ನಿಫ್ಟಿ ತೈಲ ಮತ್ತು ಅನಿಲ ಸೂಚ್ಯಂಕವನ್ನು ಹೊರತುಪಡಿಸಿ ಹೆಚ್ಚಿನ ನಿಫ್ಟಿ ಸೂಚ್ಯಂಕಗಳು ಹಸಿರು ಬಣ್ಣದಲ್ಲೇ ಮುಮದುವರಿವು ಅಂದರೆ, ಲಾಭದಲ್ಲೇ ಮುಂದುವರಿದವು. ಆದರೆ, ತೈಲ ಮತ್ತು ಅನಿಲ ಸೂಚ್ಯಂಕಗಳು ಶೇ. 7 ರಷ್ಟು ಕುಸಿದಿದೆ. ನಿಫ್ಟಿ ಮೀಡಿಯಾ ಮತ್ತು ನಿಫ್ಟಿ ಕನ್ಸ್ಯೂಮರ್ ಡ್ಯೂರಬಲ್ಸ್ ಕೂಡ ಸುಮಾರು ಶೇ. 1ರಷ್ಟು ಇಳಿಕೆಯಾಗಿದೆ.
ಬಾಂಬೆ ಸ್ಟಾಕ್ ಎಕ್ಸ್ಚೇಂಜ್ (ಬಿಎಸ್ ಇ) ಮಿಡ್‌ಕ್ಯಾಪ್ ಮತ್ತು ನಿಫ್ಟಿ ಮಿಡ್‌ಕ್ಯಾಪ್ 100 ಶೇ.1ರಷ್ಟು ಏರಿಕೆಯಾಗಿದೆ. ಆದರೆ ಬಿಎಸ್ಇ ಸ್ಮಾಲ್‌ಕ್ಯಾಪ್ ಸೂಚ್ಯಂಕವು ಮುಕ್ತಾಯದ ಬೆಲ್‌ನಲ್ಲಿ ಶೇ. 0.73 ಹೆಚ್ಚಳ ಕಂಡಿದೆ.
ಶುಕ್ರವಾರದ ವಹಿವಾಟಿನಲ್ಲಿ ಈ ಷೇರುಗಳು ಅಪ್‌ಟ್ರೆಂಡ್‌ ಆಗುವ ಸಾಧ್ಯತೆ ಇದ್ದು, ಗಮನಹರಿಸಿ
ಹ್ಯಾವೆಲ್ಸ್ ಇಂಡಿಯಾ ಲಿಮಿಟೆಡ್- ಇದು ‘ಮೇಕ್ ಇನ್ ಇಂಡಿಯಾ’ ಧ್ಯೇಯವನ್ನು ಬಲಪಡಿಸುವ ನಿಟ್ಟಿನಲ್ಲಿ ಕಾರ್ಯನಿರ್ವಹಿಸುತ್ತಿದೆ. ಹ್ಯಾವೆಲ್ಸ್ ಇಂಡಿಯಾವು ರಾಜಸ್ಥಾನದ ಘಿಲೋತ್‌ನಲ್ಲಿ, ದೇಶದಲ್ಲೇ ಅತ್ಯಂತ ಸುಧಾರಿತ ರೋಬೋಟಿಕ್ ಮತ್ತು ಇಂಡಸ್ಟ್ರಿ 4.0 ಗುಣಮಟ್ಟದ ಉತ್ಪಾದನಾ ಘಟಕ ನಿರ್ಮಿಸಿದೆ. ಹೊಸದಾಗಿ ಉದ್ಘಾಟನೆಗೊಂಡ ಘಟಕವು ವಾರ್ಷಿಕ 3 ಲಕ್ಷ ಘಟಕಗಳ ಉತ್ಪಾದನಾ ಸಾಮರ್ಥ್ಯದೊಂದಿಗೆ ವಾಷಿಂಗ್ ಮೆಷಿನ್‌ಗಳನ್ನು ತಯಾರಿಸುತ್ತದೆ. ಭಾರತದಲ್ಲಿ ವಾಷಿಂಗ್ ಮೆಷಿನ್ ಮತ್ತು ಎಸಿ ಮಾರುಕಟ್ಟೆಯಲ್ಲಿ ತನ್ನ ಸ್ಥಾನವನ್ನು ಬಲಪಡಿಸುವ ಗುರಿಯನ್ನು ಕಂಪನಿ ಹೊಂದಿದೆ. ಗುರುವಾರದ ವಹಿವಾಟಿನ ಅವಧಿಯಲ್ಲಿ ಷೇರುಗಳು ಕುಸಿತ ಕಂಡಿದ್ದು, ವಹಿವಾಟಿನ ದ್ವಿತೀಯಾರ್ಧದಲ್ಲಿ ರೆಡ್‌ ಟೆರಟರಿಗೆ ಪ್ರವೇಶಿಸಿ ಮೊದಲಾರ್ಧದ ಲಾಭಗಳನ್ನು ಮಸುಕಾಗಿಸಿತು.
