ಆರು ಮಕ್ಕಳು ಮಾಡಿದ ವಿಷಯ ಈಗ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಚರ್ಚೆಯಾಗಿದೆ: ಬಿಸಿ ನಾಗೇಶ್‌

ಬೆಂಗಳೂರು: ಹಿಜಾಬ್ ಕೇಸರಿ ಸಂಘರ್ಷದ ಹಿನ್ನೆಲೆಯಲ್ಲಿ ಶಾಲೆ ಕಾಲೇಜಿಗೆ ರಜೆ ಘೋಷಿಸಲಾಗಿದ್ದು ಇದೀಗ ಪುನರಾರಂಭ ವಿಚಾರವಾಗಿ ಸಿಎಂ ಬಸವರಾಜ ಬೊಮ್ಮಾಯಿ ಜೊತೆ ಚರ್ಚಿಸಿ ನಿರ್ಧಾರ ಕೈಗೊಳ್ಳುವುದಾಗಿ ಶಿಕ್ಷಣ ಸಚಿವ ಬಿ.ಸಿ ನಾಗೇಶ್ ತಿಳಿಸಿದರು.

ಬೆಂಗಳೂರಿನಲ್ಲಿ ಮಾತನಾಡಿದ ಅವರು,ನ್ಯಾಯಾಲಯದ ಬೆಳವಣಿಗೆ ಕುರಿತಾಗಿ ಸಿಎಂ ಜೊತೆ ಸಂಜೆ ಸಭೆ ನಡೆಸುತ್ತೇವೆ ಅಡ್ವೋಕೇಟ್ ಜನರಲ್ ಈ ಸಂದರ್ಭದಲ್ಲಿ ಹಾಜರಿರಲಿದ್ದಾರೆ. ಕೋರ್ಟ್‌ನಲ್ಲಿ ಏನು ನಿರ್ಣಯ ಆಗಿದೆ ಎಂದು ತಿಳಿಸುತ್ತಾರೆ. ಇದರ ಆಧಾರದಲ್ಲಿ ಶಾಲೆ ಕಾಲೇಜು ಆರಂಭದ ಬಗ್ಗೆ ನಾವು ನಿರ್ಣಯವನ್ನು ಕೈಗೊಳ್ಳುತ್ತೇವೆ ಎಂದರು.

ಸದ್ಯ ಸರಕಾರ ಜಾರಿಗೊಳಿಸಿದ ನಿರ್ಣಯ ಜಾರಿಯಲ್ಲಿರುತ್ತದೆ. ಸಿಎಂ ಬಸವರಾಜ ಬೊಮ್ಮಾಯಿ ನೇತೃತ್ವದಲ್ಲಿ ಅಂತಿಮ ನಿರ್ಧಾರ ಕೈಗೊಳ್ಳಲಾಗುವುದು ಎಂದು ತಿಳಿಸಿದರು.

ಹಿಜಾಬ್ V/S ಕೇಸರಿ : ಮಕ್ಕಳಲ್ಲಿ ಗೊಂದಲ ಸೃಷ್ಟಿಸುವುದು ಬೇಡ; ಬಸವರಾಜ ಬೊಮ್ಮಾಯಿ ಮನವಿ

ಸರಕಾರ ಇಷ್ಟು ದಿನ ಯಾವ ನಿಯಮ ಹೇಳಿತ್ತು ಅದೇ ಜಾರಿಯಲ್ಲಿರುತ್ತದೆ. ಅಂತಿಮ ನಿರ್ಧಾರ ಸಿಎಂ ಜೊತೆ ಚರ್ಚೆ ಮಾಡಿ ಕೈಗೊಳ್ಳುತ್ತೇವೆ ಎಂದರು.

ಈ ನಡುವೆ ಶಾಲೆ ಆರಂಭಿಸಲು ನ್ಯಾಯಾಲಯ ಹೇಳಿದ್ದು ನಮಗೆ ಸಂತಸ ತಂದಿದೆ. ಕೋವಿಡ್ ಸಂದರ್ಭದಲ್ಲಿ ಶಾಲೆ ನಡೆಸಿದ್ದೆವು. ಶಾಲೆ ರಜೆ ಕೊಡದಂತೆ ರಿಸ್ಕ್‌ ತೆಗೆದುಕೊಂಡು ಶಾಲೆ ನಡೆಸಲಾಗಿತ್ತು. ಈಗ ಶಾಲೆ ರಜೆ ಕೊಡಬೇಕಾದ ದಿನ ಬಂತಲ್ಲ ಎಂದು ದುಖಃವಾಗಿತ್ತು. ಇದೀಗ ನ್ಯಾಯಾಲಯದ ಸೂಚನೆ ಸಂತಸ ತಂದಿದೆ ಎಂದರು.

