- ಎಚ್‌.ಪಿ. ಪುಣ್ಯವತಿ ಬೆಂಗಳೂರು
ಹಾಲು, ತುಪ್ಪ, ಮೊಸರಿನಂತಹ ಉತ್ಪನ್ನಗಳಿಗೆ ಹೆಸರಾಗಿದ್ದ ಕರ್ನಾಟಕ ಸಹಕಾರ ಹಾಲು ಉತ್ಪಾದಕರ ಒಕ್ಕೂಟ (ಕೆಎಂಎಫ್‌) ಇದೀಗ ನಂದಿನಿ ಬ್ರ್ಯಾಂಡ್‌ನಡಿ ಪಿಜ್ಜಾ, ನಾನಾ ಸುವಾಸಿತ ಹಾಲು, ಬಗೆ ಬಗೆಯ ಚಾಕೊಲೇಟ್‌ಗಳನ್ನು ಮಾರುಕಟ್ಟೆಗೆ ಪರಿಚಯಿಸಲು ಸಜ್ಜಾಗಿದೆ.
12 ಬಗೆಯ ಚಾಕೊಲೇಟ್‌ ಮತ್ತು 19 ಬಗೆಯ ಸ್ವಾದಗಳ ಸುವಾಸಿತ ಹಾಲಿನ (ಗುಡ್‌ಲೈಫ್‌ ಫ್ಲೇವರ್ಡ್‌ ಮಿಲ್ಕ್‌) ಪೆಟ್‌ ಬಾಟಲ್‌ಗಳು ಫೆ. 14ರ ಹೊತ್ತಿಗೆ ಮಾರುಕಟ್ಟೆಗೆ ಬರುವ ನಿರೀಕ್ಷೆ ಇದೆ. ಸಂಸ್ಥೆಯ ವಹಿವಾಟು ಹೆಚ್ಚಿಸುವ ಹಾಗೂ ಹೆಚ್ಚುವರಿ ಹಾಲನ್ನು ಮೌಲ್ಯವರ್ಧಿತ ಉತ್ಪನ್ನಗಳ ತಯಾರಿ ಮೂಲಕ ಹೆಚ್ಚು ಲಾಭ ಹೊಂದುವ ಉದ್ದೇಶದೊಂದಿಗೆ ಈ ನಿಲುವು ತೆಗೆದುಕೊಳ್ಳಲಾಗಿದೆ.
ನಂದಿನಿ ಬ್ರ್ಯಾಂಡ್‌ನಡಿ ಪಿಜ್ಜಾ ತಯಾರಿಗೆ ಸಿದ್ಧತೆ ನಡೆಯುತ್ತಿದ್ದು ವರ್ಷಾಂತ್ಯದಲ್ಲಿ ಮಾರುಕಟ್ಟೆ ಪ್ರವೇಶಿಸಲಿದೆ. ಪ್ರತಿ ಪಿಜ್ಜಾಗೆ ಬಳಸುವ ಚೀಸ್‌ ಅನ್ನು ಸುಮಾರು ಒಂದು ಲೀಟರ್‌ ಹಾಲಿನಿಂದ ತಯಾರಿಸಲಾಗುತ್ತದೆ. ಹೀಗಾಗಿ, ಪಿಜ್ಜಾ ಮಾರುವುದರಿಂದ ಹಾಲಿನ ಬಳಕೆ ಮತ್ತಷ್ಟು ಹೆಚ್ಚಾಗುತ್ತದೆ. ರೈತರ ಸಂಸ್ಥೆಯಾದ ಕೆಎಂಎಫ್‌ ರೈತರಿಗೆ ಹೆಚ್ಚು ಹೆಚ್ಚು ಲಾಭ ತಂದುಕೊಡುವ ನಿಟ್ಟಿನಲ್ಲಿ ಕೆಲಸ ಮಾಡಲಿದೆ ಎನ್ನುತ್ತಾರೆ ಕೆಎಂಎಫ್‌ನ ಎಂಡಿ ಬಿ.ಸಿ. ಸತೀಶ್‌.
