ಐಟಂ ಸಾಂಗ್‌ಗೆ ಕುಣಿಯುವಂತೆ ಹೇಳಿದ್ದ ಜಡ್ಜ್!: ನ್ಯಾಯಾಧೀಶೆಗೆ ಹುದ್ದೆ ಮರಳಿಸಲು ‘ಸುಪ್ರೀಂ’ ಆದೇಶ

2014ರ ಜುಲೈ 15ರಂದು ಅರ್ಜಿದಾರರು ತಮ್ಮ ಹೆಚ್ಚುವರಿ ಜಿಲ್ಲಾ ನ್ಯಾಯಾಧೀಶೆಯು ‘ಇತರೆ ಯಾವ ಆಯ್ಕೆಯೂ ಇಲ್ಲದ ಅನಿವಾರ್ಯ ಸನ್ನಿವೇಶಗಳಲ್ಲಿ’ ತಮ್ಮ ಸ್ಥಾನಕ್ಕೆ ರಾಜೀನಾಮೆ ನೀಡಿದ್ದಾರೆ ಎಂಬ ನ್ಯಾಯಾಂಗ ತನಿಖಾ ಸಮಿತಿಯು 2017ರ ಡಿಸೆಂಬರ್ 15ರಂದು ನೀಡಿದ ವರದಿಯಲ್ಲಿನ ವರ್ಗೀಯ ಅಂಶಗಳನ್ನು ಹೈಕೋರ್ಟ್ ನಿರ್ಲಕ್ಷಿಸಿತ್ತು ಎಂದು ಮಹಿಳೆ ಆರೋಪಿಸಿದ್ದರು.

2014ರ ಜುಲೈನಲ್ಲಿ ರಾಷ್ಟ್ರಪತಿ, ಮುಖ್ಯ ನ್ಯಾಯಮೂರ್ತಿ ಮತ್ತು ಕೇಂದ್ರ ಕಾನೂನು ಸಚಿವರಿಗೆ ಪತ್ರ ಬರೆದಿದ್ದ ಮಹಿಳೆ, ತಮ್ಮ ಮೇಲಿನ ಕಿರುಕುಳದ ಬಗ್ಗೆ ವಿವರವಾದ ಆರೋಪ ಮಾಡಿದ್ದರು. ಬಳಿಕ ಅವರು ಗ್ವಾಲಿಯರ್ ಹೆಚ್ಚುವರಿ ಜಿಲ್ಲಾ ನ್ಯಾಯಾಧೀಶೆಯ ಹುದ್ದೆಗೆ ರಾಜೀನಾಮೆ ನೀಡಿದ್ದರು.
‘ನನ್ನ ಜೊತೆ ಮಲಗು ಎಂದ’ ಹೆಣ್ಣೂರು ಠಾಣೆ ಇನ್ಸ್‌ಪೆಕ್ಟರ್‌ ವಿರುದ್ಧ ಆಯುಕ್ತರಿಗೆ ದೂರು ನೀಡಿದ ಮಹಿಳೆ

ಹೈಕೋರ್ಟ್ ನ್ಯಾಯಮೂರ್ತಿ ತಮಗೆ ಐಟಂ ಸಾಂಗ್‌ಗೆ ಡ್ಯಾನ್ಸ್ ಮಾಡುವಂತೆ ಸೂಚಿಸಿದ್ದರು ಎಂದು ಅವರು ಆರೋಪಿಸಿದ್ದರು. ಅಲ್ಲದೆ, ದೂರದ ಸ್ಥಳಕ್ಕೆ ತಮ್ಮ ವರ್ಗಾವಣೆ ಆಗುವಂತೆ ಅವರು ಪ್ರಭಾವ ಬೀರಿದ್ದರು ಎಂದೂ ದೂರಿದ್ದರು.

ರಾಜ್ಯ ಸಭೆ ನೇಮಿಸಿದ ಸಮಿತಿಯು ಲೈಂಗಿಕ ಕಿರುಕುಳ ಆರೋಪಗಳ ವಿಚಾರಣೆ ನಡೆಸಿ, ಕಳೆದ ವರ್ಷದ ಡಿಸೆಂಬರ್ ತಿಂಗಳಲ್ಲಿ ನ್ಯಾಯಮೂರ್ತಿಗೆ ಕ್ಲೀನ್ ಚಿಟ್ ನೀಡಿತ್ತು. ದೂರುದಾರ ಮಹಿಳೆಗೆ ಕಿರುಕುಳ ನೀಡಲು ಕೆಳ ನ್ಯಾಯಾಂಗ ವ್ಯವಸ್ಥೆಯನ್ನು ನ್ಯಾಯಮೂರ್ತಿ ದುರ್ಬಳಕೆ ಮಾಡಿದ್ದಾರೆ ಎಂಬ ಆರೋಪದಲ್ಲಿ ಯಾವುದೇ ಹುರುಳಿಲ್ಲ ಎಂದು ಅದು ಹೇಳಿತ್ತು.