ಗಣರಾಜ್ಯೋತ್ಸವ ಅತ್ಯುತ್ತಮ ಟ್ಯಾಬ್ಲೋ ಪ್ರಶಸ್ತಿ: ಕರ್ನಾಟಕಕ್ಕೆ ಎರಡನೇ ಸ್ಥಾನ

ಶಿಕ್ಷಣ ಸಚಿವಾಲಯ ಮತ್ತು ಕೌಶಲ ಅಭಿವೃದ್ಧಿ ಸಚಿವಾಲಯ ಹಾಗೂ ಸಾಹಸೋದ್ಯಮ ವಿಭಾಗದ ಥೀಮ್ ‘ರಾಷ್ಟ್ರೀಯ ಶಿಕ್ಷಣ ನೀತಿ’ ಆಗಿದ್ದರೆ, ನಾಗರಿಕ ವಿಮಾನಯಾನ ಸಚಿವಾಲಯದ ಟ್ಯಾಬ್ಲೋ, ‘ಸಾಮಾನ್ಯ ಪ್ರಜೆಗಳಿಗೆ ವಿಮಾನಯಾನ ರಾಷ್ಟ್ರ’ ಎಂಬ ಥೀಮ್ ಹೊಂದಿತ್ತು.

ರಾಜ್ಯವಾರು ವಿಭಾಗದಲ್ಲಿ ಉತ್ತರ ಪ್ರದೇಶ ಮೊದಲ ಸ್ಥಾನ ಪಡೆದುಕೊಂಡಿದೆ. ‘ಒಂದು ಜಿಲ್ಲೆ ಒಂದು ಉತ್ಪನ್ನ ಮತ್ತು ಕಾಶಿ ವಿಶ್ವನಾಥ ಧಾಮ’ ಥೀಮ್ ಆಧಾರದಲ್ಲಿ ಉತ್ತರ ಪ್ರದೇಶದ ಟ್ಯಾಬ್ಲೋ ರೂಪಿಸಲಾಗಿತ್ತು. ಕರ್ನಾಟಕದ ‘ಸಾಂಪ್ರದಾಯಿಕ ಕರಕುಶಲತೆಯ ತೊಟ್ಟಿಲು’ ಥೀಮ್ ಕೂಡ ಪಥಸಂಚಲನದಲ್ಲಿ ಅಪಾರ ಮೆಚ್ಚುಗೆ ಗಳಿಸಿತ್ತು. ರಾಜ್ಯದ ಈ ಟ್ಯಾಬ್ಲೋ ಎರಡನೇ ಸ್ಥಾನ ಪಡೆದುಕೊಂಡಿದೆ. ಮೂರನೇ ಸ್ಥಾನವನ್ನು ಮೇಘಾಲಯ ರಾಜ್ಯದ ‘ಮೇಘಾಲಯದ 50ನೇ ವರ್ಷದ ರಾಜ್ಯ ಸ್ಥಾನಮಾನ ಮತ್ತು ಮಹಿಳೆಯ ನೇತೃತ್ವದ ಸಹಕಾರಿ ಸೊಸೈಟಿಗಳು ಹಾಗೂ ಸ್ವಸಹಾಯ ಗುಂಪುಗಳಿಗೆ ವಂದನೆ’ ಎಂಬ ಥೀಮಿನ ಟ್ಯಾಬ್ಲೋ ಪಡೆದುಕೊಂಡಿದೆ.
ಸುಭಾಷ್‌ಚಂದ್ರ ಬೋಸ್ ಟ್ಯಾಬ್ಲೋ ತಿರಸ್ಕರಿಸಿದ ಕೇಂದ್ರ; ಕೋಲ್ಕೊತ್ತಾದಲ್ಲಿ ಪ್ರದರ್ಶಿಸಲು ಮಮತಾ ನಿರ್ಧಾರ

ಆನ್‌ಲೈನ್ ವೋಟಿಂಗ್ ಮೂಲಕ ಈ ಆಯ್ಕೆಗಳನ್ನು ಮಾಡಲಾಗಿದೆ. ವಿಶೇಷ ಬಹುಮಾನ ವಿಭಾಗದಲ್ಲಿ ಕೇಂದ್ರ ವಸತಿ ಮತ್ತು ನಗರ ವ್ಯವಹಾರಗಳ ಸಚಿವಾಲಯದ ‘ಸುಭಾಷ್ @ 125’ ಟ್ಯಾಬ್ಲೋ ಮತ್ತು ‘ವಂದೇ ಭಾರತಮ್’ ನೃತ್ಯ ಗುಂಪುಗಳು ಆಯ್ಕೆಯಾಗಿವೆ.

ಕೇಂದ್ರ ಮೀಸಲು ಪೊಲೀಸ್ ಪಡೆ (ಸಿಆರ್‌ಪಿಎಫ್), ಸಿಎಪಿಎಫ್ ಹಾಗೂ ಇತರೆ ಪಡೆಗಳ ಪಥಸಂಚಲನ ವಿಭಾಗದಲ್ಲಿ ಅತ್ಯಧಿಕ ಮತಗಳನ್ನು ಪಡೆದಿದೆ. ಜನಪ್ರಿಯ ಆಯ್ಕೆ ವಿಭಾಗದಲ್ಲಿ ಮಹಾರಾಷ್ಟ್ರ ಅತ್ಯುತ್ತಮ ಟ್ಯಾಬ್ಲೋ ಬಹುಮಾನ ಪಡೆದಿದೆ. ಜನಪ್ರಿಯ ಆಯ್ಕೆಯಲ್ಲಿ ಎರಡನೇ ಸ್ಥಾನ ಉತ್ತರ ಪ್ರದೇಶಕ್ಕೆ ಸಿಕ್ಕಿದೆ. ಜಮ್ಮು ಮತ್ತು ಕಾಶ್ಮೀರ ಮೂರನೇ ಸ್ಥಾನ ಗಳಿಸಿದೆ.