‘ಸಂಸತ್‌ನಲ್ಲಿ ನಿಮ್ಮ ತೀಕ್ಷ್ಣ ಭಾಷಣಕ್ಕಾಗಿ ಎಲ್ಲ ತಮಿಳರ ಪರವಾಗಿ ನಿಮಗೆ ನಾನು ಧನ್ಯವಾದ ಹೇಳುತ್ತೇನೆ. ಭಾರತದ ಸಂವಿಧಾನದ ಉದ್ದೇಶವನ್ನು ಸ್ಪಷ್ಟವಾಗಿ ವಿವರಿಸಿದ್ದೀರಿ’ ಎಂದು ಎಂಕೆ ಸ್ಟಾಲಿನ್ ಟ್ವೀಟ್ ಮೂಲಕ ರಾಹುಲ್ ಗಾಂಧಿ ಅವರನ್ನು ಅಭಿನಂದಿಸಿದ್ದಾರೆ.
ಇಡೀ ಭಾರತ ಹೊರಗಿನಿಂದ ಪ್ರತ್ಯೇಕವಾಗಿದೆ, ಒಳಗೆ ಸಂಘರ್ಷಗಳಾಗುತ್ತಿವೆ: ಚರ್ಚೆಗೆ ಒಳಗಾದ ರಾಹುಲ್ ಗಾಂಧಿ ಭಾಷಣ‘ನೀವು ತಮಿಳರ ದೀರ್ಘ ಸಮಯದ ವಾದವನ್ನು ಸಂಸತ್‌ನಲ್ಲಿ ಪ್ರತಿಧ್ವನಿಸಿದ್ದೀರಿ. ಇದು ಆತ್ಮ ಗೌರವಕ್ಕೆ ಮೌಲ್ಯ ನೀಡುವ ವಿಶಿಷ್ಟ ಸಂಸ್ಕೃತಿ ಮತ್ತು ರಾಜಕೀಯ ಬೇರನ್ನು ಅವಲಂಬಿಸಿದೆ’ ಎಂದು ಸ್ಟಾಲಿನ್ ಹೇಳಿದ್ದಾರೆ.
ಲೋಕಸಭೆಯಲ್ಲಿ ಸುಮಾರು 45 ನಿಮಿಷಗಳ ಸುದೀರ್ಘ ಭಾಷಣ ಮಾಡಿದ್ದ ರಾಹುಲ್ ಗಾಂಧಿ, ಕೇಂದ್ರ ಸರ್ಕಾರವು ಒಕ್ಕೂಟ ವ್ಯವಸ್ಥೆಗೆ ಹಾನಿ ಮಾಡುತ್ತಿದೆ. ಒಕ್ಕೂಟ ರಾಜ್ಯ ವ್ಯವಸ್ಥೆಯ ಪರಿಕಲ್ಪನೆ ಮತ್ತು ರಾಜನ ಆಡಳಿತದ ಪರಿಕಲ್ಪನೆಯ ನಡುವಿನ ಸಂಘರ್ಷವನ್ನು ಹುಟ್ಟುಹಾಕುತ್ತಿದೆ ಎಂದು ನರೇಂದ್ರ ಮೋದಿ ಸರ್ಕಾರದ ವಿರುದ್ಧ ಟೀಕಾ ಪ್ರಹಾರ ನಡೆಸಿದ್ದರು.
‘ನೀವು ಸಂವಿಧಾನವನ್ನು ಓದಿದರೆ, ಭಾರತವು ಒಂದು ರಾಜ್ಯಗಳ ಒಕ್ಕೂಟ ಎಂದು ವಿವರಿಸಿರುವುದನ್ನು ಕಾಣುತ್ತೀರಿ. ಭಾರತವನ್ನು ಒಂದು ದೇಶ ಎಂದು ವರ್ಣಿಸಿಲ್ಲ, ಆದರೆ ರಾಜ್ಯಗಳ ಒಕ್ಕೂಟ ಎಂದು ಹೇಳಲಾಗಿದೆ. ಇದರ ಅರ್ಥ ತಮಿಳುನಾಡಿನಿಂದ ಬರುವ ನನ್ನ ಸಹೋದರ, ಉತ್ತರ ಪ್ರದೇಶದಲ್ಲಿನ ನನ್ನ ಸಹೋದರ ಹೊಂದಿರುವ ಹಕ್ಕುಗಳನ್ನೇ ಹೊಂದಿದ್ದಾನೆ’ ಎಂದು ರಾಹುಲ್ ಗಾಂಧಿ ಹೇಳಿದ್ದರು.
