ಆಸ್ಟ್ರೇಲಿಯಾ ತಂಡದ ಮಾಜಿ ಸ್ಪಿನ್ನರ್‌ ಅವರ ಯೂಟ್ಯೂಬ್‌ ಚಾನೆಲ್‌ನಲ್ಲಿ ಟೀಮ್‌ ಇಂಡಿಯಾ ವೇಗಿ ಜಸ್‌ಪ್ರಿತ್‌ ಬುಮ್ರಾ ಅವರನ್ನು ಕ್ಯಾಂಪ್ಬೆಲ್ ಗುಣಗಾನ ಮಾಡಿದರು. ಅಷ್ಟೇ ಅಲ್ಲದೆ ಬುಮ್ರಾ ರನ್ ಅಪ್‌ ಹಾಗೂ ಚೆಂಡು ಬಿಡುಗಡೆ ಮಾಡುವ ವಿಧಾನದಲ್ಲಿ ಬದಲಾವಣೆ ಮಾಡಿಕೊಂಡರೆ ಇನ್ನಷ್ಟು ವೇಗವಾಗಿ ಬೌಲ್‌ ಮಾಡಬಹುದೆಂದು ಸಲಹೆ ನೀಡಿದರು.
ತಂಡದ ಕೋಚ್‌ಗಳಿಗೆ ಹಾಗೂ ನಾಯಕರಿಗೆ ಪಂದ್ಯ ಗೆಲ್ಲುವ ಹಾದಿಯಲ್ಲಿ ಒತ್ತಡವಿರುತ್ತದೆ. ಈ ಹಿನ್ನೆಲೆಯಲ್ಲಿ ಮೈದಾನದಲ್ಲಿ ಅತ್ಯಂತ ಬಲಿಷ್ಠ ಪ್ಲೇಯಿಂಗ್‌ ಇಲೆವೆನ್‌ ಅನ್ನು ಕಣಕ್ಕೆ ಇಳಿಸಬೇಕಾಗ ಅಗತ್ಯವಿರುತ್ತದೆ ಎಂಬುದನ್ನು ಕ್ಯಾಂಪ್ಬೆಲ್ ಉಲ್ಲೇಖಿಸಿದರು.
“ಪಂದ್ಯಗಳನ್ನು ಗೆಲ್ಲುವ ಹಾದಿಯಲ್ಲಿ ಕೋಚ್‌ಗಳು ಹಾಗೂ ನಾಯಕರ ಮೇಲೆ ಸಾಕಷ್ಟು ಒತ್ತಡವಿರುತ್ತದೆ. ಜಸ್‌ಪ್ರಿತ್‌ ಬುಮ್ರಾ ಎಂಥಾ ಅದ್ಭುತ ಬೌಲರ್‌! ಕಾಲುಗಳ ನಡುವೆ ಅವರ ತೋಳುಗಳು ಸಾಗುತ್ತವೆ ಹಾಗೂ ಅವರು ಓಡಲು ಕಷ್ಟಪಡುತ್ತಿದ್ದಾರೆ. ಆದರೆ ಕೊನೆಯ ಹಂತದಲ್ಲಿ ಮಾತ್ರ ಅವರು ಆವೇಗವನ್ನು ಪಡೆದುಕೊಳ್ಳುತ್ತಾರೆ. ಆದ್ದರಿಂದ ಅವರ ತೋಳು ಅಂದುಕೊಂಡ ಹಾದಿಯಲ್ಲಿ ಸಾಗುತ್ತಿಲ್ಲ. ಅವರು ಕೆಲ ಅಂಶಗಳಲ್ಲಿ ಸುಧಾರಣೆ ಕಂಡುಕೊಂಡರೆ 5 ರಿಂದ 10 ಕಿ.ಮೀ ವೇಗವನ್ನು ಹೆಚ್ಚಿಸಿಕೊಳ್ಳಬಹುದು. ಆದರೆ ಅವರಿಗೆ ನಾವು ಇದನ್ನು ಹೇಳಿಕೊಡುವುದಿಲ್ಲ,” ಎಂದರು.
