ಉಡಾವಣಾ ಯೋಜನೆಯ ಭಾಗವಾಗಿ ಇಸ್ರೋ, ಭೂ ಸರ್ವೇಕ್ಷಣಾ ಉಪಗ್ರಹ ಹೊಂದಿರುವ ಪಿಎಸ್‌ಎಲ್‌ವಿ-ಸಿ52 (PSLV-C52) ಅನ್ನು ಸೋಮವಾರ ಅಂದರೆ ಇಂದು ಬೆಳಗ್ಗೆ 5.59ಕ್ಕೆ ಯಶಸ್ವಿಯಾಗಿ ಉಡಾವಣೆ ಮಾಡಿದೆ. ಪಿಎಸ್‌ಎಲ್‌ವಿ-ಸಿ52 (PSLV-C52) ಮೂಲಕ ಭೂ ವೀಕ್ಷಣಾ ಉಪಗ್ರಹ EOS-04 ಅನ್ನು ಕಕ್ಷೆಗೆ ಕಳುಹಿಸುವ ಕ್ಷಣಗಣನೆ ಭಾನುವಾರ ಬೆಳಗ್ಗೆಯಿಂದಲೇ ಆರಂಭವಾಗಿತ್ತು.
ಇದೀಗ ಪಿಎಸ್‌ಎಲ್‌ವಿ-ಸಿ52 (PSLV-C52) ಯಶಸ್ವಿಯಾಗಿ ಉಡಾವಣೆಯಾಗಿದೆ. ಪೋಲಾರ್ ಸ್ಯಾಟಲೈಟ್ ಲಾಂಚ್ ವೆಹಿಕಲ್ (PSLV) ತನ್ನೊಂದಿಗೆ ಎರಡು ಸಣ್ಣ ಉಪಗ್ರಹಗಳನ್ನೂ ಹೊತ್ತೊಯ್ದಿದೆ. ಇಒಎಸ್‌ – 04′ ರೇಡಾರ್‌ ಇಮೇಜಿಂಗ್ ಉಪಗ್ರಹವಾಗಿದ್ದು, ಕೃಷಿ ಚಟುವಟಿಕೆಗಳಿಗೆ ನೆರವು ನೀಡಲಿದೆ. ಇದರೊಂದಿಗೆ ಭಾರತೀಯ ಬಾಹ್ಯಾಕಾಶ ವಿಜ್ಞಾನ ಮತ್ತು ತಂತ್ರಜ್ಞಾನ ಸಂಸ್ಥೆಯ ವಿದ್ಯಾರ್ಥಿಗಳು ಕೊಲೊರಾಡೊ ವಿಶ್ವವಿದ್ಯಾಲಯದ ಸಹಯೋಗದಲ್ಲಿ ನಿರ್ಮಿಸಿರುವ ‘ಇನ್‌ಸ್ಪಾಯರ್‌ ಸ್ಯಾಟ್‌ – 1’ ಹಾಗೂ ಇಸ್ರೋದ ಲಘು ಉಪಗ್ರಹ ‘ಐಎನ್‌ಸ್‌ – 2ಟಿಡಿ’ ಸೋಮವಾರ ಉಡಾವಣೆಗೊಂಡಿದೆ.
ಈ ಉಪಗ್ರಹದಿಂದ ಲಾಭವೇನು?
ಭೂ ಸರ್ವೇಕ್ಷಣಾ ಉಪಗ್ರಹ – 04 ರಾಡಾರ್ ಇಮೇಜಿಂಗ್ ಉಪಗ್ರಹ ಆಗಿದ್ದು, ಕೃಷಿ, ಅರಣ್ಯ ಮತ್ತು ತೋಟಗಳು, ಮಣ್ಣಿನ ತೇವಾಂಶ ಮತ್ತು ಜಲ ವಿಜ್ಞಾನ ಹಾಗೂ ಪ್ರವಾಹ ಮ್ಯಾಪಿಂಗ್‌ನಂತಹ ಹಲವು ಸೇವೆಗಳಿಗೆ ಎಲ್ಲಾ ರೀತಿಯ ಹವಾಮಾನ ವೈಪರಿತ್ಯ ಸನ್ನಿವೇಶಗಳಲ್ಲೂ ಉತ್ತಮ ಗುಣಮಟ್ಟದ ಫೋಟೋಗಳನ್ನು ಪಡೆಯಲು ಈ ಉಪಗ್ರಹವನ್ನು ಸಜ್ಜಗೊಳಿಸಲಾಗಿದೆ. ಎನ್.ಟಿ.ಯು , ಸಿಂಗಾಪುರ ಮತ್ತು ಎನ್.ಸಿ.ಯು, ತೈವಾನ್ ಸಹ INSPIRESAT-1 ನಲ್ಲಿ ಕೊಡುಗೆ ನೀಡಿವೆ.
Read more
[wpas_products keywords=”deal of the day sale today offer all”]