ಆಸ್ಟ್ರೇಲಿಯಾ ಓಪನ್‌ 2022: ಫೈನಲ್‌ಗೇರಿದ ಆಶ್ಲಿ ಬಾರ್ಟಿ, ಕಾಲಿನ್ಸ್‌!

ಮೆಲ್ಬೋರ್ನ್‌: ಇಲ್ಲಿ ನಡೆಯುತ್ತಿರುವ ಆಸ್ಟ್ರೇಲಿಯಾ ಓಪನ್‌ ಟೆನಿಸ್‌ ಟೂರ್ನಿಯ ಮಹಿಳೆಯರ ವಿಭಾಗದಲ್ಲಿ ಸ್ಥಳೀಯ ಆಟಗಾರ್ತಿ ಆಶ್ಲಿ ಬಾರ್ಟಿ ಫೈನಲ್‌ ಪ್ರವೇಶ ಮಾಡಿದ್ದಾರೆ. ಆ ಮೂಲಕ 1980ರ ಬಳಿಕ ಈ ಟೂರ್ನಿಯಲ್ಲಿ ಫೈನಲ್‌ಗೇರಿದ ಮೊದಲ ಆಸ್ಟ್ರೇಲಿಯಾ ಟೆನಿಸ್‌ ಆಟಗಾರ್ತಿ ಎಂಬ ಕೀರ್ತಿಗೆ ಬಾರ್ಟಿ ಭಾಜನರಾಗಿದ್ದಾರೆ.

ಗುರುವಾರ ನಡೆದಿದ್ದ ಮಹಿಳೆಯರ ಸಿಂಗಲ್ಸ್‌ ವಿಭಾಗದ ಸೆಮಿಫೈನಲ್‌ನಲ್ಲಿ ಅತ್ಯುತ್ತಮ ಪ್ರದರ್ಶನ ತೋರಿದ ವಿಶ್ವದ ನಂ.1 ಆಟಗಾರ್ತಿ ಆಶ್ಲಿ ಬಾರ್ಟಿ ಅವರು ಅಮೆರಿಕದ ಟೆನಿಸ್‌ ಆಟಗಾರ್ತಿ ಮ್ಯಾಡಿಸನ್‌ ಕೀಯ್ಸ್‌ ವಿರುದ್ಧ 6-1, 6-3 ಅಂತರದಲ್ಲಿ ಗೆದ್ದು ಪ್ರಶಸ್ತಿ ಸುತ್ತಿಗೆ ಪ್ರವೇಶ ಮಾಡಿದ್ದಾರೆ.

2015ರ ಬಳಿಕ ಮ್ಯಾಡಿಸನ್‌ ಕೀಯ್ಸ್‌ ಅವರ ಪಾಲಿಗೆ ಇದು ಮೊದಲನೇ ಆಸ್ಟ್ರೇಲಿಯಾ ಓಪನ್‌ ಸೆಮಿಫೈನಲ್‌ ಆಗಿತ್ತು. ಆದರೆ ಪಂದ್ಯದ ಮೇಲೆ ಸಂಪೂರ್ಣ ಹಿಡಿತ ಸಾಧಿಸಿದ ಆಶ್ಲಿ ಬಾರ್ಟಿ ಅವರು ಅಮೆರಿಕ ಆಟಗಾರ್ತಿಯನ್ನು ಪುಟಿದೇಳಲು ಅವಕಾಶ ಮಾಡಿಕೊಡಲಿಲ್ಲ.

ನೀರಜ್‌ ಚೋಪ್ರಾ ಸೇರಿ ಎಂಟು ಮಂದಿ ಕ್ರೀಡಾಪಟುಗಳಿಗೆ ‘ಪದ್ಮ ಶ್ರೀ’ ಗೌರವ!