ಹಾಲಿನ ಮಾರಾಟ ಬೆಲೆ 3 ರೂ. ಏರಿಸಿ ರೈತರಿಗೆ ನೀಡಲು ಚಿಂತನೆ : ಬಾಲಚಂದ್ರ ಜಾರಕಿಹೊಳಿ
ಇದೀಗ ಮಾರುಕಟ್ಟೆಯಲ್ಲಿ ಶೇ. 1.2ರಷ್ಟು ಜಿಡ್ಡಿನಂಶವುಳ್ಳ ಕೆಲವು ಸ್ವಾದದ ಸುವಾಸಿತ ಹಾಲು ಸಿಗುತ್ತಿದೆ. ಹೊಸದಾಗಿ ಬಿಡುಗಡೆಯಾಗಲಿರುವ ಸುವಾಸಿತ ಹಾಲು ಶೇ. 3.1ರಷ್ಟು ಜಿಡ್ಡಿನಂಶವನ್ನು ಹೊಂದಿರಲಿದೆ. ಇದು ಸುಮಾರು ಆರು ತಿಂಗಳವರೆಗೆ ಬಳಸಲು ಯೋಗ್ಯವಾಗಿರುತ್ತದೆ. ಹಾಸನ ಹಾಲು ಒಕ್ಕೂಟದ ಸುವಾಸಿತ ಹಾಲು ಉತ್ಪಾದನಾ ಘಟಕ ದಿನಕ್ಕೆ 5 ಲಕ್ಷ ಬಾಟಲ್‌ ಸುವಾಸಿತ ಹಾಲನ್ನು ತಯಾರಿಸುವ ಕಾರ್ಯಕ್ಕೆ ಅಣಿಯಾಗುತ್ತಿದೆ.
ನಂದಿನಿ ನಕಲಿ ತುಪ್ಪ ತಡೆಗೆ ಜಾಗೃತ ದಳ; ಕೆಎಂಎಫ್‌ ನಿರ್ದೇಶಕರ ನೇತೃತ್ವದಲ್ಲಿ ಏಳು ಮಂದಿ ತಂಡ
ಬಾದಾಮ್‌ ಮಿಲ್ಕ್‌, ಪಿಸ್ತಾ, ಸ್ಟ್ರಾಬೆರಿ, ವೆನಿಲ್ಲಾ, ಕಾರಾಮೆಲ್‌, ಬನಾನ, ಮ್ಯಾಂಗೋ, ಪೆಪ್ಪರ್‌, ಚಾಕೊ ಕೇಸರ್‌, ಸೋಯಾ ಹೀಗೆ ಹತ್ತಾರು ಘಮದ ಸುವಾಸಿತ ಹಾಲು ತಯಾರಾಗಲಿದೆ. ಜತೆಗೆ ಹೆಚ್ಚು ದಿನ ಇಡಬಹುದಾದ ಮಸಾಲ ಮಜ್ಜಿಗೆ, ಲಸ್ಸಿ ಮತ್ತಿತರ ಪಾನೀಯಗಳು ಕೂಡ ಕೆಎಂಎಫ್‌ನಿಂದ ಸಿದ್ಧಗೊಳ್ಳುತ್ತಿವೆ. ಅದೇ ರೀತಿ, ಗುಡ್‌ಲೈಫ್‌ ನಂದಿನಿ ಕ್ಯಾಡ್‌ಬರಿ ಚಾಕೊಲೇಟ್‌ಗಳು 10 ಗ್ರಾಂನಿಂದ 80 ಗ್ರಾಂವರೆಗೆ ಹಾಗೂ ಗ್ರಾಹಕರ ಬೇಡಿಕೆಗೆ ಅನುಗುಣವಾಗಿ ಮತ್ತಷ್ಟು ಹೆಚ್ಚು ಗ್ರಾಂ ತೂಕದ ಚಾಕೊಲೇಟ್‌ಗಳು ತಯಾರಾಗುತ್ತಿವೆ. ಇವುಗಳ ಬಾಳ್ವಿಕೆ ಸುಮಾರು ಒಂದು ವರ್ಷ.
Read more
[wpas_products keywords=”deal of the day sale today offer all”]