ಹೆಚ್ಚು ಮಳೆ ಹೊರತಾಗಿಯೂ ಬೆಂಗಳೂರಿನಲ್ಲಿ ಅಂತರ್ಜಲ ಮಟ್ಟ ಕುಸಿತ!

”ನಗರದ ಜನಸಂಖ್ಯೆಯ ದೊಡ್ಡ ಭಾಗವು ಅಂತರ್ಜಲವನ್ನು ಅವಲಂಬಿಸಿರುವುದರಿಂದ ಇದು ಖಂಡಿತವಾಗಿಯೂ ನಮಗೆಲ್ಲರಿಗೂ ಎಚ್ಚರಿಕೆಯ ಗಂಟೆಯಾಗಿದೆ. ಆದಾಗ್ಯೂ, ಅಂತರ್ಜಲ ಮಟ್ಟ ಸುಧಾರಿಸುವ ನಿಟ್ಟಿನಲ್ಲಿನಾವು ಮಾಡುತ್ತಿರುವ ಪ್ರಯತ್ನ ಕಡಿಮೆ.

ಹಳೇ ಮೈಸೂರು ಭಾಗದ ಜಿಲ್ಲೆಗಳಲ್ಲಿ ಪಾತಾಳ ಮುಟ್ಟಿದ ಅಂತರ್ಜಲ: ಅನ್ನದಾತರ ತಳಮಳ..!

1973ರಲ್ಲಿನಗರವು ಕೇವಲ ಶೇ.4ರಷ್ಟು ಕಾಂಕ್ರಿಟೀಕರಣಗೊಂಡಿತ್ತು. ಇಂದು ನಗರವು ಶೇ.80ರಷ್ಟು ಕಾಂಕ್ರಿಟೀಕರಣಗೊಂಡಿದೆ. ಮಳೆ ಬೀಳುವ ಸಮಯದಲ್ಲಿ ನೀರು ಇಂಗುವುದನ್ನು ಕಾಂಕ್ರೀಟ್‌ ಮೇಲ್ಮೆ ೖ ತಡೆಯುತ್ತದೆ. ನೀರು ಹರಿದು ಹೋಗದ ಕಾರಣ ಹೆಚ್ಚಿನ ಮಳೆ ನೀರು ಸಂರಕ್ಷಿಸಲ್ಪಡುವುದಿಲ್ಲ. ಕಾಂಕ್ರಿಟೀಕರಣ ಹೀಗೆ ಮುಂದುವರಿದರೆ, ಶೀಘ್ರದಲ್ಲೇ ನೀರಿಗೆ ಹಾಹಾಕಾರ ಹೆಚ್ಚಲಿದೆ,” ಎಂದು ಐಐಎಸ್‌ಸಿ ಪರಿಸರ ವಿಜ್ಞಾನ ಕೇಂದ್ರದ ಡಾ. ಟಿ.ವಿ.ರಾಮಚಂದ್ರ ಅಭಿಪ್ರಾಯಪಟ್ಟರು.

ಕಳೆದ ವರ್ಷ ಯಥೇಚ್ಛವಾಗಿ ಮಳೆಯಾಗಿದೆ. ಆದರೂ ಬೆಂಗಳೂರು ಗ್ರಾಮಾಂತರ ಜಿಲ್ಲೆಯಲ್ಲೂಕೂಡ ಅಂತರ್ಜಲ ಮಟ್ಟ ಕುಸಿದಿದೆ. ವರದಿಯ ಪ್ರಕಾರ, 2020ರ ಡಿಸೆಂಬರ್‌ಗೆ ಹೋಲಿಸಿದರೆ ಹೊಸಕೋಟೆ ಮತ್ತು ನೆಲಮಂಗಲ ತಾಲೂಕುಗಳಲ್ಲಿ ಸರಾಸರಿ ಅಂತರ್ಜಲ ಮಟ್ಟ ನಾಲ್ಕು ಮೀಟರ್‌ಗಳಷ್ಟು ಕುಸಿದಿದೆ.

”ಗ್ರಾಮಾಂತರ ಪ್ರದೇಶದಲ್ಲಿ ಭೂಮೇಲ್ಮೈ ಸವಕಳಿ ಹೆಚ್ಚಿದೆ. ಅನೇಕ ಸ್ಥಳಗಳಲ್ಲಿ ನೀಲಗಿರಿ ಮತ್ತು ರಬ್ಬರ್‌ನಂತಹ ಜಾತಿಗಳ ಏಕಬೆಳೆ ತೋಪುಗಳು ಹೆಚ್ಚಿವೆ. ಇವು ನೀರನ್ನು ಹೀರುತ್ತವೆ. ಇವು ಕೇವಲ ಅಂತರ್ಜಲವನ್ನು ಅವಲಂಬಿಸಿರುವುದರಿಂದ, ಇದು ನೀರಿನ ಮಟ್ಟವನ್ನು ಮತ್ತಷ್ಟು ಕಡಿಮೆ ಮಾಡುತ್ತದೆ,” ಎಂದು ಡಾ. ರಾಮಚಂದ್ರ ಹೇಳಿದರು.

ಇನ್ನೊಂದೆಡೆ ಬೆಂಗಳೂರು ಪೂರ್ವ ಮತ್ತು ಬೆಂಗಳೂರು ಉತ್ತರದ ಕೆಲವು ಭಾಗಗಳಲ್ಲಿ ಅಂತರ್ಜಲ ಮಟ್ಟ ಸರಾಸರಿ ನಾಲ್ಕು ಮೀಟರ್‌ಗಳಷ್ಟು ಏರಿಕೆ ಕಂಡಿದೆ. ಬೆಂಗಳೂರು ದಕ್ಷಿಣ ಯಥಾಸ್ಥಿತಿ ಕಾಯ್ದುಕೊಂಡಿದೆ ಎಂದು ವರದಿ ತಿಳಿಸುತ್ತದೆ.

”ವರ್ತೂರು ಮತ್ತು ಬೆಳ್ಳಂದೂರು ಕೆರೆಗಳ ಪುನರುಜ್ಜೀವನದಿಂದಾಗಿ ಬೆಂಗಳೂರು ಪೂರ್ವದ ಅಂತರ್ಜಲ ಮಟ್ಟದಲ್ಲಿಸುಧಾರಣೆಯಾಗಿದೆ. ಇದು ನಮ್ಮ ಜಲಮೂಲಗಳನ್ನು ಕಾಪಾಡಿಕೊಳ್ಳುವ ಮತ್ತು ಕೆರೆಗಳ ಹೂಳು ತೆಗೆಯುವ ಪ್ರಾಮುಖ್ಯತೆಯನ್ನು ಒತ್ತಿಹೇಳುತ್ತದೆ,” ಎಂದು ಡಾ. ರಾಮಚಂದ್ರ ಅಭಿಪ್ರಾಯಪಟ್ಟರು.

ಅತಿಯಾದ ಕಾಂಕ್ರಿಟೀಕರಣ ಹಾಗೂ ಸರಿಯಾದ ನಗರ ಯೋಜನೆ ಮತ್ತು ಅನುಷ್ಠಾನ ಇಲ್ಲದಿರುವುದು ಅಂತರ್ಜಲ ಮಟ್ಟ ಕುಸಿತಕ್ಕೆ ಕಾರಣ.

– ಡಾ. ಟಿ.ವಿ.ರಾಮಚಂದ್ರ, ಪರಿಸರ ವಿಜ್ಞಾನ ಕೇಂದ್ರ, ಐಐಎಸ್‌ಸಿ