ಹೈಲೈಟ್ಸ್‌:
- ಡಿ.3ರಂದು ಶ್ರೀಮುರಳಿ ನಟನೆಯ ‘ಮದಗಜ’ ಸಿನಿಮಾ ರಿಲೀಸ್ ಆಗಿತ್ತು
- ರಾಜ್ಯದ ನಾನಾ ಕಡೆ ಪ್ರವಾಸ ಮಾಡಿದ್ದ ಶ್ರೀಮುರಳಿ
- ಸೋಶಿಯಲ್ ಮೀಡಿಯಾದಲ್ಲಿ ಹುಟ್ಟುಹಬ್ಬದ ಕುರಿತು ಪೋಸ್ಟ್ ಮಾಡಿರುವ ನಟ
ಸೋಶಿಯಲ್ ಮೀಡಿಯಾದಲ್ಲಿ ಪೋಸ್ಟ್ ಹಾಕಿದ ಶ್ರೀಮುರಳಿ
ಈ ಕುರಿತು ಸೋಶಿಯಲ್ ಮೀಡಿಯಾದಲ್ಲಿ ಬರೆದುಕೊಂಡಿರುವ ಅವರು, ‘ನನ್ನ ಪ್ರೀತಿಯ ಅಭಿಮಾನಿಗಳೇ… ಈ ಬಾರಿ ನಿಮ್ಮೊಂದಿಗೆ ನನ್ನ ಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳಲಾಗುವುದಿಲ್ಲ. ಕಾರಣವೇನೆಂದು ನಿಮಗೆ ಗೊತ್ತಿರುವುದೆಂದು ಭಾವಿಸುವೆ. ನಾನು ಬೆಂಗಳೂರಿನಲ್ಲೂ ಇರುವುದಿಲ್ಲ. ಸದಾ ನಿಮ್ಮ ಪ್ರೀತಿ ಹಾಗು ಆಶೀರ್ವಾದವನ್ನು ಬಯಸುವ ನಿಮ್ಮ ‘ಅಭಿಮಾನಿಗಳ ಅಭಿಮಾನಿ’ ಶ್ರೀಮುರಳಿ’ ಎಂದು ಬರೆದುಕೊಂಡಿದ್ದಾರೆ. ಇನ್ನು, ಆ ಕಾರಣ ಏನೆಂಬುದು ಎಲ್ಲರಿಗೂ ಗೊತ್ತೇ ಇದೆ. ನಟ ಪುನೀತ್ ರಾಜ್‌ಕುಮಾರ್ ಅವರ ಅಕಾಲಿಕ ಮರಣ ಶ್ರೀಮುರಳಿಗೆ ತುಂಬ ನೋವು ನೀಡಿದೆ. ಅಲ್ಲದೆ, ಪುನೀತ್ ಅವರು ಶ್ರೀಮುರಳಿಗೆ ನೆಚ್ಚಿನ ಸಂಬಂಧಿ ಆಗಿದ್ದರು. ಅವರಿಬ್ಬರ ಒಡನಾಟ ತುಂಬ ಉತ್ತಮವಾಗಿತ್ತು.
ಪುನೀತ್ ಬಗ್ಗೆ ಮಾತನಾಡಿದ್ದ ಶ್ರೀಮುರಳಿ
‘ಅಪ್ಪು ಮಾಮಾನಿಗೆ ಯಾವ ರೀಪ್ಲೇಸ್‌ಮೆಂಟ್‌ ಇಲ್ಲ. ಆ ಜಾಗವನ್ನು ಯಾರಿಂದಲೂ ತುಂಬಲು ಸಾಧ್ಯವಿಲ್ಲ. ಅವರನ್ನು ಹೀಗೆ ಕಳೆದುಕೊಳ್ತೀವಿ ಅಂದುಕೊಂಡಿರಲಿಲ್ಲ. ಯಾರು ಯೋಚಿಸಲು ಸಾಧ್ಯ? ಇದನ್ನೆಲ್ಲಾ ನೋಡುತ್ತಿರುವ ನಾವು ಎಂಥಾ ಪಾಪಿಗಳು ಅನ್ನಿಸುತ್ತೆ. ಇದು ಬಹಳ ಅನ್ಯಾಯ. ನನ್ನ ಡಿಯರೆಸ್ಟ್‌ ಕಸಿನ್‌ ಇಲ್ಲವಲ್ಲಾ ಎಂಬ ನೋವು ಕಾಡುತ್ತಲೇ ಇದೆ. ನಾವು ಎಂಥಾ ನೋವು ಅನುಭವಿಸಿದ್ದೇವೆ ಅನ್ನೋದು ನಮಗೆ ಗೊತ್ತು. ಅವರು ನಮ್ಮ ಜತೆ ಇದ್ದಾರೆ ಎಂದುಕೊಂಡು ಮುಂದೆ ಹೋಗಬೇಕು. ಅವರ ಕನಸುಗಳನ್ನು ನಮ್ಮ ಕೈಲಾದ ಮಟ್ಟಿಗೆ ನಿಜ ಮಾಡಬೇಕು’ ಎಂದಿದ್ದರು ಶ್ರೀಮುರಳಿ.
