ಆದರೆ, ಐಪಿಎಲ್ ಆಟಗಾರರ ಹರಾಜಿನಲ್ಲಿ ಹಣದ ಹೊಳೆಯನ್ನೇ ಹರಿಸಿದ ಸೂಪರ್‌ ಕಿಂಗ್ಸ್‌ ಬಲಗೈ ವೇಗದ ಬೌಲರ್‌ನ ಸೇವೆಯನ್ನು ಮರಳಿ ಪಡೆಯಲು ಬರೋಬ್ಬರಿ 14 ಕೋಟಿ ರೂ. ಖರ್ಚು ಮಾಡಿದೆ. ಸನ್‌ರೈಸರ್ಸ್‌ ಹೈದರಾಬಾದ್‌ ಮತ್ತು ಡೆಲ್ಲಿ ಕ್ಯಾಪಿಟಲ್ಸ್‌ ನೀಡಿದ ಕಠಿಣ ಪೈಪೋಟಿ ನಡುವೆಯೂ ಸಿಎಸ್‌ಕೆ ಗರಿಷ್ಠ ಬಿಡ್‌ ಕೂಗುವಲ್ಲಿ ಯಶಸ್ವಿಯಾಯಿತು.
2011ರಲ್ಲಿ ಮೊದಲ ಬಾರಿ ಐಪಿಎಲ್ ಆಟಗಾರರ ಹಾರಜಿನಲ್ಲಿ ಕಾಣಿಸಿಕೊಂಡಿದ್ದ ದೀಪಕ್‌ ಚಹರ್‌ಗೆ ಆಗ 20 ಲಕ್ಷ ರೂ. ಮೂಲ ಬೆಲೆ ಸಿಕ್ಕಿತ್ತು. 2018ರಲ್ಲಿ ಚೆನ್ನೈ ಸೂಪರ್‌ ಕಿಂಗ್ಸ್‌ ತಂಡ ಸೇರಿದಾಗ ಕೇವಲ 80 ಲಕ್ಷ ರೂ. ಬೆಲೆ ಗಿಟ್ಟಿಸಿಕೊಂಡಿದ್ದರು. ಆದರೀಗ ಜಾಕ್ಪಾಟ್ ಗಿಟ್ಟಿಸಿರುವ ದೀಪಕ್‌ ಬರೋಬ್ಬರಿ 14 ಕೋಟಿ ರೂ. ಜೇಬಿಗಿಳಿಸಿದ್ದಾರೆ.
10 ಕೋಟಿ ರೂ.ಗೂ ಹೆಚ್ಚು ಬೆಲೆ ಪಡೆದ ಟಾಪ್ 7 ಆಟಗಾರರು!
ಎಂಎಸ್‌ ಧೋನಿ ಮಾರ್ಗದರ್ಶನದಲ್ಲಿ ನ್ಯೂ ಬಾಲ್‌ ಬೌಲರ್‌ ಆಗಿ ಗುರುತಿಸಿಕೊಂಡ ದೀಪಕ್‌ ಚಹರ್‌, ಪವರ್‌ ಪ್ಲೇ ಓವರ್‌ಗಳಲ್ಲಿ ಹೆಚ್ಚು ಪರಿಣಾಮಕಾರಿ ಬೌಲರ್‌ ಆಗಿದ್ದಾರೆ. ಮೊದಲ ಆರು ಓವರ್‌ಗಳಲ್ಲಿ ಕನಿಷ್ಠ 2 ವಿಕೆಟ್‌ ಪಡೆಯುವಲ್ಲಿ ಅತ್ಯಂತ ಸ್ಥಿರ ಪ್ರದರ್ಶನ ಕಾಯ್ದುಕೊಂಡಿದ್ದಾರೆ. ಇದರ ಜೊತೆಗೆ ಟೀಮ್ ಇಂಡಿಯಾ ಪರ ಬ್ಯಾಟ್‌ ಮೂಲಕವೂ ಮಿಂಚಿರುವ ದೀಪಕ್‌, ತಂಡದ ಹೊಸ ಆಲ್‌ರೌಂಡರ್‌ ಆಗಿ ಕಾಣಿಸಿಕೊಂಡಿದ್ದಾರೆ. ಹೀಗಾಗಿ ಹರಾಜಿನಲ್ಲಿ ಸಹಜವಾಗಿಯೇ ಫ್ರಾಂಚೈಸಿಗಳು ದೀಪಕ್‌ ಖರೀದಿಗೆ ಮುಗಿಬಿದ್ದವು.
ಇಂಡಿಯನ್ ಪ್ರೀಮಿಯರ್‌ ಲೀಗ್‌ ಟೂರ್ನಿಯಲ್ಲಿ ಈವರೆಗೆ 63 ಪಂದ್ಯಗಳನ್ನು ಆಡಿರುವ ದೀಪಕ್‌ ಚಹರ್‌, ಒಟ್ಟು 59 ವಿಕೆಟ್‌ಗಳನ್ನು ಪಡೆದಿದ್ದಾರೆ. ಇನಿಂಗ್ಸ್‌ ಒಂದರಲ್ಲಿ 13ಕ್ಕೆ 4 ವಿಕೆಟ್‌ ಪಡೆದಿರುವುದು ಅವರ ಬೆಸ್ಟ್‌ ಬೌಲಿಂಗ್‌ ಪ್ರದರ್ಶನವಾಗಿದೆ. ಚೆನ್ನೈ ತಂಡ ಈ ನಡುವೆ ತನ್ನ ಮತ್ತೊಬ್ಬ ಆಲ್‌ರೌಂಡರ್‌ ಶಾರ್ದುಲ್‌ ಠಾಕೂರ್‌ ಅವರನ್ನು ಖರೀದಿಸುವ ಪ್ರಯತ್ನ ಮಾಡಿತಾದರೂ, ಡೆಲ್ಲಿ ಕ್ಯಾಪಿಟಲ್ಸ್‌ ತಂಡ 10.75 ಕೋಟಿ ರೂ.ಗಳ ಭಾರಿ ಬೆಲೆ ನೀಡಿ ಶಾರ್ದುಲ್‌ ಸೇವೆಯನ್ನು ತನ್ನದಾಗಿಸಿಕೊಂಡಿತು.
