7 ವರ್ಷಗಳ ಕಾಲ ಸನ್‌ರೈಸರ್ಸ್‌ ಹೈದರಾಬಾದ್‌ ತಂಡದ ಪರ ಆಡಿದ್ದ ಡೇವಿಡ್‌ ವಾರ್ನರ್‌ ಅವರನ್ನು ಐಪಿಎಲ್ 2022 ಟೂರ್ನಿ ಸಲುವಾಗಿ ಉಳಿಸಿಕೊಂಡ ಆಟಗಾರರ ಪಟ್ಟಿಯಿಂದ ಹೈದರಾಬಾದ್‌ ಫ್ರಾಂಚೈಸಿ ಕೈಬಿಟ್ಟಿತ್ತು. 2021 ಸಾಲಿನ ಟೂರ್ನಿಯಲ್ಲಿ ವಾರ್ನರ್‌ ನೀಡಿದ ಕಳಪೆ ಪ್ರದರ್ಶನ ಕಾರಣ ಹೈದರಾಬಾದ್‌ ತಂಡ ಅವರ ಕೈಬಿಟ್ಟಿದೆ.
ಐಪಿಎಲ್ ಟ್ರೋಫಿ ಗೆದ್ದ ಕ್ಯಾಪ್ಟನ್‌ಗಳಲ್ಲಿ ಒಬ್ಬರಾದ ವಾರ್ನರ್‌, ಕಳೆದ ವರ್ಷ ನಡೆದ ಐಸಿಸಿ ಟಿ20 ಕ್ರಿಕೆಟ್‌ ವಿಶ್ವಕಪ್‌ ಟೂರ್ನಿಯಲ್ಲಿ 289 ರನ್‌ ಬಾರಿಸಿ ಆಸ್ಟ್ರೇಲಿಯಾ ತಂಡ ಚೊಚ್ಚಲ ಟ್ರೋಫಿ ಗೆಲ್ಲುವಂತೆ ಮಾಡಿದ್ದರು. ಹೀಗಾಗಿ ಅವರಿಗೆ ಭಾರಿ ಬೆಲೆ ಲಭ್ಯವಾಗುವ ಸಾಧ್ಯತೆ ಇದೆ. ಆದರೆ, ಕೆಕೆಆರ್‌ನ ಮಾಜಿ ಸ್ಪಿನ್ನರ್‌ ಬ್ರಾಡ್‌ ಹಾಗ್ ಇದು ಸಾಧ್ಯವಿಲ್ಲ ಎಂದಿದ್ದಾರೆ.
ಮೆಗಾ ಆಕ್ಷನ್‌: ಬಹುಬೇಡಿಕೆಯ ಟಾಪ್‌ 5 ವಿದೇಶಿ ಬೌಲರ್ಸ್‌ ಹೆಸರಿಸಿದ ಚೋಪ್ರಾ!
“ಮೆಗಾ ಆಕ್ಷನ್‌ನಲ್ಲಿ ಪಾಲ್ಗೊಳ್ಳುವ ಎಲ್ಲ ತಂಡಗಳು ಮೊಹಮ್ಮದ್‌ ಶಮಿ ಖರೀದಿಗೆ ಮುಗಿ ಬೀಳಲಿವೆ. ಅವರಿಗೆ ಕನಿಷ್ಠ 5 ಕೋಟಿ ರೂ. ಸಿಗದೇ ಇದ್ದರೆ ಖಂಡಿತಾ ಆಶ್ಚರ್ಯವಾಗಲಿದೆ. ಇನ್ನು ಡೇವಿಡ್‌ ವಾರ್ನರ್‌ಗೆ 4 ಕೋಟಿ ರೂ.ಗಳಿಗೂ ಹೆಚ್ಚಿನ ಬೆಲೆ ಸಿಗುವುದು ಅನುಮಾನವಾಗಿದೆ,” ಎಂದು ಹಾಗ್ ಅಭಿಪ್ರಾಯ ಪಟ್ಟಿದ್ದಾರೆ.
