ನೈಸರ್ಗಿಕ ಅನಿಲ ಕೊರತೆ ತೀವ್ರವಾಗಿರುವ ನಡುವೆ, ಯುರೋಪಿಯನ್ ಒಕ್ಕೂಟವು ಇಂಧನಕ್ಕೆ ರಷ್ಯಾವನ್ನು ಅವಲಂಬಿಸಿದೆ. ಇದು ಆರ್ಥಿಕ ಅವಲಂಬನೆಗಾಗಿ ಅದು ತನ್ನ ರಾಜಕೀಯ ನಿಲುವನ್ನು ಒತ್ತೆ ಇಡುತ್ತಿರುವುದನ್ನು ತೋರಿಸಿದೆ. ಅತ್ಯಂತ ಮಹತ್ವದ್ದಾಗಿರುವ ಸೆಮಿಕಂಡಕ್ಟರ್ ವಲಯವನ್ನು ತನ್ನ ‘ಚಿಪ್ಸ್ ಆಕ್ಟ್’ನಲ್ಲಿ ತರುವ ಮೂಲಕ ಆರ್ಥಿಕ ಸ್ವಾತಂತ್ರ್ಯವನ್ನು ವೃದ್ಧಿಸಲು 27 ದೇಶಗಳ ಒಕ್ಕೂಟ ಮುಂದಾಗಿದೆ.
ಡಿಸೆಂಬರ್‌ನಲ್ಲಿ ಪ್ರಯಾಣಿಕ ವಾಹನಗಳ ಮಾರಾಟ 11% ಕುಸಿತ: ಸೆಮಿಕಂಡಕ್ಟರ್‌ಗಳ ಅಭಾವದಿಂದ ಬೇಡಿಕೆ ಇಳಿಕೆ“ಚಿಪ್‌ಗಳು ಇಂದಿನ ಜಾಗತಿಕ ತಾಂತ್ರಿಕ ಸ್ಪರ್ಧೆಯ ಕೇಂದ್ರ ಭಾಗದಲ್ಲಿವೆ. ಅವು ವಾಸ್ತವವಾಗಿ ನಮ್ಮ ಆಧುನಿಕ ಆರ್ಥಿಕತೆಗಳಿಗೆ ಪ್ರಬಲ ತಳಹದಿಯಾಗಿವೆ” ಎಂದು ಯುರೋಪಿಯನ್ ಆಯೋಗದ ಅಧ್ಯಕ್ಷೆ ಉರ್ಸುಲಾ ವಾನ್ ಡೆರ್ ಲೆಯೆನ್ ಹೇಳಿದ್ದಾರೆ. ಈ ಯೋಜನೆ ಅನುಮೋದನೆಗೊಳ್ಳಲು ಇನ್ನೂ ಯುರೋಪಿಯನ್ ಸಂಸತ್ತು ಹಾಗೂ ಸದಸ್ಯ ದೇಶಗಳ ಬೆಂಬಲ ಅಗತ್ಯವಾಗಿದೆ.
ಅಮೆರಿಕದಲ್ಲಿ ಹೆಚ್ಚಿನ ಸೆಮಿಕಂಡಕ್ಟರ್ ಉತ್ಪಾದನೆ ನಡೆಸುವ ಸಲುವಾಗಿ ರಾಷ್ಟ್ರೀಯ ಚಿಪ್ ಉತ್ಪಾದನಾ ವಲಯಕ್ಕೆ ಅಧ್ಯಕ್ಷ ಜೋ ಬೈಡನ್ ಅವರು 52 ಮಿಲಿಯನ್ ಡಾಲರ್ ಹೂಡಿಕೆಗೆ ಮುಂದಾಗಿದ್ದಾರೆ. ಅದರ ಬೆನ್ನಲ್ಲೇ ಯುರೋಪಿಯನ್ ಒಕ್ಕೂಟ ಕೂಡ ಅದೇ ರೀತಿ ಹೆಜ್ಜೆ ಇರಿಸಿದೆ.
