ಹೈಲೈಟ್ಸ್‌:
- ಬಹುಕೋಟಿ ರೂಪಾಯಿ ವಂಚನೆ ಪ್ರಕರಣದಲ್ಲಿ ಸುಖೇಶ್ ಚಂದ್ರಶೇಖರ್ ಆರೋಪಿ
- ಸುಖೇಶ್ ಚಂದ್ರಶೇಖರ್‌ನಿಂದ ದುಬಾರಿ ಉಡುಗೊರೆಗಳನ್ನು ಪಡೆದಿದ್ದ ಜಾಕ್ವೆಲಿನ್ ಫರ್ನಾಂಡಿಸ್, ನೋರಾ ಫತೇಹಿ
- ಉಡುಗೊರೆಗಳನ್ನು ಮುಟ್ಟುಗೋಲು ಹಾಕಲು ಮುಂದಾದ ಜಾರಿ ನಿರ್ದೇಶನಾಲಯ
ವರದಿಗಳ ಪ್ರಕಾರ, ಡಿಸೆಂಬರ್ 2020 ರಿಂದ ಆಗಸ್ಟ್ 2021 ರ ನಡುವೆ ಜಾಕ್ವೆಲಿನ್ ಫರ್ನಾಂಡಿಸ್ ಅವರಿಗೆ ಸುಖೇಶ್ ಚಂದ್ರಶೇಖರ್ 10 ಕೋಟಿ ರೂಪಾಯಿಗೂ ಅಧಿಕ ಮೌಲ್ಯದ ಉಡುಗೊರೆಗಳನ್ನು ನೀಡಿದ್ದರು. ಸಾಲದಕ್ಕೆ, ಜಾಕ್ವೆಲಿನ್ ಫರ್ನಾಂಡಿಸ್ ಪರವಾಗಿ ಸುಖೇಶ್ ಚಂದ್ರಶೇಖರ್ ಅವರು ಸಿನಿಮಾ ಪ್ರಾಜೆಕ್ಟ್‌ವೊಂದಕ್ಕೆ 15 ಲಕ್ಷ ರೂಪಾಯಿ ಕೊಟ್ಟಿದ್ದರು. ಇದೀಗ ಆ ಹಣವನ್ನೂ ಹಿಂದಿರುಗಿಸಲು ಸ್ಕ್ರಿಪ್ಟ್ ರೈಟರ್ ಒಪ್ಪಿಕೊಂಡಿದ್ದಾರೆ.
ಬಹುಕೋಟಿ ರೂ. ವಂಚನೆ ಪ್ರಕರಣ: ಶಿಲ್ಪಾ ಶೆಟ್ಟಿ, ಶ್ರದ್ಧಾ ಕಪೂರ್‌ ಕಾಂಟ್ಯಾಕ್ಟ್‌ ಇದೆ ಎಂದ ಸುಕೇಶ್ ಚಂದ್ರಶೇಖರ್
ಮಾಡೆಲ್, ನಟಿ, ಡ್ಯಾನ್ಸರ್ ನೋರಾ ಫತೇಹಿ ಅವರಿಗೂ ಸುಖೇಶ್ ಚಂದ್ರಶೇಖರ್ ದುಬಾರಿ ಉಡುಗೊರೆಗಳನ್ನು ನೀಡಿದ್ದರು. ಆ ಎಲ್ಲಾ ದುಬಾರಿ ಉಡುಗೊರೆಗಳನ್ನು ಜಾರಿ ನಿರ್ದೇಶನಾಲಯದ ವಶಕ್ಕೆ ನೀಡಲು ವಿಚಾರಣೆ ವೇಳೆ ನೋರಾ ಫತೇಹಿ ಒಪ್ಪಿಕೊಂಡಿದ್ದಾರೆ ಎಂದು ಮೂಲಗಳು ತಿಳಿಸಿವೆ. ವಿಚಾರಣೆ ವೇಳೆ, ‘’ಸುಖೇಶ್ ಚಂದ್ರಶೇಖರ್ ನನಗೆ ನೀಡಿದ್ದ ಬಿಎಂಡಬ್ಲ್ಯೂ ಕಾರನ್ನು ವಶಕ್ಕೆ ಪಡೆಯಲು ನೀವು ಸ್ವತಂತ್ರರು’’ ಎಂದು ಜಾರಿ ನಿರ್ದೇಶನಾಲಯದ ಅಧಿಕಾರಿಗಳಿಗೆ ನೋರಾ ಫತೇಹಿ ತಿಳಿಸಿದ್ದರು.
ಸ್ಯಾಂಡಲ್‌ವುಡ್‌ಗೆ ಎಂಟ್ರಿ ಕೊಡಲಿದ್ದಾರೆ ‘ಬಾಲಿವುಡ್ ಬ್ಯೂಟಿ’ ಜಾಕ್ವೇಲಿನ್‌ ಫರ್ನಾಂಡಿಸ್!
