ಬಜೆಟ್‌ನಲ್ಲಿ ನರೇಗಾ ಅನುದಾನ ಕಡಿತ ಮಾಡಿಲ್ಲ, ಅಗತ್ಯ ಬಿದ್ದರೆ ಇನ್ನೂ ಹೆಚ್ಚಿನ ಅನುದಾನ -ಕೇಂದ್ರ ಸ್ಪಷ್ಟನೆ

ಒಂದು ವೇಳೆ ನರೇಗಾಗೆ 2022-23ರಲ್ಲೂ ಹೆಚ್ಚುವರಿ ಅನುದಾನದ ಅಗತ್ಯ ಬಿದ್ದರೆ, ಪರಿಷ್ಕೃತ ಅಂದಾಜಿನಲ್ಲಿ ಸೇರಿಸಲಾಗುವುದು ಎಂದೂ ಅವರು ತಿಳಿಸಿದ್ದಾರೆ. ಸಂಸತ್ತಿನಲ್ಲಿ ಮಂಡನೆಯಾದ 2022-23ನೇ ಸಾಲಿನ ಕೇಂದ್ರ ಬಜೆಟ್‌ನಿಂದ ವ್ಯವಸ್ಥೆಯಲ್ಲಿ ಆರ್ಥಿಕ ಚಟುವಟಿಕೆಗಳಿಗೆ ಬೇಡಿಕೆ ಮತ್ತು ಉದ್ಯೋಗ ಸೃಷ್ಟಿಯಾಗಲಿದೆ ಬಜೆಟ್‌ ಪ್ರಸ್ತಾಪಗಳಿಂದಾಗಿ ಸಾರ್ವಜನಿಕ ಹೂಡಿಕೆಯಲ್ಲಿ ಹೆಚ್ಚಳ ಉಂಟಾಗಲಿದೆ. ಇದು ಸಿಮೆಂಟ್‌, ಉಕ್ಕು, ಬಂಡವಾಳ ಸರಕುಗಳಿಗೆ ಬೇಡಿಕೆಯನ್ನು ಸೃಷ್ಟಿಸಲಿದೆ. ಮತ್ತು ಉದ್ಯೋಗ ಸೃಷ್ಟಿಸಲಿದೆ ಎಂದು ಆರ್ಥಿಕ ವ್ಯವಹಾರಗಳ ಕಾರ್ಯದರ್ಶಿ ಅಜಯ್‌ ಸೇಠ್‌ ತಿಳಿಸಿದ್ದಾರೆ.

ನರೇಗಾ ಕೂಲಿ 14 ರೂ. ಹೆಚ್ಚಳ, ಏಪ್ರಿಲ್‌ 1 ರಿಂದಲೇ ಜಾರಿ

ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್‌ ಅವರು 2022-23ರಲ್ಲಿ 7.5 ಲಕ್ಷ ಕೋಟಿ ರೂ. ಸಾರ್ವಜನಿಕ ಹೂಡಿಕೆಯನ್ನು ಘೋಷಿಸಿದ್ದಾರೆ. ಇದು ಬಜೆಟ್‌ನ ಶೇ. 2.9 ಪಾಲಿನಷ್ಟಾಗುತ್ತದೆ. ಸುಮಾರು 350ಕ್ಕೂ ಹೆಚ್ಚು ಉತ್ಪನ್ನಗಳ ಮೇಲಿನ ಆಮದು ಸುಂಕ ವಿನಾಯಿತಿಯನ್ನು ಬಜೆಟ್‌ನಲ್ಲಿ ಹಿಂತೆಗೆದುಕೊಂಡಿರುವುದರಿಂದ ದೇಶಿ ಉತ್ಪಾದನೆ ಹೆಚ್ಚಳವಾಗಲಿದೆ ಎಂದು ಪರೋಕ್ಷ ತೆರಿಗೆ ಮತ್ತು ಕಸ್ಟಮ್ಸ್‌ ಮಂಡಳಿ ಸಿಬಿಐಸಿ ಟ್ವೀಟ್‌ ಮಾಡಿದೆ.