ಕಳೆದ 2016ರಲ್ಲಿ ಅಂತಾರಾಷ್ಟ್ರೀಯ ಕ್ರಿಕೆಟ್‌ಗೆ ಪದಾರ್ಪಣೆ ಮಾಡಿದ ದಿನದಿಂದಲೂ ಜಸ್‌ಪ್ರಿತ್‌ ಬುಮ್ರಾ ಭಾರತ ತಂಡದ ಬೌಲಿಂಗ್ ವಿಭಾಗಕ್ಕೆ ಪ್ರಮುಖ ಆಧಾರ ಸ್ಥಂಭವಾಗಿದ್ದಾರೆ. ಟೆಸ್ಟ್, ಏಕದಿನ ಹಾಗೂ ಟಿ20 ಮೂರೂ ಸ್ವರೂಪದಲ್ಲಿಯೂ ಅವರು ಭಾರತ ತಂಡದ ವೇಗದ ಬೌಲಿಂಗ್ ವಿಭಾಗವನ್ನು ಮುನ್ನಡೆಸುತ್ತಿದ್ದಾರೆ. ತಮ್ಮ ಫ್ರಾಂಚೈಸಿ ತಂಡದಲ್ಲಿಯೂ ಅವರು ಪ್ರಮುಖ ವೇಗಿಯಾಗಿದ್ದಾರೆ.
ಐಸಿಸಿ ಟಿ20 ವಿಶ್ವಕಪ್‌ ಟೂರ್ನಿಯ ಬಳಿಕ ನ್ಯೂಜಿಲೆಂಡ್‌ ವಿರುದ್ಧ ತವರು ಸರಣಿಗಳಿಗೆ ವಿಶ್ರಾಂತಿ ಪಡೆದಿದ್ದ ಬುಮ್ರಾ ನಂತರ ದಕ್ಷಿಣ ಆಫ್ರಿಕಾ ವಿರುದ್ಧ ಮೂರು ಟೆಸ್ಟ್ ಮತ್ತು ಮೂರು ಏಕದಿನ ಪಂದ್ಯಗಳಲ್ಲಿಆಡಿದ್ದರು. ಇದೀಗ ವೆಸ್ಟ್‌ ಇಂಡೀಸ್ ವಿರುದ್ಧದ ಸರಣಿಗಳಿಗೂ ಬಲಗೈ ವೇಗಿಗೆ ವಿಶ್ರಾಂತಿ ಕಲ್ಪಿಸಲಾಗಿದೆ.
ಕ್ಯಾಂಪ್ಬೆಲ್ ಅವರು 2000-2005ರ ಅವಧಿಯಲ್ಲಿಆಸ್ಟ್ರೇಲಿಯಾ ತಂಡಕ್ಕೆ ಸ್ಟ್ರೆನ್ತ್‌ ಹಾಗೂ ಕಂಡೀಷನಿಂಗ್‌ ಕೋಚ್‌ ಆಗಿ ಕಾರ್ಯನಿರ್ವಹಿಸಿದ್ದರು. ಇವರ ಅವಧಿಯಲ್ಲಿ ಆಸ್ಟ್ರೇಲಿಯಾ ತಂಡ ಯಶಸ್ಸಿನ ಉತ್ತುಂಗದಲ್ಲಿತ್ತು. ಅದರಂತೆ ಕಳೆದ ಒಂದೂವರೆ ದಶಕಗಳಲ್ಲಿ ಕೋಚಿಂಗ್ ಪರಿಕಲ್ಪನೆಯು ಹೇಗೆ ವಿಕಸನಗೊಂಡಿದೆ ಮತ್ತು ವಿಭಿನ್ನವಾಗಿದೆ ಎಂಬುದನ್ನು ಅವರು ಹೋಲಿಕೆ ಮಾಡಿದ್ದಾರೆ.
“ಈ ಹಿಂದೆ ವರ್ಕ್‌ಲೋಡ್‌ ಮ್ಯಾನೇಜ್‌ಮೆಂಟ್‌ ಪರಿಕಲ್ಪನೆ ಇರಲಿಲ್ಲ. ಈ ಹಿಂದೆ ಇದು ತುಂಬಾ ಸುಲಭವಾಗಿತ್ತು. ಆಟಗಾರರ ಫಿಟ್‌ನೆಸ್‌ ಅನ್ನು ಕೋಚ್‌ಗಳ ಜೊತೆಗೆ ಇಬ್ಬರು ನಿರ್ಧರಿಸುತ್ತಿದ್ದರು, ನಂತರ ನಾಯಕನ ಜೊತೆ ಮಾತನಾಡಲಾಗುತ್ತಿತ್ತು. ಆದರೆ ಇದೀಗ ಇದು ತುಂಬಾ ಸವಾಲುದಾಯಕವಾಗಿದೆ. ಈಗಿನ ದಿನಗಳಲ್ಲಿ 10 ಮಂದಿ ಕೋಚ್‌ಗಳು, ಫಿಜಿಯೊ ಹಾಗೂ ಪೌಷ್ಟಿಕತಜ್ಞರು ಇದ್ದಾರೆ,” ಎಂದು ಕ್ಯಾಂಪ್ಬೆಲ್ ಹೇಳಿದರು.
Read more
[wpas_products keywords=”deal of the day gym”]