ಕೇವಲ 3 ಆಟಗಾರರಿಗೆ 28.5 ಕೋಟಿ ರೂ. ಖರ್ಚು ಮಾಡಿದ ಆರ್‌ಸಿಬಿ!
ಅಂದಹಾಗೆ ಚೆನ್ನೈ ಸೂಪರ್‌ ಕಿಂಗ್ಸ್‌ ತನ್ನ ಹಿಂದಿನ ಆಟಗಾರರನ್ನು ಮರಳಿ ಕರೆತರಲು ಬಹುತೇಕ ಯಶಸ್ವಿಯಾಗಿದೆ. ಶಾರ್ದುಲ್‌ ಠಾಕೂರ್‌ ಸೇವೆ ಕಳೆದುಕೊಂಡರೂ, ಅಂಬಾಟಿ ರಾಯುಡು (6.75 ಕೋಟಿ ರೂ.), ರಾಬಿನ್‌ ಉತ್ತಪ್ಪ (2 ಕೋಟಿ ರೂ.) ಮತ್ತು ಡ್ವೇನ್‌ ಬ್ರಾವೋ (4.4 ಕೋಟಿ ರೂ.) ಅವರನ್ನು ತನ್ನ ತೆಕ್ಕೆಗೆ ಮರಳಿ ತೆಗೆದುಕೊಂಡಿದೆ.
ಇನ್ನು ಹರಾಜಿಗೂ ಮುನ್ನ ಸಿಎಸ್‌ಕೆ ರವೀಂದ್ರ ಜಡೇಜಾ (16 ಕೋಟಿ ರೂ.), ಎಂಎಸ್‌ ಧೋನಿ (12 ಕೋಟಿ ರೂ.), ಮೊಯೀನ್‌ ಅಲಿ (8 ಕೋಟಿ ರೂ.) ಮತ್ತು ಋತುರಾಜ್‌ ಗಾಯಕ್ವಾಡ್‌ (6 ಕೋಟಿ ರೂ.) ಅವರನ್ನು ಉಳಿಸಿಕೊಂಡಿತ್ತು. ಸೂಪರ್‌ ಕಿಂಗ್ಸ್‌ ಇನ್ನು 17 ಆಟಗಾರರನ್ನು ಖರೀದಿಸುವುದು ಬಾಕಿಯಿದೆ.
ಮೊದಲ ದಿನ ಹರಾಜಿನಲ್ಲಿ ಗರಿಷ್ಠ ಬೆಲೆ ಪಡೆದ ಟಾಪ್ 10 ಆಟಗಾರರು
- ಇಶಾನ್‌ ಕಿಶನ್‌ (ಮುಂಬೈ ಇಂಡಿಯನ್ಸ್‌): 15.25 ಕೋಟಿ ರೂ.
- ದೀಪಕ್‌ ಚಹರ್‌ (ಚೆನ್ನೈ ಸೂಪರ್‌ ಕಿಂಗ್ಸ್‌): 14 ಕೋಟಿ ರೂ.
- ಶ್ರೇಯಸ್‌ ಅಯ್ಯರ್‌ (ಕೋಲ್ಕತಾ ನೈಟ್‌ ರೈಡರ್ಸ್‌): 12.25 ಕೋಟಿ ರೂ.
- ಶಾರ್ದುಲ್‌ ಠಾಕೂರ್‌ (ಡೆಲ್ಲಿ ಕ್ಯಾಪಿಟಲ್ಸ್‌): 10.75 ಕೋಟಿ ರೂ.
- ವಾನಿಂದು ಹಸರಂಗ (ರಾಯಲ್‌ ಚಾಲೆಂಜರ್ಸ್‌ ಬೆಂಗಳೂರು): 10.75 ಕೋಟಿ ರೂ.
- ಹರ್ಷಲ್‌ ಪಟೇಲ್‌ (ರಾಯಲ್‌ ಚಾಲೆಂಜರ್ಸ್‌ ಬೆಂಗಳೂರು): 10.75 ಕೋಟಿ ರೂ.
- ನಿಕೋಲಸ್‌ ಪೂರನ್‌ (ಸನ್‌ರೈಸರ್ಸ್‌ ಹೈದರಾಬಾದ್‌): 10.75 ಕೋಟಿ ರೂ.
- ಲಾಕಿ ಫರ್ಗ್ಯೂಸನ್‌ (ಗುಜರಾತ್‌ ಟೈಟನ್ಸ್‌): 10 ಕೋಟಿ ರೂ.
- ಪ್ರಸಿಧ್‌ ಕೃಷ್ಣ (ರಾಜಸ್ಥಾನ್‌ ರಾಯಲ್ಸ್‌): 10 ಕೋಟಿ ರೂ.
- ಕಗಿಸೊ ರಬಾಡ (ಪಂಜಾಬ್‌ ಕಿಂಗ್ಸ್‌): 9.25 ಕೋಟಿ ರೂ.
Read more
[wpas_products keywords=”deal of the day gym”]