ಆತ್ಮ ನಿರ್ಭರ್‌ ಭಾರತ್‌ ಯೋಜನೆಯಡಿ ಹಾಸನದಿಂದ ತೆಂಗು ಬೆಳೆ ಆಯ್ಕೆ: 118 ಬೆಳೆಗಾರರಿಂದ ಸಾಲಕ್ಕೆ ಅರ್ಜಿ

ಒಂದು ಜಿಲ್ಲೆ ಒಂದು ಬೆಳೆ ಅನ್ವಯ ತೆಂಗು ಆಯ್ಕೆಯಾಗಿದ್ದು, ಅರಸೀಕೆರೆ, ಚನ್ನರಾಯ ಪಟ್ಟಣ, ಹೊಳೆನರಸೀಪುರ ಭಾಗದಲ್ಲಿ 1.05 ಲಕ್ಷ ಹೆಕ್ಟೇರ್‌ ಪ್ರದೇಶದಲ್ಲಿ ತೆಂಗು ಬೆಳೆಗಾರರಲ್ಲಿ ಅನೇಕರು ಯೋಜನೆ ಪ್ರಯೋಜನ ಪಡೆಯಲು ಮುಂದಾಗಿದ್ದು, 118 ಅರ್ಜಿಯಲ್ಲಿ 31 ಅರ್ಜಿ ಗಳು ಬ್ಯಾಂಕ್‌ಗಳ ಪರಿಶೀಲನಾ ಹಂತದಲ್ಲಿದೆ.

ಕೊರೊನಾ ಲಾಕ್‌ಡೌನ್‌ನಿಂದ ಮಕಡೆ ಮಲಗಿದ್ದ ಆರ್ಥಿಕ ವ್ಯವಸ್ಥೆಗೆ ಚೈತನ್ಯ ತುಂಬಲು ಚನ್ನಪಟ್ಟಣದ ಗೊಂಬೆ ಆಟಿಕೆಗೆ ಕೀ ಕೊಟ್ಟಿದ್ದ ಪ್ರಧಾನಿ ನರೇಂದ್ರ ಮೋದಿ, ತೋಟಗಾರಿಕೆ ಬೆಳೆಯತ್ತಲೂ ಚಿತ್ತ ಹರಿಸಿರುವುದು ಕೃಷಿ ಪ್ರಧಾನ ಜಿಲ್ಲೆಯ ತೆಂಗು ಬೆಳೆಗಾರರಿಗೆ ಆಕ್ಸಿಜನ್‌ ನೀಡಿದಂತಾಗಿದೆ.

ಪ್ರಸ್ತುತ ಇರುವ 1.05 ಲಕ್ಷ ಹೆಕ್ಟೇರ್‌ ಪ್ರದೇಶದೊಂದಿಗೆ ತೆಂಗು ಬೆಳೆ ವಿಸ್ತೀರ್ಣ ಮತ್ತಷ್ಟು ಹೆಚ್ಚಿಸುವುದು, ಆ ಮೂಲಕ ತೆಂಗಿನ ಎಣ್ಣೆ, ಕೊಬ್ಬರಿ ಎಣ್ಣೆ ಒಳಗೊಂಡಂತೆ ಸರಿ ಸುಮಾರು 400 ಉತ್ಪನ್ನಗಳ ಸಂಸ್ಕರಣೆ, ತಯಾರಿಕೆ ಮಾಡಬಹುದಾಗಿದೆ ಎಂದು ಗುರುತಿಸಲಾಗಿದೆ.

ಒಂದು ಜಿಲ್ಲೆ ಒಂದು ಉತ್ಪನ್ನ: ಚಾಮರಾಜನಗರದಿಂದ ಅರಿಶಿಣ ಬೆಳೆ ಆಯ್ಕೆ..!
ಘಟಕಕ್ಕೆ ಪ್ರೋತ್ಸಾಹ: ತೆಂಗಿನ ಉತ್ಪನ್ನಗಳನ್ನು ತಯಾರಿಸಲು ಮುಂದಾಗುವ ಕೈಗಾರಿಕಾ ಘಟಕಗಳನ್ನು ತೆರೆಯಲು ರಿಯಾಯಿತಿ ದರದಲ್ಲಿ ಸಾಲ, ಹತ್ತು ಲಕ್ಷದವರೆಗೆ ಸಹಾಯ ಧನ ನೀಡಲು ಅವಕಾಶವಿದೆ ಎನ್ನುತ್ತಾರೆ ತೋಟಗಾರಿಕೆ ಇಲಾಖೆ ಉಪನಿರ್ದೇಶಕ ಯೋಗೇಶ್‌.