ಜಾಕ್ವೆಲಿನ್ ಫರ್ನಾಂಡಿಸ್ ಕೂಡ ತಮಗೆ ಕೊಡಲಾಗಿದ್ದ ದುಬಾರಿ ಉಡುಗೊರೆಗಳನ್ನು ಜಾರಿ ನಿರ್ದೇಶನಾಲಯದ ವಶಕ್ಕೆ ನೀಡಲು ಒಪ್ಪಿಗೆ ಸೂಚಿಸಿದ್ದರು. ‘’ಸುಖೇಶ್ ಚಂದ್ರಶೇಖರ್ ಅವರ ಹಿನ್ನೆಲೆ ತಿಳಿದಿಲ್ಲ ಎಂದು ಜಾಕ್ವೆಲಿನ್ ಫರ್ನಾಂಡಿಸ್ ನಮಗೆ ತಿಳಿಸಿದ್ದಾರೆ. ಸುಖೇಶ್ ಚಂದ್ರಶೇಖರ್ ನೀಡಿದ್ದ ಉಡುಗೊರೆಗಳನ್ನು ವಶಪಡಿಸಿಕೊಳ್ಳುವ ಪ್ರಕ್ರಿಯೆಯಲ್ಲಿ ನಮಗೆ ಸಹಕರಿಸಲು ಸಿದ್ಧ ಎಂದು ಜಾಕ್ವೆಲಿನ್ ಫರ್ನಾಂಡಿಸ್ ತಿಳಿಸಿದ್ದಾರೆ’’ ಎಂದು ಜಾರಿ ನಿರ್ದೇಶನಾಲಯದ ಮೂಲಗಳು ತಿಳಿಸಿವೆ.
200 ಕೋಟಿ ರೂ. ಅಕ್ರಮ ಹಣ ವರ್ಗಾವಣೆ ಪ್ರಕರಣ: ವಿಚಾರಣೆಯಲ್ಲಿ ಭಾಗಿಯಾದ ನೋರಾ ಫತೇಹಿ
ವರದಿಗಳ ಪ್ರಕಾರ, ಜಾಕ್ವೆಲಿನ್ ಫರ್ನಾಂಡಿಸ್ ಹಾಗೂ ನೋರಾ ಫತೇಹಿಗೆ ನೀಡಿದ ದುಬಾರಿ ಉಡುಗೊರೆಗಳನ್ನು ವಂಚನೆ ಮಾಡಿದ ಹಣದಿಂದ ಖರೀದಿ ಮಾಡಲಾಗಿದೆ. 200 ಕೋಟಿ ರೂಪಾಯಿ ಪಿಎಂಎಲ್‌ಎ ಪ್ರಕರಣದಲ್ಲಿ ಸದ್ಯ ಜಾಕ್ವೆಲಿನ್ ಫರ್ನಾಂಡಿಸ್ ಹಾಗೂ ನೋರಾ ಫತೇಹಿ ಸಾಕ್ಷ್ಯಗಳಾಗಿ ತಮ್ಮ ಹೇಳಿಕೆಗಳನ್ನು ದಾಖಲಿಸಿದ್ದಾರೆ.
ಬಹುಕೋಟಿ ರೂಪಾಯಿ ವಂಚನೆ ಪ್ರಕರಣದಲ್ಲಿ ಜಾಕ್ವೆಲಿನ್ ಫರ್ನಾಂಡಿಸ್ ಹಾಗೂ ನೋರಾ ಫತೇಹಿ ಅವರನ್ನು ಏಕೆ ಆರೋಪಿಗಳನ್ನಾಗಿ ಮಾಡಿಲ್ಲ ಎಂಬ ಪ್ರಶ್ನೆಗೆ, ‘’ಸುಖೇಶ್ ಚಂದ್ರಶೇಖರ್ ಅವರ ಅಪರಾಧದ ಹಿನ್ನೆಲೆಯ ಬಗ್ಗೆ ಇಬ್ಬರೂ ನಟಿಯರಿಗೆ ತಿಳಿದಿಲ್ಲ. ಉಡುಗೊರೆಗಳನ್ನು ಸ್ವೀಕರಿಸುವ ವ್ಯಕ್ತಿಗೆ ಹಣದ ಮೂಲದ ಬಗ್ಗೆ ತಿಳಿದಿದೆಯೇ ಎಂಬುದನ್ನು ನಾವು ನೋಡಬೇಕಿತ್ತು. ಆದರೆ, ಜಾಕ್ವೆಲಿನ್ ಫರ್ನಾಂಡಿಸ್ ಹಾಗೂ ನೋರಾ ಫತೇಹಿ ಅವರಿಗೆ ಈ ಬಗ್ಗೆ ತಿಳಿದಿರಲಿಲ್ಲ ಎಂದು ನಾವು ಕಂಡುಕೊಂಡಿದ್ದೇವೆ’’ ಎಂದು ಜಾರಿ ನಿರ್ದೇಶನಾಲಯದ ಮೂಲಗಳು ತಿಳಿಸಿವೆ.