Karnataka news paper

ಉತ್ತರ ಪ್ರದೇಶವು ಕೇರಳವಾಗಿ ಬದಲಾದರೆ…!: ಯೋಗಿ ಹೇಳಿಕೆಗೆ ಪಿಣರಾಯಿ ಕೊಟ್ಟ ತಿರುಗೇಟು ಹೇಗಿದೆ ನೋಡಿ!


ತಿರುವನಂತಪುರಂ: ಜನರು ಮತ ಚಲಾಯಿಸುವುದಕ್ಕೂ ಮುನ್ನ ಜಾಗ್ರತೆ ವಹಿಸಬೇಕು. ಅವರು ತಪ್ಪು ಮಾಡಿದರೆ ಉತ್ತರ ಪ್ರದೇಶವು ಕಾಶ್ಮೀರ, ಕೇರಳ ಮತ್ತು ಬಂಗಾಳ ಆಗಿ ಬದಲಾಗಲು ಹೆಚ್ಚು ಸಮಯ ಬೇಕಾಗುವುದಿಲ್ಲ ಎಂಬ ಉತ್ತರ ಪ್ರದೇಶ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಅವರ ಹೇಳಿಕೆಗೆ ಕೇರಳ ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ತೀಕ್ಷ್ಣ ತಿರುಗೇಟು ನೀಡಿದ್ದಾರೆ.

ಯೋಗಿ ವಿರುದ್ಧ ಹರಿಹಾಯ್ದಿರುವ ಪಿಣರಾಯಿ ವಿಜಯನ್, “ಯೋಗಿ ಆದಿತ್ಯನಾಥ್ ಅವರು ಭಯಪಟ್ಟಂತೆ ಉತ್ತರ ಪ್ರದೇಶವು ಕೇರಳವಾಗಿ ಬದಲಾದರೆ, ಅದು ಅತ್ಯುತ್ತಮ ಶಿಕ್ಷಣ, ಆರೋಗ್ಯ ಸೇವೆಗಳು, ಸಾಮಾಜಿಕ ಕಲ್ಯಾಣ, ಜೀವನ ಗುಣಮಟ್ಟಗಳನ್ನು ಪಡೆದುಕೊಳ್ಳಲಿದೆ ಮತ್ತು ಧರ್ಮ ಹಾಗೂ ಜಾತಿಯ ಹೆಸರಿನಲ್ಲಿ ಜನರ ಕೊಲೆಗಳು ಆಗದಂತಹ ಸೌಹಾರ್ದಯುತ ಸಮಾಜ ನಿರ್ಮಾಣವಾಗಲಿದೆ. ಉತ್ತರ ಪ್ರದೇಶದ ಜನರು ಬಯಸಿರುವುದು ಇದನ್ನೇ” ಎಂದು ಟ್ವೀಟ್ ಮಾಡಿದ್ದಾರೆ.
ಉತ್ತರ ಪ್ರದೇಶದಲ್ಲಿ ಮತದಾನ ಆರಂಭ: ಎಚ್ಚರ! ಕಾಶ್ಮೀರ, ಬಂಗಾಳ ಆಗಲು ಬಿಡಬೇಡಿ ಎಂದ ಯೋಗಿ

ಆದಿತ್ಯನಾಥ್ ವಿರುದ್ಧ ವಾಗ್ದಾಳಿ ನಡೆಸಿರುವ ವಿರೋಧ ಪಕ್ಷದ ನಾಯಕ ಮತ್ತು ಹಿರಿಯ ಕಾಂಗ್ರೆಸ್ ಮುಖಂಡ ವಿ.ಡಿ ಸತೀಶನ್, “ಪ್ರಿಯ ಉತ್ತರ ಪ್ರದೇಶ, ಕೇರಳದಂತೆ ಆಗಲು ಮತ ಚಲಾಯಿಸಿ. ಬಹುತ್ವ ಮತ್ತು ಸಾಮರಸ್ಯವನ್ನು ಆಯ್ದುಕೊಳ್ಳಿ. ಮಧ್ಯಯುಗದ ಧರ್ಮಾಂದತೆಗೆ ಅಭಿವೃದ್ಧಿಯನ್ನು ಒಳಗೊಳ್ಳುವಂತೆ ಮಾಡಿ. ಕೇರಳಿಗರು, ಬಂಗಾಳಿಗಳು ಮತ್ತು ಕಾಶ್ಮೀರಿಗಳು ಎಲ್ಲರೂ ಹೆಮ್ಮೆಯ ಭಾರತೀಯರು” ಎಂದು ಹೇಳಿದ್ದಾರೆ.

