ಎಸ್‌ಪಿ- ಆರ್‌ಎಲ್‌ಡಿ ಮೈತ್ರಿಯನ್ನು ‘ಎಳೆ ಹುಡುಗರ ಜೋಡಿ’ ಎಂದು ಟೀಕಿಸಿದ ಯೋಗಿ ಆದಿತ್ಯನಾಥ್‌!

ಹೊಸದಿಲ್ಲಿ: ಉತ್ತರ ಪ್ರದೇಶದ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಅವರು ಸಮಾಜವಾದಿ ಮತ್ತು ಆರ್‌ಎಲ್‌ಡಿ ಮೈತ್ರಿಯನ್ನು ಗುರಿಯಾಗಿಸಿಕೊಂಡು ಟೀಕಾಸ್ತ್ರ ಪ್ರಯೋಗಿಸಿದ್ದಾರೆ. ಸಮಾಜವಾದಿ ಪಕ್ಷದ ಅಖಿಲೇಶ್‌ ಯಾದವ್‌ ಹಾಗೂ ಆರ್‌ಎಲ್‌ಡಿ ಅಧ್ಯಕ್ಷ ಜಯಂತ್‌ ಚೌದರಿ ಅವರ ಮೈತ್ರಿಯನ್ನು ಉದ್ದೇಶಿಸಿ “ಇವರಿಬ್ಬರದು ಹುಡುಗರ ಜೋಡಿ, ಹೊಸ ಲಕೋಟೆಯಲ್ಲಿ ಹಳೆಯ ಸರಕು ಇದ್ದಂತೆ” ಎಂದು ಹೇಳಿದ್ದು, ಈ ಮೈತ್ರಿಯನ್ನು ವಿಫಲಗೊಲಿಸಲು ಬಿಜೆಪಿಯು ರಣತಂತ್ರ ಹೂಡಿದೆ.

ಇಲ್ಲಿ ಅಖಿಲೇಶ್‌ ಯಾದವ್‌ ಹಾಗೂ ಜಯಂತ್ ಚೌದರಿ ಅವರನ್ನು ಹುಡುಗರು ಎಂದು ಸಂಬೋಧಿಸಿರುವುದು, ಅವರಿನ್ನೂ ರಾಜಕೀಯದಲ್ಲಿ ಎಳೆ ಬಾಲಕರು ಎಂಬ ಅರ್ಥವನ್ನು ಸೂಚಿಸುತ್ತದೆ. ಇತ್ತೀಚೆಗೆ ಬಿಜೆಪಿಯ ಧರ್ಮೇಂದ್ರ ಕುಮಾರ್‌ ಕೂಡ ಜಯಂತ್ ಚೌದರಿ ಅವರನ್ನು ‘ರಾಜಕೀಯವಾಗಿ ಅಪ್ರಬುದ್ಧರು’ ಎಂದು ಹೇಳಿಕೆ ನೀಡಿದ್ದರು.

ಉತ್ತರ ಪ್ರದೇಶ ಚುನಾವಣೆಗೆ ‘ಶ್ರೀವಲ್ಲಿ’ ಹಾಡು ಬಿಡುಗಡೆ ಮಾಡಿದ ಕಾಂಗ್ರೆಸ್!

ಇತ್ತೀಚೆಗೆ ಸಮಾಜವಾದಿ ಪಕ್ಷವನ್ನು ತರಾಟೆಗೆ ತೆಗೆದುಕೊಂಡ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ ಅವರು ಟೀಕೆ ಮಾಡುತ್ತಾ, ಅವರು ಹೆಸರಿಗಷ್ಟೇ ಸಮಾಜವಾದಿಗಳು. ಆದರೆ, ಚಿಂತನೆಯಲ್ಲಿ ಕುಟುಂಬವಾದಿಗಳು ಎಂದು ಹೇಳಿದರು. ಎಸ್‌ಪಿ-ಆರ್‌ಎಲ್‌ಡಿ ಜೋಡಿಯ ಮೇಲೆ ದಾಳಿ ಮಾಡಿದ ಯೋಗಿ, “ಇವರಿಬ್ಬರು ಹುಡುಗರು, ಇದಕ್ಕೂ ಮೊದಲು ಇದೇ ಜೋಡಿ ಬಂದಿತ್ತು. ಸರಕುಗಳು ಒಂದೇ, ಈಗಾಗಲೇ ಹಳತಾಗಿದೆ. ಕೇವಲ ಹೊದಿಕೆಯಷ್ಟೇ ಹೊಸದು. ಈ ಇಬ್ಬರು ಹುಡುಗರು ಒಂದೇ, ಒಬ್ಬರು ಅಧಿಕಾರದಲ್ಲಿ ಕುಳಿತು ಕೊಲೆ ಮಾಡುತ್ತಿದ್ದರೆ, ಇನ್ನೊಬ್ಬರು ದೆಹಲಿಯಲ್ಲಿ ಗಲಭೆಕೋರರ ರಕ್ಷಣೆಗೆ ಕುಳಿತಿದ್ದರು. ಅಧಿಕಾರದಲ್ಲಿದ್ದುಕೊಂಡು ರಾಜ್ಯಕ್ಕೆ ಅಭದ್ರತೆ ಕೊಟ್ಟವರಿಗೆ ಪ್ರಳಯವಾದರೂ ಅವರ ಕನಸು ನನಸಾಗದು ಎಂದರು.

