ಲಾಡೆನ್ ಹತ್ಯೆ ರೀತಿ ಅಮೆರಿಕ ರಹಸ್ಯ ಕಾರ್ಯಾಚರಣೆ : ಸಿರಿಯಾದಲ್ಲಿ ಐಸಿಸ್‌ ಮುಖ್ಯಸ್ಥನ ಹತ್ಯೆ

ಈ ವೇಳೆ ಸೈನಿಕರು ಹಾಗೂ ಖುರೇಷಿ ಭದ್ರತಾ ಪಡೆ ಮಧ್ಯೆ ಗುಂಡಿನ ಚಕಮಕಿ ಸಹ ನಡೆದಿದೆ. ಸತತ ಗುಂಡಿನ ದಾಳಿ ಹಾಗೂ ಸ್ಫೋಟಕ ಬಳಸಿ ಅಮೆರಿಕ ಸೈನಿಕರು ಮನೆ ಧ್ವಂಸಗೊಳಿಸಿದ್ದಾರೆ. ದಾಳಿಯಲ್ಲಿ ಮನೆಯಲ್ಲಿದ್ದ ಖುರೇಷಿ, ಆರು ಮಕ್ಕಳು, ನಾಲ್ವರು ಮಹಿಳೆಯರು ಸೇರಿ ಒಟ್ಟು 13 ಜನ ಮೃತಪಟ್ಟಿದ್ದಾರೆ ಎಂದು ಮೂಲಗಳು ತಿಳಿಸಿವೆ. ಅಮೆರಿಕವು 2019ರಲ್ಲಿ ಐಸಿಸ್‌ ಪ್ರಮುಖ ಮುಖಂಡ ಬಾಗ್ದಾದಿಯನ್ನು ಹತ್ಯೆಗೈದ ಬಳಿಕ ಖುರೇಷಿ ಆತನ ಸ್ಥಾನಕ್ಕೆ ನೇಮಕವಾಗಿದ್ದ.

ಬಲೂಚಿಸ್ತಾನ ಲಿಬರೇಷನ್‌ ಆರ್ಮಿ ಉಗ್ರರಿಂದ ಪಾಕಿಸ್ತಾನದ 100 ಸೈನಿಕರ ಹತ್ಯೆ?

ಪಾಕಿಸ್ತಾನದ 100 ಸೈನಿಕರ ಹತ್ಯೆ?
ಇಸ್ಲಾಮಾಬಾದ್‌: ಪಾಕಿಸ್ತಾನದ ಬಲೂಚಿಸ್ತಾನ ಪ್ರಾಂತ್ಯದಲ್ಲಿರುವ ಎರಡು ಸೇನಾ ನೆಲೆಗಳ ಮೇಲೆ ಬಲೂಚಿಸ್ತಾನ ಲಿಬರೇಷನ್‌ ಆರ್ಮಿ (ಬಿಎಲ್‌ಎ) ಸಂಘಟನೆಯ ಉಗ್ರರು ದಾಳಿ ನಡೆಸಿದ್ದು, ”ಪಾಕಿಸ್ತಾನದ 100 ಸೈನಿಕರನ್ನು ಹತ್ಯೆಗೈದಿದ್ದೇವೆ,” ಎಂದು ಹೇಳಿದೆ. ಮತ್ತೊಂದೆಡೆ, ”ಗುಂಡಿನ ಚಕಮಕಿಯಲ್ಲಿ ನಾಲ್ವರು ಸೈನಿಕರು ಮಾತ್ರ ಮೃತಪಟ್ಟಿದ್ದು, ಯೋಧರ ಗುಂಡಿಗೆ 15 ಉಗ್ರರನ್ನು ಹತ್ಯೆಗೈಯಲಾಗಿದೆ,” ಎಂದು ಪಾಕ್‌ ಸರಕಾರ ತಿಳಿಸಿದೆ.

ಪಂಜ್ಗುರ್‌ ಹಾಗೂ ನೋಶ್ಕಿ ಜಿಲ್ಲೆಗಳಲ್ಲಿ ಸೇನೆಯ ಎರಡು ನೆಲೆಗಳ ಮೇಲೆ ಉಗ್ರರು ದಾಳಿ ಮಾಡಿದ್ದಾರೆ. ಇದಕ್ಕೆ ಪಾಕ್‌ ಸೈನಿಕರು ಸಹ ಪ್ರತಿ ದಾಳಿ ನಡೆಸಿದ್ದಾರೆ. ”ಉಗ್ರರ ವಿರುದ್ಧದ ಹೋರಾಟದಲ್ಲಿ ಪಾಕ್‌ ಸೇನೆಗೆ ಭಾರಿ ಮುನ್ನಡೆ ದೊರೆತಿದೆ. ನೋಶ್ಕಿಯಲ್ಲಿ ಒಂಬತ್ತು ಉಗ್ರರು ಹಾಗೂ ನಾಲ್ವರು ಸೈನಿಕರು ಮೃತಪಟ್ಟರೆ, ಪಂಜ್ಗುರ್‌ನಲ್ಲಿಆರು ಉಗ್ರರ ಹತ್ಯೆ ಮಾಡಲಾಗಿದೆ,” ಎಂದು ಗೃಹ ಸಚಿವ ಶೇಖ್‌ ರಶೀದ್‌ ಅಹ್ಮದ್‌ ತಿಳಿಸಿದ್ದಾರೆ.