ಹೈಲೈಟ್ಸ್‌:
- ‘ನಮ್ಮನೆ ಯುವರಾಣಿ’ ಧಾರಾವಾಹಿ ನಟಿ ಅಂಕಿತಾ ಅಮರ್ ತೆಲುಗಿಗೆ ಎಂಟ್ರಿ
- ತೆಲುಗಿನ ಪ್ರಾಜೆಕ್ಟ್ ಒಪ್ಪಿಕೊಳ್ಳಲು ಕಾರಣ ನೀಡಿದ ಅಂಕಿತಾ ಅಮರ್
- ವಿಶೇಷ ಬರಹದೊಂದಿಗೆ ಅಂಕಿತಾ ಅಮರ್ ಹೇಳಿದ್ದೇನು?
ಅಂಕಿತಾ ಅಮರ್ ಅವರು ಈ ಹೊಸ ಧಾರಾವಾಹಿ ಕುರಿತು ಸೋಶಿಯಲ್ ಮೀಡಿಯಾದಲ್ಲಿ ಪೋಸ್ಟ್ ಹಂಚಿಕೊಂಡಿದ್ದರು.
ನನ್ನ ಅಪ್ಪನಿಗೆ ಶ್ರೀದೇವಿ ಅಂದ್ರೆ ತುಂಬಾ ಇಷ್ಟ.
ಅವರು ಮಾಡೋ ಡ್ಯಾನ್ಸ್ , ಅವರು ಕೊಡುವ ಎಕ್ಸ್‌ಪ್ರೆಶನ್ ಅಪ್ಪನಿಗೆ ತುಂಬಾ ಇಷ್ಟ.
ನನಗೂ ಅವರು ಸ್ಫೂರ್ತಿ ತುಂಬ್ತಾರೆ.
ಎಷ್ಟೋ ಸಲ ಹೇಗೆ ಎಕ್ಸ್‌ಪ್ರೆಶನ್ ಕೋಡಲಿ ಅಂತ ಯೋಚನೆ ಬಂದ್ರೆ ಇವರನ್ನು ನೆನಪು ಮಾಡಿಕೊಳ್ತೀನಿ.
ನನ್ನ ಹೊಸ ಪ್ರಾಜೆಕ್ಟ್‌ನಲ್ಲಿ ನಿಮ್ಮ ಹೆಸರು ಶ್ರೀದೇವಿ ಅಂದಾಗ, ಮೈ ಝುಂ ಅಂತು.
ಅಪ್ಪನಿಗೆ ಇಷ್ಟ ಆಗುತ್ತೆ ಅಂತ ಅನಿಸಿತು.
ಇನ್ನೊಂದು ಕಡೆ ನನ್ನ ಮೊದಲ ಪ್ರೀತಿ.
ಸುಶಾಂತ್ ಸಿಂಗ್ ರಜಪೂತ್ ನನಗೆ ತುಂಬಾ ಅಚ್ಚುಮೆಚ್ಚು, ಒಂದು ಜೋಡಿ ಅನ್ನುವ ಕಾನ್ಸೆಪ್ಟ್ ಬಂದ್ರೆ ಜನರಿಗೆ ಹೇಗೆ ಆ ಸಂಬಂಧವನ್ನ ತೋರಸ್ಬೇಕು ಅಂತ ಅವರನ್ನೇ ನೋಡಿ ಕಲ್ತಿದ್ದು. ತೆರೆ ಮೇಲೆ ಬರ್ತಿದ್ದ ಆ ಅಂಕಿತಾ- ಸುಶಾಂತ್ ಜೋಡಿಗೆ ನಾನು ದೊಡ್ಡ ಅಭಿಮಾನಿ.