ಕಳೆದ ವರ್ಷದಿಂದ ಕೋವಿಡ್ 19 ಸಾಂಕ್ರಾಮಿಕದಿಂದ ಆರ್ಥಿಕತೆ ಚೇತರಿಸಿಕೊಳ್ಳುತ್ತಿರುವ ಸಂದರ್ಭದಲ್ಲಿಯೇ ಸೆಮಿಕಂಡಕ್ಟರ್‌ಗಳ ಪೂರೈಕೆಯಲ್ಲಿ ವ್ಯತ್ಯಯ ಉಂಟಾಗಿದೆ. ಯುರೋಪ್‌ನಲ್ಲಿ ಅನೇಕ ಗ್ರಾಹಕರು ಬಿಡಿ ಭಾಗಗಳ ಕೊರತೆ ಕಾರಣದಿಂದ ಒಂದು ಕಾರು ಪಡೆಯಲು ಸುಮಾರು ಒಂದು ವರ್ಷದವರೆಗೂ ಕಾಯುವಂತಾಗಿದೆ.
ಭಾರತದಲ್ಲಿ ಸೆಮಿಕಂಡಕ್ಟರ್ ಚಿಪ್ ಉತ್ಪಾದನೆಗೆ ಇಂಟೆಲ್‌ ನಿರ್ಧಾರ!
“ಸಾಂಕ್ರಾಮಿಕವು ಚಿಪ್‌ಗಳ ಪೂರೈಕೆ ವ್ಯವಸ್ಥೆಯಲ್ಲಿನ ಸಮಸ್ಯೆಗಳನ್ನು ಕೂಡ ಬಯಲು ಮಾಡಿದೆ. ಸಂಪೂರ್ಣ ಉತ್ಪಾದನಾ ವ್ಯವಸ್ಥೆಯೇ ಸ್ಥಗಿತಗೊಳ್ಳುವ ಹಂತಕ್ಕೆ ಬಂದಿರುವುದನ್ನು ನಾವು ನೋಡಿದ್ದೇವೆ” ಎಂದು ವಾನ್ ಡೆರ್ ಲೆಯೆನ್ ತಿಳಿಸಿದ್ದಾರೆ.
“ಬೇಡಿಕೆ ಈಗ ಹೆಚ್ಚುತ್ತಿದೆ. ಆದರೆ, ಚಿಪ್‌ಗಳ ಕೊರತೆ ಕಾರಣದಿಂದ ಅಗತ್ಯ ಇರುವಷ್ಟು ಪ್ರಮಾಣದಲ್ಲಿ ನಮಗೆ ಪೂರೈಕೆ ಮಾಡಲು ಸಾಧ್ಯವಾಗುತ್ತಿಲ್ಲ. ಇದರ ಪರಿಣಾಮವಾಗಿ, ಫ್ಯಾಕ್ಟರಿ ಬೆಲ್ಟ್ ಲೈನ್ ಕಾರ್ಯಾಚರಣೆ ಸ್ಥಗಿತಗೊಂಡಿವೆ. ಕೆಲವು ಕೈಗಾರಿಕೆಗಳು ತಾತ್ಕಾಲಿಕವಾಗಿ ಮುಚ್ಚಿಹೋಗಿವೆ. ಹಾಗೆಯೇ ಎಲೆಕ್ಟ್ರಾನಿಕ್ ಭಾಗಗಳ ಅಭಾವದಿಂದ ಅನೇಕ ಕೆಲಸಗಾರರು ನಿರುದ್ಯೋಗಿಗಳಾಗಿದ್ದಾರೆ” ಎಂದು ಸಂಕಷ್ಟದ ಸ್ಥಿತಿಯನ್ನು ಅವರು ವಿವರಿಸಿದ್ದಾರೆ.