ಹಿರೋ ಮೊಟೊ ಕಾರ್ಪ್
ಹೀರೋ ಮೋಟೋ ಕಾರ್ಪ್ ತನ್ನ ಬೈಕ್‌ಗಳು ಮತ್ತು ಸ್ಕೂಟರ್‌ಗಳ ಬೆಲೆಯನ್ನು 2022ರ ಜನವರಿ 4ರಿಂದ ಹೆಚ್ಚಿಸುವುದಾಗಿ ಷೇರು ಮಾರುಕಟ್ಟೆಗೆ ತಿಳಿಸಿದೆ. ಇತ್ತೀಚೆಗೆ ಸರಕುಗಳ ಬೆಲೆಗಳು ಸ್ಥಿರವಾಗಿ ಏರುತ್ತಿದೆ ಮತ್ತು ಈ ಹೊರೆಯನ್ನು ನಿಭಾಯಿಸಲು, ಕಂಪನಿಯು ತನ್ನ ವಿಭಿನ್ನ ಮಾದರಿಯ ಬೈಕ್‌ಗಳು ಮತ್ತು ಸ್ಕೂಟರ್‌ಗಳ ಬೆಲೆಯನ್ನು ಹೆಚ್ಚಿಸಲಿದೆ. ಹೀರೋ ಮೋಟೋಕಾರ್ಪ್ ತನ್ನ ಬೈಕ್‌ಗಳು ಮತ್ತು ಸ್ಕೂಟರ್‌ಗಳ ಬೆಲೆಯಲ್ಲಿ 2000 ರೂಪಾಯಿವರೆಗೆ ಏರಿಕೆಯಾಗಲಿದೆ ಎಂದು ಹೇಳಿದೆ. ಯಾವ ಮಾದರಿಯ ಬೆಲೆ ಎಷ್ಟು ಹೆಚ್ಚಲಿದೆ ಎಂಬುದು ಆಯಾ ಮಾದರಿ ಮತ್ತು ಮಾರುಕಟ್ಟೆಯನ್ನು ಅವಲಂಬಿಸಿದೆ. ಗುರುವಾರದ ವಹಿವಾಟಿನಲ್ಲಿ ಈ ಸುದ್ದಿ ಹೊರಬಿದ್ದ ನಂತರ ಹೀರೋ ಮೋಟೋ ಕಾರ್ಪ್ ಷೇರುಗಳು 1.87% ರಷ್ಟು ಏರಿಕೆ ಕಂಡಿವೆ. ಶುಕ್ರವಾರ, ಹೀರೋ ಮೋಟೋ ಕಾರ್ಪ್ ಷೇರುಗಳು ಮತ್ತಷ್ಟು ಲಾಭ ದಾಖಲಿಸಬಹುದು.
