಾಗಿದೆ.

Kabza: ಭಾರ್ಗವ್ ಭಕ್ಷಿ ಅವತಾರದಲ್ಲಿ ‘ಕಿಚ್ಚ’ ಸುದೀಪ್‌; ಖಡಕ್ ಲುಕ್ ನೋಡಿ ಫ್ಯಾನ್ಸ್‌ ದಿಲ್‌ಖುಷ್‌
ಸುದೀಪ್‌ ನಟನೆಯ ದೃಶ್ಯಗಳ ಚಿತ್ರೀಕರಣ ಕೆಲವು ದಿನಗಳ ಹಿಂದೆ ಬೆಂಗಳೂರಿನಲ್ಲಿ ಪ್ರಾರಂಭವಾಗಿತ್ತು. ಇದೀಗ ಈ ಶೆಡ್ಯೂಲ್‌ ಮುಗಿಸಿಕೊಂಡಿರುವ ಚಿತ್ರತಂಡ ಹೈದರಾಬಾದ್‌ಗೆ ಹೋಗಲು ಸಜ್ಜಾಗಿದೆ. ಈ ಶೆಡ್ಯೂಲ್‌ನೊಂದಿಗೆ ‘ಕಬ್ಜ’ ಚಿತ್ರದ ಚಿತ್ರೀಕರಣ ಪೂರ್ಣಗೊಳ್ಳಲಿದೆ. ಚಿತ್ರ ಮುಂದಿನ ವರ್ಷ ರಿಲೀಸ್‌ ಆಗಲಿದೆ. ಚಂದ್ರು ಮೊದಲ ಬಾರಿಗೆ ಸುದೀಪ್‌ ಅವರಿಗೆ ಆ್ಯಕ್ಷನ್‌ ಕಟ್‌ ಹೇಳುತ್ತಿದ್ದಾರೆ. ‘ಕೆಜಿಎಫ್‌ 2 ಸಿನಿಮಾ ರಿಲೀಸ್‌ಗೆ ಕಾದಿದ್ದೇವೆ. ನಂತರ ನಮ್ಮ ಚಿತ್ರದ ಡೇಟ್‌ ಫಿಕ್ಸ್‌ ಮಾಡುತ್ತೇವೆ’ ಎಂದಿದ್ದಾರೆ ಅವರು.

‘ಕಬ್ಜ’ ಚಿತ್ರದ ಕಾಂಬೋ ಪೋಸ್ಟರ್ ಔಟ್: ಉಪೇಂದ್ರ, ಸುದೀಪ್ ಲುಕ್ ಹೀಗಿದೆ ನೋಡಿ…
‘ಸುದೀಪ್‌ ಅವರು ಬಹಳ ಎನರ್ಜೆಟಿಕ್‌. ಇವರಿಬ್ಬರ ಜೋಡಿ ಮತ್ತೆ ಅಭಿಮಾನಿಗಳಿಗೆ ಡಬಲ್‌ ಧಮಾಕಾ ಆಗಲಿದೆ. ಉಳಿದಂತೆ ಸುದೀಪ್‌ ಪಾತ್ರದ ಬಗ್ಗೆ ಈಗಲೇ ಮಾಹಿತಿ ಬಿಟ್ಟುಕೊಡಲು ಸಾಧ್ಯವಿಲ್ಲ. ಅವರ ಜತೆ ಚಿತ್ರೀಕರಣ ಮಾಡಿದ ಪ್ರತಿಯೊಂದು ಕ್ಷಣವೂ ಖುಷಿ ಕೊಡ್ತು’ ಎಂದಿದ್ದಾರೆ ಚಂದ್ರು. ಸುದೀಪ್‌ ಅವರು ಚಂದ್ರು ಅವರ ಕೆಲಸವನ್ನು ಮೆಚ್ಚಿಕೊಂಡಿರುವುದು ಅವರಿಗೆ ಸಂತಸ ನೀಡಿದೆ.