ಪ್ರತಿ ಚಿಪ್ ಆಕ್ಟ್ ಯೋಜನೆಯನ್ನೂ ಪೈಪೋಟಿಯ ನೆಲೆಯಲ್ಲಿ ಸಂಘರ್ಷಕ್ಕೆ ಒಳಗಾಗದಂತೆ ಎಚ್ಚರಿಕೆಯಿಂದ ನಿಗಾ ವಹಿಸಲಾಗುವುದು ಎಂದು ಯುರೋಪಿಯನ್ ಆಯೋಗ ತಿಳಿಸಿದೆ. ಆದರೆ ಜಾಗತಿಕ ಮಟ್ಟದಲ್ಲಿ ಪ್ರಮುಖ ಉತ್ಪಾದಕನಾಗುವಂತೆ ಬೆಳೆಯಬೇಕಿದ್ದರೆ, ಭಾರಿ ದೊಡ್ಡ ಪ್ರಮಾಣದಲ್ಲಿ ಉತ್ಪಾದನೆ ಮಾಡುವ ವ್ಯವಸ್ಥೆಯನ್ನು ನಿರ್ಮಿಸಬೇಕಾಗುತ್ತದೆ.
ಸೆಮಿಕಂಡಕ್ಟರ್ ಅಭಾವದ ನಡುವೆಯೂ ಜಾಗತಿಕ ವಾಹನ ಮಾರುಕಟ್ಟೆಯಲ್ಲಿ ಭಾರತದ ಸಾಧನೆ
ಪ್ರಸ್ತುತ ಜಾಗತಿಕ ಸೆಮಿಕಂಡಕ್ಟರ್ ಮಾರುಕಟ್ಟೆಯಲ್ಲಿ ಯುರೋಪ್ ದೇಶಗಳು ಕೇವಲ ಶೇ 9ರಷ್ಟು ಪಾಲು ಹೊಂದಿವೆ. 2030ರ ವೇಳೆಗೆ ಇದನ್ನು ಶೇ 20ಕ್ಕೆ ಹೆಚ್ಚಿಸಬೇಕು ಎಂದು ಆಯೋಗ ಬಯಸಿದೆ. ಜಾಗತಿಕ ಮಾರುಕಟ್ಟೆಯಲ್ಲಿ ಕೂಡ ಉತ್ಪಾದನೆಯು ಇದೇ ಅವಧಿಗೆ ಎರಡು ಪಟ್ಟು ಹೆಚ್ಚುವ ನಿರೀಕ್ಷೆ ಇದೆ. ಇದರ ಅರ್ಥ ನಮ್ಮ ಪ್ರಯತ್ನಗಳನ್ನು ನಾಲ್ಕು ಪಟ್ಟು ಹೆಚ್ಚಿಸಬೇಕಾಗುತ್ತದೆ ಎಂದು ಲೆಯೆನ್ ಹೇಳಿದ್ದಾರೆ.
ವಾಣಿಜ್ಯ ಕ್ಷೇತ್ರದ 20 ಕ್ಕೂ ಹೆಚ್ಚು ವಲಯಗಳಿಗೆ ಸಂಬಂಧಿಸಿದ ಅತ್ಯುತ್ತಮ ಲೇಖನಗಳು ಮತ್ತು ಉದ್ಯಮಕ್ಕೆ ಸಂಬಂಧಿಸಿದ ಆಳವಾದ ಮಾಹಿತಿಗಾಗಿ ನೀವು ಎಕನಾಮಿಕ್ ಟೈಮ್ಸ್ ಓದಬಹುದು. ಮಾಹಿತಿಯುಕ್ತ ಲೇಖನಗಳನ್ನು ಓದಲು ಎಕನಾಮಿಕ್ ಟೈಮ್ಸ್ ಇಲ್ಲಿ ಕ್ಲಿಕ್ ಮಾಡಿ.
Read more…
[wpas_products keywords=”deal of the day”]