ಕೇಂದ್ರ ಸಬ್ಸಿಡಿ ನೀಡಿದ ನಂತರ ಡ್ರೋನ್ ಖರೀದಿಸಲು ರಾಜ್ಯದ ರೈತರು ಉತ್ಸುಕ

The New Indian Express

ಬೆಂಗಳೂರು: ಪರಿಷ್ಕೃತ ಮಾರ್ಗಸೂಚಿಗಳ ಮೂಲಕ ಡ್ರೋನ್‌ಗಳ ಖರೀದಿಗೆ ಸಬ್ಸಿಡಿ ನೀಡುವುದಾಗಿ ಕೇಂದ್ರ ಸರ್ಕಾರ ಘೋಷಿಸಿದ ನಂತರ ಕೃಷಿ ಮತ್ತು ಸಂಬಂಧಿತ ಚಟುವಟಿಕೆಗಳಿಗೆ ಡ್ರೋನ್‌ಗಳನ್ನು ಖರೀದಿಸಲು ಮತ್ತು ಬಳಸಲು ರೈತರು ಹಾಗೂ ಸಂಬಂಧಿತ ಸಂಘಟನೆಗಳಲ್ಲಿ  ಆಸಕ್ತಿಯನ್ನು ಹುಟ್ಟುಹಾಕಿದೆ.

ಕರ್ನಾಟಕದಲ್ಲಿ ಸುಮಾರು 12.3 ಮಿಲಿಯನ್ ಹೆಕ್ಟೇರ್ ನಲ್ಲಿ ಕೃಷಿ ಮಾಡಲಾಗುತ್ತಿದೆ ಮತ್ತು ಡ್ರೋನ್ ಕಾರ್ಮಿಕರ ಸಮಸ್ಯೆಗಳನ್ನು ನಿವಾರಿಸಲು ರೈತರಿಗೆ ಸಾಕಷ್ಟು ಸಹಾಯ ಮಾಡುತ್ತದೆ. ರೈತರು ಡ್ರೋನ್‌ಗಳನ್ನು ಬಳಸಲು ಸಹಾಯ ಮಾಡಲು ನಾನು ಕಟಾವು ಕೇಂದ್ರಗಳೊಂದಿಗೆ ಮಾತನಾಡುತ್ತೇನೆ ಎಂದು ಕೃಷಿ ಸಚಿವ ಬಿ.ಸಿ. ಪಾಟೀಲ್ ದಿನ್ಯೂ ಇಂಡಿಯನ್ ಎಕ್ಸ್ ಪ್ರೆಸ್ ಗೆ ತಿಳಿಸಿದ್ದಾರೆ.

ಇಸ್ರೇಲ್‌ನಂತಹ ಕೆಲವು ಮುಂದುವರಿದ ರಾಷ್ಟ್ರಗಳಲ್ಲಿನ ರೈತರ ಉತ್ಪಾದಕತೆಗೆ ಹೋಲಿಸಿದರೆ ಭಾರತೀಯ ಕೃಷಿ ಉತ್ಪಾದಕತೆ ಕಳಪೆಯಾಗಿದೆ ಮತ್ತು  ಇದಕ್ಕೆ ವೈಜ್ಞಾನಿಕ ಒಳಹರಿವು  ಕಾರಣವಾಗಿದೆ. ಅತ್ಯುತ್ತಮ ಮತ್ತು ಇತ್ತೀಚಿನ ತಂತ್ರಜ್ಞಾನ ಹೊಂದಿರುವ ಡ್ರೋನ್‌ಗಳನ್ನು ರೈತರ ಕೈಗೆ ನೀಡಬೇಕು ಎಂದು ಮಾಜಿ ಕೃಷಿ ಹೆಚ್ಚುವರಿ ಕಾರ್ಯದರ್ಶಿ ಡಾ.ಜಿ.ಕೆ.ವಸಂತ್ ಕುಮಾರ್ ದಿ ನ್ಯೂ ಇಂಡಿಯನ್ ಎಕ್ಸ್ ಪ್ರೆಸ್ ಗೆ ಹೇಳಿದರು. 