ಉಪೇಂದ್ರ ನಟನೆಯ ‘ಕಬ್ಜ’ ಚಿತ್ರಕ್ಕಾಗಿ ಬಂತು ಲಾರಿಗಟ್ಟಲೇ ಬಂದೂಕು
ಸಿನಿಮಾದಲ್ಲಿ1947ರಲ್ಲಿ ನಡೆಯುವ ಕಥೆ ಇದೆ. ಭೂಗತ ಲೋಕದ ಕಥೆ ಸಿನಿಮಾದಲ್ಲಿದೆ. ಇದುವರೆಗೆ ಯಾರೂ ಮಾಡಿರದ ವಸ್ತುವನ್ನು ಸಿನಿಮಾಗೆ ಆಯ್ಕೆ ಮಾಡಿಕೊಳ್ಳಲಾಗಿದೆ ಎನ್ನಲಾಗಿದೆ. ಸುದೀಪ್‌ ಅವರ ಪಾತ್ರಕ್ಕಾಗಿ ಬಹಳ ರಿಸರ್ಚ್ ಮಾಡಲಾಗಿದೆ. ಪಿರಿಯಾಡಿಕಲ್‌ ಕಥೆಯೂ ಸಿನಿಮಾದಲ್ಲಿರುವುದರಿಂದ ಅವರ ಲುಕ್‌, ಮೀಸೆಯನ್ನು ದಶಕಗಳ ಹಿಂದೆ ಇದ್ದಂತೆಯೇ ಡಿಸೈನ್‌ ಮಾಡಲಾಗಿದೆ.

‘ಕಬ್ಜ’ ಚಿತ್ರೀಕರಣದಲ್ಲಿ ಅವಘಡ: ನಟ ಉಪೇಂದ್ರ ತಲೆಗೆ ಏಟು!
ಕಬ್ಜ ಸಿನಿಮಾವನ್ನು ಕನ್ನಡ, ತಮಿಳು ಮತ್ತು ತೆಲುಗು ಭಾಷೆಗಳಲ್ಲಿ ನಿರ್ಮಾಣ ಮಾಡಲಾಗುತ್ತಿದೆ. ಮಲೆಯಾಳಂ, ಮರಾಠಿ, ಬೆಂಗಾಲಿ, ಹಿಂದಿ ಭಾಷೆಗಳಿಗೆ ಡಬ್‌ ಮಾಡಲಾಗುತ್ತಿದೆ. ಎಂ.ಟಿ.ಬಿ. ನಾಗರಾಜ್‌ ಸಿನಿಮಾ ನಿರ್ಮಾಣ ಮಾಡುತ್ತಿದ್ದಾರೆ. ಇಬ್ಬರು ಸ್ಟಾರ್‌ ನಟರು, ಬಾಲಿವುಡ್‌ನ ಜನಪ್ರಿಯ ನಟರು ನಟಿಸಿರುವ ಸಿನಿಮಾ ಇದಾಗಿರುವುದರಿಂದ, ದೊಡ್ಡ ಮಟ್ಟದಲ್ಲಿ ನಿರ್ಮಾಣವಾಗುತ್ತಿರುವುದರಿಂದ ಕನ್ನಡ ಚಿತ್ರರಂಗದತ್ತ ಇಡೀ ದೇಶ ಮತ್ತೊಮ್ಮೆ ನೋಡುತ್ತದೆ ಎಂಬ ಅಭಿಪ್ರಾಯ ವ್ಯಕ್ತವಾಗಿದೆ. ಈಗಾಗಲೇ ಸ್ಯಾಟಲೈಟ್‌, ಟಿವಿ ರೈಟ್ಸ್‌ಗೆ ದೊಡ್ಡ ಡಿಮ್ಯಾಂಡ್‌ ಸೃಷ್ಟಿಯಾಗಿದೆ ಎನ್ನಲಾಗಿದೆ. ಮಾತುಕತೆಯನ್ನೂ ನಡೆಸಲಾಗುತ್ತಿದೆ.



Read more