ಹೈಲೈಟ್ಸ್‌:
- ಯಾವ ಬ್ಯಾಂಕಲ್ಲಿ ಕಡಿಮೆ ಬಡ್ಡಿಗೆ ವೈಯಕ್ತಿಕ ಸಾಲ ಲಭ್ಯವಿದೆ
- ಗರಿಷ್ಠ ಎಷ್ಟು ಮೊತ್ತದವರೆಗೆ ವೈಯಕ್ತಿಕ ಸಾಲ ಪಡೆಯಬಹುದು
- ಈ ಎಲ್ಲ ಮಾಹಿತಿಗಳು ಇಲ್ಲಿದೆ
ವೈಯಕ್ತಿಕ ಸಾಲದ ಮೇಲಿನ ಬಡ್ಡಿ ದರಗಳು ಬ್ಯಾಂಕ್‌ನಿಂದ ಬ್ಯಾಂಕ್‌ಗೆ ಬದಲಾಗುತ್ತವೆ. ಉದಾಹರಣೆಗೆ, IDBI ಬ್ಯಾಂಕ್ ವೈಯಕ್ತಿಕ ಸಾಲದ ಬಡ್ಡಿ ದರಗಳು ಶೇ.8.15ರಿಂದ ಪ್ರಾರಂಭವಾಗುತ್ತವೆ ಮತ್ತು ಶೇ.14 ವರೆಗೂ ಬಡ್ಡಿ ವಿಧಿಸುತ್ತದೆ. ಈ ಸಾಲಗಳು 12- 60 ತಿಂಗಳ ಅವಧಿಯ ಮಿತಿಯಲ್ಲಿದ್ದು, ಕನಿಷ್ಠ ₹25,000 ದಿಂದ ಗರಿಷ್ಠ 5 ಲಕ್ಷ ರೂಪಾಯಿವರೆಗೆ ಸಾಲ ಪಡೆಯಬಹುದಾಗಿದೆ.
ಕ್ರೆಡಿಟ್ ಸ್ಕೋರ್ ಕಡಿಮೆಯಿದ್ರೂ ಸಿಗತ್ತೆ ಗೃಹಸಾಲ? ನೀವು ಮಾಡಬೇಕಿರುವು ಇಷ್ಟೇ!
ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾದ (SBI) ವೈಯಕ್ತಿಕ ಸಾಲಗಳ ಬಡ್ಡಿ ದರಗಳು ಶೇ.9.6 ರಿಂದ ಪ್ರಾರಂಭವಾಗುತ್ತವೆ ಮತ್ತು ಶೇ.15.65ರವರೆಗೂ ಬಡ್ಡಿ ವಿಧಿಸಲಾಗುತ್ತದೆ. ಇವು 6-72 ತಿಂಗಳ ಅವಧಿಯ ಸಾಲಗಳಾಗಿದ್ದು, ಒಬ್ಬರು ಕನಿಷ್ಠ ₹25,000 ದಿಂದ ಗರಿಷ್ಠ ₹20 ಲಕ್ಷದ ವರೆಗೆ ಸಾಲ ಪಡೆಯಬಹುದು.
