ಹೈಲೈಟ್ಸ್‌:
- ಟೀಮ್ ಇಂಡಿಯಾ ಕೈಗೊಂಡ ಅತ್ಯಂತ ಕಳಪೆ ಪ್ರವಾಸ ಇದು ಎಂದ ಮಾಂಜ್ರೇಕರ್‌.
- ಟೆಸ್ಟ್‌ ಮತ್ತು ಏಕದಿನ ಕ್ರಿಕೆಟ್ ಎರಡೂ ಸರಣಿಗಳಲ್ಲಿ ಸೋತು ಸುಣ್ಣವಾದ ಟೀಮ್ ಇಂಡಿಯಾ.
- ಏಕದಿನ ಕ್ರಿಕೆಟ್ ಸರಣಿಯಲ್ಲಿ ಅಶ್ವಿನ್ ಪ್ರದರ್ಶನವನ್ನು ಟೀಕಿಸಿದ ಸಂಜಯ್ ಮಾಂಜ್ರೇಕರ್‌.
ಆದರೆ, ಮೂರು ಪಂದ್ಯಗಳ ಏಕದಿನ ಕ್ರಿಕೆಟ್ ಸರಣಿಯಲ್ಲಿ ಆಡಿದ ಎರಡೂ ಪಂದ್ಯಗಳಲ್ಲಿ ಅಶ್ವಿನ್ವ ತಮ್ಮ ಛಾಪು ಮೂಡಿಸಲು ವಿಫಲರಾಗಿದ್ದಾರೆ. ಈ ಬಗ್ಗೆ ಮಾತನಾಡಿರುವ ಭಾರತ ತಂಡದ ಮಾಜಿ ಆಟಗಾರ ಸಂಜಯ್ ಮಾಂಜ್ರೇಕರ್‌, ಆಫ್‌ ಸ್ಪಿನ್ನರ್‌ ಪ್ರದರ್ಶನವನ್ನು ಕಟುವಾಗಿ ಟೀಕಿಸಿದ್ದಾರೆ. ಮೊದಲ ಒಡಿಐನಲ್ಲಿ ಒಂದು ವಿಕೆಟ್‌ ಪಡೆದ ಅಶ್ವಿನ್, ಎರಡನೇ ಒಡಿಐನಲ್ಲಿ 68 ರನ್‌ ಕೊಟ್ಟು ವಿಕೆಟ್‌ ಪಡೆಯದೇ ಹೋದರು.
ಮೂರನೇ ಪಂದ್ಯದಲ್ಲಿ ಅಶ್ವಿನ್ ಅವರನ್ನು ಕೈಬಿಟ್ಟು ಮತ್ತೊಬ್ಬ ಆಫ್‌ ಸ್ಪಿನ್ನಿಂಗ್‌ ಆಲ್‌ರೌಂಡರ್‌ ಜಯಂತ್‌ ಯಾದವ್‌ ಅವರನ್ನು ಆಡಿಸಲಾಗಿತ್ತು. ಆದರೆ ಜಯಂತ್‌ ಬಾಲ್‌ ಮತ್ತು ಬ್ಯಾಟ್‌ ಎರಡರಲ್ಲೂ ವಿಫಲರಾದರು. ಕ್ವಿಂಟನ್‌ ಡಿ’ಕಾಕ್ ಬಾರಿಸಿದ ಶತಕದ ಬಲದಿಂದ ಅಬ್ಬರಿಸಿದ ದಕ್ಷಿಣ ಆಫ್ರಿಕಾ ತಂಡ 4 ರನ್‌ಗಳಿಂದ ರೋಚಕವಾಗಿ ಗೆದ್ದು 3-0 ಅಂತರದಲ್ಲಿ ಸರಣಿ ವೈಟ್‌ವಾಶ್‌ ಮಾಡಿತು.
ರಾಷ್ಟ್ರಗೀತೆ ವೇಳೆ ಚೀವಿಂಗ್‌ ಗಮ್‌ ಜಗಿದ ಕೊಹ್ಲಿ, ಫ್ಯಾನ್ಸ್‌ ಗರಂ!
“ಭಾರತ ತಂಡದ ಒಡಿಐ ತಂಡಕ್ಕೆ ಅಶ್ವಿನ್ ಕಮ್‌ಬ್ಯಾಕ್‌ ಮಾಡಿರುವುದು ಅಚ್ಚರಿಯೇ ಸರಿ. ಆದರೆ ಇದರಿಂದ ಯಾವುದೇ ಪ್ರಯೋಜನವಾಗಲಿಲ್ಲ. ಈ ತಪ್ಪಿಗೆ ಭಾರತ ತಂಡ ಭಾರಿ ಬೆಲೆ ತೆತ್ತಿದೆ. ಸರಣಿಯ ಮೊದರ ಎರು ಪಂದ್ಯಗಳಲ್ಲಿ ಆಡಿ ಪರಿಣಾಮ ಬೀರಲು ವಿಫಲರಾದರು. ಯುಜ್ವೇಂದ್ರ ಚಹಲ್ ಪ್ರದರ್ಶನ ಕೂಡ ಹೇಳಿಕೊಳ್ಳುವಂತ್ತಿರಲಿಲ್ಲ. ಪ್ರಸಿಧ್‌ ಕೃಷ್ಣ ಅವರಿಗೆ ಟೀಮ್ ಇಂಡಿಯಾ ಮ್ಯಾನೇಜ್ಮೆಂಟ್‌ ಬೆಂಬಲ ನೀಡುವ ಅಗತ್ಯವಿದೆ. ಒಡಿಐ ಕ್ರಿಕೆಟ್‌ಗೆ ಮೊಹಮ್ಮದ್‌ ಶಮಿ ಅವರನ್ನೂ ಆಯ್ಕೆ ಮಾಡಿಕೊಳ್ಳಬಹುದು,” ಎಂದು ಇಎಸ್‌ಪಿಎನ್‌ ಕ್ರಿಕ್‌ಇನ್ಫೋ ಕಾರ್ಯಕ್ರಮದಲ್ಲಿ ಮಾಂಜ್ರೇಕರ್‌ ಹೇಳಿದ್ದಾರೆ.
