ಇಲ್ಲಿನ ನರೇಂದ್ರ ಮೋದಿ ಕ್ರೀಡಾಂಗಣದಲ್ಲಿ ಟಾಸ್‌ ಸೋತು ಮೊದಲು ಬ್ಯಾಟ್‌ ಮಾಡಿದ ವೆಸ್ಟ್‌ ಇಂಡೀಸ್‌ ತಂಡವನ್ನು 176 ರನ್‌ಗಳ ಅಲ್ಪ ಮೊತ್ತಕ್ಕೆ ಆಲ್‌ಔಟ್‌ ಮಾಡಿದ ಟೀಮ್ ಇಂಡಿಯಾ ಬಳಿಕ 29 ಓವರ್‌ಗಳ ಒಳಗೆ 4 ವಿಕೆಟ್‌ಗಳ ನಷ್ಟದಲ್ಲಿ ಗುರಿ ತಲುಪಿತು. ನಾಲ್ಕು ವಿಕೆಟ್‌ ಪಡೆದು ಮಿಂಚಿದ ಲೆಗ್‌ ಸ್ಪಿನ್ನರ್‌ ಯುಜ್ವೇಂದ್ರ ಚಹಲ್‌ ಪಂದ್ಯ ಶ್ರೇಷ್ಠ ಗೌರವಕ್ಕೆ ಭಾಜನರಾದರು.
ಒಂದು ಸಾವಿರದ ಒಡಿಐ ಪಂದ್ಯದಲ್ಲಿ ಭಾರತ ತಂಡದ ಭರ್ಜರಿ ಗೆಲುವಿನ ಬೆನ್ನಲ್ಲೇ ಮಾತಿಗಿಳಿದಿರುವ ಟೀಮ್ ಇಂಡಿಯಾ ಮಾಜಿ ವೇಗಿ ಹಾಗೂ ಕನ್ನಡಿಗ ವೆಂಕಟೇಶ್‌ ಪ್ರಸಾದ್, ಏಕದಿನ ಕ್ರಿಕೆಟ್‌ನಲ್ಲಿ ಭಾರತದ ಸಾರ್ವಕಾಲಿಕ ಶ್ರೇಷ್ಠ ಹನ್ನೊಂದು ಆಟಗಾರರ ತಂಡವನ್ನು ಪ್ರಕಟ ಮಾಡಿದ್ದಾರೆ. ಭಾರತದ ಪರ 90ರ ದಶಕದಲ್ಲಿ ಪ್ರಮುಖ ಬೌಲರ್‌ ಆಗಿದ್ದ ವೆಂಕಟೇಶ್‌ ಪ್ರಸಾದ್ ಬರೋಬ್ಬರಿ 161 ಒಡಿಐ ಪಂದ್ಯಗಳನ್ನು ಆಡಿದ್ದಾರೆ.
‘ಮೆಗಾ ಆಕ್ಷನ್‌ ಬರ್ತಿದೆ’, ಚಹಲ್‌ ಕಾಲೆಳೆದ ಕ್ಯಾಪ್ಟನ್‌ ರೋಹಿತ್!
ಪ್ರಸಾದ್ ತಮ್ಮ ಆಯ್ಕೆಯ ಬೆಸ್ಟ್‌ ಒಡಿಐ ಇಂಡಿಯಾ ತಂಡದ ಓಪನರ್‌ಗಳಾಗಿ ಮಾಸ್ಟರ್‌ ಬ್ಲಾಸ್ಟರ್‌ ಸಚಿನ್‌ ತೆಂಡೂಲ್ಕರ್‌ ಮತ್ತು ಡೆಲ್ಲಿ ಡ್ಯಾಷರ್‌ ವೀರೇಂದ್ರ ಸೆಹ್ವಾಗ್ ಅವರನ್ನು ಆಯ್ಕೆ ಮಾಡಿದ್ದಾರೆ. ಬ್ಯಾಟಿಂಗ್‌ ವಿಭಾಗಕ್ಕೆ ಮಾಜಿ ನಾಯಕರಾದ ವಿರಾಟ್‌ ಕೊಹ್ಲಿ, ಮೊಹಮ್ಮದ್‌ ಅಝರುದ್ದೀನ್ ಅವರನ್ನು ಆಯ್ಕೆ ಮಾಡಿ, ಆಲ್‌ರೌಂರ್‌ಗಳಾಗಿ ಯುವರಾಜ್‌ ಸಿಂಗ್‌ ಮತ್ತು ಕಪಿಲ್‌ ದೇವ್‌ ಅವರನ್ನು ತೆಗೆದುಕೊಂಡು ಎಂಎಸ್‌ ಧೋನಿಗೆ ವಿಕೆಟ್‌ಕೀಪಿಂಗ್‌ ಜವಾಬ್ದಾರಿ ನೀಡಿದ್ದಾರೆ.
