ಹೈಲೈಟ್ಸ್‌:
- ವೀರೇಂದ್ರ ಸೆಹ್ವಾಗ್‌ ಹೆಸರರಲ್ಲಿದ್ದ ಸುದೀರ್ಘಾವಧಿಯ ದಾಖಲೆ ಮುರಿದ ಡಿ’ಕಾಕ್.
- ಟೀಮ್ ಇಂಡಿಯಾ ಎದುರು ದಾಖಲೆಯ 6ನೇ ಶತಕ ಸಿಡಿಸಿದ ಕ್ವಿಂಟನ್‌.
- ಮಾಜಿ ಕಪ್ತಾನ ಎಬಿ ಡಿ’ವಿಲಿಯರ್ಸ್‌ ದಾಖಲೆ ಸರಿಗಟ್ಟಿದ ಎಡಗೈ ಬ್ಯಾಟ್ಸ್ಮನ್.
ಇಲ್ಲಿನ ನ್ಯೂಲೆಂಡ್ಸ್‌ ಕ್ರಿಕೆಟ್‌ ಕ್ರೀಡಾಂಗಣದಲ್ಲಿ ಭಾನುವಾರ ನಡೆದ ಏಕದಿನ ಕ್ರಿಕೆಟ್‌ ಸರಣಿಯ ಮೂರನೇ ಹಾಗೂ ಅಂತಿಮ ಹಣಾಹಣಿಯಲ್ಲಿ ಡಿ’ಕಾಕ್ 130 ಎಸೆತಗಳಲ್ಲಿ 124 ರನ್‌ ಬಾರಿಸಿ ಟಾಸ್‌ ಸೋತು ಮೊದಲು ಬ್ಯಾಟ್‌ ಮಾಡಿದ ಹರಿಣ ಪಡೆಗೆ ದೊಡ್ಡ ಮೊತ್ತ ತಂದುಕೊಟ್ಟರು. ಇದು ಅವರ ಏಕದಿನ ಕ್ರಿಕೆಟ್‌ ವೃತ್ತಿಬದುಕಿನ 17ನೇ (127 ಪಂದ್ಯಗಳಿಂದ) ಶತಕವಾಗಿದೆ.
ಕೇವಲ 108 ಎಸೆತಗಳಲ್ಲಿ ಮೂರಂಕಿಯ ಸ್ಕೋರ್‌ ದಾಖಲಿಸಿದ ಕ್ವಿಂಟನ್‌ ಡಿ’ಕಾಕ್, ಭಾರತ ತಂಡದ ವಿರುದ್ಧ ಏಕದಿನ ಕ್ರಿಕೆಟ್‌ನಲ್ಲಿ ದಾಖಲೆಯ 6ನೇ ಶತಕ ಸಿಡಿಸಿದರು. ಟೀಮ್ ಇಂಡಿಯಾ ಎದುರು ಕೇವಲ 16 ಇನಿಂಗ್ಸ್‌ಗಳಲ್ಲಿ ಕ್ವಿಂಟನ್‌ 6 ಶತಕ ಬಾರಿಸಿ ವಿಶೇಷ ದಾಖಲೆ ಬರೆದು, ಭಾರತ ತಂಡದ ಮಾಜಿ ಆರಂಭಿಕ ಬ್ಯಾಟ್ಸ್ಮನ್ ವೀರೇಂದ್ರ ಸೆಹ್ವಾಗ್‌ ಅವರನ್ನು ಹಿಂದಿಕ್ಕಿದ್ದಾರೆ.
ಧವನ್‌ ಹೆಸರಲ್ಲಿದ್ದ 18 ವರ್ಷಗಳ ಹಳೇ ದಾಖಲೆ ಮುರಿದ ರಾಜ್ ಬಾವಾ!
ಯಾವುದೇ ಒಂದು ಎದುರಾಳಿ ವಿರುದ್ಧ ಅತ್ಯಂತ ಕಡಿಮೆ ಇನಿಂಗ್ಸ್‌ಗಳಲ್ಲಿ 6 ಶತಕಗಳನ್ನು ಬಾರಿಸಿದ ದಾಖಲೆ ಈಗ ಕ್ವಿಂಟನ್‌ ಹೆಸರಲ್ಲಿದೆ. ಇದಕ್ಕೂ ಮುನ್ನ ಸೆಹ್ವಾಗ್‌, ನ್ಯೂಜಿಲೆಂಡ್‌ ಎದುರು 23 ಇನಿಂಗ್ಸ್‌ಗಳಲ್ಲಿ 6 ಶತಕ ಬಾರಿಸಿ ಈ ದಾಖಲೆ ನಿರ್ಮಿಸಿದ್ದರು.