ಒಂದು ವೇಳೆ ಫೈನಲ್‌ ಹಣಾಹಣಿಯಲ್ಲಿ ಆಶ್ಲೆ ಬಾರ್ಟಿ ಗೆದ್ದರೆ, 1978ರ ಬಳಿಕ ಆಸ್ಟ್ರೇಲಿಯಾ ಓಪನ್‌ ಗೆದ್ದ ಮೊದಲ ಆಸ್ಟ್ರೇಲಿಯಾ ಟೆನಿಸ್‌ ಆಟಗಾರ್ತಿಗೆ ಎಂಬ ಸಾಧನೆಗೆ ಬಾರ್ಟಿ ಭಾಜನರಾಗಲಿದ್ದಾರೆ. ಅಷ್ಟೇ ಅಲ್ಲದೆ ತವರು ಮಣ್ಣಿನಲ್ಲಿ ವೃತ್ತಿ ಜೀವನದ ಮೂರನೇ ಪ್ರಶಸ್ತಿ ಕೂಡ ಇದಾಗಲಿದೆ. ಮೂರು ವಾರಗಳ ಹಿಂದಷ್ಟೇ ಅವರು ಅಡಿಲೇಡ್‌ನಲ್ಲಿ ಮಹತ್ವದ ಪ್ರಶಸ್ತಿಯನ್ನು ಎತ್ತಿ ಹಿಡಿದಿದ್ದರು.

ಫೈನಲ್‌ಗೆ ಕಾಲಿನ್ಸ್‌: ಮಹಿಳೆಯರ ಸಿಂಗಲ್ಸ್‌ ಎರಡನೇ ಸೆಮಿಫೈನಲ್‌ ಹಣಾಹಣಿಯಲ್ಲಿ ಅತ್ಯುತ್ತಮ ಪ್ರದರ್ಶನ ತೋರಿದ ಅಮೆರಿಕ ಆಟಗಾರ್ತಿ ಡ್ಯಾನಿಯಲ್‌ ಕಾಲಿನ್ಸ್‌ ಅವರು ಆಸ್ಟ್ರೇಲಿಯಾ ಓಪನ್‌ ಫೈನಲ್‌ಗೆ ಪ್ರವೇಶ ಮಾಡಿದ್ದಾರೆ.

2022ರ ಋತುವಿನ ಬಳಿಕ ಸಾನಿಯಾ ಮಿರ್ಜಾ ಟೆನಿಸ್‌ಗೆ ವಿದಾಯ!

ಗುರುವಾರ ನಡೆದಿದ್ದ ಸೆಮಿಫೈನಲ್‌ ಹಣಾಹಣಿಯಲ್ಲಿ 27ನೇ ಪ್ರಾಯದ ಆಟಗಾರ್ತಿ ಪೊಲೆಂಡ್‌ನ ಇಗಾ ಸ್ವಿಯಾನ್‌ಟೆಕ್‌ ವಿರುದ್ಧ 6-4, 6-1 ಅಂತರದಲ್ಲಿ ಗೆಲುವು ಪಡೆದರು. ಈ ಗೆಲುವಿನೊಂದಿಗೆ ಕಾಲಿನ್ಸ್‌ ತಮ್ಮ ವೃತ್ತಿ ಜೀವನದ ಮೊದಲ ಗ್ರ್ಯಾಂಡ್‌ ಸ್ಲಾಮ್‌ ಫೈನಲ್‌ಗೆ ಪ್ರವೇಶ ಮಾಡಿದ್ದಾರೆ.

ಎರಡೂ ಸೆಮಿಫೈನಲ್‌ ಹಣಾಹಣಿಯಲ್ಲಿ ಗೆಲುವು ಪಡೆದಿರುವ ಆಶ್ಲಿ ಬಾರ್ಟಿ ಹಾಗೂ ಡ್ಯಾನಿಯಲ್‌ ಕಾಲಿನ್ಸ್‌ ಇಬ್ಬರೂ ಆಸ್ಟ್ರೇಲಿಯಾ ಓಪನ್‌ ಮಹಿಳೆಯರ ಸಿಂಗಲ್ಸ್‌ ಕಿರೀಟಕ್ಕಾಗಿ ಕಾದಾಟ ನಡೆಸಲಿದ್ದಾರೆ. ಅತ್ಯುತ್ತಮ ಫಾರ್ಮ್‌ನಲ್ಲಿರುವ ಆಶ್ಲಿ ಬಾರ್ಟಿ ತವರು ಮಣ್ಣಿನ ಲಾಭ ಪಡೆದುಕೊಂಡು ಫೈನಲ್‌ ಗೆಲುವಿನ ವಿಶ್ವಾಸದಲ್ಲಿದ್ದಾರೆ.

ಆಸ್ಟ್ರೇಲಿಯನ್‌ ಓಪನ್‌: 2ನೇ ಬಾರಿ ನೊವಾಕ್‌ ವೀಸಾ ತಿರಸ್ಕಾರ!