ಬೌಲಿಂಗ್‌ ವಿಭಾಗದಿಂದ ತಮ್ಮನ್ನೇ ಕೈಬಿಟ್ಟಿರುವ ವೆಂಕಟೇಶ್‌, ತಮ್ಮ ಕಾಲದ ಶ್ರೇಷ್ಠ ವೇಗಿ ಹಾಗೂ ಮೈಸೂರು ಎಕ್ಸ್‌ಪ್ರೆಸ್‌ ಜಾವಗಲ್‌ ಶ್ರೀನಾಥ್‌ ಮತ್ತು ಎಡಗೈ ವೇಗಿ ಜಹೀರ್‌ ಖಾನ್‌ ಅವರನ್ನು ತಂಡಕ್ಕೆ ಸೇರಿಸಿದ್ದಾರೆ. ಸ್ಪಿನ್ನರ್‌ಗಳನ್ನಾಗಿ ಮಾಜಿ ನಾಯಕ ಹಾಗೂ ಕನ್ನಡಿಗ ಅನಿಲ್ ಕುಂಬ್ಳೆ ಅವರನ್ನು ಆಯ್ಕೆ ಮಾಡಿದ್ದಾರೆ.
ಇನ್ನು ಏಕದಿನ ಕ್ರಿಕೆಟ್‌ನಲ್ಲಿ 10 ಸಾವಿರಕ್ಕೂ ಹೆಚ್ಚು ರನ್‌ ಗಳಿಸಿರುವ ಮಾಜಿ ನಾಯಕ ಹಾಗೂ ಭಾರತ ತಂಡದ ಹಾಲಿ ಮುಖ್ಯ ಕೋಚ್‌ ರಾಹುಲ್‌ ದ್ರಾವಿಡ್‌ ಮತ್ತು ಒಡಿಐನಲ್ಲಿ ಮೂರು ದ್ವಿಶತಕ ಬಾರಿಸಿ ವಿಶ್ವ ದಾಖಲೆ ಹೊಂದಿರುವ ಹಾಲಿ ನಾಯಕ ರೋಹಿತ್ ಶರ್ಮಾ ಅವರನ್ನು ತಂಡದಿಂದ ಕೈಬಿಡುವ ಮೂಲಕ ವೆಂಕಟೇಶ್‌ ಪ್ರಸಾದ್ ಅಚ್ಚರಿ ಮೂಡಿಸಿದ್ದಾರೆ.
‘ಪರಿಪೂರ್ಣ ಆಟದಲ್ಲಿ ನನಗೆ ನಂಬಿಕೆ ಇಲ್ಲ’ ಗೆಲುವಿನ ಬಳಿಕ ರೋಹಿತ್ ಹೇಳಿದ್ದಿದು!
ವೆಂಕಟೇಶ್‌ ಪ್ರಸಾದ್ ಆಯ್ಕೆಯ ಸಾರ್ವಕಾಲಿಕ ಶ್ರೇಷ್ಠ ಟೀಮ್ ಇಂಡಿಯಾ XI
1. ವೀರೇಂದ್ರ ಸೆಹ್ವಾಗ್ (ಓಪನರ್‌)
2. ಸಚಿನ್‌ ತೆಂಡೂಲ್ಕರ್‌ (ಓಪನರ್‌)
3. ವಿರಾಟ್‌ ಕೊಹ್ಲಿ (ಬ್ಯಾಟ್ಸ್‌ಮನ್‌)
4. ಮೊಹಮ್ಮದ್‌ ಅಝರುದ್ದೀನ್ (ಬ್ಯಾಟ್ಸ್‌ಮನ್‌)
5. ಯುವರಾಜ್‌ ಸಿಂಗ್‌ (ಆಲ್‌ರೌಂಡರ್‌)
6. ಎಂಎಸ್‌ ಧೋನಿ (ವಿಕೆಟ್‌ಕೀಪರ್‌/ಬ್ಯಾಟ್ಸ್‌ಮನ್‌)
7. ಕಪಿಲ್‌ ದೇವ್‌ (ಆಲ್‌ರೌಂಡರ್‌)
8. ಅನಿಲ್ ಕುಂಬ್ಳೆ (ಲೆಗ್‌ ಸ್ಪಿನ್ನರ್‌)
9. ಹರ್ಭಜನ್‌ ಸಿಂಗ್‌ (ಆಫ್‌ ಸ್ಪಿನ್ನರ್‌)
10. ಜಾವಗಲ್‌ ಶ್ರೀನಾಥ್‌ (ಬಲಗೈ ವೇಗಿ)
11. ಜಹೀರ್‌ ಖಾನ್‌ (ಎಡಗೈ ವೇಗಿ)
Read more
[wpas_products keywords=”deal of the day gym”]