ಗೃಹ ಸಚಿವರ ತವರು ಜಿಲ್ಲೆಯಲ್ಲಿ ಅಪರಾಧಿಗಳ ಅಂಧಾ ದರ್ಬಾರ್: ಜೈಲಿನಿಂದಲೇ ಕ್ರಿಮಿನಲ್‌ಗಳ ಧಮ್ಕಿ, ವಸೂಲಿ

‘ಖಾಕಿ’ಗೂ ದಂಡದ ಬಿಸಿ, ಹೆಲ್ಮೆಟ್‌ ಹಾಕದಿದ್ದರೆ ತೆರಬೇಕು ಹಣ

ಪರಪ್ಪನ ಅಗ್ರಹಾರದ ಜೈಲಿನಲ್ಲಿ ಐಷಾರಾಮಿ ಜೀವನ ನಡೆಸಿದ್ದ ಕೈದಿಗಳ ವಿಡಿಯೋ ವೈರಲ್‌ ಆಗಿ ಎರಡೇ ದಿನಕ್ಕೆ ಇಂತಹದೊಂದು ಪ್ರಕರಣ ಶಿವಮೊಗ್ಗ ಜೈಲಿನಿಂದ ಹೊರ ಬಂದಿದೆ. ಅದರಲ್ಲೂ ಗೃಹ ಸಚಿವ ಆರಗ ಜ್ಞಾನೇಂದ್ರ ಅವರ ತವರು ಜಿಲ್ಲೆಯಲ್ಲಿ ಕೈದಿಗಳು ಜೈಲಿನಿಂದಲೇ ಧಮ್ಕಿ ಹಾಕುವ ಪ್ರಕರಣ ಪದೇ ಪದೇ ಕೇಳಿಬರುತ್ತಿದ್ದು ಆತಂಕ ಮೂಡಿಸಿದೆ.ಬೆದರಿಕೆ ಪ್ರಕರಣ ನಡೆದು ಎರಡು ದಿನಗಳ ನಂತರ ಉದ್ಯಮಿ ಶಿವಮೊಗ್ಗ ತುಂಗಾ ನಗರ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ.

ಶಿವಮೊಗ್ಗ: ಕಿಕ್ಕಿರಿದು ತುಂಬುತ್ತಿದ್ದ ಶಿವಮೊಗ್ಗ ಕ್ಲಬ್‌ಗಳು ಖಾಲಿ ಖಾಲಿ…
ಈ ಸಂಬಂಧ ಮಾಧ್ಯಮಗಳಿಗೆ ಮಾತನಾಡಿದ ಶಿವಮೊಗ್ಗ ಎಸ್‌ಪಿ ಬಿಎಂ ಲಕ್ಷ್ಮಿ ಪ್ರಸಾದ್‌, ಆರೋಪಿ ಮೇಲೆ ಅಕ್ಟೋಬರ್‌ ನವೆಂಬರ್‌ ತಿಂಗಳಲ್ಲಿ ಒಂದು ಪ್ರಕರಣ ದಾಖಲಾಗಿತ್ತು. ಆಮೇಲೆ ನಾವು ಅರೆಸ್ಟ್‌ ಮಾಡಿದ್ದೆವು. ದಾವಣಗೆರೆ, ಬೆಂಗಳೂರು, ಹಾಸನದಲ್ಲಿ ಈತನ ಮೇಲೆ ಪ್ರಕರಣಗಳಿದ್ದವು. ಅಲ್ಲಿಂದ ಇಲ್ಲಿ ತನಕ ಆರೋಪಿ ಶಿವಮೊಗ್ಗದ ಕೇಂದ್ರ ಕಾರಾಗೃಹದಲ್ಲಿದ್ದಾನೆ. ಜೈಲಿನಲ್ಲಿದ್ದುಕೊಂಡೆ ಬೆದರಿಕೆ ಹಾಕುತ್ತಿರೋದರ ಬಗ್ಗೆ ಪ್ರಕರಣ ದಾಖಲಾಗಿತ್ತು. ನಿನ್ನೆ ರಾತ್ರಿ ಕೂಡ ಯಾರದ್ದೋ ಬಳಿ ಮಾತನಾಡುತ್ತಿರೋದು ನಮ್ಮ ಗಮನಕ್ಕೆ ಬಂತು. ಹಾಗಾಗಿ ಸಬ್ ಇನ್ಸ್‌ಪೆಕ್ಟರ್‌ ತಂಡ ಆತನ ಸೆಲ್‌ ಮೇಲೆ ದಾಳಿ ಮಾಡಿ ಮೊಬೈಲ್‌ ವಶಕ್ಕೆ ಪಡೆದುಕೊಂಡಿದ್ದಾರೆ. ಸದ್ಯ ಆತನನ್ನ ಪ್ರತ್ಯೇಕ ಜೈಲಿನಲ್ಲಿರಿಸಿ ಆತನ ಕೈಗೆ ಯಾವುದೇ ಫೋನ್‌ ಕೊಡಬಾರದು ಎಂದು ನಿರ್ಬಂಧ ಹೇರಲಾಗಿದೆ. ಮುಂದಿನ ತನಿಖೆಗಾಗಿ ಜೈಲು ಮೇಲಧಿಕಾರಿ ಜೊತೆ ಮಾತನಾಡುತ್ತಿದ್ದೇವೆ ಎಂದು ಎಸ್‌ಪಿ ಮಾಹಿತಿ ನೀಡಿದ್ದಾರೆ.