ಅವರು 2017 ರಲ್ಲಿ ಬುಲಂದ್‌ಶಹರ್‌ಗೆ ಬಂದಾಗ ಅಲ್ಲಿ ಭಯದ ವಾತಾವರಣವಿತ್ತು ಮತ್ತು ಹೆಣ್ಣುಮಕ್ಕಳು, ವ್ಯಾಪಾರಿಗಳು ಯಾರೂ ಸುರಕ್ಷಿತವಾಗಿರಲಿಲ್ಲ ಎಂದು ಯೋಗಿ ಆದಿತ್ಯನಾಥ ಆರೋಪಿಸಿದರು. 2017 ರಲ್ಲಿ ಕೂಡ ಈ ಇಬ್ಬರು ಹುಡುಗರ ಮೈತ್ರಿ ಆಗಿತ್ತು. ಆದರೆ, ಸಾರ್ವಜನಿಕರು ಅವರಿಗೆ ದಾರಿ ತೋರಿಸಿದರು. ನೀವು ಇದಕ್ಕೆ ಯೋಗ್ಯರಲ್ಲ ಎಂದು ದೆಹಲಿಯಲ್ಲಿ ನೆಲೆಸಿರುವ ಬಾಲಕ ಹಾಗೂ ಲಕ್ನೋದಲ್ಲಿ ನೆಲೆಸಿರುವ ಬಾಲಕನಿಗೆ ಸಾರ್ವಜನಿಕರು ಪಾಠ ಹೇಳಿದ್ದರು. 2013ರಲ್ಲಿ ಮುಜಾಫರ್‌ನಗರ ಗಲಭೆ ನಡೆದಾಗ ಸಚಿನ್ ಮತ್ತು ಗೌರವ್ ಎಂಬ ಇಬ್ಬರು ಯುವಕರನ್ನು ಬರ್ಬರವಾಗಿ ಹತ್ಯೆ ಮಾಡಲಾಗಿತ್ತು ಎಂಬುದನ್ನು ನೆನಪಿಸಿಕೊಳ್ಳಿ ಎಂದು ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಹೇಳಿದರು.

ಉತ್ತರ ಪ್ರದೇಶದಲ್ಲಿ ಸ್ವರ್ಗವನ್ನೇ ಧರೆಗಿಳಿಸುವ ಭರವಸೆ..! ಪ್ರಣಾಳಿಕೆಯಲ್ಲಿ ಬಿಜೆಪಿ, ಎಎಪಿ, ಕಾಂಗ್ರೆಸ್ ಪೈಪೋಟಿ..!

ಈ ಗಲಭೆಕೋರರ ವಿರುದ್ಧ ಯಾವುದೇ ಭಾರತೀಯ ಜನತಾ ಪಕ್ಷದ (ಬಿಜೆಪಿ) ಕಾರ್ಯಕರ್ತ ಧ್ವನಿ ಎತ್ತುತ್ತಿದರೂ, ಅವರ ವಿರುದ್ಧ ಸುಳ್ಳು ಪ್ರಕರಣ ದಾಖಲಿಸಿ ಜೈಲಿಗೆ ಕಳುಹಿಸಲಾಗುತ್ತಿದೆ ಎಂದು ಅಖಿಲೇಶ್ ಯಾದವ್ ವಿರುದ್ಧ ಆರೋಪಿಸಿದರು. ಇದೀಗ ಮತ್ತೆ ಇವರೆಲ್ಲ ಹೊಸ ರೂಪದಲ್ಲಿ ನಿಮ್ಮ ನಡುವೆ ಬರುತ್ತಿದ್ದು, ಸರಕು ಒಂದೇ ಆಗಿದೆ, ಲಕೋಟೆ ಮಾತ್ರ ಹೊಸದು ಎಂದು ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಎಚ್ಚರಿಸಿದರು.

ಸಮಾಜವಾದಿ ಪಕ್ಷದವರು ಗ್ರಾಮಗಳಲ್ಲಿ ಜನರನ್ನು ಭಯಭೀತಗೊಳಿಸುತ್ತಿದ್ದಾರೆ. ನಿರಂತರವಾಗಿ ಪತ್ರಕರ್ತರಿಗೆ ಬೆದರಿಕೆ ಹಾಕುತ್ತಿದ್ದಾರೆ. ಮಾರ್ಚ್ 10 ರ ನಂತರ ಅವರ ಎಲ್ಲಾ ಶಾಖವು ಸ್ವಯಂಚಾಲಿತವಾಗಿ ತಣ್ಣಗಾಗುತ್ತದೆ. ಒಂದೆಡೆ ಅಭಿವೃದ್ಧಿ ಮಾಡುತ್ತೇವೆ, ಮತ್ತೊಂದೆಡೆ ಮಾಫಿಯಾ ವಿರುದ್ಧ ಬುಲ್ಡೋಜರ್‌ಗಳನ್ನು ಓಡಿಸುತ್ತೇವೆ. ನಾವು ಜೇವರ್‌ಗೆ ವಿಮಾನ ನಿಲ್ದಾಣವನ್ನು ತರುತ್ತಿದ್ದೇವೆ, ನಾವು ಫಿಲ್ಮ್ ಸಿಟಿಯನ್ನು ಸಹ ನಿರ್ಮಿಸುತ್ತಿದ್ದೇವೆ ಮತ್ತು ನಾವು ಡೇಟಾ ಕೇಂದ್ರವನ್ನು ಸಹ ನಿರ್ಮಿಸುತ್ತಿದ್ದೇವೆ ಎಂದು ಸಿಎಂ ಯೋಗಿ ಹೇಳಿದರು.