ಹೈಲೈಟ್ಸ್‌:
- ವಿದೇಶಗಳ ಉಪಗ್ರಹಗಳ ವಾಣಿಜ್ಯಿಕ ಉಡಾವಣೆಯಿಂದ ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆಗೆ ಸುಮಾರು 350 ಕೋಟಿ ರೂ. ಆದಾಯ
- ಕೇಂದ್ರ ಸರಕಾರದಿಂದ ಸಂಸತ್ತಿಗೆ ಮಾಹಿತಿ
- ಬಾಹ್ಯಾಕಾಶ ಮತ್ತು ಪರಮಾಣು ಶಕ್ತಿ ಇಲಾಖೆ ಸಹಾಯಕ ಸಚಿವ ಜಿತೇಂದ್ರ ಸಿಂಗ್‌ ಮಾಹಿತಿ
- ವಾಣಿಜ್ಯಿಕ ವಿಭಾಗ ನ್ಯೂಸ್ಪೇಸ್‌ ಇಂಡಿಯಾ ಲಿಮಿಟೆಡ್‌ ಮೂಲಕ ವಿದೇಶದ ಉಪಗ್ರಹಗಳನ್ನು ವಾಣಿಜ್ಯಿಕವಾಗಿ ಉಡಾವಣೆ ಮಾಡುತ್ತಿದೆ ಇಸ್ರೋ
“2019 – 21ರ ಅವಧಿಯಲ್ಲಿ ವಿದೇಶಿ ಉಪಗ್ರಹಗಳನ್ನು ಉಡಾವಣೆ ಮಾಡಿದ ಕಾರಣ ಇಸ್ರೋಗೆ ಸುಮಾರು 35 ದಶಲಕ್ಷ ಡಾಲರ್‌ (ಸುಮಾರು 266 ಕೋಟಿ ರೂ.) ಹಾಗೂ 10 ದಶಲಕ್ಷ ಯೂರೋ (ಸುಮಾರು 86 ಕೋಟಿ ರೂ.) ಆದಾಯ ಲಭಿಸಿದೆ. ಅಲ್ಲದೆ, 2021 – 21ರ ಅವಧಿಯಲ್ಲೂ ಹಲವು ಉಪಗ್ರಹ ಉಡಾವಣೆ ಮಾಡಲಿದ್ದು, ಇದರಿಂದ 132 ದಶಲಕ್ಷ ಯೂರೋ (1,137 ಕೋಟಿ ರೂ.) ಆದಾಯ ನಿರೀಕ್ಷಿಸಲಾಗಿದೆ,” ಎಂದು ತಿಳಿಸಿದ್ದಾರೆ.
ಇಸ್ರೋದ ವಾಣಿಜ್ಯಿಕ ವಿಭಾಗ ನ್ಯೂಸ್ಪೇಸ್‌ ಇಂಡಿಯಾ ಲಿಮಿಟೆಡ್‌ (ಎನ್‌ಎಸ್‌ಐಎಲ್‌)ನಿಂದ ಪೋಲಾರ್‌ ಸ್ಯಾಟಲೈಟ್‌ ಲಾಂಚ್‌ ವೆಹಿಕಲ್‌ (ಪಿಎಸ್‌ಎಲ್‌ವಿ) ಮೂಲಕ ವಿದೇಶದ ಉಪಗ್ರಹಗಳನ್ನು ವಾಣಿಜ್ಯಿಕವಾಗಿ ಉಡಾವಣೆ ಮಾಡುತ್ತಿದೆ.