“ಆರ್‌ ಅಶ್ವಿನ್‌ ಅವರ ಎಕಾನಮಿ ಅತ್ಯುತ್ತಮವಾಗಿದೆ. ಜೊತೆಗೆ ಕೆಳ ಕ್ರಮಾಂಕದಲ್ಲಿ ಬ್ಯಾಟ್‌ ಮೂಲಕವೂ ಕೊಡುಗೆ ಸಲ್ಲಿಸಬಲ್ಲರು. ಕಳೆದ ವರ್ಷ ಅವರು ಹೆಚ್ಚು ವಿಕೆಟ್‌ಗಳನ್ನು ಪಡೆಯಲಿಲ್ಲ. ಆದರೆ ಈಗಲೂ ಲೂಡ ಅತ್ಯಂತ ಮೌಲ್ಯಯುತ ಆಟಗಾರ ಆಗಿದ್ದಾರೆ. ಖಂಡಿತಾ ಹರಾಜಿನಲ್ಲಿ 5-7 ಕೋಟಿ ರೂ. ಬೆಲೆ ಗಿಟ್ಟಿಸಲಿದ್ದಾರೆ,” ಎಂದಿದ್ದಾರೆ.
ಡೆಲ್ಲಿ ಕ್ಯಾಪಿಟಲ್ಸ್‌ (ಆಗಿನ ಡೆಲ್ಲಿ ಡೇರ್‌ಡೆವಿಲ್ಸ್‌) ತಂಡದೊಂದಿಗೆ ಐಪಿಎಲಗಗ ವೃತ್ತಿಬದುಕು ಆರಂಭಿಸಿದ ಡೇವಿಡ್‌ ವಾರ್ನರ್‌ ಈವರೆಗೆ 5449 ರನ್‌ಗಳನ್ನು ಬಾರಿಸಿದ್ದಾರೆ. 41.59ರ ಅದ್ಭುತ ಸರಾಸರಿಯಲ್ಲಿ ಬ್ಯಾಟ್‌ ಬೀಸಿರುವ ವಾರ್ನರ್‌, 4 ಶತಕ ಮತ್ತು 50 ಹಾಫ್‌ ಸೆಂಚುರಿಗಳನ್ನು ಸಿಡಿಸಿದ್ದಾರೆ. ಜೊತೆಗೆ 201 ಸಿಕ್ಸರ್ಸ್‌ ಮತ್ತು 525 ಫೋರ್‌ಗಳು ಅವರ ಹೆಸರಲ್ಲಿದೆ. ನಾಯಕನ ಹುಡುಕಾಟದಲ್ಲಿರುವ ಆರ್‌ಸಿಬಿ ವಾರ್ನರ್‌ ಖರೀದಿಸುವ ಸಾಧ್ಯತೆ ಇದೆ.
ಮೆಗಾ ಹರಾಜಿನಲ್ಲಿ ದೊಡ್ಡ ಮೊತ್ತದ ನಿರೀಕ್ಷೆಯಲ್ಲಿದ್ದೇನೆಂದ ಹರ್ಷಲ್‌!
ಬೆಂಗಳೂರಿನಲ್ಲಿ ಫೆ.12-13ರಂದು ನಡೆಯಲಿರುವ ಮೆಗಾ ಆಕ್ಷನ್‌ನಲ್ಲಿ ಈ ಬಾರಿ ಬರೋಬ್ಬರಿ 590 ಆಟಗಾರರು ಪಾಲ್ಗೊಳ್ಳಲಿದ್ದಾರೆ. ಪಂಜಾಬ್‌ ಕಿಂಗ್ಸ್‌ ತಂಡ ಬರೋಬ್ಬರಿ 72 ಕೋಟಿ ರೂ. ಪರ್ಸ್‌ ಮೊತ್ತದೊಂದಿಗೆ ಸ್ಟಾರ್‌ಗಳನ್ನು ಬೇಟೆಯಾಡಲು ಸಜ್ಜಾಗಿದೆ. ಡೆಲ್ಲಿ ಕ್ಯಾಪಿಟಲ್ಸ್‌ (47.5 ಕೋಟಿ ರೂ.) ಅತ್ಯಂತ ಕಡಿಮೆ ಮೊತ್ತ ಹೊಂದಿರುವತಂಡವಾಗಿದೆ.
Read more
[wpas_products keywords=”deal of the day gym”]