ಸಿದ್ದರಾಮಯ್ಯ, ಡಿಕೆಶಿ ಎಣ್ಣೆ, ನೀರು ಇದ್ದಂತೆ ಅವರಿಬ್ಬರು ಎಂದಿಗೂ ಸೇರುವುದಿಲ್ಲ: ಸಚಿವ ಕಾರಜೋಳ

ಬಿಜೆಪಿ ಸಕಾ೯ರದಲ್ಲಿ ಏನು ಕೆಲಸವಾಗಿಲ್ಲವೆಂದ ಸಿದ್ದರಾಮಯ್ಯಗೆ ಹೇಳಿಕೆಗೆ ಕಾರಜೋಳ ತಿರುಗೇಟು ‌ನೀಡಿ,ಸಿದ್ದರಾಮಯ್ಯ ಏನು ಮಾಡಿಲ್ಲವೆಂದು ಹೇಳಿ ಆಡಳಿತ ಪಕ್ಷವಾಗಿದ್ದ ಕಾಂಗ್ರೆಸ್ ನ್ನ ಹೀನಾಯವಾಗಿ ಸೋಲಿಸಿದರು.ಅದನ್ನ ಅವರು ಅಥ೯ಮಾಡಿಕೊಳ್ಳಬೇಕು.ನಾವು ಪ್ರಾಮಾಣಿಕವಾಗಿ ಅಭಿವೃದ್ಧಿ ಕೆಲಸಗಳನ್ನ ಮಾಡುತ್ತಿದ್ದೇವೆ. 2013ರಿಂದ 18ರವರೆಗೆ ಕೊರೋನಾ, ಪ್ರವಾಹ ಇರಲಿಲ್ಲ. ಆದ್ರೂ ಸಿದ್ದು ಕಾಲದಲ್ಲಿ ಅಭಿವೃದ್ಧಿ ಆಗಲಿಲ್ಲ ಅಂತ ಜನ ತಿರಸ್ಕಾರ ಮಾಡಿದರು ಎಂದ ಅವರು, ಮುಂದೆಯೂ ಆ ಪಕ್ಷವನ್ನು ತಿರಸ್ಕಾರ ಮಾಡ್ತಾರೆ ಎಂದು ಟಾಂಗ್ ನೀಡಿದರು.

ಬೆಳಗಾವಿ ಬಿಜೆಪಿ ಭಿನ್ನಾಭಿಪ್ರಾಯ ವಿಚಾರವಾಗಿ ಮಾತನಾಡಿ, ಬೆಳಗಾವಿಯಲ್ಲಿ ಯಾವುದೇ ಭಿನ್ನಾಭಿಪ್ರಾಯಗಳು ಇಲ್ಲ. ಎಲ್ಲರೂ ಟೀ ಕುಡಿಯೋಕೆ ಕೂಡಿದ್ರು , ಮೀಡಿಯಾದವರು ಭಿನ್ನಾಭಿಪ್ರಾಯ ಸ್ಪೋಟ ಅಂತ ತೋರಿಸ್ತಿರಿ. ಇದು ಮಾಧ್ಯಮದ ಸೃಷ್ಟಿ ಎಂದರು.

ಪಿಸುಮಾತಿನ ವಿಡಿಯೋದಿಂದ ಕಾಂಗ್ರೆಸ್ ನ ಒಳಗುದ್ದಾಟ ರಟ್ಟು : ಈಗಲೇ ಟಿಕೆಟ್‌ ಲಾಬಿಗೆ ಸಿದ್ದರಾಮಯ್ಯ ಸಿಟ್ಟು

ಪಿಸುಮಾತು ಬಗ್ಗೆ ಹೇಳಿಕೆ!
ಇನ್ನು ಸಿದ್ದರಾಮಯ್ಯ, ಅಶೋಕ್ ಪಟ್ಟಣ್ ಗುಸುಗುಸು ಚರ್ಚೆ ವಿಚಾರವಾಗಿ ಹೇಳಿಕೆ ನೀಡಿದ ಅವರು, ಕಾಂಗ್ರೆಸ್ ಪಕ್ಷದಲ್ಲಿ ಮೂರು ಗುಂಪುಗಳಿವೆ. ಖರ್ಗೆ, ಪರಮೇಶ್ವರ್ ಹಾಗೂ ಶಾಮನೂರು ಶಿವಶಂಕರಪ್ಪ ಅವರದೊಂದ್ದು ಗುಂಪು ಸೇರಿ ಒಟ್ಟಾರೆ ಮೂರು ಗುಂಪು ಇದೆ. ಇನ್ನೂ ಸಿದ್ದರಾಮಯ್ಯ ಹಾಗೂ ಡಿ.ಕೆ.ಶಿವಕುಮಾರ್ ಅವರಿಬ್ಬರು ಎಣ್ಣೆ, ನೀರು ಇದ್ದಂತೆ ಎಂದಿಗೂ ಸೇರುವುದಿಲ್ಲ. ಅವರಲ್ಲಿಯೇ ಒಡಕುಗಳಿವೆ ಎಂದು ಸಚಿವ ಗೋವಿಂದ ಕಾರಜೋಳ ಹೇಳಿದರು.