ರಾಯಚೂರು: ಸಮೀಪದ ಯರಮರಸ್‌ ಸೂಪರ್‌ ಕ್ರಿಟಿಕಲ್‌ ಶಾಖೋತ್ಪನ್ನ ವಿದ್ಯುತ್ ಕೇಂದ್ರ ಅನೇಕ ಸಮಸ್ಯೆಗಳ ನಡುವೆ ಸತತ 50 ದಿನ ವಿದ್ಯುತ್ ಉತ್ಪಾದಿಸಿ ದಾಖಲೆ ಮಾಡಿದೆ.
ತಾಂತ್ರಿಕ ಸಮಸ್ಯೆ, ಕಲ್ಲಿದ್ದಲು ಸಾಗಣೆ ಮಾರ್ಗದ ತೊಂದರೆಯಂಥ ಅನೇಕ ಸಮಸ್ಯೆಗಳಿಂದಾಗಿ ನಿರಂತರ ವಿದ್ಯುತ್ ಉತ್ಪಾದನೆ ಮಾಡದೇ ಕೆಪಿಸಿಗೆ ಹೊರೆ ತಂದಿತ್ತು. ಈಗ ಆ ಸಮಸ್ಯೆ ನಿವಾರಣೆಯಾಗಿದೆ.
ಸಾಮರ್ಥ್ಯ ಸಾಬೀತು: ಕಳೆದ ಐದು ವರ್ಷಗಳ ಹಿಂದೆಯಷ್ಟೇ ವಾಣಿಜ್ಯಿಕ ಬಳಕೆ ವಿದ್ಯುತ್ ಉತ್ಪಾದನೆ ಆರಂಭಿಸಿದ್ದ ವೈಟಿಪಿಎಸ್‌ನ ಎರಡು ಘಟಕಗಳಲ್ಲಿ 2ನೇ ಘಟಕ ಇದೀಗ ನಿರಂತರ ವಿದ್ಯುತ್ ಉತ್ಪಾದಿಸಿದೆ. ಬೇಸಿಗೆ ಆರಂಭದಲ್ಲಿಯೂ ವಿದ್ಯುತ್ ಬೇಡಿಕೆ ಜಿಗಿತ ಕಂಡಿರುವ ಈ ದಿನಗಳಲ್ಲಿ ವೈಟಿಪಿಎಸ್‌ನ ಘಟಕಗಳ ಸಾಮರ್ಥ್ಯ ಸಾಬೀತಾಗಿದ್ದು, ಕೆಪಿಸಿಗೆ ಶಕ್ತಿ ತುಂಬಿದೆ.
ಥರ್ಮಲ್‌ ವಿದ್ಯುತ್ ಕೇಂದ್ರಗಳಲ್ಲಿ ಉತ್ಪಾದನಾ ಘಟಕಗಳಿಗೆ ತಾಂತ್ರಿಕ ಸಮಸ್ಯೆಗಳು ಎದುರಾಗುವುದು ತೀರಾ ಸಾಮಾನ್ಯ ಸಂಗತಿ. ಅದರಲ್ಲೂ ವಿದ್ಯುತ್ ಕೇಂದ್ರಗಳು ಹೊಸದಾಗಿ ಆರಂಭಗೊಂಡ ಕೆಲ ವರ್ಷ ಹತ್ತು ಹಲವು ಸವಾಲುಗಳು ಎದುರಾಗುವುದು ಸಹಜ.
ನೈಟ್ ಕರ್ಫ್ಯೂ ನಡುವಲ್ಲೇ ಹೊಸ ವರ್ಷದ ಸ್ವಾಗತಕ್ಕೆ ಸಂಭ್ರಮದ ತಯಾರಿ: ರಾಜ್ಯದಲ್ಲಿ ವಿದ್ಯುತ್‌ಗೆ ಭಾರೀ ಬೇಡಿಕೆ..!
ವಿದ್ಯುತ್ ಸಾಗಣೆಗೆ ಮಾರ್ಗ: ಅಂಥ ಸಮಸ್ಯೆಗಳಿಂದಾಗಿ ವೈಟಿಪಿಎಸ್‌ನ ಘಟಕಗಳ ನಿರ್ವಹಣೆಯೇ ಕರ್ನಾಟಕ ವಿದ್ಯುತ್ ನಿಗಮಕ್ಕೆ ಆರ್ಥಿಕ ಹೊರೆ ತಂದಿದ್ದವು. ವೈಟಿಪಿಎಸ್‌ನ ಎರಡು ಘಟಕಗಳ ಪೈಕಿ ಒಂದು ಘಟಕದಲ್ಲಿ ಉತ್ಪಾದಿಸಿದ ವಿದ್ಯುತ್ ಮಾತ್ರ ಮೊದಲಿಗೆ ಸಾಗಣೆಗೆ ಮಾರ್ಗವಿತ್ತು. ಹಂತ ಹಂತವಾಗಿ ಎರಡನೇ ಘಟಕದಲ್ಲಿಯೂ ಉತ್ಪಾದಿಸುವ ವಿದ್ಯುತ್ ಸಾಗಣೆಗೆ ಮಾರ್ಗ ನಿರ್ಮಿಸಿಕೊಂಡಿರುವ ಕೆಪಿಸಿ ಇದೀಗ 2ನೇ ಘಟಕದಲ್ಲಿಯೇ ಸತತ ವಿದ್ಯುತ್ ಉತ್ಪಾದಿಸಿ ದಾಖಲೆ ಮಾಡಿದೆ.
