ನಿಲ್ಲುತ್ತಿಲ್ಲ ವಿದ್ಯಾರ್ಥಿಗಳ ಹಿಜಾಬ್-ಕೇಸರಿ ವಿವಾದ; ಕುಂದಾಪುರದಲ್ಲಿ ಮತ್ತೆರಡು ಕಾಲೇಜಿಗೆ ವಿಸ್ತರಣೆ!

Hijab and saffron shawl Controversy: ಉಡುಪಿಯಲ್ಲಿ ಆರಂಭಗೊಂಡಿದ್ದ ಹಿಬಾಜ್ ವಿವಾದ ಉಡುಪಿಯ ಆಸುಪಾಸಿನ ಕಾಲೇಜುಗಳಿಗಿಂತ ಕುಂದಾಪುರ ತಾಲೂಕಿನ ಕಾಲೇಜುಗಳಲ್ಲಿ ವ್ಯಾಪಕವಾಗಿ ಹಬ್ಬುತ್ತಿದೆ‌. ಸೋಮವಾರ ಮತ್ತೆರಡು ಕಾಲೇಜಿನಲ್ಲಿ ಈ ವಿವಾದ ವ್ಯಾಪಿಸಿದೆ. ಉಪನ್ಯಾಸಕರು ಮಧ್ಯೆ ಪ್ರವೇಶಿಸಿ ನಮ್ಮಲ್ಲಿ ಹಿಜಾಬ್ ಹಾಗೂ ಕೇಸರಿ ಎರಡಕ್ಕೂ ಅವಕಾಶವಿಲ್ಲ ಎಂದರು. ಹಿಜಾಬ್ ತೊಟ್ಟ ವಿದ್ಯಾರ್ಥಿನಿಯರು ವಾಪಾಸು ಮನೆಗೆ ತೆರಳಿದ್ರೆ, ಕೇಸರಿ ತೊಟ್ಟು ವಿದ್ಯಾರ್ಥಿಗಳು ಶಾಲು ಕಳಚಿ ತರಗತಿಗೆ ಹಾಜರಾದರು. ಕುಂದಾಪುರದ ಕಾಲೇಜಿನಲ್ಲಿ ವಿದ್ಯಾರ್ಥಿನಿಯರನ್ನು ಕ್ಯಾಂಪಸ್ ಒಳಗಡೆ ಬಿಟ್ಟರೂ ಕ್ಲಾಸ್‌ಗೆ ಹಾಜರಾಗಲು ಬಿಡದೆ ಕಾಲೇಜಿನಲ್ಲಿ ಪ್ರತ್ಯೇಕ ವ್ಯವಸ್ಥೆ ಕಲ್ಪಿಸಲಾಗಿದೆ.