ನನ್ನ ಮಗಳು ವಂಶಿಕಾ ಜನಪ್ರಿಯತೆ ಬಗ್ಗೆ ಖುಷಿ, ಭಯದ ಜೊತೆಗೆ ಅರಿವೂ ಇದೆ: ಮಾಸ್ಟರ್ ಆನಂದ್

ಪ್ರೇಕ್ಷಕರಿಂದ ‘ಬಿಜಲಿ ಪಟಾಕಿ’ ಅಂತ ಕರೆಸಿಕೊಂಡ ನಟ ಮಾಸ್ಟರ್ ಆನಂದ್ ಪುತ್ರಿ ವಂಶಿಕಾ ಅಂಜನಿ ಕಶ್ಯಪ

ಸೋಶಿಯಲ್ ಮೀಡಿಯಾ ಇಂದು ತುಂಬ ಪ್ರಭಾವಿಯಿಂದ ಕೂಡಿದೆ. ನಿಮ್ಮ ಬಾಲ್ಯದಲ್ಲಿ ಸೋಶಿಯಲ್ ಮೀಡಿಯಾ ಇರಲಿಲ್ಲ, ಆದರೆ ನಿಮ್ಮ ಮಗಳಿಗೆ ಇಂದು ಈ ಅವಕಾಶ ಸಿಕ್ಕಿದೆ.
ಈ ಹಿಂದೆ ಪ್ರಿಂಟ್ ಮೀಡಿಯಾ ತುಂಬ ಪ್ರಭಾವಶಾಲಿಯಾಗಿತ್ತು. ನಾವು ಇಂದು ಎಷ್ಟೋ ಹಿರಿಯ ಪತ್ರಕರ್ತರನ್ನು ಕಳೆದುಕೊಂಡಿದ್ದೇವೆ. ಈ ಹಿಂದೆ ನನ್ನ ಬಗ್ಗೆ ಪತ್ರಕರ್ತರು ಬರೆದಿದ್ದರು. ಪತ್ರಕರ್ತರ ಬರವಣಿಗೆ ಮೇಲೆ ಸ್ಟಾರ್ ನಟರ ಸಿನಿಮಾ ಕೂಡ ನಿಲ್ಲುತ್ತಿತ್ತು. ನನ್ನ ಜರ್ನಿ ಕೂಡ ಸುಲಭವಾಗಿರಲಿಲ್ಲ, ಅಂದು ಫೋಟೋ ತೆಗೆಸಿ ಕಳಿಸುವುದು ಕೂಡ ಕಷ್ಟ ಆಗುತ್ತಿತ್ತು. ಸಚಿನ್ ತೆಂಡೂಲ್ಕರ್ ಒಮ್ಮೆ ಸೆಂಚುರಿ ಬಾರಿಸಿ ಆಮೇಲೆ ಒಂದು ರನ್ ಕಮ್ಮಿ ಆದ್ರೆ ಜನರು ಒಪ್ಪಲ್ಲ. ನಾಳೆ ನನ್ನ ಮಗಳಿಗೆ ಭರತನಾಟ್ಯ, ಚಿತ್ರಕಲೆ, ಸಂಗೀತದ ಮೇಲೆ ಆಸಕ್ತಿ ಮೂಡಿ ನಾಳೆ ಚಿತ್ರರಂಗ ಬಿಡಬಹುದು. ಆದರೆ ಜನರು ಅವಕಾಶ ಕಮ್ಮಿ ಇದೆ, ಮನೆಯಲ್ಲಿ ಒಪ್ಪಲಿಲ್ಲ ಅಂತ ಚಿತ್ರರಂಗದಿಂದ ಬಿಡಿಸಿದರು ಅಂತ ಜನರು ಹೇಳ್ತಾರೆ. ಬೇಕಿದ್ದರೆ ಈ ಮಾತನ್ನು ಬರೆದಿಟ್ಟುಕೊಳ್ಳಿ. ನಾನು ಇಂದಿನ ಕ್ಷಣವನ್ನು ಎಂಜಾಯ್ ಮಾಡುತ್ತಿದ್ದೇನೆ, ನಾಳೆಯ ಅನಿಶ್ಚಿತತೆಯ ಬಗ್ಗೆ ನನಗೆ ಅರಿವೂ ಇದೆ, ಭಯವೂ ಇದೆ.

