ವೆಸ್ಟ್ ಇಂಡೀಸ್‌ ವಿರುದ್ಧ ಓಡಿಐ ಸರಣಿ ಆಡಲು ಎದುರು ನೋಡುತ್ತಿದ್ದ ಶಿಖರ್‌ ಧವನ್‌, ಶ್ರೇಯಸ್‌ ಅಯ್ಯರ್‌ ಹಾಗೂ ಋತುರಾಜ್ ಗಾಯಕ್ವಾಡ್‌ಗೆ ಕೋವಿಡ್‌-19 ಪಾಸಿಟಿವ್‌ ಬಂದಿದೆ. ಅಂದಹಾಗೆ ಓಡಿಐ ಸರಣಿಗೆ ಇಶಾನ್‌ ಕಿಶನ್ ಅವರನ್ನು ಆಯ್ಕೆ ಮಾಡಿರಲಿಲ್ಲ. ಆದರೆ ಇದೀಗ ತಂಡದಲ್ಲಿ ಕೋವಿಡ್‌ ಪ್ರಕರಣಗಳ ಬಂದಿರುವ ಕಾರಣ ರೋಹಿತ್‌ ಶರ್ಮಾ ಜೊತೆ ಇಶಾನ್‌ ಇನಿಂಗ್ಸ್ ಆರಂಭಿಸಬಹುದೆಂದು ವರದಿಗಳು ಹೇಳುತ್ತಿವೆ.
“ಆಟಗಾರರಿಗೆ ಕೊರೊನಾ ಸೋಂಕು ತಗುಲಿರುವ ಕಾರಣ ಇನಿಂಗ್ಸ್ ಆರಂಭಿಸಲು ತಂಡದಲ್ಲಿ ಎಡಗೈ ಬ್ಯಾಟ್ಸ್‌ಮನ್‌ ಆಯ್ಕೆ ಇಲ್ಲ. ಈ ಕಾರಣದಿಂದಾಗಿ ನಾನು ನೂತನ ಆಯ್ಕೆಯನ್ನು ಎದುರು ನೋಡುತ್ತಿದ್ದೇನೆ,” ಎಂದು ಇಶಾನ್‌ ಕಿಶನ್ ಪರ ಸಬಾ ಕರೀಮ್ ಬ್ಯಾಟ್‌ ಬೀಸಿದ್ದಾರೆ.
ಇಂಡೋ-ವಿಂಡೀಸ್‌ ನಡುವೆ ಓಡಿಐ ಸರಣಿ ಗೆಲ್ಲುವ ತಂಡ ಆರಿಸಿದ ಅಗರ್ಕರ್‌!
“ರೋಹಿತ್‌ ಶರ್ಮಾ ಜೊತೆ ಇಶಾನ್‌ ಕಿಶನ್ ಇನಿಂಗ್ಸ್ ಆರಂಭಿಸುವುದು ಉತ್ತಮ ಸಂಯೋಜನೆ. ಎಡಗೈ ಬ್ಯಾಟ್ಸ್‌ಮನ್‌ನ ಸ್ಟ್ರೈಕ್ ರೇಟ್‌ ಅಗ್ರ ದರ್ಜೆಯಲ್ಲಿದೆ. ಇದರ ಲಾಭವನ್ನು ಅವರು ಪವರ್‌ಪ್ಲೇನಲ್ಲಿ ಪಡೆದುಕೊಳ್ಳಬಹುದು,” ಎಂದರು.
“ಇಶಾನ್‌ ಕಿಶನ್ ಇನಿಂಗ್ಸ್ ಆರಂಭಿಸುವುದರಿಂದ ಮತ್ತೊಂದು ತುದಿಯಲ್ಲಿ ಗಟ್ಟಿಯಾಗಿ ನಿಲ್ಲಲು ರೋಹಿತ್‌ ಶರ್ಮಾಗೆ ಹೆಚ್ಚಿನ ಸಮಯ ಸಿಕ್ಕಂತಾಗುತ್ತದೆ. ಅದರಂತೆ ರೋಹಿತ್‌ ಹೆಚ್ಚು ಹೊತ್ತು ಕ್ರೀಸ್‌ನಲ್ಲಿ ನಿಂತರೆ ಇದು ಭಾರತ ತಂಡಕ್ಕೆ ಲಾಭದಾಯಕವಾಗಲಿದೆ. ಇನಿಂಗ್ಸ್ ಆರಂಭಿಸಲು ಎಡಗೈ ಹಾಗೂ ಬಲಗೈ ಬ್ಯಾಟ್ಸ್‌ಮನ್‌ಗಳ ಸಂಯೋಜನೆ ಉತ್ತಮವಾಗಿರಲಿದೆ. ಅಷ್ಟೇ ಅಲ್ಲದೆ ಸ್ಟ್ರೈಕ್ ರೇಟ್‌ ಹೆಚ್ಚು ಹೊಂದಿರುವ ಇಶಾನ್‌ ಕಿಶನ್ ಹೆಚ್ಚಿನ ಅಪಾಯವನ್ನು ಸ್ವೀಕರಿಸಬಹುದು,” ಎಂದು ಮಾಜಿ ವಿಕೆಟ್‌ ಕೀಪರ್‌ ಹೇಳಿದ್ದಾರೆ.