“ಈ ಸರಣಿಗೂ ಮೊದಲೇ ತನ್ನ ಶ್ರೇಷ್ಠ ಲಯ ಕಂಡುಕೊಳ್ಳಲು ವಿಫಲವಾಗುತ್ತಿರುವ ಸೂಚನೆಯನ್ನು ಭುವನೇಶ್ವರ್‌ ಕುಮಾರ್‌ ನೀಡಿದ್ದರು. ಈ ಸರಣಿ ಬಳಿಕ ಈ ಸಮಸ್ಯೆಗೆ ಉತ್ತರ ಸಿಕ್ಕಂತ್ತಾಗಿದೆ. ಯನ್ಮನ್‌ ಮಲಾನ್‌ ಅವರನ್ನು ಔಟ್‌ ಮಾಡಿದ ದೀಪಕ್‌ ಚಹರ್‌ ಅವರತ್ತ ಸೆಲೆಕ್ಟರ್ಸ್‌ ಗಮನ ನೀಡಬೇಕು,” ಎಂದು ಮಾಂಜ್ರೇಕರ್‌ ವಿವರಿಸಿದ್ದಾರೆ.
‘ನಾಯಕನಾಗಿ ಯೋಗ್ಯ ಕೆಲಸ ಮಾಡಿದ್ದಾರೆ’ ಕೆ.ಎಲ್‌ ರಾಹುಲ್‌ಗೆ ದ್ರಾವಿಡ್‌ ಬೆಂಬಲ!
“ಪಂದ್ಯ ಮುಗಿದ ರೀತಿ ಸರಣಿಯಲ್ಲಿ ಭಾರತ ತಂಡದ ಪ್ರದರ್ಶನವನ್ನು ವಿವರಿಸುತ್ತದೆ. ಭಾರತ ತಂಡ ದಕ್ಷಿಣ ಆಫ್ರಿಕಾ ನೆಲದಲ್ಲಿ ನೀಡಿದ ಅತ್ಯಂತ ಕೆಟ್ಟ ಪ್ರದರ್ಶನ ಇದಾಗಿದೆ. ಇದು ಆಗಲೇ ಬೇಕಿತ್ತು. ದಕ್ಷಿಣ ಆಫ್ರಿಕಾ ನೆಲದಲ್ಲಿ ಟೀಮ್ ಇಂಡಿಯಾ ಅತ್ಯಂತ ಕಠಿಣ ಸಮಯ ಕಳೆದಿದೆ. ಅತ್ಯಂತ ಹೀನಾಯ ಸೋಲು,” ಎಂದಿದ್ದಾರೆ.
ಮೂರನೇ ಒಡಿಐ ಪಂದ್ಯದ ಸಂಕ್ಷಿಪ್ತ ಸ್ಕೋರ್‌
ದಕ್ಷಿಣ ಆಫ್ರಿಕಾ: 49.5 ಓವರ್‌ಗಳಲ್ಲಿ 287ಕ್ಕೆ ಆಲ್‌ಔಟ್‌ (ಕ್ವಿಂಟನ್‌ ಡಿ’ಕಾಕ್ 124, ರಾಸಿ ವ್ಯಾನ್‌ ಡೆರ್‌ ಡುಸೆನ್‌ 52, ಡೇವಿಡ್‌ ಮಿಲ್ಲರ್‌ 39; ಪ್ರಸಿಧ್‌ ಕೃಷ್ಣಾ 59ಕ್ಕೆ 3).
ಭಾರತ: 49.2 ಓವರ್‌ಗಳಲ್ಲಿ 283ಕ್ಕೆ ಆಲ್‌ಔಟ್‌ (ಶಿಖರ್‌ ಧವನ್‌ 61, ವಿರಾಟ್‌ ಕೊಹ್ಲಿ 65, ಸೂರ್ಯಕುಮಾರ್‌ 39, ದೀಪಕ್‌ ಚಹರ್‌ 54; ಲುಂಗಿ ಎನ್ಗಿಡಿ 58ಕ್ಕೆ 3, ಆಂಡಿಲ್‌ ಫೆಹ್ಲುಕ್ವಾಯೊ 40ಕ್ಕೆ 3).
ಪಂದ್ಯ ಮತ್ತು ಸರಣಿ ಶ್ರೇಷ್ಠ: ಕ್ವಿಂಟನ್‌ ಡಿ’ಕಾಕ್
Read more
[wpas_products keywords=”deal of the day gym”]