‘ನನ್ನ ತಂದೆಯನ್ನೂ ಹತ್ಯೆ ಮಾಡಲಾಗಿತ್ತು, ನನಗೆ ಆ ನೋವು ಗೊತ್ತಿದೆ’: ರಾಹುಲ್ ಗಾಂಧಿಗೆ ಬಿಜೆಪಿ ಸಂಸದನ ಪ್ರತಿಕ್ರಿಯೆ
‘ಇದು ಸಹಭಾಗಿತ್ವ, ಅರಸನ ಸಾಮ್ರಾಜ್ಯ ಅಲ್ಲ. ನೀವು ಎಂದಿಗೂ, ನಿಮ್ಮ ಜೀವಮಾನದಲ್ಲಿ ಎಂದೆಂದಿಗೂ, ತಮಿಳುನಾಡಿನ ಜನರ ಮೇಲೆ ಆಳ್ವಿಕೆ ನಡೆಸಲು ಸಾಧ್ಯವಿಲ್ಲ. ಅದು ಸಾಧ್ಯವಾಗುವುದೇ ಇಲ್ಲ. ಏನೇ ಆದರೂ ಭಾರತದ ರಾಜ್ಯಗಳ ಮೇಲೆ ನಿಮಗೆ ಆಡಳಿತ ಮಾಡಲು ಆಗುವುದಿಲ್ಲ. ಅಶೋಕ ಸಾಮ್ರಾಟನನ್ನು ನೀವು ನೋಡಬಹುದು. ಭಾರತ ಯಾವಾಗಲೂ ಮಾತುಕತೆಗಳು ಮತ್ತು ಸಂಧಾನಗಳಿಂದಲೇ ಆಳ್ವಿಕೆಗೆ ಒಳಪಟ್ಟಿದೆ’ ಎಂದು ವಿವರಿಸಿದ್ದರು.
‘ನೀವು ಅವರನ್ನು ಶೋಷಿಸಬಹುದು ಎಂದು ಭಾವಿಸಿದ್ದೀರಿ. ತಮಿಳುನಾಡಿನ ಜನತೆ ಭಾರತದ ಪರಿಕಲ್ಪನೆಯನ್ನು ತಮ್ಮ ಹೃದಯದಲ್ಲಿ ಇರಿಸಿಕೊಂಡಿದ್ದಾರೆ. ಕೇರಳದ ಜನರು ಅವರದೇ ಸಂಸ್ಕೃತಿ ಹೊಂದಿದ್ದಾರೆ. ಅವರು ಘನತೆ ಹೊಂದಿದ್ದಾರೆ. ರಾಜಸ್ಥಾನದ ಜನರು ತಮ್ಮದೇ ಪರಂಪರೆ ಹೊಂದಿದ್ದಾರೆ. ಅವರಿಗೆ ಅವರದೇ ಜೀವನ ಕ್ರಮ ಇದೆ. ಪ್ರತಿ ದಿನವೂ ನಾನು ನಿಮ್ಮಿಂದ ಕಲಿಯುತ್ತೇನೆ. ತಮಿಳುನಾಡಿನ ಜನರಿಂದ ನಾನು ಕಲಿಯುತ್ತೇನೆ’ ಎಂದು ಹೇಳಿದ್ದರು.
ಅನುಮತಿ ಕೊಡಲು ನೀವ್ಯಾರು?: ಲೋಕಸಭೆಯಲ್ಲಿ ರಾಹುಲ್ ಗಾಂಧಿಗೆ ಸ್ಪೀಕರ್ ‘ಕ್ಲಾಸ್’!
ಖುಷ್ಬೂ ಸುಂದರ್ ಟೀಕೆ
‘ನಿಮ್ಮಿಂದ ತಮಿಳುನಾಡಿನ ಜನತೆಯನ್ನು ಆಳಲು ಸಾಧ್ಯವವೇ ಇಲ್ಲ’ ಎಂದು ರಾಹುಲ್ ಗಾಂಧಿ ಹೇಳಿಕೆಯನ್ನು ತಮಿಳುನಾಡು ಕಾಂಗ್ರೆಸ್‌ನ ಮಾಜಿ ನಾಯಕಿ ಹಾಗೂ ಹಾಲಿ ಬಿಜೆಪಿ ಸದಸ್ಯೆ ಖುಷ್ಬೂ ಸುಂದರ್ ಟೀಕಿಸಿದ್ದಾರೆ.
‘ಈ ಮನುಷ್ಯ ಯಾವಾಗ ಕಲಿಯುತ್ತಾರೆ? ರಾಹುಲ್ ಗಾಂಧಿ ಅವರೇ ದಯವಿಟ್ಟು ನಿಮ್ಮ ಮಾಹಿತಿಗಳನ್ನು ಸರಿಯಾಗಿ ಪಡೆದುಕೊಳ್ಳಿ. ಪುದುಚೆರಿಯಲ್ಲಿ ಇರುವುದು ಬಿಜೆಪಿ ಸರ್ಕಾರ. ಅದರ ಅರ್ಥ ತಮಿಳುನಾಡಿನ ಜನತೆ ನಮ್ಮನ್ನು ನಂಬಿದ್ದಾರೆ ಎಂದು. ದಯವಿಟ್ಟು ಬೆಳೆಯಿರಿ. ಇದು ಸೂಕ್ತ ಸಮಯ. ನೀವು ಮಾತನಾಡುವ ಮುನ್ನ ಆಲೋಚಿಸಿ. ಪ್ರತಿ ಬಾರಿ ನೀವು ಮಾತನಾಡುವಾಗಲೂ ತಪ್ಪುಗಳು ಕಾಣಿಸುತ್ತಿರುವುದು ದುರದೃಷ್ಟಕರ’ ಎಂದು ಖುಷ್ಬೂ ವ್ಯಂಗ್ಯವಾಡಿದ್ದಾರೆ. ಬಿಜೆಪಿ ರಾಜ್ಯ ಘಟಕದ ಅಧ್ಯಕ್ಷ ಕೆ. ಅಣ್ಣಾಮಲೈ ಕೂಡ ರಾಹುಲ್ ಗಾಂಧಿ ವಿರುದ್ಧ ವಾಗ್ದಾಳಿ ನಡೆಸಿದ್ದಾರೆ.
Read more
[wpas_products keywords=”deal of the day sale today offer all”]