“ಆತ್ಮೀಯ, , ಪತ್ರದಲ್ಲಿರುವ ನಿಮ್ಮ ಅಭೂತಪೂರ್ವ ಪದಗಳಿಗೆ ಧನ್ಯವಾದ. 2003ರಲ್ಲಿ ಮೊದಲ ಬಾರಿ ಭಾರತಕ್ಕೆ ಭೇಟಿ ನೀಡಿದ್ದೆ. ಅಂದಿನಿಂದ ಇಲ್ಲಿಯವರೆಗೂ ಪ್ರತಿಬಾರಿ ಆಗಮಿಸಿದಾಗಲೂ ಈ ದೇಶದ ಮೇಲೆ ಅಪಾರವಾದ ಪ್ರೀತಿ ಹಾಗೂ ಗೌರವವನ್ನು ಹೊಂದಿದ್ದೇನೆ,” ಎಂದು ಪೀಟರ್ಸನ್ ಟ್ವೀಟ್‌ ಮಾಡಿದ್ದಾರೆ.
“ಭಾರತದಲ್ಲಿ ನಿಮಗೆ ಯಾವುದು ಜಾಸ್ತಿ ಇಷ್ಟ ಎಂದು ಇತ್ತೀಚೆಗೆ ನನ್ನನ್ನು ಕೇಳಲಾಗಿತ್ತು. ಇದಕ್ಕೆ ನನ್ನ ಉತ್ತರ ಇಲ್ಲಿನ ‘ಜನರು,” ಎಂದು ಪೀಟರ್ಸನ್ ತಮ್ಮ ಅಧಿಕೃತ ಟ್ವಟರ್‌ನಲ್ಲಿ ಬಹಿರಂಗಪಡಿಸಿದ್ದಾರೆ.
ಕೆವಿನ್ ಪೀಟರ್ಸನ್ ಇಂಗ್ಲೆಂಡ್‌ ತಂಡದ ಪರ 104 ಟೆಸ್ಟ್‌ ಪಂದ್ಯಗಳಿಂದ 8181 ರನ್‌, 136 ಓಡಿಐ ಪಂದ್ಯಗಳಿಂದ 4440 ರನ್‌ ಹಾಗೂ 37 ಟಿ20 ಪಂದ್ಯಗಳಿಂದ 1176 ರನ್‌ ಗಳಿಸಿದ್ದಾರೆ. ಆ ಮೂಲಕ ಇಂಗ್ಲೆಂಡ್‌ನ ಸಾರ್ವಕಾಲಿಕ ಶ್ರೇಷ್ಠ ಬ್ಯಾಟ್ಸ್‌ಮನ್‌ಗಳಲ್ಲಿ ಪೀಟರ್ಸನ್ ಕೂಡ ಒಬ್ಬರಾಗಿದ್ದಾರೆ.
ಭಾರತದ ಪ್ರಧಾನ ಮಂತ್ರಿ ನರೇಂದ್ರ ಮೋದಿಯವನ್ನು ವೈಯಕ್ತಿಕವಾಗಿ ಭೇಟಿ ಮಾಡಲು ಎದುರು ನೋಡುತ್ತಿರುವುದಾಗಿ ಇಂಗಿತ ವ್ಯಕ್ತಪಡಿಸಿದ ಪಿಟರ್ಸನ್‌, ವನ್ಯಜೀವಿಗಳನ್ನು ರಕ್ಷಿಸುವ ವಿಷಯದಲ್ಲಿ ‘ಜಾಗತಿಕ ನಾಯಕ’ ಆಗಿರುವುದಕ್ಕೆ ಧನ್ಯವಾದ ಅರ್ಪಿಸಿದರು. ಸದ್ಯ ಯುಎಇಯಲ್ಲಿ ಲೆಜೆಂಡ್ಸ್‌ ಕ್ರಿಕೆಟ್ ಲೀಗ್‌ ಆಡುತ್ತಿದ್ದು, ಇತ್ತೀಚೆಗೆ ಏಷ್ಯಾ ಲಯನ್ಸ್‌ ವಿರುದ್ಧ ಕೇವಲ 38 ಎಸೆತಗಳಲ್ಲಿ 86 ರನ್‌ ಚೆಚ್ಚಿದ್ದರು.
ಇದಕ್ಕೂ ಮುನ್ನ ಕೆವಿನ್ ಪೀಟರ್ಸನ್ ಗಣರಾಜ್ಯೋತ್ಸವ ದಿನಾಚರಣೆ ನಿಮಿತ್ತ ತಮ್ಮ ಭಾರತೀಯ ಅಭಿಮಾನಿಗಳಿಗೆ ಟ್ವೀಟ್‌ ಮಾಡುವ ಮೂಲಕ ಶುಭಾಶಯ ಕೋರಿದ್ದರು.
“ನನ್ನ ಎಲ್ಲಾ ಭಾರತೀಯರಿಗೆ ಗಣರಾಜ್ಯೋತ್ಸವ ದಿಚಾರಣೆಯ ಶುಭಾಶಯಗಳು. ಹೆಮ್ಮೆಯ ದೇಶ ಹಾಗೂ ಜಾಗತಿಕವಾಗಿ ಅತ್ಯಂತ ಶಕ್ತಿಶಾಲಿ ದೇಶ! ವನ್ಯಜೀವಿಗಳನ್ನು ಸಂರಕ್ಷಿಸುವಲ್ಲಿ ಭಾರತ ಜಾಗತಿಕ ನಾಯಕನಾಗಿರುವುದಕ್ಕೆ ಧನ್ಯವಾದ ಹೇಳಲು ನಾನು ಶೀಘ್ರದಲ್ಲೇ ನಿಮ್ಮನ್ನು(ಮೋದಿ) ವೈಯಕ್ತಿಕವಾಗಿ ಭೇಟಿಯಾಗಲು ಎದುರು ನೋಡುತ್ತಿದ್ದೇನೆ! ನನ್ನ ಶುಭಾಶಯಗಳು!,” ಎಂದು ಪಿಟರ್ಸನ್‌ ಟ್ವೀಟ್‌ ಮಾಡಿದ್ದಾರೆ.
ಗಣರಾಜ್ಯೋತ್ಸವಕ್ಕೆ ಶುಭಾಶಯ ಕೋರಿದ್ದ ದಕ್ಷಿಣ ಆಫ್ರಿಕಾದ ಮಾಜಿ ಆಟಗಾರ ಜಾಂಟಿ ರೋಡ್ಸ್‌ ಹಾಗೂ ವೆಸ್ಟ್ ಇಂಡೀಸ್‌ ದಿಗ್ಗಜ ಕ್ರಿಸ್‌ ಗೇಲ್‌ ಅವರಿಗೂ ಕೂಡ ಪ್ರಧಾನ ಮಂತ್ರಿ ನರೇಂದ್ರ ಮೋದಿ ವೈಯಕ್ತಿಕವಾಗಿ ಪತ್ರ ಬರೆದಿದ್ದಾರೆ ಹಾಗೂ ಭಾರತ ಹಾಗೂ ದಕ್ಷಿಣ ಆಫ್ರಿಕಾ ನಡುವಣ ಬಾಂಧವ್ಯ ಇದೇ ರೀತಿ ಮುಂದುವರಿಯಲಿ ಎಂದಿದ್ದಾರೆ.
Read more
[wpas_products keywords=”deal of the day gym”]