ಜನವರಿಯಿಂದ ಜಿಎಸ್‌ಟಿ ಏರಿಕೆ ಸಾಧ್ಯತೆ: ದುಬಾರಿಯಾಗಲಿವೆ ಬಟ್ಟೆ, ಚಪ್ಪಲಿಗಳು

ಹೊಸದಿಲ್ಲಿ: ಉದ್ಯಮದ ತೀವ್ರ ಆತಂಕದ ನಡುವೆಯೂ ಸರ್ಕಾರವು ಕೆಲವು ಜವಳಿ ಉತ್ಪನ್ನಗಳ ಮೇಲೆ ಅಧಿಕ ಸರಕು ಮತ್ತು ಸೇವಾ ತೆರಿಗೆ (GST) ಜಾರಿಗೊಳಿಸುವ ಕ್ರಮದಿಂದ ಹಿಂದೆ ಸರಿಯುವ ಸಾಧ್ಯತೆ ಇಲ್ಲ. ಈ ನಿರ್ಧಾರವನ್ನು ಜಿಎಸ್‌ಟಿ ಮಂಡಳಿ (GST Council) ತೆಗೆದುಕೊಂಡಿರುವುದರಿಂದ ಕೇಂದ್ರ ಸರ್ಕಾರ ಮರು ಚಿಂತನೆ ನಡೆಸುವುದಿಲ್ಲ ಎನ್ನಲಾಗಿದೆ. ಈ ಹೊಸ ಜಿಎಸ್‌ಟಿ ದರಗಳು ಜನವರಿ 1ರಿಂದ ಅನುಷ್ಠಾನಕ್ಕೆ ಬರಲಿವೆ.

ಮುಖ್ಯವಾಗಿ ಸಂಘಟಿತ ವಲಯ, ಅತಿ ಸಣ್ಣ, ಸಣ್ಣ ಮತ್ತು ಮಧ್ಯಮ ಗಾತ್ರ ಉದ್ಯಮಗಳಲ್ಲಿ (MSMEs) ಅಧಿಕ ನಿರ್ವಹಣಾ ವೆಚ್ಚಗಳ ಜತೆಗೆ, ಬಡ ಜನರಿಗೆ ಉಡುಪುಗಳು ಮತ್ತಷ್ಟು ದುಬಾರಿಯಾಗುತ್ತವೆ ಎಂದು ಜಿಎಸ್‌ಟಿ ಹೆಚ್ಚಳದ ನಿರ್ಧಾರವನ್ನು ಜವಳಿ ಉದ್ಯಮ ವಿರೋಧಿಸಿತ್ತು.
ಎಲೆಕ್ಟ್ರಿಕ್‌ ವಾಹನಗಳಿಗೆ ಸಬ್ಸಿಡಿ ಹೆಚ್ಚಿಸಲು, ಜಿಎಸ್‌ಟಿ ಇಳಿಕೆ ಮಾಡಲು ಸಂಸದೀಯ ಸಮಿತಿ ಸಲಹೆ
ಉದ್ಯಮ ಮುಂದಿಟ್ಟಿರುವ ಆತಂಕಗಳನ್ನು ಹಣಕಾಸು ಸಚಿವಾಲಯ ಜಿಎಸ್‌ಟಿ ಮಂಡಳಿ ಮುಂದೆ ಇರಿಸುವ ಸಾಧ್ಯತೆ ಇದೆ. ಕೆಲವು ಜವಳಿ ಉತ್ಪನ್ನಗಳ ಜಿಎಸ್‌ಟಿ ದರವನ್ನು ಶೇ 12ಕ್ಕೆ ಹೆಚ್ಚಿಸಲು ಜಿಎಸ್‌ಟಿ ಮಂಡಳಿ ನಿರ್ಧರಿಸಿತ್ತು.

