ಹೈಲೈಟ್ಸ್‌:
- ಮುಂದಿನ ವರ್ಷ ಜನವರಿ-ಫೆಬ್ರವರಿ ಅವಧಿಯಲ್ಲಿ ನಡೆಯುವ 19ರ ವಯೋಮಿತಿ ವಿಶ್ವಕಪ್.
- 19ರ ವಯೋಮಿತಿ ವಿಶ್ವಕಪ್ ಟೂರ್ನಿಗೆ 17 ಸದಸ್ಯರ ಭಾರತ ಕಿರಿಯರ ತಂಡ ಪ್ರಕಟವಾಗಿದೆ.
- ಯಶ್‌ ಧುಲ್‌ಗೆ ನಾಯಕತ್ವ ನೀಡಿದ್ದು, ಕರ್ನಾಟಕದಿಂದ ಅನೀಶ್ವರ್ ಗೌತಮ್ ಆಯ್ಕೆಯಾಗಿದ್ದಾರೆ.
ಹದಿನಾಲ್ಕನೇ ಆವೃತ್ತಿಯ ಕಿರಿಯ ವಿಶ್ವಕಪ್ ಟೂರ್ನಿಯಲ್ಲಿ ಒಟ್ಟು 16 ತಂಡಗಳು ಭಾಗವಹಿಸಲಿದ್ದು, ಒಟ್ಟು 48 ಪಂದ್ಯಗಳು ಜರುಗಲಿವೆ. ಅತಿ ಹೆಚ್ಚು ಕಿರಿಯರ ವಿಶ್ವಕಪ್ ಗೆದ್ದ ದಾಖಲೆಯನ್ನು ಭಾರತ ಹೊಂದಿದೆ. 2000, 2008, 2012 ಹಾಗೂ 2018ರ ಆವೃತ್ತಿಗಳಲ್ಲಿ ಭಾರತ ಅಂಡರ್‌ 19 ತಂಡ ಕಿರಿಯರ ವಿಶ್ವಕಪ್ ಗೆದ್ದಿದೆ. ಇದರ ಜೊತೆಗೆ 2016 ಹಾಗೂ 2020ರ ಆವೃತ್ತಿಯಲ್ಲಿಯೂ ಭಾರತ ರನ್ನರ್‌ ಅಪ್‌ ಆಗಿತ್ತು.
ತಲಾ ನಾಲ್ಕು ಗುಂಪುಗಳಲ್ಲಿ ಅಗ್ರ ಎರಡು ತಂಡಗಳು ಸೂಪರ್‌ ಲಿಂಗ್‌ಗೆ ಅರ್ಹತೆಯನ್ನು ಪಡೆದುಕೊಂಡರೆ, ಇನ್ನುಳಿದ ತಂಡಗಳು 23 ದಿನಗಳ ಕಾಲ ನಡೆಯುವ ಪ್ಲೇಟ್‌ ಪಂದ್ಯಗಳಲ್ಲಿ ಸೆಣಸಲಿವೆ. ಯಶ್‌ ಧುಲ್ ನಾಯಕತ್ವದ ಭಾರತ ತಂಡ ‘ಬಿ’ ಗುಂಪಿನಲ್ಲಿ ಸ್ಥಾನ ಪಡೆದಿದೆ. ಜನವರಿ 15 ರಂದು ದಕ್ಷಿಣ ಆಫ್ರಿಕಾ ವಿರುದ್ಧ ಸೆಣಸುವ ಮೂಲಕ ಭಾರತ ವಿಶ್ವಕಪ್ ಅಭಿಯಾನ ಶುರು ಮಾಡಲಿದೆ.
ಕನ್ನಡಿಗರೇ ಓಪನರ್ಸ್‌! ಬಾಕ್ಸಿಂಗ್‌ ಡೇ ಟೆಸ್ಟ್‌ಗೆ ಭಾರತ ಸಂಭಾವ್ಯ ಪ್ಲೇಯಿಂಗ್‌ XI ಇಂತಿದೆ..
ಜನವರಿ 19 ರಂದು ಐರ್ಲೆಂಡ್‌ ವಿರುದ್ಧ ತನ್ನ ಎರಡನೇ ಪಂದ್ಯವಾಡಲಿರುವ ಭಾರತ ತಂಡ, ಜನವರಿ 22 ರಂದು ಉಗಂಡಾ ವಿರುದ್ಧ ತನ್ನ ಮೂರನೇ ಪಂದ್ಯವಾಡಲಿದೆ. ಗುಂಪು ಹಂತದಲ್ಲಿ ಭಾರತ ತಂಡ ಎರಡು ಪಂದ್ಯಗಳಲ್ಲಿ ಗೆಲುವು ಪಡೆದರೆ, ನೇರವಾಗಿ ಸೂಪರ್‌ ಲೀಗ್‌ಗೆ ಅರ್ಹತೆಯನ್ನು ಪಡದುಕೊಳ್ಳಲಿದೆ.
ಭಾರತ 19 ವಯೋಮಿತಿ ತಂಡ: ಯಶ್‌ ಧುಲ್ (ನಾಯಕ), ಹರ್ನೂರ್ ಸಿಂಗ್, ಅಂಗ್‌ಕ್ರಿಶ್ ರಘುವಂಶಿ, ಎಸ್‌ಕೆ ರಶೀದ್, ನಿಶಾಂತ್ ಸಿಂಧು, ಸಿದ್ದಾರ್ಥ್ ಯಾದವ್, ಅನೀಶ್ವರ್ ಗೌತಮ್, ದಿನೇಶ್ ಬಾನಾ (ವಿ.ಕೀ), ಆರಾಧ್ಯ ಯಾದವ್ (ವಿ.ಕೀ), ರಾಜ್ ಅಂಗದ್ ಬಾವಾ, ಮಾನವ್ ಪರಾಖ್, ಕೌಶಲ್ ತಾಂಬೆ, ಆರ್‌ಎಸ್ ಹಂಗರ್ಗೆಕರ್ ವತ್ಸ್‌, ವಿಕ್ಕಿ ಒಸ್ತ್ವಾಲ್, ರವಿಕುಮಾರ್, ಗರ್ವ್ ಸಾಂಗ್ವಾನ್
ಸ್ಟ್ಯಾಂಡ್‌ಬೈ ಆಟಗಾರರು: ರಿಷಿತ್ ರೆಡ್ಡಿ, ಉದಯ್ ಸಹರನ್, ಅಂಶ್ ಗೋಸಾಯಿ, ಅಮೃತ್ ರಾಜ್ ಉಪಾಧ್ಯಾಯ, ಪಿಎಂ ಸಿಂಗ್ ರಾಥೋಡ್.