ಶಿವಮೊಗ್ಗ: ಆಟೋ ರಿಕ್ಷಾಗಾಗಿ ಜಗಳ, ತಮ್ಮನ ಕೊಲೆಯಲ್ಲಿ ಅಂತ್ಯ
ಜೈಲಿನಲ್ಲಿದ್ದುಕೊಂಡೇ ಉದ್ಯಮಿಗಳಿಗೆ ಬೆದರಿಕೆ ಕರೆ ಮಾಡುವ ಖಚಿತ ಮಾಹಿತಿ ಮೇರೆಗೆ ಸೆಂಟ್ರಲ್ ಜೈಲ್ ಮೇಲೆ ಸಿಇಎನ್ ಠಾಣೆ ಸಿಪಿಐ ಹಾಗೂ ತುಂಗಾನಗರ ಠಾಣೆ ಪ್ರಭಾರ ಸಿಪಿಐ ಕೆ.ಟಿ.ಗುರುರಾಜ್ ಕರ್ಕಿ ನೇತೃತ್ವದಲ್ಲಿ ದಾಳಿ ಮಾಡಿ, ಕೈದಿ ಜಮೀರ್ ಬಚ್ಚನ್ ಕೈನಲ್ಲಿದ್ದ ಮೊಬೈಲ್ ಅನ್ನು ವಶಪಡಿಸಿಕೊಂಡಿದ್ದಾರೆ. ಕರೆ ಮಾಡಿ ಉದ್ಯಮಿಗಳಿಗೆ ಹಣಕ್ಕಾಗಿ ಬೇಡಿಕೆ ಇಟ್ಟು ಬೆದರಿಕೆ ಹಾಕಲು ಬಳಸುತ್ತಿದ್ದ ಮೊಬೈಲ್ ಫೋನ್ ಸಿಕ್ಕಿರುವುದು ಜೈಲ್ ವ್ಯವಸ್ಥೆಯ ಬಗ್ಗೆ ಪ್ರಶ್ನೆ ಮೂಡುವಂತೆ ಮಾಡಿದೆ. ಶಿವಮೊಗ್ಗ ಮಾತ್ರವಲ್ಲದೇ, ರಾಜ್ಯದ ಹಲವು ಹಲವಾರು ಠಾಣೆಯ ಪೊಲೀಸರಿಗೆ ಬೇಕಾದ ವ್ಯಕ್ತಿಯ ಕೈಗೆ ಮೊಬೈಲ್ ಬಂದಿದ್ದು ಹೇಗೆ ಎಂಬ ಅನುಮಾನ ಮೂಡಿದೆ.