“ಬಿಜೆಪಿ ಅಧಿಕಾರಕ್ಕೆ ಬಾರದೆ ಇದ್ದರೆ ಉತ್ತರ ಪ್ರದೇಶವು ಕಾಶ್ಮೀರ, ಕೇರಳ ಅಥವಾ ಬಂಗಾಳವಾಗಿ ಬದಲಾಗುತ್ತದೆ ಎಂದು ಯೋಗಿ ಆದಿತ್ಯನಾಥ್ ಮತದಾರರಿಗೆ ಹೇಳಿದ್ದಾರೆ. ಹಾಗಾದರೆ ಉತ್ತರ ಪ್ರದೇಶ ಬಹಳ ಅದೃಷ್ಟಶಾಲಿ ಆಗುತ್ತದೆ. ಕಾಶ್ಮೀರದ ಸೌಂದರ್ಯ, ಬಂಗಾಳದ ಸಂಸ್ಕೃತಿ ಮತ್ತು ಕೇರಳದ ಶಿಕ್ಷಣ ಅಲ್ಲಿ ಅದ್ಭುತಗಳನ್ನು ಸೃಷ್ಟಿಸಬಹುದು. ಉತ್ತರ ಪ್ರದೇಶದ ಈಗಿನ ಅದ್ಭುತ: ಅದರ ಸರ್ಕಾರದ ಬಗ್ಗೆ ಕನಿಕರ ಮೂಡುತ್ತದೆ” ಎಂದು ಕಾಂಗ್ರೆಸ್ ಸಂಸದ ಶಶಿ ತರೂರ್ ಹೇಳಿದ್ದಾರೆ.

ಯೋಗಿ ಹೇಳಿದ್ದೇನು?
“ನನ್ನ ಹೃದಯದಲ್ಲಿ ಇರುವ ಕೆಲವು ವಿಚಾರಗಳನ್ನು ನಿಮಗೆ ನಾನು ಹೇಳಬೇಕಿದೆ. ಕಳೆದ ಐದು ವರ್ಷಗಳಲ್ಲಿ ಸಾಕಷ್ಟು ಅದ್ಭುತ ಕೆಲಸಗಳು ನಡೆದಿವೆ. ಜಾಗ್ರತೆ! ನೀವು ತಪ್ಪಿದರೆ, ಈ ಐದು ವರ್ಷಗಳ ಶ್ರಮ ಹಾಳಾಗಲಿದೆ. ಉತ್ತರ ಪ್ರದೇಶವು ಕಾಶ್ಮೀರ, ಕೇರಳ ಮತ್ತು ಬಂಗಾಳ ಆಗಲು ಹೆಚ್ಚು ಸಮಯ ತೆಗೆದುಕೊಳ್ಳುವುದಿಲ್ಲ” ಎಂದು ಯೋಗಿ ಆದಿತ್ಯನಾಥ್ ಅವರು ವಿಡಿಯೋದಲ್ಲಿ ಎಚ್ಚರಿಕೆ ನೀಡಿದ್ದರು.
ನಮ್ಮ ಉದ್ದೇಶವನ್ನು ಮುಸ್ಲಿಂ ಸಹೋದರಿಯರು ಚೆನ್ನಾಗಿ ಬಲ್ಲರು: ಮೋದಿ ‘ರೀಚ್ ಔಟ್ ಪ್ಲ್ಯಾನ್’!

“ನಿಮ್ಮ ಮತವು ನನ್ನ ಐದು ವರ್ಷಗಳ ಪ್ರಯತ್ನಕ್ಕೆ ಆಶೀರ್ವಾದವಾಗಿದೆ. ನಿಮ್ಮ ಮತವು ನಿಮಗೆ ಭಯಮುಕ್ತ ಜೀವನಕ್ಕೆ ಖಾತರಿ ಕೂಡ ಆಗಿರಲಿದೆ” ಎಂದು ಹೇಳಿದ್ದರು.

“ದೊಡ್ಡ ನಿರ್ಧಾರ ತೆಗೆದುಕೊಳ್ಳುವ ಸಮಯ ಬಂದಿದೆ. ಕಳೆದ ಐದು ವರ್ಷಗಳಲ್ಲಿ ಬಿಜೆಪಿಯ ಡಬಲ್ ಎಂಜಿನ್ ಸರ್ಕಾರವು ಎಲ್ಲವನ್ನೂ ಬದ್ಧತೆ ಮತ್ತು ಸಮರ್ಪಣೆಯೊಂದಿಗೆ ಮಾಡಿದೆ. ನೀವು ಪ್ರತಿಯೊಂದನ್ನೂ ನೋಡಿದ್ದೀರಿ ಮತ್ತು ಎಲ್ಲವನ್ನೂ ವಿವರವಾಗಿ ಆಲಿಸಿದ್ದೀರಿ” ಎಂದು ತಿಳಿಸಿದ್ದರು.



Read more

[wpas_products keywords=”deal of the day sale today offer all”]