ಹೆರಿಗೆ ನಂತರದಲ್ಲಿ ಕಷ್ಟ ಆದರೂ ತೂಕ ಇಳಿಸಿಕೊಂಡ ‘ಯುವರತ್ನ’ ಸಿನಿಮಾ ನಟಿ ಸಾಯೇಷಾ ಸೈಗಲ್

ನಟಿ ಸಾಯೇಷಾ ಸೈಗಲ್ ಅವರು ಸದಾ ಫಿಟ್‌ನೆಸ್ ಕಡೆಗೆ ಗಮನ ನೀಡುತ್ತಿರುತ್ತಾರೆ. ಪತಿ ಆರ್ಯ ಜೊತೆಗೆ ಜಿಮ್‌ನಲ್ಲಿ ವಿವಿಧ ವರ್ಕೌಟ್ ಮಾಡುತ್ತಿರುವ ವಿಡಿಯೋವನ್ನು ಅವರು ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದರು. ಆದರೆ ಹೆರಿಗೆಯ ನಂತರದಲ್ಲಿ ತೂಕ ಇಳಿಸಿಕೊಳ್ಳೋದು ಸುಲಭ ಇಲ್ಲ ಎಂದು ಅವರು ಸೋಶಿಯಲ್ ಮೀಡಿಯಾದಲ್ಲಿ ಅಭಿಪ್ರಾಯ ಹಂಚಿಕೊಂಡಿದ್ದಾರೆ.

“ಹೆರಿಗೆ ನಂತರ ತೂಕ ಇಳಿಸಿಕೊಳ್ಳೋದು ಸುಲಭ ಅಲ್ಲ. ನೀವು ಸ್ಥಿರವಾಗಿದ್ದು, ಶ್ರದ್ಧೆಯಿಂದ ವರ್ಕೌಟ್‌ನತ್ತ ಗಮನಹರಿಸಿದ್ರೆ ತೂಕ ಇಳಿಸಿಕೊಳ್ಳಬಹುದು. ನೈಜತೆಗೆ ಹತ್ತಿರವಲ್ಲದ ಗುರಿಯನ್ನು ಇಟ್ಟುಕೊಳ್ಳಬಾರದು. ಪ್ರತಿ ಮಹಿಳೆಯು ಕೂಡ ಅವಳ ಹಾದಿಯಲ್ಲಿ ಸುಂದರವಾಗಿರುತ್ತಾಳೆ. ನಮ್ಮ ಅಂಗಗಳನ್ನು ಕೊಬ್ಬಿನಿಂದ ನಿವಾರಿಸುವುದರಿಂದ ಸಣ್ಣಗಿರುವುದು ಒಳ್ಳೆಯದು. ಆರೋಗ್ಯಕರವಾಗಿರೋದು ನಮ್ಮ ಟಾರ್ಗೆಟ್ ಆಗಿರಬೇಕು. ಅದು ಸಮಯ ತೆಗೆದುಕೊಳ್ಳುವುದು. ಸೆಲೆಬ್ರಿಟಿ ಅಂತ ನೋಡಬೇಡಿ, ನಿಮ್ಮ ಗುರಿ ನಿರ್ಧರಿಸಿ. ಪ್ರತಿಯೊಬ್ಬ ವ್ಯಕ್ತಿಯ ದೇಹ, ಆರೋಗ್ಯ ಸ್ಥಿತಿ ಕೂಡ ವಿಭಿನ್ನವಾಗಿರುತ್ತದೆ. ಈ ಫೋಟೋ ಫಿಟ್‌ನೆಸ್ ನನ್ನ ಲೈಫ್‌ಸ್ಟೈಲ್ ಎಂದು ತೋರಿಸಿಕೊಡುತ್ತದೆ. ಇದು ನನಗೆ ಖುಷಿ ಕೊಡುತ್ತದೆ” ಎಂದು ಸಾಯೇಷಾ ಸೈಗಲ್ ಹೇಳಿದ್ದಾರೆ.