ಟಿವಿಎಸ್ ಮೋಟಾರ್ಸ್ ಕಂಪನಿ
ಟಿವಿಎಸ್ ಮೋಟಾರ್ ಕಂಪನಿಯು ಭಾರತದಲ್ಲಿ ದ್ವಿಚಕ್ರ ಮತ್ತು ತ್ರಿಚಕ್ರ ವಾಹನಗಳ ಪ್ರಮುಖ ತಯಾರಕ ಕಂಪನಿಯಾಗಿದೆ. ಇದು ರೇಸ್ ಪರ್ಫಾರ್ಮೆನ್ಸ್ ಸರಣಿಯಲ್ಲಿ ಟಿವಿಎಸ್ ರೇಸಿಂಗ್‌ನ ಹೆಚ್ಚಿನ ಕಾರ್ಯಕ್ಷಮತೆಯ ರೇಸ್ ಮೆಷಿನ್ ಲೈನ್‌ಗಳನ್ನು ವರ್ಧಿಸುವುದಾಗಿ ಘೋಷಿಸಿದೆ. ಕಳೆದ ನಾಲ್ಕು ದಶಕಗಳಿಂದ ಟಿವಿಎಸ್ ರೇಸಿಂಗ್ ಬೈಕ್‌ಗಳಲ್ಲಿ ಅದ್ಭುತಗಳನ್ನು ಮಾಡುತ್ತಿದೆ. ಕಂಪನಿಯು ರೇಸ್ ಪ್ರದರ್ಶನ ಸರಣಿಯಲ್ಲಿ ಟಿವಿಎಸ್ ಅಪಾಚೆ ಸರಣಿಯ ಹೊಸ ಬೈಕ್ ಅನ್ನು ಬಿಡುಗಡೆ ಮಾಡಲಿದೆ. TVS Apache RTR 165 RP ರೇಸ್ ಪರ್ಫಾರ್ಮೆನ್ಸ್ ಸರಣಿಯಲ್ಲಿ ಬಿಡುಗಡೆಯಾದ ಮೊದಲ ಬೈಕ್ ಆಗಿರಬಹುದು. ಕಂಪನಿಯು ಅದರಲ್ಲಿ 200 ಘಟಕಗಳನ್ನು ಮಾತ್ರ ತಯಾರಿಸುತ್ತದೆ. ಟಿವಿಎಸ್ ಅಪಾಚೆ ಆರ್‌ಟಿಆರ್ 165 ಆರ್‌ಪಿ ಎಕ್ಸ್ ಶೋರೂಂ ಬೆಲೆಯನ್ನು ₹ 145000 ಇದೆ ಎಂದು ಟಿವಿಎಸ್ ಮೋಟಾರ್ ಮಾಹಿತಿ ನೀಡಿದೆ.
52-ವಾರದಲ್ಲೇ ಗರಿಷ್ಠ ಮಟ್ಟಕ್ಕೇರಿದ ಷೇರುಗಳು
ಇನ್ಫೋಸಿಸ್ ಮತ್ತು ಟೆಕ್ ಮಹೀಂದ್ರಾ ಷೇರುಗಳು ಗುರುವಾರ 52 ವಾರಗಳ ಗರಿಷ್ಠ ಮಟ್ಟವನ್ನು ತಲುಪಿದವು.
ಹೆಚ್ಚಿನ ವಿವರಗಳಿಗಾಗಿ ದಲಾಲ್ ಸ್ಟ್ರೀಟ್ ಇನ್ವೆಸ್ಟ್ಮೆಂಟ್ ಜರ್ನಲ್, ಭಾರತದ ನಂ.1 ಇಕ್ವಿಟಿ ರಿಸರ್ಚ್ ಮತ್ತು ಇನ್ವೆಸ್ಟ್ಮೆಂಟ್ ಮ್ಯಾಗಜೀನ್‌ಗೆ ಚಂದಾದಾರರಾಗಿ. ದಲಾಲ್ ಸ್ಟ್ರೀಟ್ ಇನ್ವೆಸ್ಟ್ಮೆಂಟ್ ಲಿಂಕ್ ಅನ್ನು ಕ್ಲಿಕ್ ಮಾಡುವ ಮೂಲಕ ನೀವು ಚಂದಾದಾರರಾಗಬಹುದು.
ಹಕ್ಕುತ್ಯಾಗ ( Disclaimer): ಮೇಲಿನ ವಿಷಯವನ್ನು ದಲಾಲ್ ಸ್ಟ್ರೀಟ್ ಇನ್ವೆಸ್ಟ್ಮೆಂಟ್ ಜರ್ನಲ್ (DSIJ)ಪರವಾಗಿ ಬರೆಯಲಾಗಿದೆ. ಇಲ್ಲಿ ವ್ಯಕ್ತಪಡಿಸಿದ ಅಥವಾ ಸೂಚಿಸಿದ, ಅದಕ್ಕೆ ಸಂಬಂಧಿಸಿದ ಎಲ್ಲ ವಾರಂಟಿಗಳನ್ನು ಟಿಐಎಲ್‌ ನಿರಾಕರಿಸುತ್ತದೆ. ಒದಗಿಸಿರುವ ಯಾವುದೇ ಮಾಹಿತಿ ಮತ್ತು ವಿಷಯವು ಸರಿಯಾಗಿದೆ, ನವೀಕರಿಸಲಾಗಿದೆ ಮತ್ತು ಪರಿಶೀಲಿಸಲಾಗಿದೆ ಎಂದು ಖಚಿತಪಡಿಸಿಕೊಳ್ಳಲು ಅಗತ್ಯವಿರುವ ಎಲ್ಲಾ ಕ್ರಮಗಳನ್ನು ತೆಗೆದುಕೊಳ್ಳಿ.