ನೂತನ NEP ಪಠ್ಯದಲ್ಲಿ ಇಸ್ರೊ, ಬಾಹ್ಯಾಕಾಶ ವಿಜ್ಞಾನದ ಅಂಶಗಳು: ಬಿ ಸಿ ನಾಗೇಶ್
ಎಸ್‌ಎಸ್‌ಎಲ್‌ವಿಯಿಂದ 2022ರ ಆರಂಭದಲ್ಲಿಚೊಚ್ಚಲ ಉಡಾವಣೆ
ಸಣ್ಣ ಉಪಗ್ರಹಗಳನ್ನು ಯಶಸ್ವಿಯಾಗಿ ಬಾಹ್ಯಾಕಾಶಕ್ಕೆ ಸೇರಿಸಲು ನೆರವಾಗಲೆಂದು ಭಾರತೀಯ ಬಾಹ್ಯಾಕಾಶ ಸಂಶೋಧನೆ ಸಂಸ್ಥೆ (ಇಸ್ರೋ) ಅಭಿವೃದ್ಧಿಪಡಿಸಿರುವ ಸ್ಮಾಲ್‌ ಸ್ಯಾಟಲೈಟ್‌ ಲಾಂಚ್‌ ವೆಹಿಕಲ್‌ (ಎಸ್‌ಎಸ್‌ಎಲ್‌ವಿ) ಉಡಾವಣೆಯು 2022ರ ಮೊದಲ ತ್ರೈಮಾಸಿಕದಲ್ಲಿ ನಡೆಯಲಿದೆ.
ಗುರುವಾರ ರಾಜ್ಯಸಭೆಗೆ ನೀಡಿರುವ ಲಿಖಿತ ಉತ್ತರದಲ್ಲಿ ಈ ವಿಷಯ ತಿಳಿಸಿರುವ ವಿಜ್ಞಾನ ಮತ್ತು ತಂತ್ರಜ್ಞಾನ ಸಚಿವ ಜಿತೇಂದ್ರ ಸಿಂಗ್‌ ಅವರು, “ಹೊಸ ಉಡಾವಣೆ ವಾಹಕವು ನಡೆಸುವ ಚೊಚ್ಚಲ ಉಡಾವಣೆಗೆ ಕಾತರರಾಗಿದ್ದೇವೆ,’’ ಎಂದು ತಿಳಿಸಿದ್ದಾರೆ.
500 ಕೆ.ಜಿ. ತೂಕದ ಉಪಗ್ರಹ ಹೊತ್ತು ಬಾಹ್ಯಾಕಾಶದಲ್ಲಿ 500 ಕಿ.ಮೀ. ದೂರದ ಕಕ್ಷೆ ಸೇರಿಸಲು ಎಸ್‌ಎಸ್‌ಎಲ್‌ವಿ ಉತ್ತಮ ಸಾಧನವಾಗಲಿದೆ. ಇದರ ಅಭಿವೃದ್ಧಿಗಾಗಿ ಕೇಂದ್ರ ಸರಕಾರವು 169 ಕೋಟಿ ರೂ. ಅನುದಾನ ನೀಡಿದೆ. ಎಸ್‌ಎಸ್‌ಎಲ್‌ವಿ-ಡಿ1, ಡಿ2 ಮತ್ತು ಡಿ3 ಎಂಬ ಮೂರು ವಿಧದ ಉಡಾವಣಾ ವಾಹಕಗಳು ಸಿದ್ಧಗೊಳ್ಳಲಿವೆ. ಸದ್ಯಕ್ಕೆ ತನ್ನ ಎಲ್ಲಾ ಬಾಹ್ಯಾಕಾಶ ಉಡಾವಣೆಗಳಿಗೆ ಇಸ್ರೋ ಸಂಸ್ಥೆಯು ಪಿಎಸ್‌ಎಲ್‌ವಿ ವಾಹಕವನ್ನು ಅವಲಂಬಿಸಿದೆ. ಗರಿಷ್ಠ 1,750 ಕೆ.ಜಿ ತೂಕದ ಉಪಗ್ರಹಗಳನ್ನು ಇದು ಹೊತ್ತೊಯ್ಯುವ ಸಾಮರ್ಥ್ಯ ಹೊಂದಿದೆ.