ಪ್ರಜಾಪ್ರಭುತ್ವ ದೇಶದಲ್ಲಿ ನ್ಯಾಯಾಲಯದ ಆದೇಶ ಅಂತಿಮ. ಪ್ರಚೋದನೆಗೆ ಒಳಗಾಗಿ ಶಿಕ್ಷಣ ಕಳೆದುಕೊಳ್ಳುವುದು ಬೇಡ. ಶಾಂತಿಯನ್ನು ಕಾಪಾಡಿ ಶಾಲೆಗಳಿಗೆ ಬಂದು ಮುಂದಿನ ಭವಿಷ್ಯ ರೂಪಿಸಲು ಅವಕಾಶ ನೀಡಿ ಎಂದು ಮನವಿ ಮಾಡಿದರು.

ರಾಜಕೀಯ ನಾಯಕರು ಮಕ್ಕಳ ಶಿಕ್ಷಣದ ಬಗ್ಗೆ ವಿಶೇಷ ಗಮನ ನೀಡೋಣ. ಭವಿಷ್ಯ ರೂಪಿಸಲು ಸಹಕಾರ ಕೊಡೋಣ. ಸರ್ಕಾರದ ಆದೇಶ ಪಾಲನೆ ಮಾಡುವುದು ಕರ್ತವ್ಯ. ಇದೊಂದು ಭಾವನಾತ್ಮಕ ವಿಚಾರ ಆಗಿರುವುದರಿಂದ ಶಾಲೆ ಮತ್ತೆ ಆರಂಭಿಸುವ ಕುರಿತಾಗಿ ಸಿಎಂ ಜೊತೆ ಚರ್ಚಿಸಿ ನಿರ್ಧಾರ ಮಾಡಲಾಗುವುದು ಎಂದು ಇದೇ ಸಂದರ್ಭದಲ್ಲಿ ತಿಳಿಸಿದರು.

ಹಿಜಾಬ್‌ ವಿವಾದದ ಹಿಂದಿರುವ ಕಾಣದ ಕೈಗಳನ್ನು ಪೊಲೀಸ್ ಇಲಾಖೆ ಹುಡುಕುತ್ತಿದೆ : ಆರಗ ಜ್ಞಾನೇಂದ್ರ

ಉಡುಪಿ ಜಿಲ್ಲೆಯಲ್ಲಿ ಇತರ ಎಂಟು ಕಾಲೇಜಿನಲ್ಲಿ ತರಗತಿ ನಡೆದಿದೆ, ಯಾವುದೇ ಅಹಿತಕರ ಘಟನೆ ನಡೆದಿಲ್ಲ. ಹೈದರಾಬಾದ್‌ನಿಂದ ಬಂದವರು ಕುಂದಾಪುರದಲ್ಲಿ ಸಿಕ್ಕಿದ್ದಾರೆ ಎಂದು ತಿಳಿಯಿತು. ಒಂದು ನಗರದ ಆರು ಮಕ್ಕಳ ವಿಷಯ ಅಂದಿನ ದಿನವೇ ಅಂತರಾಷ್ಟ್ರೀಯ ಸುದ್ದಿಯಾಯಿತು.ಇದರ ಹಿಂದೆ ಒಂದು ಫೋರ್ಸ್ ಕೆಲಸ ಮಾಡುತ್ತಿದೆ. ಇದೀಗ ಕಪಿಲ್ ಸಿಬಲ್ ಹಿರಿಯ ನಾಯಕ. ಅವರು ಇದೀಗ ಸ್ಕಾರ್ಫ್‌ ವಿಚಾರವಾಗಿ ಸುಪ್ರೀಂ ಕೋರ್ಟ್‌ ಹೋಗಿದ್ದಾರೆ ಇದಕ್ಕೆ ಏನು ಹೇಳಬೇಕು ಎಂದು ಗೊತ್ತಿಲ್ಲ ಎಂದು ಬಿಸಿ ನಾಗೇಶ್‌ ಅಸಮಾಧಾನ ವ್ಯಕ್ತಪಡಿಸಿದರು.