ಪ್ರಿಯಾಂಕಾ ಚೋಪ್ರಾ-ನಿಕ್ ಜೋನಸ್ ಮಗುವಿನ ಫೋಟೋ ಲೀಕ್? ಅಸಲಿ ವಿಷಯ ಇಲ್ಲಿದೆ..

ಅಮೇರಿಕನ್ ಸಿಂಗರ್ ನಿಕ್ ಜೋನಸ್ ಮತ್ತು ನಟಿ ಪ್ರಿಯಾಂಕಾ ಚೋಪ್ರಾ ದಂಪತಿ ಇತ್ತೀಚೆಗಷ್ಟೇ ಸಂತಸದ ವಿಷಯವನ್ನ ಹಂಚಿಕೊಂಡಿದ್ದರು. ತಮ್ಮ ಮೊದಲ ಮಗುವನ್ನು ಬರಮಾಡಿಕೊಂಡ ಖುಷಿಯನ್ನು ಸೋಷಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿಕೊಂಡಿದ್ದರು. “ಸರೋಗಸಿ ಮೂಲಕ ನಾವು ಮಗುವನ್ನು ಸ್ವಾಗತಿಸಿದ್ದೇವೆ. ನಾವು ಕುಟುಂಬದ ಕಡೆಗೆ ಈ ವಿಶೇಷ ಸಮಯದಲ್ಲಿ ಹೆಚ್ಚಿನ ಗಮನ ಕೊಡಬೇಕಾಗಿರೋದರಿಂದ ನಮಗೆ ಪ್ರೈವಸಿ ಬೇಕಿದೆ. ಧನ್ಯವಾದಗಳು” ಎಂದು ಇನ್ಸ್ಟಾಗ್ರಾಮ್‌ನಲ್ಲಿ ನಿಕ್ ಜೋನಸ್ ಮತ್ತು ಪ್ರಿಯಾಂಕಾ ಚೋಪ್ರಾ ಬರೆದುಕೊಂಡಿದ್ದರು.

ಇಷ್ಟು ಬಿಟ್ಟರೆ, ಯಾವ ಮಗು ಅಂತಾಗಲಿ ಮಗುವಿನ ಹೆಸರನ್ನಾಗಲಿ ಪ್ರಿಯಾಂಕಾ ಚೋಪ್ರಾ, ನಿಕ್ ಜೋನಸ್ ದಂಪತಿ ಹೇಳಿರಲಿಲ್ಲ. ಹಾಗೇ, ಮಗುವಿನ ಫೋಟೋವನ್ನೂ ಬಹಿರಂಗ ಪಡಿಸಿರಲಿಲ್ಲ. ಆದ್ರೀಗ, ಸೋಷಿಯಲ್ ಮೀಡಿಯಾದಲ್ಲಿ ಪ್ರಿಯಾಂಕಾ ಚೋಪ್ರಾ, ನಿಕ್ ಜೋನಸ್ ದಂಪತಿ ಮಗುವನ್ನು ಹಿಡಿದುಕೊಂಡಿರುವ ಫೋಟೋಗಳು ವೈರಲ್ ಆಗುತ್ತಿವೆ. ಪುಟ್ಟ ಮಗುವನ್ನು ಪ್ರಿಯಾಂಕಾ ಚೋಪ್ರಾ ಎತ್ತಿಕೊಂಡಿರುವುದು, ಮಗುವನ್ನು ನಿಕ್ ಜೋನಸ್ ಮುದ್ದು ಮಾಡುತ್ತಿರುವ ಫೋಟೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿವೆ. ಫೋಟೋಗಳಲ್ಲಿ ಇರುವ ಮಗುವೇ ಪ್ರಿಯಾಂಕಾ – ನಿಕ್ ಮಗು ಅಂತ ಕೆಲವರು ಕಾಮೆಂಟ್ ಮಾಡುತ್ತಿದ್ದಾರೆ. ಆದರೆ, ಅಸಲಿ ವಿಷಯ ಬೇರೇನೇ ಇದೆ.

ಮಗುವಿಗಾಗಿ ಲಾಸ್ ಏಂಜಲೀಸ್‌ನಲ್ಲಿನ ತಮ್ಮ ಮನೆಯನ್ನು ನವೀಕರಿಸಿದ್ದರು ಪ್ರಿಯಾಂಕಾ-ನಿಕ್ ದಂಪತಿ!
ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿರುವ ಫೋಟೋಗಳಲ್ಲಿ ಇರುವುದು ಪ್ರಿಯಾಂಕಾ ಚೋಪ್ರಾ ಮತ್ತು ನಿಕ್ ಜೋನಸ್ ದಂಪತಿಯ ಮಗುವಲ್ಲ. ಅಸಲಿಗೆ, ಆ ಫೋಟೋಗಳು ನಾಲ್ಕು ವರ್ಷಗಳ ಹಿಂದಿನದ್ದು. 2018ರಲ್ಲಿ ಕ್ಲಿಕ್ ಆದ ಫೋಟೋಗಳು ಅವು. ಸಂಬಂಧಿಯೊಬ್ಬರ ಮಗುವಿನ ಜೊತೆ ಪ್ರಿಯಾಂಕಾ ಚೋಪ್ರಾ ಮತ್ತು ನಿಕ್ ಜೋನಸ್ ಕಾಲ ಕಳೆಯುವಾಗ ಸೆರೆಯಾದ ಫೋಟೋಗಳು ಅವು. ಕಾಕತಾಳೀಯ ಅಂದ್ರೆ, ಅದೇ ವರ್ಷ ಪ್ರಿಯಾಂಕಾ ಚೋಪ್ರಾ ಮತ್ತು ನಿಕ್ ಜೋನಸ್ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದರು.

