ಪರಿಷತ್‌ ಚುನಾವಣೆ ಫಲಿತಾಂಶ: ಯಾವ ಕ್ಷೇತ್ರದಲ್ಲಿ ಯಾರಿಗೆ ಗೆಲುವು? ಇಲ್ಲಿದೆ ಪೂರ್ಣ ಪಟ್ಟಿ

ಬೆಂಗಳೂರು: ಸ್ಥಳೀಯ ಸಂಸ್ಥೆಗಳಿಂದ ವಿಧಾನ ಪರಿಷತ್‌ನ 25 ಸ್ಥಾನಗಳಿಗೆ ನಡೆದ ಚುನಾವಣೆಯ ಮತ ಎಣಿಕೆ ಮಂಗಳವಾರ ನಡೆಯಿತು. ಫಲಿತಾಂಶ ಹೊರಬಿದ್ದಾಗ ಬಿಜೆಪಿ ತನ್ನ ಸ್ಥಾನ ಗಳಿಕೆಯನ್ನು ಹೆಚ್ಚಿಸಿಕೊಂಡಿದ್ದರೆ, ಭಾರಿ ನಷ್ಟ ಅನುಭವಿಸಿದೆ. ಕಾಂಗ್ರೆಸ್‌ ಕೂಡ ಕೆಲವು ಸ್ಥಾನಗಳನ್ನು ಕಳೆದುಕೊಂಡಿದೆ.

25 ಕ್ಷೇತ್ರಗಳಲ್ಲಿ 22 ಕ್ಷೇತ್ರಗಳ ಮತ ಎಣಿಕೆ ಪೂರ್ಣಗೊಂಡಿದ್ದು, ಕಾಂಗ್ರೆಸ್‌ 11 ಕ್ಷೇತ್ರಗಳಲ್ಲಿ ಗೆಲುವು ಸಾಧಿಸಿದೆ. ಜೆಡಿಎಸ್‌ ಕೇವಲ ಒಂದೇ ಕ್ಷೇತ್ರವನ್ನು ಪಡೆದುಕೊಂಡಿದ್ದು, ಬಿಜೆಪಿ 10 ಕ್ಷೇತ್ರಗಳಲ್ಲಿ ಜಯಭೇರಿ ಬಾರಿಸಿದೆ.

ಮೂರು ಕ್ಷೇತ್ರಗಳಲ್ಲಿ ಎರಡನೇ ಪ್ರಾಶಸ್ತ್ರ್ಯದ ಮತಗಳ ಎಣಿಕೆ ಪ್ರಗತಿಯಲ್ಲಿದೆ. ಬೆಳಗಾವಿಯಲ್ಲಿ ಪಕ್ಷೇತರ ಮತ್ತು ಬಿಜೆಪಿ ಅಭ್ಯರ್ಥಿ ನಡುವೆ ಸ್ಪರ್ಧೆಯಿದ್ದರೆ, ಮೈಸೂರಿನಲ್ಲಿ ಬಿಜೆಪಿ ಹಾಗೂ ಜೆಡಿಎಸ್‌ ಅಭ್ಯರ್ಥಿ ನಡುವೆ ಪೈಪೋಟಿ ಏರ್ಪಟ್ಟಿದೆ. ವಿಜಯಪುರ-ಬಾಗಲಕೋಟೆ ಕ್ಷೇತ್ರದಲ್ಲಿಯೂ ಬಿಜೆಪಿ ಮತ್ತು ಪಕ್ಷೇತರ ಅಭ್ಯರ್ಥಿ ನಡುವೆ ಜಿದ್ದಾ ಜಿದ್ದಿನ ಹೋರಾಟ ನಡೆಯುತ್ತಿದೆ.