ಇತ್ತೀಚೆಗಷ್ಟೇ ಟೆಸ್ಟ್‌ ಕ್ರಿಕೆಟ್‌ಗೆ ಅಕಾಲಿಕ ನಿಒವೃತ್ತಿ ಘೋಷಿಸಿದ್ದ ಕ್ವಿಂಟನ್‌ ಡಿ’ಕಾಕ್ ಈಗ ತಮ್ಮ 17ನೇ ಒಡಿಐ ಶತಕಗಳ ಮೂಲಕ ಹಲವು ದಿಗ್ಗಜರ ದಾಖಲೆ ಮುರಿದು ಮತ್ತೂ ಕೆಲ ದಾಖಲೆಗಳನ್ನು ಸರಿಗಟ್ಟಿದ್ದಾರೆ. ಅದರ ವಿವರ ಈ ಕೆಳಗಿನಂತ್ತಿವೆ.
ಟೀಮ್ ಇಂಡಿಯಾ ಎದುದು ಹೆಚ್ಚು ಒಡಿಐ ಶತಕಗಳು
- ಸನತ್‌ ಜಯಸೂರ್ಯ (ಶ್ರೀಲಂಕಾ): 7 ಶತಕ, 85 ಇನಿಂಗ್ಸ್
- ಕ್ವಿಂಟನ್‌ ಡಿ’ಕಾಕ್ (ದ. ಆಫ್ರಿಕಾ): 6 ಶತಕ, 16 ಇನಿಂಗ್ಸ್
- ಎಬಿ ಡಿ’ವಿಲಿಯರ್ಸ್‌ (ದ. ಆಫ್ರಿಕಾ): 6 ಶತಕ, 32 ಇನಿಂಗ್ಸ್
- ರಿಕಿ ಪಾಂಟಿಂಗ್‌ (ಆಸ್ಟ್ರೇಲಿಯಾ): 6 ಶತಕ, 59 ಇನಿಂಗ್ಸ್
- ಕುಮಾರ ಸಂಗಕ್ಕಾರ (ಶ್ರೀಲಂಕಾ): 6 ಶತಕ, 71 ಇನಿಂಗ್ಸ್
ಒಡಿಐನಲ್ಲಿ ಯಾವುದೇ ಒಂದು ಎದುರಾಳಿ ವಿರುದ್ಧ ಕಡಿಮೆ ಇನಿಂಗ್ಸ್‌ಗಳಲ್ಲಿ 6 ಶತಕ
- ಕ್ವಿಂಟನ್‌ ಡಿ’ಕಾಕ್ (ದ. ಆಫ್ರಿಕಾ): 16 ಇನಿಂಗ್ಸ್, ಭಾರತ ವಿರುದ್ಧ
- ವೀರೇಂದ್ರ ಸೆಹ್ವಾಗ್‌ (ಭಾರತ): 23 ಇನಿಂಗ್ಸ್, ನ್ಯೂಜಿಲೆಂಡ್‌ ವಿರುದ್ಧ
- ಆರೊನ್‌ ಫಿಂಚ್‌ (ಆಸ್ಟ್ರೇಲಿಯಾ): 23 ಇನಿಂಗ್ಸ್, ಇಂಗ್ಲೆಂಡ್‌ ವಿರುದ್ಧ
- ಸಯೀದ್‌ ಅನ್ವರ್‌ (ಪಾಕಿಸ್ತಾನ): 26 ಇನಿಂಗ್ಸ್, ಶ್ರೀಲಂಕಾ ವಿರುದ್ಧ
ಗಿಲ್‌ಕ್ರಿಸ್ಟ್‌ ದಾಖಲೆ ಮುರಿದ ಕ್ವಿಂಟನ್‌
ಕ್ವಿಟಂನ್‌ ಡಿ’ಕಾಕ್ ಇದೇ ವೇಳೆ ಆಸ್ಟ್ರೇಲಿಯಾದ ದಿಗ್ಗಜ ವಿಕೆಟ್‌ಕೀಪರ್‌ ಬ್ಯಾಟ್ಸ್ಮನ್ ಆಡಮ್‌ ಗಿಲ್‌ಕ್ರಿಸ್ಟ್‌ ಅವರ ದಾಖಲೆಯನ್ನು ಮುರಿದಿದ್ದಾರೆ. ಏಕದಿನ ಕ್ರಿಕೆಟ್‌ನಲ್ಲಿ ಅತಿ ಹೆಚ್ಚು ಶತಕ ಬಾರಿಸಿದ ವಿಕೆಟ್‌ಕೀಪರ್‌ ಬ್ಯಾಟ್ಸ್‌ಮನ್‌ಗಳ ಪಟ್ಟಿಯಲ್ಲಿ ಗಿಲ್ಲಿಗೆ ಸಡ್ಡು ಹೊಡೆದು ಎರಡನೇ ಸ್ಥಾನ ಅಲಂಕರಿಸಿದ್ದಾರೆ. ಈ ಪಟ್ಟಿಯಲ್ಲಿ ಶ್ರೀಲಂಕಾದ ದಿಗ್ಗಜ ಕುಮಾರ ಸಂಗಕ್ಕಾರ (23) ಅಗ್ರಸ್ಥಾನದಲ್ಲಿದ್ದಾರೆ.