ಕಡಿಮೆ ಬಡ್ಡಿ ದರದಲ್ಲಿ ವೈಯಕ್ತಿಕ ಸಾಲ ನೀಡುವ ಟಾಪ್‌ 5 ಬ್ಯಾಂಕುಗಳು
| ಬ್ಯಾಂಕು | ವೈಯಕ್ತಿಕ ಸಾಲದ ಮೊತ್ತ | ಅವಧಿ | ಬಡ್ಡಿದರ |
| ಐಡಿಬಿಐ ಬ್ಯಾಂಕ್ ಆಫ್ ಇಂಡಿಯಾ | 25 ಸಾವಿರದಿಂದ 5 ಲಕ್ಷ ರೂ. | 12-60 ತಿಂಗಳು | ಶೇ8.15ರಿಂದ ಶೇ14 |
| ಯೂನಿಯನ್‌ ಬ್ಯಾಂಕ್ ಆಫ್ ಇಂಡಿಯಾ | 15 ಲಕ್ಷ ರೂಪಾಯಿವರೆಗೆ | 60 ತಿಂಗಳವರೆಗೆ | ಶೇ8.90ರಿಂದ ಶೇ13 |
| ಪಂಜಾಬ್‌ ನ್ಯಾಷನಲ್‌ ಬ್ಯಾಂಕ್ | 10 ಲಕ್ಷ ರೂಪಾಯಿವರೆಗೆ | 60 ತಿಂಗಳವರೆಗೆ | ಶೇ8.90ರಿಂದ ಶೇ14.45 |
| ಇಂಡಿಯನ್‌ ಬ್ಯಾಂಕ್ | 50 ಸಾವಿರದಿಂದ 5 ಲಕ್ಷ ರೂ. | 12-60 ತಿಂಗಳು | ಶೇ9.05 ರಿಂದ ಶೇ13.65 |
| ಪಂಜಾಬ್‌ & ಸಿಂದ್‌ ಬ್ಯಾಂಕ್ | 1 ಲಕ್ಷದಿಂದ 5 ಲಕ್ಷ ರೂ. | 60 ತಿಂಗಳವರೆಗೆ | ಶೇ9.35ರಿಂದ ಶೇ11.50 |
ಸ್ಟೇಟ್ ಬ್ಯಾಂಕ್‌ನ YONO ಆ್ಯಪ್‌ ಮೂಲಕ ಪ್ರಿ ಅಪ್ರೂವ್ಡ್‌ ವೈಯಕ್ತಿಕ ಸಾಲವನ್ನು ಪಡೆಯುವುದು ಹೇಗೆ?
ವೈಯಕ್ತಿಕ ಸಾಲದ ಮೇಲಿನ ಗರಿಷ್ಠ ಮತ್ತು ಕನಿಷ್ಠ ಮಿತಿ ಎಷ್ಟು
ವೈಯಕ್ತಿಕ ಸಾಲದ ಕನಿಷ್ಠ ಮತ್ತು ಗರಿಷ್ಠ ಮಿತಿಯು ಪ್ರತಿ ಬ್ಯಾಂಕ್ ಮತ್ತು ಸಂಸ್ಥೆಯೊಂದಿಗೆ ಬದಲಾಗುತ್ತದೆ. ಉದಾಹರಣೆಗೆ, SBI ತನ್ನ ವೆಬ್‌ಸೈಟ್‌ನಲ್ಲಿ ಸಂಬಳ ಪಡೆಯುವ ವ್ಯಕ್ತಿಗಳು ಗರಿಷ್ಠ 20 ಲಕ್ಷ ರೂಪಾಯಿವರೆಗೆ ವೈಯಕ್ತಿಕ ಸಾಲ ಪಡೆಯಬಹುದು ಎಂದು ತಿಳಿಸಿದೆ. ಎಚ್‌ಡಿಎಫ್‌ಸಿ ( HDFC) ಬ್ಯಾಂಕ್ ವೆಬ್‌ಸೈಟ್ ಪ್ರಕಾರ 12 ಲಕ್ಷ ರೂಪಾಯಿವರೆಗೆ ವೈಯಕ್ತಿಕ ಸಾಲ ಪಡೆಯುಬಹುದು ಎಂದು ತಿಳಿಸಿದೆ. ಟಾಟಾ ಕ್ಯಾಪಿಟಲ್‌ನ ವೆಬ್‌ಸೈಟ್‌ನಲ್ಲಿ ಕನಿಷ್ಠ 75,000 ರೂಪಾಯಿಯಿಂದ ಗರಿಷ್ಠ 25 ಲಕ್ಷ ರೂಪಾಯಿವರೆಗೆ ವೈಯಕ್ತಿಕ ಸಾಲ ಪಡೆಯಬಹುದು. ಹೀಗೆ ವೈಯಕ್ತಿಕ ಸಾಲದ ಕನಿಷ್ಠ ಮತ್ತು ಗರಿಷ್ಠ ಮಿತಿಗಳು ಆಯಾ ಸಾಲದಾತ ಸಂಸ್ಥೆಗಳನ್ನು ಆಧರಿಸಿದೆ.
ತೀಕ್ಷ್ಣ ಒಳನೋಟ ಹಾಗೂ 20ಕ್ಕೂ ಹೆಚ್ಚು ವಲಯಗಳ ವಿಸ್ತೃತ ಮಾಹಿತಿ ಒಳಗೊಂಡ ‘ಎಕನಾಮಿಕ್ ಟೈಮ್ಸ್’ ವಿಶೇಷ ಲೇಖನಗಳಿಗಾಗಿ ಈಗಲೇ ಸಬ್‌ಸ್ಕ್ರೈಬ್ ಆಗಿ.