ಕ್ಷೇತ್ರವಾರು ಗೆದ್ದ ಅಭ್ಯರ್ಥಿಗಳು ಮತ್ತು ಪಕ್ಷಗಳ ವಿವರಗಳು ಹೀಗಿವೆ,

ಕ್ರ. ಸಂಖ್ಯೆ	ಕ್ಷೇತ್ರ	ಗೆದ್ದ ಅಭ್ಯರ್ಥಿ	ಪಕ್ಷ
1	ಚಿಕ್ಕಮಗಳೂರು	ಎಂ.ಕೆ. ಪ್ರಾಣೇಶ್‌	ಬಿಜೆಪಿ
2	ಮಂಡ್ಯ	ದಿನೇಶ್‌ ಗೂಳಿಗೌಡ	ಕಾಂಗ್ರೆಸ್‌
3	ಬೆಳಗಾವಿ	ಚನ್ನರಾಜ ಹಟ್ಟಿಹೊಳಿ	ಕಾಂಗ್ರೆಸ್‌
4	ಬೆಳಗಾವಿ	ಮತ ಎಣಿಕೆ ಜಾರಿಯಲ್ಲಿ
5	ಬೆಂಗಳೂರು ಗ್ರಾಮಾಂತರ	ಎಸ್‌. ರವಿ	ಕಾಂಗ್ರೆಸ್‌
6	ವಿಜಯಪುರ-ಬಾಗಲಕೋಟೆ	ಸುನಿಲಗೌಡ ಪಾಟೀಲ	ಕಾಂಗ್ರೆಸ್‌
7	ವಿಜಯಪುರ-ಬಾಗಲಕೋಟೆ	ಮತ ಎಣಿಕೆ ಜಾರಿಯಲ್ಲಿ
8	ತುಮಕೂರು	ರಾಜೇಂದ್ರ ರಾಜಣ್ಣ	ಕಾಂಗ್ರೆಸ್
9	ಮೈಸೂರು-ಚಾಮರಾಜನಗರ	ಡಾ.ಡಿ. ತಿಮ್ಮಯ್ಯ	ಕಾಂಗ್ರೆಸ್
10	ಮೈಸೂರು-ಚಾಮರಾಜನಗರ	ಮತ ಎಣಿಕೆ ಜಾರಿಯಲ್ಲಿ
11	ಕಲಬುರಗಿ	ಬಿಜಿ ಪಾಟೀಲ್	ಬಿಜೆಪಿ
12	ಕೋಲಾರ	ಅನಿಲ್ ಕುಮಾರ್	ಕಾಂಗ್ರೆಸ್
13	ಬೀದರ್	ಭೀಮರಾವ್ ಬಿ. ಪಾಟೀಲ್	ಕಾಂಗ್ರೆಸ್
14	ಹಾಸನ	ಸೂರಜ್ ರೇವಣ್ಣ	ಜೆಡಿಎಸ್‌
15	ರಾಯಚೂರು	ಶರಣಗೌಡ ಪಾಟೀಲ್ ಬಯ್ಯಾಪುರ	ಕಾಂಗ್ರೆಸ್
16	ಧಾರವಾಡ	ಪ್ರದೀಪ್ ಶೆಟ್ಟರ್	ಬಿಜೆಪಿ
17	ಧಾರವಾಡ	ಸಲೀಂ ಅಹಮದ್‌	ಕಾಂಗ್ರೆಸ್
18	ಶಿವಮೊಗ್ಗ	ಡಿ.ಎಸ್‌. ಅರುಣ್‌	ಬಿಜೆಪಿ
19	ದಕ್ಷಿಣ ಕನ್ನಡ	ಮಂಜುನಾಥ ಭಂಡಾರಿ	ಕಾಂಗ್ರೆಸ್
20	ದಕ್ಷಿಣ ಕನ್ನಡ	ಕೋಟ ಶ್ರೀನಿವಾಸ ಪೂಜಾರಿ	ಬಿಜೆಪಿ
21	ಬೆಂಗಳೂರು ನಗರ	ಗೋಪಿನಾಥ ರೆಡ್ಡಿ	ಬಿಜೆಪಿ
22	ಉತ್ತರ ಕನ್ನಡ	ಗಣಪತಿ ಉಳ್ವೇಕರ	ಬಿಜೆಪಿ
23	ಬಳ್ಳಾರಿ	ವೈ.ಎಂ. ಸತೀಶ್‌	ಬಿಜೆಪಿ
24	ಕೊಡಗು	ಸುಜಾ ಕುಶಾಲಪ್ಪ	ಬಿಜೆಪಿ
25	ಚಿತ್ರದುರ್ಗ	ಕೆ.ಎಸ್. ನವೀನ್	ಬಿಜೆಪಿ

25 ಕ್ಷೇತ್ರಗಳಲ್ಲಿ ಬಿಜೆಪಿ ಮತ್ತು ಕಾಂಗ್ರೆಸ್‌ ತಲಾ 20 ಕ್ಷೇತ್ರಗಳಲ್ಲಿ ಸ್ಪರ್ಧಿಸಿದ್ದವು. ಜೆಡಿಎಸ್‌ 6 ಕ್ಷೇತ್ರಗಳಲ್ಲಿ ಮಾತ್ರ ತನ್ನ ಅಭ್ಯರ್ಥಿಗಳನ್ನು ಕಣಕ್ಕಿಳಿಸಿತ್ತು.