‘ಮದಗಜ’ ಸಿನಿಮಾದ ಮೊದಲ ದಿನದ ಬಾಕ್ಸ್ ಆಫೀಸ್‌ ಕಲೆಕ್ಷನ್ ಎಷ್ಟು? ಶ್ರೀಮುರಳಿ, ಆಶಿಕಾ ರಂಗನಾಥ್ ಚಿತ್ರವಿದು
ಮದಗಜ ಬಗ್ಗೆ ಮಾತನಾಡಿದ್ದ ಅಪ್ಪು
‘ಅಪ್ಪು ಮಾಮಾ ನಮ್ಮ ಮದಗಜ ಸಿನಿಮಾದ ಶೋ ರೀಲ್ ನೋಡಿದ್ರು. ನನ್ನ ಸ್ಟೈಲ್‌ ಎಲ್ಲ ನೋಡಿ ನಮ್ಮ ನಿರ್ಮಾಪಕರ ಬಳಿಯೂ ಹೇಳಿದ್ರು. ನನಗೂ ಕೂಡ ಸಿನಿಮಾ ಬಗ್ಗೆ ಒಳ್ಳೆಯ ಮಾತುಗಳನ್ನು ಹೇಳಿದ್ದರು. ನಿನಗೆ ಒಳ್ಳೆಯದಾಗಲಿ ಕಣೋ.. ಚೆನ್ನಾಗಿ ಮಾಡು ಅಂದಿದ್ರು. ನಾವು ಅವರು ಒಟ್ಟಿಗೆ ಸಿನಿಮಾ ಮಾಡಬೇಕು ಎಂದು ಮಾತಾಡಿಕೊಂಡಿದ್ವಿ. ಒಳ್ಳೆಯ ಕಥೆ ಸಿಕ್ಕರೆ ಮಾಡೋಣ ಅಂತ ಚರ್ಚೆ ಮಾಡಿದ್ವಿ. ನಾವು ಮೊದಲು ಕಸಿನ್ಸ್, ಆಮೇಲೆ ಎಲ್ಲವು. ಒಳ್ಳೆಯದು ಏನ್ ಮಾಡಬೇಕು ಅನ್ನೋದರ ಬಗ್ಗೆ ಮಾತ್ರ ನಾವು ಮಾತಾಡ್ತಾ ಇದ್ವಿ. ಬಾಲ್ಯದಲ್ಲಿ ನಾವು ತುಂಬ ಕ್ಲೋಸ್.. ಬೇಸಿಗೆ ರಜಾದಲ್ಲಿ ಎಲ್ಲರೂ ಚೆನ್ನೈಗೆ ಹೋಗ್ತಾ ಇದ್ವಿ. ನಮ್ಮನ್ನೆಲ್ಲ ತುಂಬ ಚೆನ್ನಾಗಿ ನೋಡ್ಕೋಳ್ತಾ ಇದ್ರು. ನಾನು ತುಂಬ ಉತ್ತಮವಾಗಿ ಕೇರಂ ಆಡ್ತಾ ಇದ್ದೆ. ದೊಡ್ಡ ಬಳಗ ನನ್ನದು. ನಮ್ಮದೇ ಒಂದು ಪ್ರಪಂಚ ಇತ್ತು’ ಎಂದು ಹೇಳಿದ್ದರು ಶ್ರೀಮುರಳಿ.
ನಟ ಶ್ರೀಮುರಳಿ, ಆಶಿಕಾ ರಂಗನಾಥ್ ‘ಮದಗಜ’ ಸಿನಿಮಾದಲ್ಲಿ ಅಂಡರ್‌ವರ್ಲ್ಡ್ ಕಥೆ ಇಲ್ಲ!
‘ಆ ದೇವ್ರು ಎಲ್ರಿಗೂ ಬೆಳಕು ಕೊಡ್ತಾನೆ. ಆದ್ರೆ, ನಮ್ ಬೆಳಕನ್ನು ಯಾಕೆ ಕಿತ್ಕೊಂಡಾ’- ನಟ ಶ್ರೀಮುರಳಿ!