ಹತ್ಯೆಯಾದ ಸ್ಮಗ್ಲರ್‌ಗಳ ಕಡೆಯಿಂದ ಒಟ್ಟು 36 ಹೆರಾಯಿನ್ ಪ್ಯಾಕೆಟ್‌ಗಳನ್ನು ವಶಪಡಿಸಿಕೊಳ್ಳಲಾಗಿದೆ ಎಂದು ಅವರು ಹೇಳಿದ್ದಾರೆ. ರಾತ್ರಿ 2.30ರ ವೇಳೆಗೆ ಗಡಿಯಲ್ಲಿ ಸ್ಮಗ್ಲರ್‌ಗಳ ಚಲನಚಲನವನ್ನು ಗಡಿ ಭದ್ರತಾ ಪಡೆ ಸಿಬ್ಬಂದಿ ಕಂಡು ಕಾರ್ಯಾಚರಣೆ ನಡೆಸಿದರು ಎಂದು ಬಿಎಸ್‌ಎಫ್ ಉಪ ಪೊಲೀಸ್ ಮುಖ್ಯಸ್ಥ ಎಸ್‌ಪಿಎಸ್ ಸಂಧು ಹೇಳಿದ್ದಾರೆ. ಪತ್ತೆಯಾದ 36 ಪ್ಯಾಕೆಟ್ ಹೆರಾಯಿನ್‌ಗಳು 180 ಕೋಟಿ ರೂ ಮೌಲ್ಯದ್ದಾಗಿದೆ.
ವಾಜಪೇಯಿ, ಆಡ್ವಾಣಿ ಹತ್ಯೆಗೆ ಸಂಚು ರೂಪಿಸಿದ್ದ ಐಸಿಸ್ ಉಗ್ರರು: ಆಘಾತಕಾರಿ ಸಂಗತಿ ಬಯಲು
ಅಂತಾರಾಷ್ಟ್ರೀಯ ಗಡಿಯಲ್ಲಿ ಒಳಗೆ ನುಸುಳುತ್ತಿದ್ದ ಪಾಕಿಸ್ತಾನ ಸ್ಮಗ್ಲರ್‌ಗಳನ್ನು ಗಮನಿಸಿದ ಬಿಎಸ್‌ಎಫ್ ಗಸ್ತು ಸಿಬ್ಬಂದಿ ಅವರ ಮೇಲೆ ಗುಂಡಿನ ದಾಳಿ ನಡೆಸಿ ಮೂವರನ್ನು ಹತ್ಯೆ ಮಾಡಿದ್ದಾರೆ. ಅವರಿಂದ 36 ಪ್ಯಾಕೆಟ್ ಮಾದಕವಸ್ತುಗಳನ್ನು ವಶಪಡಿಸಿಕೊಳ್ಳಲಾಗಿದೆ. ಅವುಗಳಲ್ಲಿ ಹೆರಾಯಿನ್ ಇರುವುದು ಪತ್ತೆಯಾಗಿದೆ. ಈ ಪ್ರದೇಶದಲ್ಲಿ ಪತ್ತೆ ಕಾರ್ಯಾಚರಣೆಯನ್ನು ಮುಂದುವರಿಸಲಾಗಿದೆ ಎಂದು ಅವರು ಮಾಹಿತಿ ನೀಡಿದ್ದಾರೆ.
‘ಫೆಬ್ರವರಿ 6ರ ನಸುಕಿನಲ್ಲಿ ಜಾಗ್ರತ ಜಮ್ಮು ಬಿಎಸ್‌ಎಫ್ ಪಡೆಗಳು, ಸಾಂಬಾ ಅಂತಾರಾಷ್ಟ್ರೀಯ ಗಡಿಯಲ್ಲಿ ಮಾದಕ ವಸ್ತುಗಳನ್ನು ಕಳ್ಳಸಾಗಣೆ ಮಾಡಲು ಪ್ರಯತ್ನಿಸುತ್ತಿದ್ದ ಪಾಕಿಸ್ತಾನದ ಮೂವರು ಸ್ಮಗ್ಲರ್‌ಗಳನ್ನು ಹತ್ಯೆ ಮಾಡಿದೆ. ಅವರಿಂದ ಅಂದಾಜು 36 ಕೆಜಿ ಮಾದಕ ವಸ್ತುಗಳನ್ನು ವಶಪಡಿಸಿಕೊಂಡಿದೆ. ಇವು ಹೆರಾಯಿನ್ ಆಗಿರುವ ಸಾಧ್ಯತೆ ಇದ್ದು, ಭಾರಿ ದೊಡ್ಡ ಸ್ಮಗ್ಲಿಂಗ್ ಪ್ರಯತ್ನವನ್ನು ಹತ್ತಿಕ್ಕಲಾಗಿದೆ. ಸ್ಥಳದಲ್ಲಿ ಹುಡುಕಾಟ ಕಾರ್ಯಾಚರಣೆ ಮುಂದುವರಿದಿದೆ’ ಎಂದು ಬಿಎಸ್‌ಎಫ್ ಹೇಳಿಕೆ ತಿಳಿಸಿದೆ.
ಬೆಂಗಳೂರಿನ ಕಾಲೇಜುಗಳ ಮುಂಭಾಗ ಡ್ರಗ್ಸ್‌ ಮಾರುತ್ತಿದ್ದ ಇಬ್ಬರ ಬಂಧನ: 3 ಕೋಟಿ ಮೌಲ್ಯದ ಡ್ರಗ್ಸ್‌ ವಶ
ಜನವರಿ 28ರಂದು ಪಂಜಾಬ್‌ನ ಗುರುದಾಸ್ಪುರ ಜಿಲ್ಲೆಯಲ್ಲಿ ಭಾರತ- ಪಾಕಿಸ್ತಾನ ಗಡಿಯಲ್ಲಿ ಪಾಕಿಸ್ತಾನಿ ಸ್ಮಗ್ಲರ್‌ಗಳ ಜತೆಗೆ ಬಿಎಸ್‌ಎಫ್ ಕೆಲ ಸಮಯ ಗುಂಡಿನ ಚಕಮಕಿ ನಡೆಸಿತ್ತು. ಆಗ ಅವರು ಸ್ಥಳದಿಂದ 47 ಕೆಜಿ ಹೆರಾಯಿನ್, ಎರಡು ಪಿಸ್ತೂಲುಗಳು ಮತ್ತು ಕೆಲವು ಮದ್ದುಗುಂಡುಗಳನ್ನು ವಶಪಡಿಸಿಕೊಂಡಿದ್ದರು. ಎನ್‌ಕೌಂಟರ್‌ನಲ್ಲಿ ಒಬ್ಬ ಬಿಎಸ್‌ಎಫ್ ಯೋಧ ಗಾಯಗೊಂಡಿದ್ದರು.
Read more
[wpas_products keywords=”deal of the day sale today offer all”]