ವಿಸ್ತರಣೆಗೂ ಸಾಲ: ಹೊಸದಾಗಿ ತೆರೆಯುವ ಕೈಗಾರಿಕಾ ಘಟಕಗಳಿಗೆ ಸೀಮಿತವಾಗದೆ ಪ್ರಸ್ತುತ ಚಾಲ್ತಿಯಲ್ಲಿರುವ ಘಟಕಗಳ ವಿಸ್ತರಣೆ, ಹೊಸ ಯಂತ್ರಗಳ ಅಳವಡಿಕೆ ಇತ್ಯಾದಿಗೂ ಸಾಲ ಹಾಗೂ ಸಹಾಯ ಧನ ನೀಡುವುದರಿಂದ ಹೆಚ್ಚಿನ ಸಂಖ್ಯೆಯಲ್ಲಿ ಉದ್ಯಮಿಗಳು ಆಸಕ್ತರಾಗುವ ನಿರೀಕ್ಷೆ ಹೊಂದಲಾಗಿದೆ.

ಟೊಮೇಟೊ ಸಂಸ್ಕರಣೆಗಿದೆ ವಿಫುಲ ಅವಕಾಶ; ಘಟಕ ಸ್ಥಾಪನೆಗೆ ಸಿಗಲಿದೆ ಸರಕಾರದ ನೆರವು, ರೈತರಿಗೆ ಸೂಕ್ತ ಮಾರುಕಟ್ಟೆ ಲಭ್ಯ!
ತೆಂಗಿನ ಉತ್ಪನ್ನಗಳ ತಯಾರಿಕಾ ಘಟಕಗಳು ಆರಂಭದ ಮೂಲಕ ಸ್ಥಳೀಯರಿಗೆ ಉದ್ಯೋಗಾವಕಾಶ ಕಲ್ಪಿಸುವುದು ಯೋಜನೆಯ ಮುಖ್ಯ ಉದ್ದೇಶವಾಗಿದೆ. ಯೋಜನೆ ಅನುಷ್ಠಾನ ಹಾಗೂ ಉತ್ತೇಜನಕ್ಕಾಗಿ ಜಿಲ್ಲಾಧಿಕಾರಿ ಗಿರೀಶ್‌ ಅಧ್ಯಕ್ಷತೆಯಲ್ಲಿ ಟಾಸ್ಕ್‌ಪೋರ್ಸ್‌ ಕೂಡ ರಚನೆಯಾಗಿದೆ.

ಜೋಳದ ಬದಲು ತೆಂಗು: ಹಾಸನ ಜಿಲ್ಲೆಯಲ್ಲಿ ಯಥೇಚ್ಚವಾಗಿ ಜೋಳ ಬೆಳೆಯುತ್ತಿರುವ ಹಿನ್ನೆಲೆಯಲ್ಲಿ ಆತ್ಮ ನಿರ್ಭರ್‌ ಭಾರತ್‌ ಯೋಜನೆಯಡಿ ಜೋಳ ಆಯ್ಕೆ ಮಾಡಲು ಚಿಂತನೆ ನಡೆದಿತ್ತಾದರೂ, ಅರಸೀಕೆರೆ ಕ್ಷೇತ್ರದ ಶಾಸಕ ಕೆ. ಎಂ. ಶಿವಲಿಂಗೇಗೌಡ ಹಾಗೂ ಶ್ರವಣಬೆಳಗೊಳ ಕ್ಷೇತ್ರದ ಶಾಸಕ ಸಿ. ಎನ್‌. ಬಾಲಕೃಷ್ಣ ಅವರ ಒತ್ತಾಸೆ, ಆಗ್ರಹದ ಹಿನ್ನೆಲೆಯಲ್ಲಿ ಜೋಳದ ಬದಲು ತೆಂಗು ಆಯ್ಕೆಯಾಗಿದೆ.

ಒಡಿಒಪಿ ಯೋಜನೆಗೆ ಹೆಚ್ಚು ಆರ್ಥಿಕ ನೆರವಿನ ಬಲ; ಶೇ.35ರಿಂದ ಶೇ.50ಕ್ಕೆ ಸಹಾಯಧನ ಏರಿಕೆ!