ತೆಲುಗು ಕ್ಷೇತ್ರಕ್ಕೆ ಕಾಲಿಟ್ಟ ‘ನಮ್ಮನೆ ಯುವರಾಣಿ’ ಅಂಕಿತಾ ಅಮರ್, ‘ಗಟ್ಟಿಮೇಳ’ ಪ್ರಿಯಾ ಆಚಾರ್
ಮೂರು ವರ್ಷದಿಂದ ಸಾಕಷ್ಟು ಪ್ರಾಜೆಕ್ಟ್ ಬಂದವು. ಯಾವುದು ಬೇಡ ಅಂದಿದ್ದೆ. ಸಾಕಷ್ಟು ಬೇರೆ ಭಾಷೆ production houses ತಮ್ಮ ಬಾವುಟವನ್ನು ಇಲ್ಲಿ ಹಾರಿಸಿದಾರೆ. pixelpictures ನಮ್ಮ ಕರ್ನಾಟಕದ ಪ್ರೊಡಕ್ಷನ್ ಹೌಸ್.
ನಾವು ಯಾಕೆ ನಮ್ಮ ಡಿಂಡಿಮವ ಬಾರಿಸಬಾರದು ಅಲ್ಲಿ ಅನ್ನಿಸ್ತು. ಇರೋದು ಒಂದೇ ಜೀವನ, ದೇವರು ಕೊಟ್ಟಿರುವ ಆಸಕ್ತಿಯನ್ನು ಯಾಕೆ ಹೆಚ್ಚು ಬಳೆಸಬಾರದು ಅನಿಸ್ತು.
ನಾನು ನಂಬಿರೋ ತಾಯಿ ಶಾರದಾಂಬೆ ನನ್ನ ಕೈಯಲ್ಲಿ ಬೇರೆ ಭಾಷೆಯ ಹಾಡು, ನೃತ್ಯ ಮಾಡಿಸಿದ್ದಾಳೆ, ಇದು ಹಾಗೆನಾ? ಅನಿಸಿತು.
ನನ್ನ ಮೊದಲ ಪ್ರೀತಿಗೆ ಋಣ ತೀರಿಸಲು ಅವಕಾಶ ಸಿಕ್ಕಿದೆಯಾ? ಅನಿಸಿಸ್ತು.
ಎಲ್ಲದಕ್ಕಿಂತ ಈ ಹೆಸರಿನ ಪಾತ್ರ ಮಾಡಿದ್ರೆ ಅಪ್ಪಂಗೆ ಇಷ್ಟ ಆಗುತ್ತೆ ಅಂತ ಅನಿಸಿತು.
ಅದಕ್ಕೆ ಜೈ ಹೇಳ್ದೆ.
ಪಾಲಕರಾಗಿ ಬಡ್ತಿ ಪಡೆದ ‘ಮಿಸ್ಟರ್ & ಮಿಸ್‌ಸ್ ರಂಗೇಗೌಡ’ ಧಾರಾವಾಹಿಯ ಈ ಜೋಡಿ
ಕನ್ನಡ ಬಿಟ್ಟು ಅಲ್ಲಾ… ಕನ್ನಡದ ಜೊತೆ, ಒಬ್ಬ ಕನ್ನಡತಿಯಾಗಿ, ನನ್ನ ಕನ್ನಡತನವನ್ನ, ನನ್ನ ಕಲೆಗೆ ಬೆರೆಸಿ ನನ್ನ ಆಸಕ್ತಿಗೆ ಯಾವ ಗಡಿಯು ಇಡದೆ ನನ್ನ ಮುಂದಿನ ಹೆಜ್ಜೆ ಇಡ್ತಿದ್ದೇನೆ. ಇಷ್ಟು ದಿನ ಬೆಳೆಸಿದ್ದೀರಾ, ನನ್ನ ನಲ್ಮೆಯ ಕಣ್ಮನಿಗಳೂ ನನಗೆ ಅಚ್ಚು ಮೆಚ್ಚು , ಎಲ್ಲಾ ನಿಮ್ಮಿಂದ,
ನೀವೆಲ್ಲರೂ ಹೆಮ್ಮೆ ಪಡುವಂತೆ ನಾನು ಮಾಡುವೆ.
ಅಪ್ಪ.ಅಮ್ಮ, ತಂಗಿ , ನನ್ನ ಸ್ನೇಹಿತರೆ ನನ್ನ ಬೆನ್ನೆಲುಬು.
ಕಣ್ಮಣಿಗಳೆ ನನ್ನ ಸ್ಫೂರ್ತಿ.