ಇಂಡಿಯಾ-ವೆಸ್ಟ್‌ ಇಂಡೀಸ್ ಸರಣಿಯ ಪರಿಷ್ಕೃತ ವೇಳಾಪಟ್ಟಿ ಪ್ರಕಟ!
ಅತಿ ಹೆಚ್ಚು ಒಡಿಐ ಶತಕ ಬಾರಿಸಿದ ವಿಕೆಟ್‌ಕೀಪರ್ಸ್‌
- ಕುಮಾರ ಸಂಗಕ್ಕಾರ (ಶ್ರೀಲಂಕಾ): 23 ಶತಕ
- ಕ್ವಿಂಟನ್‌ ಡಿ’ಕಾಕ್ (ದ. ಆಫ್ರಿಕಾ): 17 ಶತಕ
- ಆಡಮ್‌ ಗಿಲ್‌ಕ್ರಿಸ್ಟ್‌ (ಆಸ್ಟ್ರೇಲಿಯಾ): 16 ಶತಕ
- ಎಬಿ ಡಿ’ವಿಲಿಯರ್ಸ್‌ (ದ. ಆಫ್ರಿಕಾ): 10 ಶತಕ
- ಶೇಯ್‌ ಹೋಪ್‌ (ವೆಸ್ಟ್‌ ಇಂಡೀಸ್): 10 ಶತಕ
- ಎಂಎಸ್‌ ಧೋನಿ (ಟೀಮ್ ಇಂಡಿಯಾ): 10 ಶತಕ
288 ರನ್‌ ಗುರಿ ನೀಡಿದ ಹರಿಣ ಪಡೆ
ಇನ್ನು ಒಡಿಐ ಸರಣಿಯ ಮೂರನೇ ಹಾಗೂ ಅಂತಿಮ ಪಂದ್ಯದಲ್ಲಿ 29 ವರ್ಷದ ಎಡಗೈ ಬ್ಯಾಟರ್‌ ಡಿ’ಕಾಕ್ ಬಾರಿಸಿದ ಶತಕದ ಬಲದಿಂದ ದಕ್ಷಿಣ ಆಫ್ರಿಕಾ ತಂಡ ಟಾಸ್‌ ಸೋತು ಮೊದಲು ಬ್ಯಾಟ್‌ ಮಾಡಿ ಟೀಮ್ ಇಂಡಿಯಾಗೆ 288 ರನ್‌ಗಳ ಕಠಿಣ ಗುರಿ ನೀಡಿದೆ. ಕ್ವಿಂಟನ್‌ ಹೊರತಾಗಿ ಇನ್‌ ಫಾರ್ಮ್‌ ಬ್ಯಾಟ್ಸ್ಮನ್ ರಾಸಿ ವ್ಯಾನ್‌ ಡೆರ್‌ ಡುಸೆನ್‌ (52) ಅರ್ದಶತಕದ ಕೊಡುಗೆ ಕೊಟ್ಟರು. ಟೀಮ್ ಇಂಡಿಯಾ ಪರ ಪ್ರಸಿಧ್ ಕೃಷ್ಣಾ (59ಕ್ಕೆ 3) ಯಶಸ್ವಿ ಬೌಒಲರ್‌ ಎನಿಸಿದರೆ, ದೀಪಕ್‌ ಚಹರ್‌ (53ಕ್ಕೆ 2), ಜಸ್‌ಪ್ರೀತ್‌ ಬುಮ್ರಾ (52ಕ್ಕೆ 2) ಮತ್ತು ಯುಜ್ವೇಂದ್ರ ಚಹಲ್‌ (47ಕ್ಕೆ 1) ಉತ್ತಮ ಸಾಥ್‌ ಕೊಟ್ಟರು.
Read more
[wpas_products keywords=”deal of the day gym”]