ಪೊಲೀಸರ ಕೈಗೆ ಅತ್ಯಾಧುನಿಕ ಶಸ್ತ್ರಾಸ್ತ್ರ, ತಂತ್ರಜ್ಞಾನದ ಬಲ..! ಪ್ರಧಾನಿ ಮೋದಿ ಮಹತ್ವದ ನಿರ್ಧಾರ..!

ಪಂಜಾಬ್‌ನಲ್ಲಿ ಭದ್ರತಾ ಲೋಪ: ಪ್ರಧಾನಿ ಮೋದಿ- ರಾಷ್ಟ್ರಪತಿ ಕೋವಿಂದ್ ಮಹತ್ವದ ಸಮಾಲೋಚನೆ
ಗೃಹ ಸಚಿವ ಅಮಿತ್‌ ಶಾ ಅವರು ಆಂತರಿಕ ಭದ್ರತೆಗೆ ಹೆಚ್ಚು ಒತ್ತು ನೀಡಲು ದೇಶದ ಹಲವು ರಾಜ್ಯಗಳಲ್ಲಿನ ಪೊಲೀಸ್‌ ಪಡೆಗಳ ಬಲವರ್ಧನೆಯ ಪ್ರಸ್ತಾವನೆಯನ್ನು ಪ್ರಧಾನಿ ಎದುರು ಇರಿಸಿದ್ದರು. ಅದರಲ್ಲಿ ಜಮ್ಮು ಮತ್ತು ಕಾಶ್ಮೀರದ ಭದ್ರತೆ ಸಂಬಂಧಿತ ವೆಚ್ಚವೇ 18,839 ಕೋಟಿ ರೂ. ಆಗಿದೆ. ಈಶಾನ್ಯ ರಾಜ್ಯಗಳು ಹಾಗೂ ಛತ್ತೀಸ್‌ಗಢದಲ್ಲಿ ಮಾವೋವಾದಿಗಳ ಉಪಟಳಕ್ಕೆ ಅಂಕುಶ ಹಾಕಲು, ಪೊಲೀಸ್‌ ಪಡೆಗಳು ಬಳಸುವ ತಂತ್ರಜ್ಞಾನ ವ್ಯವಸ್ಥೆಯ ಡಿಜಿಟಲೀಕರಣ ಅಥವಾ ಆಧುನೀಕರಣಕ್ಕೆ 4,846 ಕೋಟಿ ರೂ. ವೆಚ್ಚ ಮಾಡುವ ಮಹತ್ವದ ನಿರ್ಧಾರ ಕೈಗೊಳ್ಳಲಾಗಿದೆ.

ಭದ್ರತಾ ವೈಫಲ್ಯ ನಡೆದು 18 ಗಂಟೆಗಳ ಬಳಿಕ ಎಫ್‌ಐಆರ್ ದಾಖಲು: ಪ್ರಧಾನಿ ಮೋದಿ ಉಲ್ಲೇಖವೇ ಇಲ್ಲ!
ಜತೆಗೆ ಮರಣೋತ್ತರ ಪರೀಕ್ಷೆ ಮತ್ತು ಅಪರಾಧ ಸಂಬಂಧಿತ ಸಾಕ್ಷ್ಯಗಳ ಸಂಗ್ರಹದ ಪ್ರಯೋಗಾಲಯಗಳು, ಸಾಧನಗಳು, ಕೇಂದ್ರಾಡಳಿತ ಪ್ರದೇಶಗಳಲ್ಲಿ ಅಪರಾಧ ನಿಯಂತ್ರಣ ಸೇರಿದಂತೆ ವಿವಿಧ ಕಾರ್ಯಗಳಿಗೆ 2,080.50 ಕೋಟಿ ರೂ. ಮೀಸಲಿಡಲಾಗಿದೆ. ಮಾವೋವಾದಿಗಳ ದಮನಕ್ಕಾಗಿಯೇ ರಾಷ್ಟ್ರೀಯ ನೀತಿ ಮತ್ತು ಕ್ರಿಯಾ ಯೋಜನೆ ಜಾರಿಗೆ ಆದ್ಯತೆ ನೀಡಲಾಗುವುದು ಎಂದು ಸಚಿವಾಲಯದ ಪ್ರಕಟಣೆಯಲ್ಲಿ ತಿಳಿಸಲಾಗಿದೆ. ಈ ಸಂಬಂಧ ಈಗಾಗಲೇ ಮಾವೋವಾದಿ ನಿಯಂತ್ರಣದ ಆರು ಯೋಜನೆಗಳಿಗೆ ಕೇಂದ್ರದ ಬೆಂಬಲವಾಗಿ 8,686 ಕೋಟಿ ರೂ.ಗಳನ್ನು ವೆಚ್ಚ ಮಾಡಲು ಅನುಮತಿ ನೀಡಲಾಗಿದೆ.

ವಿಶೇಷ ಮೀಸಲು ಪಡೆ ರಚನೆ: 350 ಕೋಟಿ ರೂ. ವೆಚ್ಚದಲ್ಲಿ ಭಾರತೀಯ ಮೀಸಲು ಬೆಟಾಲಿಯನ್‌ ಅಥವಾ ವಿಶೇಷ ಭಾರತೀಯ ಮೀಸಲು ಪಡೆ ರಚನೆ ಮಾಡಲಾಗುವುದು. ಇದಕ್ಕೆ ಅಗತ್ಯ ಅನುದಾನವನ್ನು ಪೂರ್ಣ ರೂಪದಲ್ಲಿ ಕೇಂದ್ರ ಸರಕಾರವೇ ನೀಡಲಿದೆ. ಮಾದಕ ವಸ್ತುಗಳ ನಿಯಂತ್ರಣಕ್ಕಾಗಿ ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳಿಗೆ ನೆರವು ನೀಡುವ ಯೋಜನೆ ಅಡಿಯಲ್ಲಿ 50 ಕೋಟಿ ರೂ. ವೆಚ್ಚ ಮಾಡಲು ತೀರ್ಮಾನಿಸಲಾಗಿದೆ.

ಪಂಜಾಬ್‌ ಪೊಲೀಸ್‌ ಗಂಭೀರ ವೈಫಲ್ಯ: ಕಠಿಣ ಕ್ರಮಕ್ಕೆ ಕೇಂದ್ರ ಸರ್ಕಾರದ ಚಿಂತನೆ