Arya: ಮುದ್ದು ಮಗಳಿಗೆ ಮುದ್ದಾದ ಹೆಸರನ್ನಿಟ್ಟ ‘ಯುವರತ್ನ’ ನಟಿ ಸಾಯೇಷಾ ಸೈಗಲ್

ಕಳೆದ ಜುಲೈ 25ರಂದು ಸಾಯೇಷಾ ಸೈಗಲ್ ಹೆಣ್ಣು ಮಗುವಿಗೆ ಜನ್ಮ ನೀಡಿದ್ದರು. ತಮ್ಮ ಮನೆಗೆ ಹೊಸ ಸದಸ್ಯೆ ಎಂಟ್ರಿ ನೀಡಿದ್ದರ ಕುರಿತು ಆರ್ಯ ದಂಪತಿ ಮೊದಲು ಮಾಹಿತಿ ಹಂಚಿಕೊಂಡಿರಲಿಲ್ಲ. ಆರ್ಯ ಸ್ನೇಹಿತ ನಟ ವಿಶಾಲ್ ಟ್ವೀಟ್ ಮಾಡಿ ‘ನಾನು ಅಂಕಲ್ ಆಗುತ್ತಿದ್ದೇನೆ ಎಂದು ಹೇಳಲು ತುಂಬ ಖುಷಿಯಾಗುತ್ತಿದೆ. ನನ್ನ ಸಹೋದರ ಆರ್ಯ ಮತ್ತು ಸಾಯೇಷಾಗೆ ಮಗಳು ಹುಟ್ಟಿದ್ದಾಳೆ. ಮಗುವಿಗೆ ದೇವರು ಒಳ್ಳೆಯದನ್ನು ಮಾಡಲಿ’ ಎಂದಿದ್ದರು. ಆದರೆ ಇದುವರೆಗೂ ಮಗಳ ಬಗ್ಗೆ ಈ ದಂಪತಿ ಯಾವುದೇ ಮಾಹಿತಿ ಬಿಟ್ಟುಕೊಟ್ಟಿಲ್ಲ, ಒಂದು ಫೋಟೋ ಕೂಡ ಹಂಚಿಕೊಂಡಿಲ್ಲ. ಮಗಳಿಗೆ ಅರಿಯಾನಾ ಎಂದು ಹೆಸರಿಟ್ಟಿದ್ದಾರೆ.

2015ರಲ್ಲಿ ಚಿತ್ರರಂಗಕ್ಕೆ ಕಾಲಿಟ್ಟ ಸಾಯೇಷಾ ಸೈಗಲ್ ಅವರು ಪುನೀತ್ ರಾಜ್‌ಕುಮಾರ್ ಜೊತೆ ‘ಯುವರತ್ನ’ ಸಿನಿಮಾದಲ್ಲಿ ಬಣ್ಣ ಹಚ್ಚಿದ್ದರು. ನಟ ಆರ್ಯ ಜೊತೆ ‘ಟೆಡ್ಡಿ’, ‘ಗಜನಿಕಾಂತ್’, ‘ಕಾಪ್ಪಾನ್’ ಸಿನಿಮಾಗಳಲ್ಲಿ ಸಾಯೇಷಾ ನಟಿಸಿದ್ದಾರೆ. ಈ ಸಿನಿಮಾದಲ್ಲಿ ನಟಿಸುತ್ತಿರುವಾಗಲೇ ಅವರಿಬ್ಬರ ಮಧ್ಯೆ ಸ್ನೇಹ ಬೆಳೆದಿದೆ. ಆನಂತರ ಸ್ನೇಹ ಪ್ರೀತಿಗೆ ತಿರುಗಿದ್ದು, ಮದುವೆಯಾಗಿದ್ದಾರೆ. ಅನೇಕ ದಿನಗಳಿಂದ ಸಾಯೇಷಾ, ಆರ್ಯ ಪ್ರೀತಿ ಮಾಡುತ್ತಿದ್ದಾರೆಂದು ಗಾಸಿಪ್ ಹರಡಿದ್ದರೂ ಆ ಬಗ್ಗೆ ಅವರು ಯಾವುದೇ ಪ್ರತಿಕ್ರಿಯೆ ನೀಡಿರಲಿಲ್ಲ.ಹಿರಿಯ ಆಶೀರ್ವಾದ ಪಡೆದು 2019ರ ಮಾರ್ಚ್‌ನಲ್ಲಿ ಆರ್ಯ ಜೊತೆಗೆ ಸಪ್ತಪದಿ ಅವರು ತುಳಿದಿದ್ದು, ಅವರಿಬ್ಬರ ನಡುವೆ 12 ವರ್ಷಗಳ ವಯಸ್ಸಿನ ಅಂತರವಿದೆ.

‘ಯುವರತ್ನ’ ನಟಿ ಸಾಯೇಷಾ ಪತಿ ಆರ್ಯ ವಿರುದ್ಧ ಮಹಿಳೆಗೆ ವಂಚಿಸಿದ ಆರೋಪ; ಇಬ್ಬರ ಬಂಧನ

ಫಿಟ್‌ನೆಸ್ ಕಡೆಗೆ ಗಮನ ಕೊಡುವ ಆರ್ಯ ಒಂದಾದ ಮೇಲೆ ಒಂದರಂತೆ ವಿಭಿನ್ನ ಪಾತ್ರಗಳನ್ನು ಮಾಡುತ್ತಿದ್ದಾರೆ. ಸಾಯೇಷಾ ಸದ್ಯ ಮಗಳ ಕಡೆಗೆ ಗಮನ ಕೊಡುತ್ತಿದ್ದು, ಶೀಘ್ರದಲ್ಲಿಯೇ ಚಿತ್ರರಂಗಕ್ಕೆ ಎಂಟ್ರಿ ಕೊಡಬಹುದು. ಸೋಶಿಯಲ್ ಮೀಡಿಯಾದಲ್ಲಿ ಸಕ್ರಿಯವಾಗಿರುವ ಸಾಯೇಷಾ, ಆರ್ಯ ಅವರಿಬ್ಬರೂ ಜೊತೆಗಿರುವ ಫೋಟೋ, ಸಿನಿಮಾ ಕುರಿತಂತೆ ಮಾಹಿತಿ ಹಂಚಿಕೊಳ್ಳುತ್ತಿರುತ್ತಾರೆ.