ನನ್ನ ಮಾಸ್ಟರ್ ಆನಂದ್ ಮಗಳು ಅಂತ ಕರೆಯುತ್ತಾರೆ, ಇನ್ಮೇಲೆ ನನ್ನ ಹೆಸರನ್ನೇ ಕರೆಯಬೇಕು: ವಂಶಿಕಾ

ನಿಮ್ಮ ಮಗಳ ಬಗ್ಗೆ ಜನರು ನಿಮ್ಮ ಹತ್ರ ಏನು ಹೇಳ್ತಾರೆ?
‘ಗೌರಿ ಗಣೇಶ’ ಸಿನಿಮಾದಲ್ಲಿ ನಾನು ಯಾವ ಹೀರೋನ ತರ ಇಲ್ಲದಿದ್ರೂ ಕೂಡ ನಾನು ಬೇರೆ ನಟರಂತೆ ನಟಿಸುತ್ತಿದ್ದೆ. ಹೀಗೆ ನನ್ನ ಮಗಳು ಅಮ್ಮನ ತರ ಇದ್ರೂ ಕೂಡ ನನ್ನ ಬಾಡಿ ಲ್ಯಾಂಗ್ವೇಜ್ ಅವಳಿಗೆ ಇದೆ. ನನ್ನ ಮಗ ಹುಟ್ಟಿದಾಗ ಜ್ಯೂನಿಯರ್ ಮಾಸ್ಟರ್ ಆನಂದ್, ಚಿತ್ರರಂಗಕ್ಕೆ ಬರುತ್ತಾನೆ ಅಂದಿದ್ರು. ಆದರೆ ಅವನು ನೋಡಲು ನನ್ನ ತರ ಇದ್ದಾನೆ, ಕ್ಯಾರೆಕ್ಟರ್ ಅವನ ಅಮ್ಮನ ತರ ಇದೆ.

ನನ್ನ ಮಗಳನ್ನು ಕರ್ನಾಟಕ ಅಲ್ಲದೇ ಬೇರೆ ರಾಜ್ಯದವರು ಇಷ್ಟಪಟ್ಟಿದ್ದಾರೆ. ಧಾರಾವಾಹಿ, ಸಿನಿಮಾ ಜೊತೆಗೆ ವೆಬ್ ಸಿರೀಸ್‌ಗೂ ಕೂಡ ಅವಕಾಶ ಬಂದಿದೆ. ನನ್ನ ಮಗಳಿಗೆ ನಟನೆ ಬರಲ್ಲ ಅಂತ ನಾವು ಹೇಳಿದ್ದೆವು, ಆದರೆ ನಮ್ಮ ಮಗಳಿಗೆ ನಟನೆ ಆಫರ್ ಕೊಡುತ್ತಿರುವವರು ಅವಳ ಮುಗ್ಧತೆ, ನಡವಳಿಕೆ ನಮಗೆ ಮುಖ್ಯ ಅಂದರು.

‘ನನ್ನಮ್ಮ ಸೂಪರ್ ಸ್ಟಾರ್’ ಶೋನಲ್ಲಿ ಎಲ್ಲ ಸ್ಪರ್ಧಿಗಳ ತಾಯಿ, ತಂದೆ ಫ್ಯಾಮಿಲಿ ಮೀಟ್‌ಗಾಗಿ ಸೇರಿದ್ದರು. ಕೇಕ್ ಕತ್ತರಿಸಿ ಈ ಖುಷಿಯನ್ನು ಆಚರಣೆ ಮಾಡಲಾಗಿದೆ. ಸೃಜನ್ ಲೋಕೇಶ್, ತಾರಾ, ಅನು ಪ್ರಭಾಕರ್ ಅವರ ಅಭಿಪ್ರಾಯ ಹಂಚಿಕೊಂಡಿದ್ದಾರೆ.