ತಲಾ 800 ಮೆ. ವ್ಯಾ. ವಿದ್ಯುತ್ ಉತ್ಪಾದಿಸುವ ಎರಡು ಘಟಕಗಳು ವೈಟಿಪಿಎಸ್‌ನಲ್ಲಿವೆ. ಕೆಪಿಸಿಎಲ್‌ನಿಂದ ಬಿಎಚ್‌ಇಎಲ್‌ ಸಹಯೋಗದಲ್ಲಿ ನಿರ್ಮಿಸಿರುವ ವೈಟಿಪಿಎಸ್‌ ನ 1 ನೇ ಘಟಕ 2016ರ ಮಾರ್ಚ್‌ನಲ್ಲಿ ವಿದ್ಯುತ್ ಉತ್ಪಾದನೆ ಆರಂಭಿಸಿದರೆ ಅದೇ ವರ್ಷದ ಜುಲೈನಲ್ಲಿ 2ನೇ ಘಟಕ ಕಾರ್ಯಾರಂಭ ಮಾಡಿತ್ತು.
ಕರ್ನಾಟಕದ ಉಷ್ಣ ವಿದ್ಯುತ್ ಸ್ಥಾವರಗಳಿಗೆ ಕಲ್ಲಿದ್ದಲು ಪೂರೈಕೆ ಪ್ರಮಾಣ ಏರಿಕೆ: ಆತಂಕ ದೂರ..!
ಉತ್ಪಾದನೆಯ ಸಾಧನೆ: ಕಳೆದ ವರ್ಷದ ಡಿಸೆಂಬರ್ 12 ರಿಂದ ಭಾನುವಾರ (ಜನವರಿ 30) ರವರೆಗೆ ನಿರಂತರ ವೈಟಿಪಿಎಸ್‌ 2ನೇ ಘಟಕವು ವಿದ್ಯುತ್ ಉತ್ಪಾದನೆಯಲ್ಲಿ ತೊಡಗಿದೆ. ಯಾವುದೇ ಅಡೆತಡೆಯಿಲ್ಲದೇ ಪ್ರತಿನಿತ್ಯ ಸರಾಸರಿ 550 ಮೆಗಾವಾಟ್‌ ವಿದ್ಯುತ್ ಉತ್ಪಾದಿಸುವ ಮೂಲಕ ರಾಜ್ಯದ ವಿದ್ಯುತ್ ಬೇಡಿಕೆ ಈಡೇರಿಸುವಲ್ಲಿ ನೆರವಾಗಿದೆ. ಇದರೊಂದಿಗೆ ಬೇಸಿಗೆಯಲ್ಲಿ ನಿರಂತರ ವಿದ್ಯುತ್ ಉತ್ಪಾದಿಸುವ ಒತ್ತಡ ಸಹಿಸಿಕೊಳ್ಳುವ ಸಾಮರ್ಥ್ಯ ಬೆಳೆಸಿಕೊಂಡಿರುವುದು ಸಾಬೀತಾಗಿದ್ದು, ಕೆಪಿಸಿಗೆ ಇದು ನೆಮ್ಮದಿ ತಂದಿದೆ.
‘ವೈಟಿಪಿಎಸ್‌ನ 2ನೇ ಘಟಕ ಸತತ 50 ದಿನ ವಿದ್ಯುತ್ ಉತ್ಪಾದಿಸಿದ ಸಾಧನೆ ಮಾಡಿದೆ. ಯಾವುದೇ ತಾಂತ್ರಿಕ ಸಮಸ್ಯೆಯಿಲ್ಲದಂತೆ ನಿರಂತರ ವಿದ್ಯುತ್ ಉತ್ಪಾದಿಸುವುದು ಥರ್ಮಲ್‌ ಕೇಂದ್ರದಲ್ಲಿ ಮಹತ್ವದ ಸಾಧನೆಯೇ ಸರಿ’ ಎನ್ನುತ್ತಾರೆ, ರಾಯಚೂರು ವೈಟಿಪಿಎಸ್‌ ಮುಖ್ಯ ಎಂಜಿನಿಯರ್‌ ಆಂಜಿನೇಯ ನಾಯಕ.
ರಾಯಚೂರು ಶಾಖೋತ್ಪನ್ನ ವಿದ್ಯುತ್ ಕೇಂದ್ರದಲ್ಲಿ ಕೇವಲ 1 ದಿನಕ್ಕಾಗುವಷ್ಟು ಕಲ್ಲಿದ್ದಲು ಬಾಕಿ..!
Read more
[wpas_products keywords=”deal of the day sale today offer all”]