ಸೆಪ್ಟೆಂಬರ್ 17ರಂದು ಲಖನೌದಲ್ಲಿ ನಡೆದ ಹಿಂದಿನ ಸಭೆಯಲ್ಲಿ ಜಿಎಸ್‌ಟಿ ಕೌನ್ಸಿಲ್, ಪಾದರಕ್ಷೆ ಮತ್ತು ಜವಳಿಗಳಲ್ಲಿ ಸುಂಕ ರಚನೆಯನ್ನು ಬದಲಿಸಲು ನಿರ್ಧಾರ ತೆಗೆದುಕೊಂಡಿತ್ತು. ಇದರ ಪರಿಣಾಮವಾಗಿ ಜನವರಿ 1ರಿಂದ ಚಪ್ಪಲಿ ಮತ್ತು ಜವಳಿಗಳ ಮೇಲಿನ ಜಿಎಸ್‌ಟಿ ಶೇ 12ಕ್ಕೆ ಏರಿಕೆಯಾಗಲಿದೆ.

‘ಆಳವಾದ ಚರ್ಚೆಯ ಬಳಿಕ ಜನವರಿ 1ರಿಂದ ಹೊಸ ದರವನ್ನು ಜಾರಿಗೊಳಿಸಲು ಮಂಡಳಿ ನಿರ್ಧಾರ ಕೈಗೊಂಡಿದೆ. ಮುಂದಿನ ಬಾರಿ ಮತ್ತೆ ಸಭೆ ಸೇರಿದಾಗ ಈ ಅಹವಾಲುಗಳನ್ನು ಅದರ ಮುಂದೆ ಇರಿಸಲಾಗುವುದು’ ಎಂದು ಹಣಕಾಸು ಸಚಿವಾಲಯದ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
ನವೆಂಬರ್‌ನಲ್ಲಿ ₹ 1.3 ಲಕ್ಷ ಕೋಟಿ ಜಿಎಸ್‌ಟಿ ಸಂಗ್ರಹ: ದಾಖಲೆಯ ಎರಡನೇ ಅತೀ ದೊಡ್ಡ ಮೊತ್ತ
ಜಿಎಸ್‌ಟಿಯನ್ನು ಅದಕ್ಕೆ ಸಂಬಂಧಿಸಿದ ಮಂಡಳಿ ಹೆಚ್ಚಳ ಮಾಡಿರುವುದರಿಂದ, ದರ ಅಥವಾ ಅನುಷ್ಠಾನದ ಯಾವುದೇ ನಿರ್ಧಾರಗಳು ಕೂಡ ಮಂಡಳಿಯನ್ನೇ ಅವಲಂಬಿಸಿರುತ್ತದೆ ಎಂದು ಅವರು ಹೇಳಿದ್ದಾರೆ.

ಈ ಹೊಸ ದರ ಜಾರಿಯಾದ ಬಳಿಕ, ಈಗ ಇರುವ ಉಡುಪುಗಳ ಮೇಲಿನ ಜಿಎಸ್‌ಟಿ ಶೇ 5ರಿಂದ ಶೇ 12ಕ್ಕೆ ಏರಿಕೆಯಾಗಲಿದೆ. ಅಂದರೆ ಮಾರಾಟ ಮೌಲ್ಯ 1,000 ರೂವರೆಗೂ ಹೆಚ್ಚಲಿದೆ. ಇದೇ ರೀತಿ, ಪಾದರಕ್ಷೆಗಳ ಶೇ 5ರ ಮಾರಾಟ ಮೌಲ್ಯದ ಮೇಲಿನ ತೆರಿಗೆಯು ಶೇ 12ಕ್ಕೆ ಹೆಚ್ಚುವುದರಿಂದ ಪ್ರತಿ ಜೋಡಿಗೆ 1,000 ರೂ. ವರೆಗೂ ತುಟ್ಟಿಯಾಗಲಿದೆ.

