ಮೈಸೂರಿನ ಹೊಯ್ಸಳ ಬಡಾವಣೆಯ ನಿವಾಸಿಗಳು ಒಳಚರಂಡಿ ಸಮಸ್ಯೆಯಿಂದ ತತ್ತರಿಸಿದ್ದಾರೆ. ಯುಜಿಡಿ ನೀರು ಮನೆಗಳಿಗೆ ನುಗ್ಗಿ, ಸೊಳ್ಳೆಗಳ ಕಾಟ ಹೆಚ್ಚಾಗಿದ್ದು, ಸಾಂಕ್ರಾಮಿಕ ರೋಗಗಳ ಭೀತಿ ಎದುರಾಗಿದೆ. ವಿದ್ಯಾರಣ್ಯಪುರಂ ಮತ್ತು ಬೇಸ್ತರ ಗೇರಿಯ ಯುಜಿಡಿ ಸಂಪರ್ಕದಿಂದ ಸಮಸ್ಯೆ ಉಲ್ಬಣಗೊಂಡಿದ್ದು, ಚರಂಡಿಯಲ್ಲಿ ಹೂಳು ತುಂಬಿರುವುದರಿಂದ ನೀರು ಹಿಮ್ಮುಖವಾಗಿ ಹರಿಯುತ್ತಿದೆ.
ಹೈಲೈಟ್ಸ್‌:
- ಹೊಯ್ಸಳ ಬಡಾವಣೆಯವರು ಸಣ್ಣ ಮಳೆ ಬಂದರೂ ಯುಜಿಡಿ ನೀರಿನ ಸಮಸ್ಯೆಯಿಂದ ಸಂಕಷ್ಟದಲ್ಲಿ ಇದ್ದಾರೆ.
- ಪಾಲಿಕೆ ಅಧಿಕಾರಿಗಳ ಎಡವಟ್ಟದಿಂದಾಗಿ, ಹೊಯ್ಸಳ ಬಡಾವಣೆಯ ಒಳಚರಂಡಿ ವ್ಯವಸ್ಥೆ ಸಂಪೂರ್ಣವಾಗಿ ದುರಸ್ತಿ ಮಾಡಬೇಕಾಗಿದೆ.
- ಬೇಸ್ತರ ಗೇರಿ ಮತ್ತು ವಿದ್ಯಾರಣ್ಯಪುರಂ ಬಡಾವಣೆಯ ಒಳಚರಂಡಿ ನೀರನ್ನು ಸಂಪರ್ಕಿಸುವುದರಿಂದ ಹೊಯ್ಸಳ ಬಡಾವಣೆಯಲ್ಲಿನ ಯುಜಿಡಿ ನೀರಿನ ಒತ್ತಡ ಹೆಚ್ಚಾಗಿದೆ.