27ನೇ ವಾರಕ್ಕೆ ಜನಿಸಿತು ಪ್ರೀ ಮೆಚ್ಯೂರ್ ಬೇಬಿ: ಪ್ರಿಯಾಂಕಾ ಚೋಪ್ರಾ-ನಿಕ್ ಜೋನಸ್‌ಗೆ ಹೆಣ್ಣು ಮಗು
ಪ್ರೀ-ಮೆಚ್ಯೂರ್ ಬೇಬಿ
12 ವಾರಗಳು ಮುಂಚಿತವಾಗಿ.. ಅಂದ್ರೆ, 27 ವಾರಗಳಿಗೇ ಬಾಡಿಗೆ ತಾಯಿಯ ಮೂಲಕ ಹೆಣ್ಣು ಮಗು ಜನಿಸಿದೆ. ಪ್ರೀ-ಮೆಚ್ಯೂರ್ ಬೇಬಿಯಾಗಿರುವುದರಿಂದ ಮಗು ಮತ್ತು ಬಾಡಿಗೆ ತಾಯಿ ಕೆಲಕಾಲ ಸದರ್ನ್ ಕ್ಯಾಲಿಫೋರ್ನಿಯಾ ಆಸ್ಪತ್ರೆಯಲ್ಲೇ ವೈದ್ಯರ ನಿಗಾದಲ್ಲಿ ಇರಲಿದ್ದಾರೆ.

ತಂದೆ, ತಾಯಿಗಾಗಿ ಬಡ್ತಿ ಪಡೆದ ನಟಿ ಪ್ರಿಯಾಂಕಾ ಚೋಪ್ರಾ, ನಿಕ್ ಜೋನಾಸ್ ದಂಪತಿ
ಬಾಡಿಗೆ ತಾಯ್ತನ ಮೊರೆ ಹೋಗಿದ್ದು ಯಾಕೆ?
‘’ಸಾಕಷ್ಟು ಸಮಯದಿಂದ ಮಗುವನ್ನು ಹೊಂದಲು ಪ್ರಿಯಾಂಕಾ ಚೋಪ್ರಾ ಹಾಗೂ ನಿಕ್ ಜೋನಸ್ ಬಯಸಿದ್ದರು. ಆದರೆ, ಅವರಿಬ್ಬರ ಬಿಜಿ ಶೆಡ್ಯೂಲ್‌ಗಳು ಕುಟುಂಬ ಯೋಜನೆಗೆ ಅಡ್ಡಿಯುಂಟು ಮಾಡಿತ್ತು. ಪ್ರಿಯಾಂಕಾ ಚೋಪ್ರಾ ಅವರಿಗೆ ಫರ್ಟಿಲಿಟಿ ಸಮಸ್ಯೆಗಳು ಇರಲಿಲ್ಲ. ಆದರೆ, ಅವರಿಗೀಗ ವಯಸ್ಸು 39. ಹೀಗಾಗಿ ಅವರ ಹಾದಿಯೂ ಸುಲಭವಾಗಿ ಇರಲಿಲ್ಲ. ಬಿಡುವಿಲ್ಲದ ಕೆಲಸದ ಮಧ್ಯೆ ಅಂಡೋತ್ಪತ್ತಿ ಆಗುವ ವೇಳೆ ದೈಹಿಕವಾಗಿ ಜೊತೆಗಿದ್ದು ಗರ್ಭ ಧರಿಸುವುದು ಕಷ್ಟ ಎಂದು ಅರಿತ ಬಳಿಕ ಅವರು ಬಾಡಿಗೆ ತಾಯ್ತನದ ಮೊರೆ ಹೋದರು’’

ಹೆಣ್ಣು ಮಗು ಜನನ: ‘ಜೀ ಲೇ ಝರಾ’ ಚಿತ್ರದಿಂದ ಹೊರಗುಳಿಯುತ್ತಾರಾ ಪ್ರಿಯಾಂಕಾ ಚೋಪ್ರಾ?
‘’ಕೆಲವು ತಿಂಗಳ ಹಿಂದೆ ಬಾಡಿಗೆ ತಾಯಿಗಾಗಿ ಅವರು ಏಜೆನ್ಸಿಯೊಂದನ್ನು ಸಂಪರ್ಕಿಸಿದ್ದರು. ಅಲ್ಲಿ ಓರ್ವ ಮಹಿಳೆಯನ್ನು ಅವರು ಭೇಟಿಯಾದರು. ನಂತರ ಬಾಡಿಗೆ ತಾಯ್ತನದ ಪ್ರಕ್ರಿಯೆ ನಡೆಯಿತು. ಇದು ಆ ಮಹಿಳೆಗೆ ಐದನೇ ಸರೋಗಸಿ. ಏಪ್ರಿಲ್‌ನಲ್ಲಿ ಮಗು ಜನಿಸಬೇಕಿತ್ತು. ಆದರೆ, 27ನೇ ವಾರದಲ್ಲೇ ಮಗುವಿಗೆ ಬಾಡಿಗೆ ತಾಯಿ ಜನ್ಮ ನೀಡಿದರು’’ ಎಂದು ಮೂಲಗಳು ತಿಳಿಸಿರುವ ಮಾಹಿತಿಯನ್ನು ಡೈಲಿ ಮೇಲ್ ವರದಿ ಮಾಡಿದೆ.