ಕನ್ನಡಿಗನಿಗೆ ಬಂಪರ್‌ ಲಾಟರಿ! ವಿಂಡೀಸ್‌ ವಿರುದ್ಧ ಓಡಿಐ ಸರಣಿಗೆ ಮಯಾಂಕ್‌!
ಇಶಾನ್‌ ಇಶನ್‌ ಇಲ್ಲಿಯವರೆಗೂ ಭಾರತದ ಪರ ಎರಡು ಓಡಿಐ ಪಂದ್ಯಗಳಾಡಿದ್ದಾರೆ. ಈ ಎರಡೂ ಪಂದ್ಯಗಳು ಶ್ರೀಲಂಕಾ ಪರ ಆಡಿರುವುದು ವಿಶೇಷ. ಎರಡೂ ಪಂದ್ಯಗಳಿಂದ ಅವರು 130 ಸ್ಟ್ರೈಕ್ ರೇಟ್‌ನಲ್ಲಿ 60 ರನ್‌ ಗಳಿಸಿದ್ದಾರೆ. 59 ರನ್‌ ಅವರ ವೈಯಕ್ತಿಕ ಗರಿಷ್ಠ ಸ್ಕೋರ್‌ ಆಗಿದೆ.
ಶಿಖರ್‌ ಧವನ್‌ ಬದಲು ಓಪನಿಂಗ್‌ ಸ್ಥಾನಕ್ಕೆ ಮಯಾಂಕ್‌ ಅಗರ್ವಾಲ್‌ ಅವರನ್ನು ಬ್ಯಾಕ್‌ ಅಪ್ ಆಗಿ ಆಯ್ಕೆ ಮಾಡಿರುವ ಬಗ್ಗೆಯೂ ಸಬಾ ಕರೀಮ್ ತಮ್ಮದೇ ಅಭಿಪ್ರಾಯವನ್ನು ವ್ಯಕ್ತಪಡಿಸಿದ್ದಾರೆ.
‘ಮಧ್ಯಮ ಕ್ರಮಾಂಕದ ಸಮಸ್ಯೆ ಈ ಆಟಗಾರನಿಂದ ಬಗೆಹರಿಸಬಹುದು’ : ಶರ್ಮಾ!
“ಸದ್ಯದ ಸನ್ನಿವೇಶದಲ್ಲಿ ಮಯಾಂಕ್‌ ಅಗರ್ವಾಲ್‌ ಅವರನ್ನು ಬ್ಯಾಕ್‌ ಅಪ್ ಓಪನರ್‌ ಆಗಿ ತಂಡಕ್ಕೆ ಕರೆಸಿಕೊಳ್ಳಲಾಗಿದೆ. ಇದು ಸರಿಯಾದ ಆಯ್ಕೆ ಎಂದು ನಾನು ಭಾವಿಸುತ್ತೇನೆ. ಮತ್ತೊಂದೆಡೆ ಇಶಾನ್‌ ಕಿಶನ್ ವಿಜರ್‌ ಹಝಾರೆ ಟ್ರೋಫಿ ಟೂರ್ನಿಯಲ್ಲಿನ ದಾಖಲೆ ಅಸಾಧಾರಣವಾಗಿದೆ. ಆ ಮೂಲಕ ಅವರು ಹಲವು ಶತಕಗಳನ್ನು ಸಿಡಿಸಿದ್ದಾರೆ,” ಎಂದು ಮಾಜಿ ಕ್ರಿಕೆಟಿಗೆ ಹೇಳಿದ್ದಾರೆ.
Read more
[wpas_products keywords=”deal of the day gym”]