ಮ್ಯಾಪಿಂಗ್ ಮಾಡುವುದು, ವಿವರವಾದ ಸಮೀಕ್ಷೆ,  ಮಣ್ಣಿನ ಮ್ಯಾಪಿಂಗ್, ರೋಗ ಗುರುತಿಸುವಿಕೆ, ಸಸ್ಯದ ಒತ್ತಡ, ನೀರಿನ ನಿಯಂತ್ರಣ ಮತ್ತು ಸಸ್ಯದ ಶರೀರಶಾಸ್ತ್ರದ ಅಧ್ಯಯನ, ಮತ್ತು ಸಸ್ಯದ ಸಂವೇದಕಗಳನ್ನು ಗುರುತಿಸುವುದು, ನ್ಯಾನೊತಂತ್ರಜ್ಞಾನದ ಬಳಕೆ ಇತ್ಯಾದಿಗಳಲ್ಲಿ ಇದು ಕೃಷಿಗೆ ಒಳ್ಳೆಯದು ಮತ್ತು ಅವಶ್ಯಕವಾಗಿದೆ. ಇಸ್ರೇಲ್ ಡ್ರೋನ್‌ಗಳ ಬಳಕೆಯಿಂದ ಪ್ರಯೋಜನ ಪಡೆದ ಪ್ರಮುಖ ರಾಷ್ಟ್ರಗಳಲ್ಲಿ ಒಂದಾಗಿದೆ.

ತಂತ್ರಜ್ಞಾನದ ಬಳಕೆಯನ್ನು ಉತ್ತೇಜಿಸಲು ಕೃಷಿಯಲ್ಲಿ ಡ್ರೋನ್‌ಗಳಿಗೆ ಹೊಸ ಸಬ್ಸಿಡಿ ಯೋಜನೆ ಬಹಳ ಪ್ರಮುಖವಾಗಿದೆ. ಡ್ರೋನ್ ತಂತ್ರಜ್ಞಾನ, ಕೃಷಿ ಆಧಾರಿತ ನಿಖರತೆ ಬೆಂಬಲಿಸುವಲ್ಲಿ ಮತ್ತು ಸುಸ್ಥಿರ ಕೃಷಿ ಬೆಳವಣಿಗೆಯಲ್ಲಿ ಇಸ್ರೇಲ್ ಮತ್ತು ಭಾರತದ ನಡುವಿನ ಸಹಯೋಗಕ್ಕಾಗಿ ಇದು ಬಹುಶಃ ಅತ್ಯಂತ ಸೂಕ್ತವಾದ ಕ್ಷೇತ್ರಗಳಲ್ಲಿ ಒಂದಾಗಿದೆ ಎಂದು ಇಸ್ರೇಲಿ ಕಾನ್ಸುಲ್ ಜೊನಾಥನ್ ಝಡ್ಕಾ ಹೇಳುತ್ತಾರೆ. 

ಡ್ರೋನ್‌ಗಳು ಸಂಕೀರ್ಣವಾದ ಸವಾಲುಗಳಿಗೆ ಪರಿಣಾಮಕಾರಿ ಪರಿಹಾರಗಳನ್ನು ನೀಡುತ್ತವೆ ಮತ್ತು ಅಪಾಯ ಮತ್ತು ಅನಿಶ್ಚಿತತೆಯನ್ನು ಕಡಿಮೆ ಮಾಡಲು ನವೀನ ವಿಧಾನಗಳನ್ನು ಬಳಸಲು ಬಳಕೆದಾರರಿಗೆ ಅನುವು ಮಾಡಿಕೊಡುತ್ತದೆ. ಇಸ್ರೇಲಿ ಕಂಪನಿಗಳು ನೈಸರ್ಗಿಕ ಪಾಲುದಾರರು ಮತ್ತು ಸೇವೆಗಳು ಮತ್ತು ಪರಿಹಾರಗಳನ್ನು ನೀಡುತ್ತವೆ. ಉದಾಹರಣೆಗೆ, ಕೀಟನಾಶಕಗಳನ್ನು ನಿರ್ವಹಿಸಲು, ನಿರ್ದಿಷ್ಟ ಕೀಟಗಳನ್ನು ಎದುರಿಸಲು, ಹೊಲಗಳನ್ನು ಮೇಲ್ವಿಚಾರಣೆ ಮಾಡಲು ಮತ್ತು ಆರಂಭಿಕ ಹಂತದಲ್ಲಿ ಬೆಳೆ ರೋಗವನ್ನು ಪತ್ತೆಹಚ್ಚಲು ಡ್ರೋನ್ ಗಳನ್ನು ಬಳಸಬಹುದಾಗಿದೆ ಎಂದು ಅವರು ತಿಳಿಸಿದ್ದಾರೆ.