ನಾಯಕತ್ವದಲ್ಲಿ ಅಲ್ಪಸಂಖ್ಯಾತರ ಕಡಗಣನೆ; ಕೈ ಪಾಳಯದಲ್ಲಿ ಆಂತರಿಕ ಚರ್ಚೆ

ಬಿಜೆಪಿಯಲ್ಲಿ ಮೂಲ v/s ವಲಸೆ: ರಮೇಶ್ ಜಾರಕಿಹೊಳಿಗೆ ಟಕ್ಕರ್ ಕೊಡಲು ಪ್ಲ್ಯಾನ್!

ಆದರೆ ಕಾಂಗ್ರೆಸ್ ಪಕ್ಷದಲ್ಲಿ ಯ.ಟಿ ಖಾದರ್, ರಿಜ್ವಾನ್ ಅರ್ಷದ್, ತನ್ವೀರ್ ಸೇಠ್, ಜಮೀರ್ ಅಹ್ಮದ್ ಖಾನ್, ರಹೀಂ ಖಾನ್ , ಖನಿಝಾ ಫಾತಿಮಾ, ಎನ್. ಎ ಹ್ಯಾರಿಸ್‌ ಸೇರಿ 7 ಮಂದಿ ಮುಸ್ಲಿಂ ಶಾಸಕರು ಇದ್ದಾರೆ. ಈ ಪೈಕಿ ಖಾದರ್, ಜಮೀರ್‌, ತನ್ವೀರ್‌ ಸಚಿವರಾಗಿಯೂ ಕಾರ್ಯನಿರ್ವಹಣೆ ಮಾಡಿದ್ದಾರೆ.

ಹೀಗಿದ್ದರೂ ನಾಯಕತ್ವ ವಿಚಾರ ಬಂದಾಗ ಅಲ್ಪಸಂಖ್ಯಾತ ಮುಖಂಡರಿಗೆ ಪಕ್ಷದಲ್ಲಿ, ಕಾಂಗ್ರೆಸ್ ಸರ್ಕಾರದ ಅವಧಿಯಲ್ಲೂ ಸೂಕ್ತ ಸ್ಥಾನಮಾನ ಸಿಕ್ಕಿರುವುದು ಕಡಿಮೆ. ಇದೀಗ ವಿಧಾನಪರಿಷತ್ ಪ್ರತಿಪಕ್ಷ ನಾಯಕ ಸ್ಥಾನಕ್ಕೆ ಸಿಎಂ ಇಬ್ರಾಹಿಂ ಅವರ ಹೆಸರು ಕೇಳಿಬಂದಿತ್ತಾದರೂ ಅವರಿಗೆ ನೀಡಿಲ್ಲ. ಬದಲಾಗಿ ಅದು ಬಿ.ಕೆ ಹರಿಪ್ರಸಾದ್ ಪಾಲಾಗಿದೆ. ಸಹಜವಾಗಿ ಇದು ಪಕ್ಷದ ಅಲ್ಪಸಂಖ್ಯಾತ ವಲಯದಲ್ಲಿ ಅಸಮಾಧಾನವನ್ನು ಹುಟ್ಟುಹಾಕಿದೆ.

ಕಾಂಗ್ರೆಸ್‌ ಪಕ್ಷಕ್ಕೆ ಪ್ರಮುಖ ಓಟ್ ಬ್ಯಾಂಕ್ ಅಲ್ಪಸಂಖ್ಯಾತರು ಆದರೆ ನಾಯಕತ್ವ ವಿಚಾರ ಬಂದಾಗ ಸೂಕ್ತ ಸ್ಥಾನ ಮಾನ ಸಿಗುತ್ತಿಲ್ಲ ಎಂಬ ಆರೋಪ ಇದೆ. ಈ ನಿಟ್ಟಿನಲ್ಲಿ ಪಕ್ಷದಲ್ಲಿ ಸೂಕ್ತ ಸ್ಥಾನಮಾನ ನೀಡಬೇಕು ಎಂಬ ಒತ್ತಾಯ ಇದೀಗ ಕೇಳಿಬರುತ್ತಿದೆ. ಕೈ ಹೈಕಮಾಂಡ್ ಇದಕ್ಕೆ ಯಾವ ರೀತಿ ಸ್ಪಂದಿಸುತ್ತದೆ ಎಂಬುವುದು ಸದ್ಯದ ಕುತೂಹಲ.