ನೇಯ್ದ ವಸ್ತ್ರ, ಕರಕುಶಲ ಹೊಲಿಗೆ ದಾರಗಳು, ಸಿಂಥೆಟಿಕ್ ದಾರದ ನೂಲು, ಸಿಂಥೆಟಿಕ್ ಮೋನೋಫಿಲಮೆಂಟ್ ಮತ್ತು ಕೃತಕ ಮೋನೋಫಿಲಮೆಂಟ್ ಹಾಗೂ ಇತರೆ ವಸ್ತುಗಳು ಸೇರಿದಂತೆ ಕೃತಕ ತಂತು ನೂಲುಗಳ ದಾರವನ್ನು ಈ ಮುಂಚೆ ಶೇ 5ರಿಂದ ಶೇ 12ಕ್ಕೆ ಏರಿಕೆ ಮಾಡಲಾಗುತ್ತದೆ. ‘ಕಂಪೆನಿಗಳು ವಸ್ತುಗಳ ಮೇಲಿನ ಅಧಿಕ ತೆರಿಗೆ ಪಾವತಿಗಾಗಿ ವಿನಾಯಿತಿಗಳನ್ನು ಪಡೆದುಕೊಳ್ಳಲು ಸಾಧ್ಯವಿಲ್ಲ. ಹೀಗಾಗಿ ಏರಿಳಿತದ ಸುಂಕ ರಚನೆಯು ವಲಯಕ್ಕೆ ವ್ಯಾಪಕ ಹಾನಿ ಉಂಟುಮಾಡಲಿದೆ’ ಎಂದು ಅಧಿಕಾರಿ ತಿಳಿಸಿದ್ದಾರೆ.
ಓಲಾ ಆಟೋ ಸೇವೆಗೆ ಇನ್ಮುಂದೆ ಶೇ. 5ರಷ್ಟು ಜಿಎಸ್‌ಟಿ! ಪ್ರಯಾಣಿಕರಿಗೆ ಹೆಚ್ಚುವರಿ ಹೊರೆ!
ಈ ಮುಂಚೆ ಇದ್ದ ಏರಿಳಿತದ ತೆರಿಗೆ ರಚನೆಯ ಕಾರಣದಿಂದ ಉಳಿಕೆಯಾಗುತ್ತಿದ್ದ ಇನ್‌ಪುಟ್ ತೆರಿಗೆ ಕ್ರೆಡಿಟ್‌ನ ನಿರ್ಣಯಗಳಿಗೆ ಏಕರೂಪದ ಜಿಎಸ್‌ಟಿ ನೆರವಾಗಲಿದೆ. ಅದು ಉದ್ಯಮವು ಇನ್‌ಪುಟ್ ಕ್ರೆಡಿಟ್ ಅನ್ನು ಹಂತಹಂತವಾಗಿ ಏರಿಕೆ ಮಾಡುವುದರ ಲಾಭವನ್ನು ಪಡೆದುಕೊಳ್ಳಲು ಅವಕಾಶ ನೀಡುತ್ತದೆ ಎಂದು ಜವಳಿ ಸಚಿವಾಲಯ ಕಳೆದ ತಿಂಗಳು ಹೇಳಿತ್ತು.

ಜಿಎಸ್‌ಟಿ ದರದ ಯಾವುದೇ ಏರಿಕೆಯು ಗ್ರಾಹಕರ ಮೇಲೆ ಕೆಟ್ಟ ಪರಿಣಾಮ ಬೀರಲಿದೆ ಮತ್ತು ಸಣ್ಣ ವ್ಯಾಪಾರಿಗಳ ಬಂಡವಾಳಕ್ಕೆ ಅಡ್ಡಿಪಡಿಸಲಿದೆ ಎಂದು ಅಖಿಲ ಭಾರತ ವ್ಯಾಪಾರಿಗಳ ಸಂಘಟನೆ ಆತಂಕ ವ್ಯಕ್ತಪಡಿಸಿದೆ. ಆದರೆ ಈ ಬಗ್ಗೆ ಈವರೆಗೂ ಹಣಕಾಸು ಸಚಿವಾಲಯ ಅಥವಾ ಜಿಎಸ್‌ಟಿ ಮಂಡಳಿ ಕಾರ್ಯಾಲಯ ಚರ್ಚೆ ನಡೆಸಿಲ್ಲ.

ತೀಕ್ಷ್ಣ ಒಳನೋಟ ಹಾಗೂ 20ಕ್ಕೂ ಹೆಚ್ಚು ವಲಯಗಳ ವಿಸ್ತೃತ ಮಾಹಿತಿ ಒಳಗೊಂಡ ‘ಎಕನಾಮಿಕ್ ಟೈಮ್ಸ್‘ ವಿಶೇಷ ಲೇಖನಗಳಿಗಾಗಿ ಈಗಲೇ ಸಬ್‌ಸ್ಕ್ರೈಬ್ ಆಗಿ.